2 ತಿಮೋಥಿ 2:7 - ಪೊಸ ಒಡಂಬಡಿಕೆ

⁷ ಯಾನ್ ಪನ್ಪಿನೆನ್ ಆಲೋಚನೆ ಮಲ್ಪುಲ, ದಾಯೆಗಂದ್ಂಡ ಈ ಮಾತ ಸಂಗತಿಲೆನ್ ತೆರಿಯೊನಿಯೆರೆ ಕರ್ತವೆ ನಿಕ್ಕ್ ಸಹಾಯ ಮಲ್ಪುವೆ.

2 ತಿಮೋಥಿ 2:7 Iomraidhean Croise

ಲೂಕೆ 21:15

ದಾಯೆ ಪಂಡ ನಿಕ್ಲೆನ ಮಾತ ಪಗೆನಾಕುಲು ಎದುರುಂತಿಯೆರೆಲಾ ಎದುರು ಪಾತೆರಿಯೆರೆಲಾ ಆವಂದಿ ಬಾಯಿನ್ಲಾ ಬುದ್ಧಿನ್ಲಾ ಯಾನೇ ನಿಕ್ಲೆಗ್ ಕೊರ್ಪೆ.

ಲೂಕೆ 24:45

ಬೊಕ್ಕ ಅಕ್ಲೆನ ಉಡಲ್‌ನ್ ಜತ್ತ್‌ದ್ ಶಾಸ್ತ್ರ ವಚನೊಲೆನ್ ತೆರಿಯೊನುಲೆಕ್ಕ ಆಯೆ ಅಕ್ಲೆಗ್ ಬುಡ್ಪಾದ್ ಪಂಡೆ.

ಯೋಹಾನೆ 14:26

ಆಂಡ, ಎನ ಪುದರ್‌ಡ್ ಅಮ್ಮೆ ಕಡಪುಡ್ದು ಕೊರ್ತಿ ಆದರಿಪುನಾಯೆ ಪರಿಶುದ್ಧಾತ್ಮೆನೇ, ನಿಕ್ಲೆಗ್ ಮಾತೆನ್ ಬೋಧನೆ ಮಲ್ತ್‌ದ್, ಯಾನ್ ನಿಕ್ಲೆಗ್ ಪನ್ತಿನೆನ್ ಮಾತೆನ್ಲಾ ನಿಕ್ಲೆನ ನೆನೆಪುಗು ಕನಪೆ.

ಯೋಹಾನೆ 16:13

ಸತ್ಯದ ಆತ್ಮೆ ಬನ್ನಗ ಆಯೆ ನಿಕ್ಲೆನ್ ಮಾತ ಸಂಗತಿಲೆಡ್ ಸತ್ಯೊಗು ಸೇರಾವೆ; ಆಯೆ ತನ ಸಂಗತಿಡೇ ಪಾತೆರಂದೆ ತಾನ್ ಕೇಂಡಿನ ಪಾತೆರೊಲೆನೇ ಪನ್ಪೆ, ಅತ್ತಂದೆ ದುಂಬಗ್ ಆಪಿನೆನ್ ನಿಕ್ಲೆಗ್ ತೆರಿಪಾವೆ.

ಅಪೊ.ಕ್ರಿ 7:10

ಆಯಗ್ ಬತ್ತಿನ ಮಾತ ಕಷ್ಟೊಲೆಡ್ ಆಯನ್ ಬುಡ್ಪಾಯೆ. ಐಗುಪ್ತ ದೇಶದ ಅರಸು ಆದುಪ್ಪು ಫರೋಹನ ಎದುರುಡು ದಯಲಾ ಬುದ್ಧಿಲಾ ಇತ್ತಿನೆಡ್ದ್ ಆಯನ್ ಐಗುಪ್ತ ದೇಶೊಡ್ಲಾ ಬೊಕ್ಕ ತನ ಅರಮನೆದ ಮಿತ್ತ್‌ಲಾ ಮುಖ್ಯಸ್ಥೆ ಮಲ್ತ್ ಬುಡಿಯೆ.

1 ಕೊರಿಂಥ್ಯೆರೆಗ್ 12:8

ಎಂಚಂದ್ಂಡ ಒರಿಯಗ್ ದೇವೆರಾತ್ಮಡ್ದ್ ಗೇನದ ಪಾತೆರ, ನನೊರಿಯಗ್ ಅವ್ವೇ ಆತ್ಮಡ್ದ್ ಬುದ್ಧಿದ ಪಾತೆರ ಕೊರ್ತುಂಡು.

