2 ತಿಮೋಥಿ 2:22 - ಪೊಸ ಒಡಂಬಡಿಕೆ

²² ಜವ್ವನ ಪ್ರಾಯದ ಇಚ್ಚೆಲೆಡ್ದ್ ದೂರ ಇತ್ತ್‌ದ್, ನೀತಿನ್, ನಂಬಿಕೆನ್, ಪ್ರೀತಿನ್ ಸಮಾಧಾನೊನು ಸಂಪಾದನೆ ಮಲ್ಪೆರೆಗಾದ್ ಶುದ್ಧ ಉಡಲ್‌ಡ್ದ್ ಕರ್ತವನ್ ಅರಿಕೆ ಮಲ್ಪುನಾಕುಲೆಡೊಪ್ಪ ಈಲಾ ಪ್ರಯತ್ನ ಮಲ್ಪುಲ.

2 ತಿಮೋಥಿ 2:22 Iomraidhean Croise

ಅಪೊ.ಕ್ರಿ 7:59

ಅಕುಲು ಸ್ತೇಫನನ ಮಿತ್ತ್ ಕಲ್ಲ್ ದಕ್ಕೊಂದು ಉಪ್ಪುನಗ ಆಯೆ ಕರ್ತವನ್ ಲೆತ್ತ್‌ದ್, “ಯೇಸು ಕರ್ತವ, ಎನ ಆತ್ಮೊನು ಸೇರಾವೊನ್ಲ,” ಅಂದ್‌ದ್ ಪ್ರಾರ್ಥನೆ ಮಲ್ತೆ.

ಅಪೊ.ಕ್ರಿ 9:14

ಬೊಕ್ಕ ಮುಲ್ಪಲಾ ನಿನ ಪುದರ್‌ಡ್ ಅರಿಕೆ ಮಲ್ಪುನಾಕುಲೆಗ್ ಕೋಳ ಪಾಡ್ಪಾವುನ ಅಧಿಕಾರೊನು ಪ್ರಧಾನಯಾಜಕೆರೆಡ್ದ್ ಒಪ್ಪಿಗೆ ದೆತ್ತೊಂದು ಬೈದೆ,” ಪಂಡೆ.

ರೋಮಾಯೆರೆಗ್ 14:17

ದಾಯೆಗಂದ್ಂಡ ತಿನ್ಪಿನವುಲಾ ಪರ್ಪಿನವುಲಾ ದೇವೆರೆ ರಾಜ್ಯ ಅತ್ತ್. ನೀತಿಲಾ, ಸಮಾಧಾನಲಾ ಪರಿಶುದ್ಧಾತ್ಮಡ್ದ್ ಉಂಡಾಪಿ ಸಂತೋಷ ಆದುಂಡು.

ರೋಮಾಯೆರೆಗ್ 14:19

ಅಂಚಾದ್ ನಮ ಸಮಾಧಾನೊನ್ಲಾ ಒರಿಯಗ್ ಒರಿ ಭಕ್ತಿವೃದ್ಧಿಗ್ಲಾ ಅನುಕೂಲ ಆಪಿನೆನ್ ತೂವೊನುಗ.

1 ಕೊರಿಂಥ್ಯೆರೆಗ್ 1:10

ಸಹೋದ್ರೆರೇ, ನಿಕ್ಲೆನ ಪಾತೆರ ಒಂಜೇ ಆದುಪ್ಪೊಡು; ನಿಕ್ಲೆಡ ಭೇದ ಉಪ್ಪೆರೆ ಬಲ್ಲಿ; ಆಂಡ ನಿಕುಲು ಒಂಜೇ ಮನಸ್‌ಡ್ಲಾ ಒಂಜೇ ಭಾವೊಡ್ಲಾ ಒಂಜಾದುಪ್ಪೊಡು ಅಂದ್‌ದ್ ಯಾನ್ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಪುದರ್‌ಡ್ ನಿಕ್ಲೆಡ ನಟ್ಟೊನ್ವೆ.

