2 ತಿಮೋಥಿ 2:2 - ಪೊಸ ಒಡಂಬಡಿಕೆ

² ದಿಂಜ ಸಾಕ್ಷಿಲೆ ಎದುರು ಈ ಎನಡ್ದ್ ಕೇಂಡಿನ ಬೋಧನೆಗ್ ಸರಿಯಾದ್ ಬೇತೆ ಜನೊಕುಲೆಗ್ ಬೋಧನೆ ಮಲ್ಪೆರೆ ಸಾಮರ್ಥ್ಯ ಇತ್ತಿ ನಂಬಿಕೆದ ನರಮಾನಿಲೆಗ್ ಅವೆನ್ ಒಚ್ಚಿದ್ ಕೊರ್ಲ.

2 ತಿಮೋಥಿ 2:2 Iomraidhean Croise

ಮತ್ತಾಯೆ 13:52

ಅಪಗ ಆಯೆ ಅಕ್ಲೆಡ, “ಇಂಚ ಉಪ್ಪುನಗ ಪರಲೋಕ ರಾಜ್ಯದ ಸಂಗತಿಡ್ ಉಪದೇಶ ಪಡೆಯೊಂದಿನ ಪ್ರತಿಯೊರಿ ಶಾಸ್ತ್ರಿಲಾ ಇಲ್ಲದ ಯಜಮಾನಗ್ ಸಮ ಆದುಲ್ಲೆ. ಆಯೆ ತನ ಗೋದಾಮುಡ್ದು ಪೊಸ ದ್ರವ್ಯೊಲೆನ್ಲಾ ಐತ ಒಟ್ಟುಗು ಪರತ್ತ್‌ದೆನ್ಲಾ ಪಿದಯಿ ಕನವೊಂದುಪ್ಪುವೆ,” ಅಂದ್‌ದ್ ಪಂಡೆ.

ಮತ್ತಾಯೆ 24:25

ಇಂದಾ, ನಿಕ್ಲೆಗ್ ಸುರುಟ್ಟೆ ಪನ್ತೆ.

ಲೂಕೆ 12:42

ಕರ್ತವೆ ಪಂಡಿನಿ ದಾನೆಂದ್ಂಡ, “ಪೊರ್ತು ಪೊರ್ತುಗು ವಣಸ್‌ಗ್ ಬೋಡಾಯಿನೆನ್ ಲತ್ತ್‌ದ್ ಕೊರಿಯೆರೆಗಾದ್ ಯಜಮಾನೆ ತನ ಇಲ್ಲದಾಕುಲೆನ ಮಿತ್ತ್ ನೇಮಕ ಮಲ್ತಿ ನಂಬಿಗೆದಾಯೆಲಾ ಬುದ್ಧಿವಂತೆಲಾ ಆದುಪ್ಪು ಆ ಬೇಲೆದಾಯೆ ಏರ್?

1 ಕೊರಿಂಥ್ಯೆರೆಗ್ 4:2

ಇಂಚ ಉಪ್ಪುನಗ, ಪಾರುಪತ್ತೆದಾಯೆ ನಂಬಿಗಸ್ತೆ ಆದ್ ತೋಜಿದ್ ಬರ್ಪಿನವು ಅಗತ್ಯ ಅತ್ತಾ?

2 ಕೊರಿಂಥ್ಯೆರೆಗ್ 2:14

ಕ್ರಿಸ್ತನ ಅನ್ಯೊನ್ಯತೆಡ್ ನಮನ್ ಏಪಲಾ ಜಯತ ಉಮೇದ್‌ಡ್ ನಡಪಾವೆ. ಬೊಕ್ಕ ಆಯನ ಬುದ್ಧಿದ ಕಮ್ಮೆನೊನು ನಮ ಕಡೆಡ್ದ್ ಮಾತ ಜಾಗ್‌ಲೆಗ್ ಪೋಪುಂಡು. ಐಕ್ ದೇವೆರೆಗ್ ಉಪಕಾರ ಸ್ತುತಿ.

2 ಕೊರಿಂಥ್ಯೆರೆಗ್ 3:5

ಎಂಕ್ಲೆಡ್ದೇ ಒವ್ವಾಂಡಲಾ ಉಂಡಾಂಡ್ ಪನಿಯೆರೆಗ್ ಎಂಕ್ಲೆಡ್ ಸಾಮರ್ಥ್ಯ ಇಜ್ಜಿ. ಎಂಕ್ಲೆನ ಸಾಮರ್ಥ್ಯ ದೇವೆರೆಡ್ದೇ ಬೈದಿನವು.

ಕೊಲೊಸ್ಸಿಯೆರೆಗ್ 1:7

ಎಂಕುಲೆ ಪ್ರೀತಿದ ಜತೆಸೇವಕೆ ಆಯಿ ಎಪಫ್ರಡ್ದ್ ನಿಕುಲು ಈ ಸತ್ಯದ ಬೋಧನೆನ್ ಕಲ್ತೊಂಡರ್. ಆಯೆ ನಿಕ್ಲೆಗಾದ್ ಕ್ರಿಸ್ತನ ನಂಬಿಗಸ್ತೆ ಸೇವಕೆ ಆದುಲ್ಲೆ.