ಫಿಲಿಪ್ಪಿಯೆರೆಗ್ 4:8

ಕಡೆಕ್ಕ್ ಸಹೋದ್ರೆರೇ, ಒವು ಮಾತ ಸತ್ಯದವು ಮಾರ್ಯಾದಿದವು ನೀತಿದವು, ನಿರ್ಮಲದವು ಪ್ರೀತಿದವು ಬೊಕ್ಕ ಮಾತೆರ್ ಮೆಚ್ಚುನವು ಆದುಂಡಾ ಒವು ಎಡ್ಡೆಂತಿನ ಆದುಂಡಾ ಬೊಕ್ಕ ಪುಗರಿಕೆಗ್ ಯೋಗ್ಯದವು ಆದುಂಡಾ ಅವೆನ್ ಮಾತ ನೆನೆಪುಗು ಕನಲೆ.

ಕೊಲೊಸ್ಸಿಯೆರೆಗ್ 1:9

ಅಂಚಾಯಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಲೆನ್ ಕೇಂಡ್ದಿನ ದಿನೊಡ್ದಿಂಚಿ ನಿಕ್ಲೆಗಾದ್ ಬುಡಂದೆ ಪ್ರಾರ್ಥನೆ ಮಲ್ತೊಂದುಲ್ಲ. ನಿಕುಲು ಮಾತ ಆತ್ಮೀಕ ಗೇನೊನ್ಲಾ ಗ್ರಹಿಕೆನ್ಲಾ ಪಡೆಯೊಂದು ದೇವೆರೆ ಚಿತ್ತದ ತಿಳುವಳಿಕೆಡ್ ದಿಂಜೊಂದು ಬರೊಡು

1 ತಿಮೋಥಿ 4:15

ನಿನ ಕಾರ್ಯೊಲೆನ್ ಗೇನ ಕೊರ್ದು ಪೂರ ಮಲ್ಪುಲ, ನಿನ ಕೆಲಸೊಲೆಡ್ ಪೂರ್ತಿಯಾದ್ ತೊಡಗ್‌ಲ. ಇಂಚ ಈ ಬಲಪುನೆನ್ ಮಾತೆರ್ಲಾ ತೂವಡ್.

2 ತಿಮೋಥಿ 2:6

ಭಂಗ ಬರ್ಪಿ ಬೆನ್ನಿದಾಯಗ್ ಬೆನ್ನಿದ ಫಲೊಟು ಸುರುತ್ತ ಪಾಲ್ ತಿಕ್ಕೊಡು.

2 ತಿಮೋಥಿ 2:8

ಸೈತಿನಾಕುಲೆಡ್ದ್ ಲಕ್ಕಿನಾಯೆಲಾ ದಾವೀದ್ ಸಂತಾನದಾಯೆಲಾ ಆದುಪ್ಪು ಯೇಸು ಕ್ರಿಸ್ತನ್ ನೆನೆಪು ಮಲ್ತೊನ್ಲ. ಉಂದೇ ಯಾನ್ ಸಾರಿಯುನ ಸುವಾರ್ತೆ ಆದುಂಡು.

ಇಬ್ರಿಯೆರೆಗ್ 12:3

ನಿಕ್ಲೆ ಪ್ರಾಣೊಡು ಸೋತಿನಾಕುಲಾದ್ ಬೇಜಾರ್ ಆವಂದಿಲೆಕ್ಕ ಆಯನ್ ಎನ್ನೊನ್ಲೆ. ಆಯೆ ಪಾಪಿಲೆಡ್ದ್ ಏತೋ ಪಗೆನ್ ಸೈಸೊಂಡೆ.

ಇಬ್ರಿಯೆರೆಗ್ 13:7

ನಿಕ್ಲೆಗ್‌ ದೇವೆರೆ ಪಾತೆರೊನು ತೆರಿಪಾಯಿನ ಸಭೆತ ನಾಯಕೆರೆನ್ ನೆನೆತೊನ್ಲೆ. ಅಕುಲು ವಾ ರೀತಿಡ್ ಬದ್‌ಕ್‌ದ್ ಪ್ರಾಣ ಬುಡಿಯೆರ್ ಪನ್ಪಿನೆನ್ ಆಲೋಚನೆ ಮಲ್ಪುಲೆ. ಅಕ್ಲೆನ ನಂಬಿಕೆನ್ ಮಾದ್ರಿಯಾದ್ ದೆತ್ತೊನ್ಲೆ.

