2 ತಿಮೋಥಿ 2:21 - ಪೊಸ ಒಡಂಬಡಿಕೆ

²¹ ಅಂಚಾದ್ ಒರಿ ಹಾಳ್ ನಡತೆದಾಯನ ಸಹವಾಸೊನು ಬುಡ್ದು ತನನ್ ಶುದ್ಧ ಮಲ್ತೊಂಡೆಡ ಆಯೆ ಎಡ್ಡೆ ಬಳಕೆಗ್ ತಕ್ಕದಾಯೆ ಆದುಪ್ಪುವೆ. ಆಯೆ ದೇವೆರೆ ಸೇವೆಗ್ ಒಚ್ಚಿದ್ ಕೊರ್ತಿನಾಯೆ ಆದ್ ತನ ಯಜಮಾನಗ್ ಪ್ರಯೋಜನದಾಯೆಲಾ, ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗ್ ತಯಾರಾದುಪ್ಪುವೆ.

2 ತಿಮೋಥಿ 2:21 Iomraidhean Croise

ಅಪೊ.ಕ್ರಿ 9:15

ಕರ್ತವೆ ಆಯಗ್, “ಈ ಪೋಲ; ಆ ನರಮಾನಿ ಪಿದಯಿದ ಜನೊಕುಲೆಗ್ಲಾ ಅರಸರೆಗ್ಲಾ ಇಸ್ರಾಯೇಲ್ಯೆರೆಗ್ಲಾ ಎನ ಪುದರ್‌ಡ್ ಸೇವೆ ಮಲ್ಪೆರೆಗಾದ್ ಬೊಕ್ಕ ಎನ ಪುದರ್ ಸಾರಿಯೆರೆಗಾದ್‌ಲಾ ಯಾನ್ ಆಯನ್ ಅಜತ್ ದೆತ್ತೊಂದಿನಾಯೆ ಆದುಲ್ಲೆ.

1 ಕೊರಿಂಥ್ಯೆರೆಗ್ 5:7

ಪಾಪ ಮಲ್ಪುನಾಯೆ ಪುಳಿ ಬಂದದಲೆಕ್ಕ ಉಲ್ಲೆ, ಆಯನ್ ದೆತ್ತ್ ಪಾಡ್ಲೆ. ನಿಕುಲು ಪುಳಿದಾಂತಿನಾಕುಲು ಆದುಪ್ಪುನೆಡ್ದ್ ಪರ ಪುಳಿ ದೆತ್ತ್ ಪಾಡ್ದ್ ಪೊಸ ಬಂದದಲೆಕ್ಕ ಆಲೆ. ದಾಯೆಗಂದ್ಂಡ ನಮ ಪಸ್ಕದ ಕುರಿ ಆಯಿ ಕ್ರಿಸ್ತೆ ನಂಕಾದ್ ಬಲಿ ಆಯೆರ್;

2 ಕೊರಿಂಥ್ಯೆರೆಗ್ 7:1

ಪ್ರೀತಿದಾಕುಲೇ, ಈ ವಾಗ್ದಾನೊಲು ನಂಕುಪ್ಪುನೆಡ್ದ್, ನಮ ಶರೀರದ ಬೊಕ್ಕ ಆತ್ಮದ ಮೈಲೆನ್ ಶುದ್ಧ ಮಲ್ತೊಂದು, ಪರಿಶುದ್ಧೆರಾಪಿಲೆಕ್ಕ ದೇವೆರೆ ಪೋಡಿಗೆಡ್ ಉಪ್ಪೆರೆ ಪ್ರಯತ್ನ ಮಲ್ಪುಗ.

2 ಕೊರಿಂಥ್ಯೆರೆಗ್ 9:8

ನಿಕುಲು ಏಪಲಾ ಮಾತೆಟ್ಲಾ ಸಮೃದ್ಧಿದಾಕುಲಾದಿತ್ತ್‌ದ್ ಮಾತ ಎಡ್ಡೆ ಕಾರ್ಯೊಲೆಗ್ ಧಾರಾಳವಾದ್ ಕೊರಿಯೆರೆ ಆಪಿಲೆಕ್ಕ ದೇವೆರ್ ನಿಕ್ಲೆಗ್ ಮಾತ ದಯೊನು ತೋಜಾವೆ.

ಎಫೆಸ್ಯೆರೆಗ್ 2:10

ದಾಯೆಗಂದ್ಂಡ ನಮ ದೇವೆರೆ ಕೈಬೇಲೆ. ಕ್ರಿಸ್ತ ಯೇಸುಡು ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗಾದ್ ನಮನ್ ಉಂಡು ಮಲ್ತ್‌ದೆ. ಉಂದೆಟ್ಟ್ ನಡಪುಲೆಕ್ಕ ದೇವೆರ್ ನಮನ್ ದುಂಬೇ ನೇಮಕ ಮಲ್ತ್‌ದೆ.

1 ತಿಮೋಥಿ 6:11

ಆಂಡ ತಿಮೋಥಿ, ಈ ಒರಿ ದೇವೆರೆ ನರಮಾನಿ. ಈ ಮಾತ ಪಡಿಕೆಂತಿನೆಡ್ದ್ ದೂರ ಪಾರ್ದ್ ನೀತಿಗ್, ಭಕ್ತಿಗ್, ನಂಬಿಕೆಗ್, ಪ್ರೀತಿಗ್, ತಾಳ್ಮೆಗ್, ಸಜ್ಜನಿಗೆಗ್ ಪ್ರಯತ್ನ ಮಲ್ಪುಲ.

