2 ತಿಮೋಥಿ 2:24 - ಪೊಸ ಒಡಂಬಡಿಕೆ

²⁴ ಕರ್ತವ ಸೇವಕೆ ಲಡಯಿ ಮಲ್ಪಂದೆ, ಮಾತೆರೆಗ್ ದಯ ತೋಜಾವುನಾಯೆಲಾ, ಬೋಧನೆ ಮಲ್ಪೆರೆ ತಕ್ಕದಾಯೆಲಾ, ತಾಳ್ಮೆಡ್ ಉಪ್ಪುನಾಯೆಲಾ ಆದುಪ್ಪೊಡು.

2 ತಿಮೋಥಿ 2:24 Iomraidhean Croise

ಮತ್ತಾಯೆ 12:19

ಇಂಬೆ ಲಡಯಿ ಮಲ್ಪುಜೆ, ಬೊಬ್ಬೆ ದೀಪುಜೆ, ಸಾದಿಲೆಡ್ ಇಂಬೆನ ಸ್ವರ ಏರೆಗ್ಲಾ ಕೇನಂದ್.

ಯೋಹಾನೆ 6:52

ಅಪಗ ಯೆಹೂದ್ಯೆರ್, “ಉಂಬೆ ತನ ಮಾಸೊನು ನಂಕ್ ತಿನಿಯೆರೆ ಎಂಚ ಕೊರ್ಪೆ?” ಅಂದ್‌ದ್ ತನ್ಕುಲೆ ಉಲಯಿ ಚರ್ಚೆ ಮಲ್ತೊಂಡೆರ್.

ಅಪೊ.ಕ್ರಿ 15:2

ಐಡ್ದಾವರ ಪೌಲು ಬೊಕ್ಕ ಬಾರ್ನಬಡ ಮಲ್ಲ ತರ್ಕ ಉಂಡಾಂಡ್. ಉಂದೆತ್ತ ಸಂಗತಿಡ್ ಪೌಲುಲಾ ಬಾರ್ನಬೆಲಾ ತನ್ಕುಲೆಡ್ದೇ ಬೇತೆ ಕೆಲೆವೆರೆನ್ಲಾ ಯೆರೂಸಲೇಮುಡಿತ್ತಿ ಅಪೊಸ್ತಲೆರೆ ಬೊಕ್ಕ ಸಭೆತ ಹಿರಿಯೆರ್‌ನ ಕೈತಲ್‌ ಪೋವೊಡು ಅಂದ್‌ದ್ ತೀರ್ಮಾನ ಮಲ್ತೆರ್.

ಅಪೊ.ಕ್ರಿ 23:9

ಅಪಗ ಮಲ್ಲ ಗಲಾಟೆ ಆಂಡ್. ಪರಿಸಾಯೆರ್‌ನ ಗುಂಪುದಕುಲಾಯಿನ ಶಾಸ್ತ್ರಿಲೆಡ್ ಕೆಲೆವೆರ್ ಲಕ್ಕ್‌ದ್, “ಈ ನರಮಾನಿಡ ಎಂಕ್ಲೆಗ್ ಪಡಿಕೆಂತಿನವು ದಾಲಾ ತೋಜಿದ್ ಬರ್ಪುಜಿ; ಆತ್ಮ ಆವಡ್ ದೂತೆ ಆವಡ್ ಆಯಡ ಪಾತೆರ್‌ದ್ ಉಪ್ಪೊಲಿ,” ಅಂದ್‌ದ್ ತರ್ಕ ಮಲ್ತೆರ್.

ಅಪೊ.ಕ್ರಿ 7:26

ಮನದಾನಿ ಇರ್ವೆರ್ ಇಸ್ರಾಯೇಲ್ಯೆರ್ ಲಡಯಿ ಮಲ್ತೊಂದುಪ್ಪುನಗ ಆಯೆ ಅಕ್ಲೆ ಎದುರಾದ್, ‘ಜನೊಕುಲೇ ನಿಕುಲು ಸಹೋದರೆರತ್ತಾ? ನಿಕುಲು ದಾಯೆಗ್ ಒರಿ ಒರಿಯಗ್ ಅನ್ಯಾಯ ಮಲ್ಪುವರ್,’ ಪಂಡ್ದ್ ಅಕ್ಲೆನ್ ಸಮಾಧಾನ ಮಲ್ಪೆರೆ ತೂಯೆ.

