2 ತಿಮೋಥಿ 2:23 - ಪೊಸ ಒಡಂಬಡಿಕೆ

²³ ಬುದ್ಧಿದಾಂತಿ ವ್ಯರ್ಥ ತರ್ಕೊಲು ಅವು ಲಡಯಿಗ್ ಕಾರಣಾದುಂಡು ಪನ್ಪಿನೆನ್ ಈ ತೆರಿದ್ ಐತ ಸುದ್ಧಿಗ್ ಪೋವಡ.

2 ತಿಮೋಥಿ 2:23 Iomraidhean Croise

1 ತಿಮೋಥಿ 1:4

ಅಂಚೆನೇ, ಕಟ್ಟುಕತೆಕ್ಲೆಗ್ಲಾ ಕೊಡಿಮುದೆಲ್ ಇಜ್ಜಂದಿನ ಸಂತಾನ ಪಟ್ಟಿಲೆಗ್ಲಾ ಗೇನ ಕೊರಿಯೆರೆ ಬಲ್ಲಿ ಪಂಡ್ದ್, ದುಂಬು ಯಾನ್ ನಿಕ್ಕ್ ಅಪ್ಪಣೆ ಕೊರ್ತಿ ಲೆಕ್ಕನೇ ಇತ್ತೆಲಾ ಪನೊಂದುಲ್ಲೆ. ಇಂಚಿತ್ತಿನವು ದುಂಬಗ್ ತರ್ಕ ಪುಟ್ಟಾವುನವು ಅತ್ತಂದೆ ದೇವೆರ್ ಮಲ್ಪೊಡಿತ್ತಿ ಕೆಲಸೊಲೆಗ್ ಬಳಕೆ ಆಪುಜಿ. ಅವು ನಂಬಿಕೆಡ್ದ್ ಸಾದ್ಯ ಆಪುಂಡು. ಶುದ್ಧ ಹೃದಯ, ಎಡ್ಡೆ ಮನಸಾಕ್ಷಿ, ಕಪಟದಾಂತಿ ನಂಬಿಕೆ, ಇಂಚಿತ್ತಿನೆಡ್ದ್ ಉಂಡಾಯಿ ಪ್ರೀತಿಯೇ ದೇವೆರೆ ಪಾತೆರದ ಬೋಧನೆ ಆದುಂಡು.

1 ತಿಮೋಥಿ 4:7

ಬಜೀ ಅಜ್ಜಿಕತೆತ ಲೆಕ್ಕ ಲೋಕದ ಕತೆಕ್ಲೆನ್ ದೂರ ಮಲ್ತ್‌ದ್ ಐತ ಪಗತೆಗ್ ದೇವಭಕ್ತಿಡ್ ಉಪ್ಪೆರೆ ನಿನನ್ ತಯಾರ್ ಮಲ್ತೊನ್ಲ.

2 ತಿಮೋಥಿ 2:14

ಈ ಸಂಗತಿಲೆನ್ ಮಾತೆರೆಗ್ ನೆನೆಪು ಪುಟ್ಟಾಲ, ಕೇನುನಾಕುಲೆಗ್ ತೊಂದರೆ ಆಪಿನತ್ತಂದೆ, ವಾ ಪ್ರಯೋಜನೊಗ್ಲಾ ಬರಂದಿ ತರ್ಕೊಲೆನ್ಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ದೇವೆರೆ ಸನ್ನಿಧಿಡ್ ಅಪ್ಪಣೆ ಕೊರ್ಪೆ.

2 ತಿಮೋಥಿ 2:16

ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:9

ಬುದ್ಧಿದಾಂತಿನ ತರ್ಕೊಲೆಗಾವಡ್ ಸಂತಾನ ಪಟ್ಟಿಲೆಗಾವಡ್ ನ್ಯಾಯಕಟ್ಟ್‌ಗ್ ಸಮ್ಮಂಧ ಪಡೆಯಿನ ಮಾತ ತರ್ಕ ಲಡಾಯಿಲೆಗಾವಡ್ ದೂರ ಆದುಪ್ಪುಲ. ಉಂದು ಮಾತ ಪ್ರಯೋಜನದಾಂತಿನವುಲಾ ಕೆಲಸೊಗು ಬರಂದಿನವುಲಾ ಆದುಂಡು.

ಯಾಕೋಬು 4:1

ನಿಕ್ಲೆ ಉಲಯಿ ಲಡಾಯಿಲಾ ಉರ್ಡಾಟಲಾ ದಾಯೆಗ್ ಆಪುಂಡು? ಅವು ನಿಕ್ಲೆನ ಹಾಳ್ ದುರಾಶೆಲೆಡ್ದ್ ಬರ್ಪಿನವು ಅತ್ತಾ?