1 ಕೊರಿಂಥ್ಯೆರೆಗ್ 1:2

ಕೊರಿಂಥ್ಯೊಡು ಉಪ್ಪುನ ದೇವೆರೆ ಸಭೆಕ್ ಬರೆಪಿನಿ. ನಿಕುಲು ಕ್ರಿಸ್ತ ಯೇಸುಡು ಪ್ರತಿಷ್ಟೆ ಆತಿನಾಕುಲುಲಾ ದೇವಜನೊಕುಲು ಆವೆರೆ ಲೆತ್ತ್‌ದಿ ಮಾತ ಜನೊಕುಲೆ ಒಟ್ಟುಗು ಓಲಿತ್ತ್‌ಂಡಲಾ ಎಂಕ್ಲೆನ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಪುದರ್‌ಡ್ ಆರಾಧನೆ ಮಲ್ಪುನ ದೇವಜನೊಕುಲು ಆದುಲ್ಲರ್. ಯೇಸು ಕ್ರಿಸ್ತೆ ಅಕ್ಲೆನಲಾ ಎಂಕ್ಲೆನಲಾ ಕರ್ತವೆ ಆದುಲ್ಲೆ.

1 ಕೊರಿಂಥ್ಯೆರೆಗ್ 10:14

ಅಂಚಾದ್ ಪ್ರೀತಿದ ಸಹೋದ್ರೆರೇ, ಮೂರ್ತಿಪೂಜೆ ಮಲ್ಪುನೆನ್ ಪೂರ ಬುಡ್ದು ಬುಡ್ಲೆ.

1 ಕೊರಿಂಥ್ಯೆರೆಗ್ 14:1

ಪ್ರೀತಿಡ್ ಜೀವನ ಮಲ್ಪೆರೆ ತೂಲೆ. ಬೊಕ್ಕ ಆತ್ಮಡ್ದ್ ತಿಕ್ಕುನ ವರೊಕ್ಲೆಗಾದ್ ಪೇಚಾಡ್ಲೆ. ವಿಶೇಷವಾದ್ ಪ್ರವಾದನೆದ ವರೊನು ಆಸೆ ಮಲ್ಪುಲೆ.

1 ಕೊರಿಂಥ್ಯೆರೆಗ್ 6:18

ಹಾದ್ರೊಗು ದೂರ ಆದುಪ್ಪುಲೆ, ನರಮಾನಿ ಮಲ್ಪುನ ಬೇತೆ ಮಾತ ಪಾಪ ಕೆಲಸೊಲು ಶರೀರೊಗು ತೊಂದರೆ ಆಪುಜಿ. ಆಂಡ ಹಾದ್ರ ಮಲ್ಪುನಾಯೆ ತನ ಶರೀರೊಗು ತೊಂದರೆ ಆಪಿನ ಪಾಪೊನು ಮಲ್ಪುವೆ.

1 ತಿಮೋಥಿ 1:14

ನಮ ಕರ್ತವನ ದಯ ಹೆಚ್ಚಾಯಿನೆಡ್ದ್, ಕ್ರಿಸ್ತ ಯೇಸುಡ್ದು ಬರ್ಪಿನ ನಂಬಿಕೆಲಾ ಪ್ರೀತಿಲಾ ಎನಡ ಏತೋ ಹೆಚ್ಚಾಂಡ್.

1 ತಿಮೋಥಿ 2:8

ಅಂಚಾದ್ ಅಂಜೊವುಲು ಮಾತ ಜಾಗ್‌ಡ್ ಕೋಪಲಾ, ತರ್ಕದಾಂತಿನಾಕುಲುಲಾ ಆದ್ ಪರಿಶುದ್ಧ ಕೈಕ್ಲೆನ್ ದೆರ್ತ್ತ್‌ದ್ ಪ್ರಾರ್ಥನೆ ಮಲ್ಪೊಡಂದ್‌ದ್ ಎನ ಮನಸಾದುಂಡು.