2 ಕೊರಿಂಥ್ಯೆರೆಗ್ 10:1

ನಿಕ್ಲೆ ಎದುರುಡುಪ್ಪುನಗ ತಗ್ಗ್‌ದಿನಾಯೆಲಾ ದೂರೊಡುಪ್ಪುನಗ ಧೈರ್ಯೊಡುಪ್ಪುನಾಯೆಲಾ ಆದ್ ನಿಕುಲು ಎನ್ನುನ ಪೌಲು ಪನ್ಪಿ ಯಾನ್ ಕ್ರಿಸ್ತನ ತಾಳ್ಮೆಡ್ಲಾ ಸಜ್ಜನಿಗೆಡ್ಲಾ ನಿಕ್ಲೆಡ ಪಾತೆರ್‌ವೆ.

2 ಕೊರಿಂಥ್ಯೆರೆಗ್ 10:4

ಎಂಕುಲು ಲಡಯಿಗ್ ಉಪಯೋಗ ಮಲ್ಪುನ ಆಯುಧೊಲು ಲೋಕದ ರೀತಿದ ಆಯುಧೊಲು ಅತ್ತ್. ಅವು ದೇವೆರೆಡ್ ಬಲತ್ತವು ಆದಿತ್ತ್‌ದ್ ಕೋಟೆಲೆನ್ ಮರಪುನಂಚಿತ್ತಿನವು ಆದುಂಡು.

2 ಕೊರಿಂಥ್ಯೆರೆಗ್ 6:4

ಆಂಡ ಮಾತ ವಿಷಯೊಲೆಡ್ ಎಂಕ್ಲೆನೇ ದೇವೆರೆ ಸೇವಕೆರ್ ಅಂದ್‌ದ್ ಎಂಕುಲು ತೋಜಾವುನವು. ಎಂಕುಲು ದಿಂಜ ಸಹಿಸೊನೆಟ್ಟ್ ಭಂಗೊಲೆಡ್ ಕೊರತೆಲೆಡ್ ಇಕ್ಕಟ್ಟ್‌ಡ್

ಗಲಾತ್ಯೆರೆಗ್ 5:22

ಆಂಡ ದೇವೆರಾತ್ಮೊಡ್ದು ಉಂಡಾಪಿನ ಫಲ ದಾನೆಂದ್ಂಡ ಪ್ರೀತಿ, ಸಂತೋಷ, ಸಮಾಧಾನ, ತಾಳ್ಮೆ, ಉಪಕಾರ, ಎಡ್ಡೆತನ, ನಂಬಿಕೆ, ಸಜ್ಜನಿಗೆ, ಬೊಕ್ಕ ಕಷ್ಟ ತಡೆತೊನುನವು ಇಂಚಿತ್ತಿನವೇ.

ಎಫೆಸ್ಯೆರೆಗ್ 4:2

ನಿಕುಲು ಏಪಲಾ ತಗ್ಗ್‌ತನೊಟ್ಲಾ ಸಜ್ಜನಿಗೆಡ್ಲಾ ತಾಳ್ಮೆಡ್ಲಾ ನಡತೊಂದು ಒರಿಯನ್ ಒರಿ ಪ್ರೀತಿಡ್ ತಾಳೊನ್ಲೆ.

ಫಿಲಿಪ್ಪಿಯೆರೆಗ್ 2:14

ಗುಣುಗುಟ್ಟಂದೆಲಾ ವಾದ ಮಲ್ಪಂದೆಲಾ ಮಾತೆನ್ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:3

ಸ್ವಾರ್ಥದಾಕುಲಾವಡೆ, ನನೊರಿಯನ್ ಮೆಚ್ಚಾವೆರೆ ಪೋವಡೆ, ತಗ್ಗಾವೊನ್ಲೆ, ನನೊರಿಯನ್ ತನ್ಕುಲೆಡ್ದ್ ಹೆಚ್ಚ್‌ದಾಕುಲು ಅಂದ್‌ದ್ ಎನ್ನ್‌ಲೆ.