2 ತಿಮೋಥಿ 2:16

ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್

2 ತಿಮೋಥಿ 2:20

ಮಲ್ಲ ಇಲ್ಲಡ್ ಬೊಳ್ಳಿ ಬಂಗಾರ್‌ದ ಬಾಜನೊಲು ಮಾತ್ರ ಅತ್ತಂದೆ ಮರತ ಬಾಜನೊಲು ಬೊಕ್ಕ ಮಣ್ಣ್‌ದ ಬಾಜನೊಲು ಉಪ್ಪುಂಡು. ಐತ ಕೆಲವು ಬಾಜನೊಲು ಎಡ್ಡೆ ಬಳಕೆಗ್ಲಾ ಕೆಲವು ಸಮಾನ್ಯ ಬಳಕೆಗ್ಲಾ ಬರ್ಪುಂಡು.

2 ತಿಮೋಥಿ 3:17

ಅಂಚಾದ್ ದೇವೆರೆ ಜನೊಕುಲು ಮಾತ ಎಡ್ಡೆ ಕೆಲಸೊಗು ಪರಿಪೂರ್ಣೆರಾದ್ ತಯಾರಾದುಪ್ಪುವೆರ್.

2 ತಿಮೋಥಿ 4:11

ಲೂಕೆ ಮಾತ್ರ ಎನಡೊಪ್ಪ ಉಲ್ಲೆ. ಈ ಬನ್ನಗ ನಿನಡೊಪ್ಪ ಮಾರ್ಕನ್ ಲೆತ್ತೊಂದು ಬಲ. ಆಯೆ ಎನ ಸೇವೆಡ್ ಪ್ರಯೋಜನದಾಯೆ ಆದುಲ್ಲೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:1

ಸರಕಾರೊಗ್ಲಾ ಐತ ಅಧಿಕಾರಿಲೆಗ್ಲಾ ಅಧೀನೆರಾದ್ ಉಪ್ಪೊಡಂದ್‌ದ್ ನಂಬುನಾಕುಲೆಗ್ ನೆನೆಪು ಪುಟ್ಟಾಲ. ಅಕುಲು ತಗ್ಗ್‌ದಿನಾಕುಲಾದಿತ್ತ್‌ದ್ ಎಡ್ಡೆಂತಿನೆನ್ ಮಲ್ಪೆರೆ ತಯಾರಾದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:14

ನಮ್ಮ ಜನೊಕುಲು ಫಲದಾಂತಿನಾಕುಲು ಆದುಪ್ಪಂದಿಲೆಕ್ಕ ಬೋಡಿತ್ತಿ ಸಂಗತಿಲೆಗಾದ್ ಎಡ್ಡೆ ಬೇಲೆಲೆನ್ ಮಲ್ಪೆರೆ ಕಲ್ತೊನಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.

1 ಪೇತ್ರೆ 1:22

ನಿಕುಲು ಸತ್ಯೊಗು ವಿಧೇಯೆರಾದ್ ನಿಕ್ಲೆ ಆತ್ಮೊಲೆನ್ ಶುದ್ಧ ಮಲ್ತಿನೆಡ್ದ್ ಸಹೋದರೆ ಲೆಕ್ಕ ಕಪಟದಾಂತಿ ಪ್ರೀತಿಡುಪ್ಪುಲೆ. ಒರಿಯನ್ ಒರಿ ಶುದ್ಧ ಉಡಲ್‌ಡ್ದ್ ಸ್ಥಿರಾದ್ ಪ್ರೀತಿ ಮಲ್ಪುಲೆ.

1 ಪೇತ್ರೆ 1:7

ಇಂಚಿನ ಶೋಧನೆಲೆಡ್ದ್ ನಿಕ್ಲೆ ನಂಬಿಕೆ ಸ್ಥಿರಾದ್ ತೋಜಿದ್ ಬರು. ನಾಶಾದ್ ಪೋಪಿ ಬಂಗಾರೊನ್ಲಾ ತೂಕು ಪಾಡ್ದ್ ಶುದ್ಧ ಮಲ್ಪುವೆರ್, ಅಂಚೆನೆ ನಿಕ್ಲೆ ನಂಬಿಕೆ ಬಂಗಾರೊಡ್ದುಲಾ ಆತಿ ಬಿಲೆ ಇತ್ತಿನೆಡ್ದ್ ಕಷ್ಟ ನಿಕ್ಲೆನ್ ಶೋದ್ಯಾವು. ನಿಕ್ಲೆನ ನಂಬಿಕೆ ಯಥಾರ್ಥ ಇತ್ತ್ಂಡ ಯೇಸು ಕ್ರಿಸ್ತೆ ಕುಡ ಬನ್ನಗ ನಿಕ್ಲೆಗ್ ಪುಗರಿಕೆ, ಮೈಮೆ, ಮಾನೊಲು ತಿಕ್ಕುಂಡು.

1 ಯೋಹಾನೆ 3:3

ಆಯ ಮಿತ್ತ್ ಈ ನಿರೀಕ್ಷೆ ದೀತಿನ ಪ್ರತಿ ಒರಿಲಾ ಕ್ರಿಸ್ತೆ ಶುದ್ಧ ಆದುಪ್ಪುಲೆಕ್ಕನೇ ತನನ್ ತಾನೇ ಶುದ್ಧ ಮಲ್ತೊನ್ವೆ.