2 ತಿಮೋಥಿ 2:8 - ಪೊಸ ಒಡಂಬಡಿಕೆ

⁸ ಸೈತಿನಾಕುಲೆಡ್ದ್ ಲಕ್ಕಿನಾಯೆಲಾ ದಾವೀದ್ ಸಂತಾನದಾಯೆಲಾ ಆದುಪ್ಪು ಯೇಸು ಕ್ರಿಸ್ತನ್ ನೆನೆಪು ಮಲ್ತೊನ್ಲ. ಉಂದೇ ಯಾನ್ ಸಾರಿಯುನ ಸುವಾರ್ತೆ ಆದುಂಡು.

2 ತಿಮೋಥಿ 2:8 Iomraidhean Croise

ಮತ್ತಾಯೆ 1:1

ಉಂದು ಯೇಸು ಕ್ರಿಸ್ತನ ಸಂತಾನದ ಪಟ್ಟಿ. ಆಯೆ ದಾವೀದನ ಸಂತಾನದಾಯೆ, ದಾವೀದೆ ಅಬ್ರಹಾಮುನ ಸಂತಾನದಾಯೆ.

ಲೂಕೆ 24:46

ಯೇಸು ಅಕ್ಲೆಡ, “ಇಂಚೆನೆ ಬರೆತ್ಂಡ್ ಕ್ರಿಸ್ತೆ ಭಂಗ ಬತ್ತ್‌ದ್ ಸೈತ್‌ದ್ ಮೂಜನೇ ದಿನೊಟು ಜೀವಾದ್ ಲಕ್ಕ್‌ದ್ ಬರುವೆ.

ಅಪೊ.ಕ್ರಿ 13:23

ಆಯನ ಸಂತಾನೊಡ್ದು ದೇವೆರ್ ತನ ಒಡಂಬಡಿಕೆ ಮಲ್ತಿ ಲೆಕ್ಕನೇ ಇಸ್ರಾಯೇಲ್ಯೆರೆಗ್ ಯೇಸು ಪನ್ಪಿ ಒರಿ ರಕ್ಷಕನ್ ಕೊರಿಯೆ.

ಅಪೊ.ಕ್ರಿ 2:24

ಆಂಡ ದೇವೆರ್ ಆಯನ್ ಮರಣದ ಬೇನೆಡ್ದ್ ಬುಡ್ಪಾದ್ ಲಕ್ಕಾಯೆ. ದಾಯೆಗಂದ್ಂಡ, ಆಯನ್ ಮರಣ ಬಂಧನೊಡು ದೀಯೆರೆ ಸಾದ್ಯ ಇಜ್ಜಾಂಡ್.

ಅಪೊ.ಕ್ರಿ 2:30

ದಾವೀದೆ ಪ್ರವಾದಿ ಆದಿತ್ತ್‌ದ್ ನಿನ ಸಂತತಿಡೇ ಯಾನ್‌ ಒರಿಯನ್ ನಿನ ಗದ್ದಿಗೆಡ್ ಕುಲ್ಲಾವೆ ಪಂಡ್ದ್ ದೇವೆರ್ ಆಜ ಪಾಡ್ದ್ ಪನ್ತಿನೆನ್ ತೆರಿದಿನಾಯೆ ಆದ್‌

ರೋಮಾಯೆರೆಗ್ 16:25

ದೇವೆರೆಗ್ ಮೈಮೆ ಆವಡ್. ಪಿರಾಕ್‌ದ ಕಾಲೊಲೆಡ್ ವರ್ಸಾನುಗಟ್ಟಲೆ ಮದೆ ಆದಿತ್ತಿನ ಮರ್ಮೊಲು ಇತ್ತೆ ತೋಜಿದ್ ಬತ್ತಿಲೆಕ್ಕ, ಯಾನ್ ನಿಕ್ಲೆಗ್ ಸಾರಿನ ಯೇಸು ಕ್ರಿಸ್ತನ ಸುವಾರ್ತೆಗ್ ತಕ್ಕ ನಿಕ್ಲೆಡ್ ಉಂಡಾಯಿನ ನಂಬಿಕೆಡ್ ಸ್ಥಿರಾದ್ ಉಂತುಲೆ. ಇತ್ತೆ ಆ ಮರ್ಮ ಪ್ರವಾದಿಲೆ ಬರವುಡ್ದ್ ತೆರಿದ್ ಬತ್ತ್ಂಡ್. ಬೊಕ್ಕ ಮಾತ ಜನಾಂಗೊಲುಲಾ ಅವೆನ್ ಕೇನುಲೆಕ್ಕಲಾ ಐಕ್ ತಗ್ಗ್‌ದಿನಾಕುಲಾದ್ ಉಪ್ಪುಲೆಕ್ಕಲಾ ನಿತ್ಯ ದೇವೆರೆ ಅಪ್ಪಣೆಡ್ದ್‌ಲಾ ಅವು ಮಾತೆರೆಗ್ ತೋಜಿದ್ ಬತ್ತ್ಂಡ್.