ಇಬ್ರಿಯೆರೆಗ್ 3:1

ಅಂಚಾಯಿನೆಡ್ದ್ ದೇವಜನೊಕುಲಾಯಿ ಸಹೋದ್ರೆರೇ ಪರಲೋಕದ ಭಾಗ್ಯೊಡು ಪಾಲ್‌ದಾರೆರಾವೆರೆ ಲೆಪ್ಪು ಪಡೆತಿನಾಕುಲೆ, ನಮ ನಿಗಂಟ್ ಮಲ್ತೊಂದು ಒಪ್ಪಿಯೊಂಡಿನ ಅಪೊಸ್ತಲೆಲಾ ಪ್ರಧಾನಯಾಜಕೆಲಾ ಆಯಿ ಯೇಸುನು ಗೇನ ಕೊರ್ದು ಯೋಚನೆ ಮಲ್ಪುಲೆ.

ಇಬ್ರಿಯೆರೆಗ್ 7:4

ಈ ಮೆಲ್ಕೀಸೆದೇಕ್ ಏತ್ ಮಲ್ಲಾಯೆ ಅಂದ್‌ದ್ ಆಲೋಚನೆ ಮಲ್ಪುಲೆ. ಇಸ್ರಾಯೇಲ್ಯೆರೆ ಮೂಲ ಅಮ್ಮೆ ಆದಿತ್ತಿನ ಅಬ್ರಹಾಮುಲಾ ಉಂದೆನ್ ತೆರಿಯೊಂದು ತಾನ್ ಲಡಾಯಿಡ್ ಗೆಂದಿನ ಮಾತೆತ್ತ ಪತ್ತೆಟ್ಟ್ ಒಂಜಿ ಪಾಲ್‌ನ್ ಆಯಗ್ ಕೊರಿಯೆ.

ಯಾಕೋಬು 1:5

ನಿಕ್ಲೆಡ್ ಗೇನ ಕಡಿಮೆ ಇತ್ತ್ಂಡ, ಅಂಚಿನಾಕುಲು ದೇವೆರೆಡ ನಟ್ಟೊನಡ್. ಆಯೆ ಅವೆನ್ ನಿಕ್ಲೆಗ್ ಕೊರುವೆ. ನಿಕುಲು ನಟ್ಟಿನೆಕ್ಕಾದ್ ಆಯೆ ನಿಕ್ಲೆಗ್ ಬೇಜಾರ್‌ದಾಂತೆ ಕೊರ್ಪೆ.

ಯಾಕೋಬು 3:15

ಉಂದು ಮಿತ್ತ್‌ಡ್ದ್ ಬರ್ಪಿ ಗೇನ ಅತ್ತ್, ಈ ಸಂಗತಿಲು ಲೋಕದವುಲಾ ಅಧರ್ಮದವುಲಾ ಆದಿತ್ತ್‌ದ್, ದೆವ್ವೊಲೆಗ್ ಸಮ್ಮಂಧ ಆದುಂಡು.

ಯಾಕೋಬು 3:17

ಆಂಡ ಮಿತ್ತ್‌ಡ್ದ್ ಬರ್ಪಿನ ಗೇನ, ಸುರುಟ್ಟು ನಿರ್ಮಲದವು ಆದುಪ್ಪುಂಡು. ಅವು ಸಮಾಧಾನದವು, ಶಾಂತದವು, ಒಪ್ಪಿಯೊನ್ನವು, ಕರುಣೆ ಬೊಕ್ಕ ಎಡ್ಡೆ ಫಲೊಕ್ಲೆಡ್ ದಿಂಜಿದಿನವು, ಭೇದಭಾವದಾಂತಿನವು, ಕಪಟದಾಂತಿನವು ಆದುಂಡು.

1 ಯೋಹಾನೆ 5:20

ದೇವೆರೆ ಮಗೆ ಬತ್ತ್‌ದ್ ನಮ ಸತ್ಯ ಆದುಪ್ಪುನಾಯನ್ ತೆರಿಯೊನಿಯೆರೆ ಬೋಡಾಪಿ ಗೇನೊನು ನಂಕ್ ಕೊರ್ತೆ ಅಂದ್‌ದ್ ತೆರಿದ. ನಮ ನಿಜ ದೇವೆರೆಡ ಒಂಜಾದುಲ್ಲ, ಬೊಕ್ಕ ನಮ ದೇವೆರೆ ಮಗೆ ಆದುಪ್ಪು ಯೇಸು ಕ್ರಿಸ್ತಡ್ ಒಂಜಾದುಲ್ಲ. ಆಯೆನೇ ನಿಜ ದೇವೆರ್‌ಲಾ ನಿತ್ಯಜೀವಲಾ ಆದುಲ್ಲೆ.