1 ತಿಮೋಥಿ 4:12

ಈ ಜವ್ವನೆ ಅಂದ್‌ದ್ ಏರ್ಲಾ ನಿನನ್ ಅಸಡ್ಡೆ ಮಲ್ಪಂದೆ ಏರೆಗ್ಲಾ ಅವಕಾಸ ಕೊರಂದೆ ನಿನ ಪಾತೆರೊಡು, ನಡತೆಡ್, ಪ್ರೀತಿಡ್, ನಂಬಿಕೆಡ್, ಶುದ್ಧತೆಡ್ ನಂಬುನಾಕುಲೆಗ್ ಈಯೇ ಮಾದ್ರಿ ಆದುಪ್ಪುಲ.

1 ತಿಮೋಥಿ 6:11

ಆಂಡ ತಿಮೋಥಿ, ಈ ಒರಿ ದೇವೆರೆ ನರಮಾನಿ. ಈ ಮಾತ ಪಡಿಕೆಂತಿನೆಡ್ದ್ ದೂರ ಪಾರ್ದ್ ನೀತಿಗ್, ಭಕ್ತಿಗ್, ನಂಬಿಕೆಗ್, ಪ್ರೀತಿಗ್, ತಾಳ್ಮೆಗ್, ಸಜ್ಜನಿಗೆಗ್ ಪ್ರಯತ್ನ ಮಲ್ಪುಲ.

ಇಬ್ರಿಯೆರೆಗ್ 12:14

ಮಾತೆರೆಡೊಪ್ಪ ಸಮಾಧಾನೊಡುಪ್ಪೆರೆಲಾ ಪರಿಶುದ್ಧತೆಡ್ ಉಪ್ಪುನೆಕ್ಕ್‌ಲಾ ಪ್ರಯತ್ನ ಮಲ್ಪುಲೆ. ಪರಿಶುದ್ಧತೆ ಇಜ್ಜಂದೆ ಏರ್ಲಾ ಕರ್ತವನ್ ತೂಪುಜೆರ್.

1 ಪೇತ್ರೆ 2:11

ಪ್ರೀತಿದಾಕುಲೇ, ನಿಕುಲು ಈ ಲೋಕದ ಪ್ರಯಾಣಿಕೆರ್‌ಲಾ ಪರದೇಶಿಲುಲಾ ಆದುಪ್ಪುನೆಡ್ದ್ ಆತ್ಮೊಗು ವಿರೋಧ ಆಪಿನ ಶರೀರದ ದುರಾಶೆಲೆಡ್ದ್ ದೂರ ಆದುಪ್ಪುಲೆ ಅಂದ್‌ದ್ ನಿಕ್ಲೆಡ ನಟ್ಟೊನ್ವೆ.

1 ಪೇತ್ರೆ 3:11

ಆಯೆ ಪಡಿಕೆಂತಿನೆನ್ ಬುಡ್ದು ಎಡ್ಡೆಂತಿನೆನ್ ಮಲ್ಪಡ್; ಸಮಾಧಾನೊನು ನಾಡ್ದ್ ಐಕ್ ತಕ್ಕ ನಡಪೆರೆ ಪ್ರಯತ್ನ ಮಲ್ಪಡ್.

3 ಯೋಹಾನೆ 1:11

ಪ್ರೀತಿದಾಯ, ಈ ಪಡಿಕೆಂತಿನ ನಡತೆಡ್ ನಡಪಂದೆ, ಎಡ್ಡೆಂತಿನೆಕ್ಕ್ ಸರಿಯಾದ್ ನಡಪುಲ. ಎಡ್ಡೆಂತಿನೆನ್ ಮಲ್ಪುನಾಕುಲು ದೇವೆರೆ ಜೋಕುಲು, ಪಡಿಕೆಂತಿನೆನ್ ಮಲ್ಪುನಾಕುಲು ದೇವೆರೆನ್ ತೆರಿಯಂದಿನಾಕುಲು ಆದುಲ್ಲೆರ್.