1 ತಿಮೋಥಿ 1:12

ಎನನ್ ಬಲ ಪಡೆಪಾಯಿನ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಗು ಯಾನ್ ಉಪಕಾರ ಪನ್ಪೆ. ಎನನ್ ಆಯೆ ನಂಬಿಗಸ್ತೆ ಅಂದ್‌ದ್ ಗೆನ್ತ್‌ದ್ ಆಯನ ಸೇವೆಗ್ ಅಜತ್ ದೆತ್ತೊನಿಯೆ. ದುಂಬು ಯೇಸುನು ದೂಷಣೆ ಮಲ್ಪುನಾಯೆಲಾ ಭಂಗ ಬರ್ಪಾವುನಾಯೆಲಾ ಬಲಾತ್ಕಾರ ಮಲ್ಪುನಾಯೆಲಾ ಆದಿತ್ತೆ. ಆಂಡ ಅವೆನ್ ಯಾನ್ ಅಪನಂಬಿಕೆಡ್ ತೆರಿಯಂದೆ ಮಲ್ತಿನೆಡ್ದ್ ಆಯೆ ಎಂಕ್ ಕರುಣೆ ತೋಜಾಯೆ.

1 ತಿಮೋಥಿ 1:18

ಮಗೆ ಆಯಿ ತಿಮೋಥಿ, ನಿನ ವಿಷಯೊಡು ದುಂಬು ಪನ್ತಿ ಪ್ರವಾದನೆಲೆನ್ ಯಾನ್ ಎನ್ನ್‌ದ್ ಈ ಐಟ್ಟ್ ಧೈರ್ಯವಂತೆ ಆದ್, ಎಡ್ಡೆ ಯುದ್ದ ಮಲ್ಪೊಡು ಇನ್ಪಿ ಅಪ್ಪಣೆನ್ ನಿಕ್ಕ್ ಕೊರ್ಪೆ.

1 ತಿಮೋಥಿ 4:14

ನಿನಡ ಉಪ್ಪುನ ಆತ್ಮೀಕ ವರೊಕ್ಲೆನ್ ಅಸಡ್ಡೆ ಮಲ್ಪಡ. ಸಭಾ ಹಿರಿಯೆರ್ ಅಕ್ಲೆಗ್ ದೇವೆರೆಡ್ ಆಯಿ ಪ್ರವಾದನೆಡ್ದ್ ನಿನ ಮಿತ್ತ್ ಕೈ ದೀಯಿನೆಡ್ದ್ ಅವು ನಿಕ್ಕ್ ತಿಕ್ಕ್‌ಂಡತ್ತಾ.

1 ತಿಮೋಥಿ 4:6

ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

1 ತಿಮೋಥಿ 5:22

ಏರೆನ ತರೆತ ಮಿತ್ತ್‌ಲಾ ಅಮಸರೊಡು ಕೈ ದೀದ್ ಸಭೆತ ಕೆಲಸೊಗು ನೇಮಕ ಮಲ್ಪಡ. ಈ ಅಂಚ ಮಲ್ಪುನಾಂಡ ಬೇತೆಕ್ಲು ಮಲ್ತಿನ ಪಾಪೊಡು ಈ ಪಾಲ್‌ದಾರೆ ಅಂದ್‌ದ್ ತೋಜಿದ್ ಬರು. ಈ ಶುದ್ಧದಾಯೆ ಆದುಪ್ಪುಲೆಕ್ಕ ತೂಲ.

1 ತಿಮೋಥಿ 6:12

ಕ್ರಿಸ್ತ ನಂಬಿಕೆದಾಕುಲು ಮಲ್ಪುನ ಎಡ್ಡೆ ಉರ್ಡಾಟೊನು ಮಲ್ಪುಲ, ನಿತ್ಯಜೀವೊನು ಗಟ್ಟಿಯಾದ್ ಪತ್ತೊನ್ಲ. ಐಕಾದ್ರನೆ ದೇವೆರ್ ನಿನನ್ ಲೆತ್ತ್‌ದೆ. ಬೊಕ್ಕ ಈ ದಿಂಜ ಸಾಕ್ಷಿಲೆ ಎದುರುಡು ಎಡ್ಡೆ ಅರಿಕೆ ಮಲ್ತ್‌ದ.

2 ತಿಮೋಥಿ 3:10

ಈಯಾಂಡಲಾ ಎನ ಬೆರಿ ಬರ್ಪಿನಾಯೆ ಆದ್ ಎನ ಬೋಧನೆ, ನಡತೆ, ಉದ್ದೇಶ, ನಂಬಿಕೆ, ತಾಳ್ಮೆ, ಪ್ರೀತಿ, ಸಹನೆ ಉಂದೆನ್ ಮಾತ ತೆರಿದ.

2 ತಿಮೋಥಿ 3:14

ಈಯಾಂಡ ಕಲ್ತ್‌ದ್ ದೃಢಾದ್ ನಂಬುನ ಬೋಧನೆಡ್ ನಿಲೆ ಆದುಪ್ಪುಲ. ನಿಕ್ಕ್ ಏರ್ ಕಲ್ಪಾದಿನಿ ಅಂದ್‌ದ್ ಈ ತೆರಿದ. ಈ ಎಲ್ಲಿಡ್ದಿಂಚಿಲಾ ಪರಿಶುದ್ಧ ಗ್ರಂಥೊಲೆನ್ ಕಲ್ತ್‌ದ ಅತ್ತಾ.

ಇಬ್ರಿಯೆರೆಗ್ 2:17

ಅಂಚಾಯಿನೆಡ್ದ್ ಆಯೆ ಮಾತ ಸಂಗತಿಡ್ ತನ ಸಹೋದ್ರೆರೆಗ್ ಸಮಾದುಪ್ಪುನ ಅಗತ್ಯ ಇತ್ತ್ಂಡ್. ಇಂಚ ಆಯೆ ನರಮಾನಿಲೆನ ಪಾಪೊಲೆನ್ ಮಾಜಾವುನೆಕ್ಕಾದ್ ದೇವೆರೆ ಕಾರ್ಯೊಲೆಡ್ ಕನಿಕರಲಾ ನಂಬಿಕೆಲಾ ಇತ್ತಿ ಪ್ರಧಾನಯಾಜಕೆ ಆಯೆ.