ರೋಮಾಯೆರೆಗ್ 2:16

ಯಾನ್ ಸಾರಿಯುನ ಸುವಾರ್ತೆಡ್ ಪಂಡಿಲೆಕ್ಕ ದೇವೆರ್ ಯೇಸು ಕ್ರಿಸ್ತಡ್ದ್ ನರಮಾನಿಲೆನ ಗುಟ್ಟುಲೆನ್ ಗೊತ್ತು ಮಲ್ತ್‌ದ್ ನ್ಯಾಯತೀರ್ಪು ಮಲ್ಪು ದಿನ ಬರ್ಪುಂಡು. ಆ ದಿನೊಟು ಉಂದು ಮಾತಲಾ ತೆರಿದ್ ಬರು.

1 ಕೊರಿಂಥ್ಯೆರೆಗ್ 15:1

ಇತ್ತೆ ಸಹೋದ್ರೆರೇ, ಯಾನ್ ನಿಕ್ಲೆಗ್ ತೆರಿಪಾದಿ ಸುವಾರ್ತೆ ನಿಕ್ಲೆ ನೆನೆಪುಗು ಕನಬರ್ಪೆ; ನಿಕುಲು ಅವೆನ್ ಸ್ವೀಕಾರ ಮಲ್ತ್‌ದರ್, ಐಟ್ಟ್ ಉಂತುದರ್.

1 ಕೊರಿಂಥ್ಯೆರೆಗ್ 15:4

ಆಯೆ ಕೌಂತುದಿನಾಯೆ ಆದ್ ಶಾಸ್ತ್ರದ ಪ್ರಕಾರನೇ ದೇವೆರ್ ಮೂಜನೇ ದಿನೊಟು ಸೈತಿನಾಕುಲೆಡ್ದ್ ಲಕ್ಕಾಯೆ.

2 ಥೆಸಲೋನಿಕೆರೆಗ್‌ 2:14

ಎಂಕ್ಲೆನ ಸುವಾರ್ತೆಡ್ದ್ ದೇವೆರ್ ನಿಕ್ಲೆನ್ ರಕ್ಷಣೆಗ್ ಲೆತ್ತೆ, ಐಡ್ದಾವರ ನಿಕುಲು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಮೈಮೆಡ್ ಪಾಲ್‌ದಾರೆರಾದುಲ್ಲರ್.

1 ತಿಮೋಥಿ 1:11

ಬೊಕ್ಕ ಯಾನ್ ನಿಕ್ಕ್ ಪನ್ಪಿನ ಈ ಉಪದೇಶ ಭಾಗ್ಯವಂತೆ ಆದುಪ್ಪು ದೇವೆರೆನ ಮೈಮೆದ ಬೊಲ್ಪುನು ಪ್ರಕಾಶ ಮಲ್ಪುನ ಸುವಾರ್ತೆಗ್ ಸರಿಯಾದ್ ಉಂಡು. ಎಂಕ್ ಈ ಸುವಾರ್ತೆದ ಸೇವೆದ ಜವಾಬ್ದಾರಿ ಕೊರ್ದುಂಡು.

1 ತಿಮೋಥಿ 2:7

ಈ ಸಾಕ್ಷಿನ್ ಪ್ರಸಿದ್ಧಿ ಮಲ್ಪೆರೆಗಾದ್ ಯಾನ್ ಸಾರಿಯುನಾಯೆಲಾ ಅಪೊಸ್ತಲೆಲಾ ಆದ್ ನಂಬಿಕೆಡ್ಲಾ ಸತ್ಯೊಡ್ಲಾ ಪಿದಯಿದ ಜನೊಕುಲೆಗ್ ಬೋಧಕೆ ಆದ್ ನೇಮಕ ಆತೆ. ಯಾನ್ ಇಂಚಿತ್ತಿನಾಯೆ ಪನ್ಪಿನ ಸುಳ್ಳು ಅತ್ತ್, ಸತ್ಯನೇ.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

2 ತಿಮೋಥಿ 2:7

ಯಾನ್ ಪನ್ಪಿನೆನ್ ಆಲೋಚನೆ ಮಲ್ಪುಲ, ದಾಯೆಗಂದ್ಂಡ ಈ ಮಾತ ಸಂಗತಿಲೆನ್ ತೆರಿಯೊನಿಯೆರೆ ಕರ್ತವೆ ನಿಕ್ಕ್ ಸಹಾಯ ಮಲ್ಪುವೆ.

ಪ್ರಕಟಣೆ 5:5

ಐಡ್ದ್ ಬೊಕ್ಕ ಹಿರಿಯೆರೆಡ್ ಒರಿ ಎಂಕ್, “ಬುಲ್ಪೊಡ್ಚಿ ಇಂದಾ, ಯೂದ ಗೋತ್ರೊಡ್ದು ಪುಟ್ಟಿನ ಸಿಮ್ಮಲಾ, *ದಾವೀದನ ವಂಶದಾಯೆ ಆದುಪ್ಪು ಒರಿ ಗೆಂದ್‌ದೆ. ಆಯೆ ಆ ಸುರುಳಿನ್ಲಾ ಐತ ಏಳ್‌ ಮುದ್ರೆಲೆನ್ಲಾ ಗಿರ್ಪುವೆ,” ಅಂದ್‌ದ್ ಪಂಡೆ.