ಕೊಲೊಸ್ಸಿಯೆರೆಗ್ 3:13

ಬೊಕ್ಕೊರಿಯನ ಮಿತ್ತ್ ತಪ್ಪು ಪಾಡಿಯೆರೆ ಕಾರಣ ಇತ್ತ್ಂಡಲಾ ತಪ್ಪು ಪಾಡಂದೆ ಒರಿಯನ್ ಒರಿ ಸೈಸೊಂದು ಮಾಪು ಮಲ್ಪುಲೆ. ಕರ್ತವೆ ನಿಕ್ಲೆನ್ ಮಾಪು ಮಲ್ತಿ ಲೆಕ್ಕನೇ ನಿಕುಲುಲಾ ಮಾಪು ಮಲ್ಪುಲೆ.

1 ತಿಮೋಥಿ 6:11

ಆಂಡ ತಿಮೋಥಿ, ಈ ಒರಿ ದೇವೆರೆ ನರಮಾನಿ. ಈ ಮಾತ ಪಡಿಕೆಂತಿನೆಡ್ದ್ ದೂರ ಪಾರ್ದ್ ನೀತಿಗ್, ಭಕ್ತಿಗ್, ನಂಬಿಕೆಗ್, ಪ್ರೀತಿಗ್, ತಾಳ್ಮೆಗ್, ಸಜ್ಜನಿಗೆಗ್ ಪ್ರಯತ್ನ ಮಲ್ಪುಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:1

ದೇವೆರೆ ದಾಸೆಲಾ ಯೇಸು ಕ್ರಿಸ್ತನ ಅಪೊಸ್ತಲೆಲಾ ಆಯಿ ಪೌಲು ನಂಕ್ ಒಟ್ಟುಗುಪ್ಪು ನಂಬಿಕೆದ ಬಗೆಟ್ ತನ ನಿಜ ಮಗೆ ಆದುಪ್ಪು ತೀತಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಕ್ ದಯಲಾ, ಸಮಾಧಾನಲಾ ಆವಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:7

ಒರಿ ಸಭಾದ್ಯಕ್ಷೆ ದೇವೆರೆ ಇಲ್ಲದ ಪಾರುಪತ್ತೆಗಾರೆ ಆದುಲ್ಲೆ. ಅಂಚಾದ್ ಆಯೆ ದೂರುದಾಂತಿನಾಯೆ ಆದುಪ್ಪೊಡು. ಆಯೆ ಛಲತಾಯೆಲಾ ಎದುರು ಕೋಪ ಮಲ್ಪುನಾಯೆಲಾ ಪರ್ದ್ ಲಡಯಿ ಮಲ್ಪುನಾಯೆಲಾ ಪೆಟ್ಟು ಪಾಡುನಾಯೆಲಾ ದುಡ್ಡುದಾಶೆದಾಯೆಲಾ ಆದುಪ್ಪೆರೆ ಬಲ್ಲಿ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:9

ಆಯೆ ಎಡ್ಡೆ ಬೋಧನೆದ ವಿಚಾರೊಡು ಬೇತೆಕ್ಲೆಗ್ ಉಮೇದ್ ಕೊರಿಯೆರೆಗ್ಲಾ ವಿರೋಧ ಮಲ್ಪುನಾಕುಲೆನ ಬಾಯಿ ಕಟ್ಟಿಯೆರೆಗ್ಲಾ ಬೋಧನೆಗ್ ಸಮಾದುಪ್ಪು ನಂಬಿಕೆದ ಪಾತೆರೊನು ದೃಢಾದ್ ಕೈಕೊನುನಾಯೆಲಾ ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:2

ಏರೆನ್ಲಾ ದೂಷಣೆ ಮಲ್ಪಂದೆ, ಲಡಯಿ ಮಲ್ಪಂದೆ, ತಗ್ಗ್‌ತನೊಟು ಮಾತೆರೊಟ್ಟುಗು ಸಮಾಧಾನಿಲಾದ್ ನಡಪಡ್.

ಯಾಕೋಬು 1:1

ದೇವೆರೆಗ್ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಗ್ಲಾ ದಾಸೆ ಆದುಪ್ಪು ಯಾಕೋಬು ಬೇತೆ ದೇಶೊಲೆಡ್ ಪರಡ್ದ್ ಉಪ್ಪುನ ಇಸ್ರಾಯೇಲ್‌ದ ಪದ್ರಾಡ್ ಗೋತ್ರೊಲೆಗ್ ಬರೆಪಿನಿ. ನಿಕ್ಲೆಗ್ ಎಡ್ಡೆ ಆವಡ್.

ಯಾಕೋಬು 3:17

ಆಂಡ ಮಿತ್ತ್‌ಡ್ದ್ ಬರ್ಪಿನ ಗೇನ, ಸುರುಟ್ಟು ನಿರ್ಮಲದವು ಆದುಪ್ಪುಂಡು. ಅವು ಸಮಾಧಾನದವು, ಶಾಂತದವು, ಒಪ್ಪಿಯೊನ್ನವು, ಕರುಣೆ ಬೊಕ್ಕ ಎಡ್ಡೆ ಫಲೊಕ್ಲೆಡ್ ದಿಂಜಿದಿನವು, ಭೇದಭಾವದಾಂತಿನವು, ಕಪಟದಾಂತಿನವು ಆದುಂಡು.

ಯಾಕೋಬು 4:2

ನಿಕುಲು ಬಯಕುವರ್, ಆಂಡ ತಿಕ್ಕುಜಿ. ಕೆರಿಯೆರೆ ತಯಾರಾಪರ್, ಮಚ್ಚರ ಮಲ್ಪುವರ್, ನಿಕ್ಲೆಗ್ ಅವು ತಿಕ್ಕಂದೆ ಪೋನಗ ಅವು ತಿಕ್ಕೆರೆ ಬೋಡಾದ್ ನಿಕುಲು ಉರ್ಡಾಟಲಾ ಲಡಾಯಿಲಾ ಮಲ್ಪುವರ್. ನಿಕುಲು ದೇವೆರೆಡ ನಟ್ಟೊನಂದೆ ಇತ್ತಿನೆಡ್ದ್ ನಿಕ್ಲೆಗ್ ದಾಲಾ ತಿಕ್ಕುಜಿ.

1 ಪೇತ್ರೆ 3:8

ಕಡೆಕ್ಕ್ ನಿಕುಲು ಮಾತೆರ್ಲಾ ಒಂಜೇ ಮನಸಾದ್, ಸಹೋದ್ರ ಸುಖದುಃಖೊಡು ಸೇರ್ದ್, ಮೆಗ್ಯೆಪಲಯಾಡ್ಲೆ ಲೆಕ್ಕ ಒರಿಯನೊರಿ ಪ್ರೀತಿ ಮಲ್ತೊಂದು, ಕನಿಕರ ಬೊಕ್ಕ ದೀನ ಭಾವೊಡು ಉಪ್ಪುಲೆ.

ಯೂದೆ 1:3

ಪ್ರೀತಿದಾಕುಲೇ, ನಂಕ್ ಒಟ್ಟುಗುಪ್ಪು ರಕ್ಷಣೆದ ಅನುಭವೊನು ಬರೆವೊಡು ಅಂದ್‌ದ್ ದಿಂಜ ಪ್ರಯಾಸ ಮಲ್ಪುನಗ ದೇವಜನೊಕುಲೆಗ್ ಒಂಜೇ ಸರ್ತಿ, ಒಚ್ಚಿದ್ ಕೊರ್ದು ನಂಬಿಕೆಗ್ ಬೋಡಾದ್ ಉರ್ಡಾಟ ಮಲ್ಪೊಡು ಅಂದ್‌ದ್ ಉಮೇದ್ ಕೊರ್ದು, ನಿಕ್ಲೆಗ್ ಬರೆಪಿನವು ಅಗತ್ಯ ಅಂದ್‌ದ್ ಎಂಕ್ ತೋಜ್ಂಡ್.