2 ತಿಮೋಥಿ 2:19 - ಪೊಸ ಒಡಂಬಡಿಕೆ

¹⁹ ಆಂಡಲಾ ದೇವೆರೆ ಬುನಾದಿ ಸ್ಥಿರ ಆದ್ ಉಂತುದುಂಡು. ಬೊಕ್ಕ, “ಕರ್ತವೆ ತನ್ನಾಯೆ ಪನ್ಪಿನೆನ್ ತೆರಿದೆ. ಕರ್ತವನ ಪುದರ್‌ನ್ ಅರಿಕೆ ಮಲ್ಪುನ ಮಾತೆರ್ಲಾ ಅನ್ಯಾಯೊನು ಬುಡ್ದು ಬುಡೊಡು,” ಅಂದ್‌ದ್ ಐಟ್ಟ್ ಬರೆತಿನ ಉಂಡು.

2 ತಿಮೋಥಿ 2:19 Iomraidhean Croise

ಮತ್ತಾಯೆ 24:24

ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ಮತ್ತಾಯೆ 28:19

ಅಂಚಾಯಿನೆಡ್ದ್ ನಿಕುಲು ಪೋದು ಮಾತ ಜನಾಂಗದ ಜನೊಕುಲೆನ್ ಶಿಷ್ಯೆರಾದ್ ಮಲ್ಪುಲೆ. ಅಕ್ಲೆಗ್ ಅಮ್ಮೆ ಮಗೆ ಪರಿಶುದ್ಧಾತ್ಮ ಪುದರ್‌ಡ್ ದೀಕ್ಷಾಸ್ನಾನ ಕೊರ್ಲೆ.

ಮತ್ತಾಯೆ 7:23

ಅಪಗ ಯಾನ್ ಅಕ್ಲೆಗ್, ‘ನಿಕ್ಲೆನ ಗುರ್ತ ಎಂಕಿಜ್ಜಿ, ಅನ್ಯಾಯಗಾರೆರೇ, ಎನನ್ ಬುಡ್ದು ಪೋಲೆ ಅಂದ್‌ದ್ ಮಾತೆರೆ ಎದುರುಡು ಪಂಡ್ದ್ ಬುಡ್ಪೆ.’

ಮತ್ತಾಯೆ 7:25

ಕಟ್ಟಿ ಬೊಕ್ಕ ಬರ್ಸ ದೊರಿಂಡ್, ಬೊಲ್ಲ ಬತ್ತ್ಂಡ್; ನಾಲ್ ಕಡೆಡ್ದ್ ಗಾಳಿ ಬೀಜ್‌ದ್ ಆ ಇಲ್ಲಗ್ ಹಾಕ್‌ಂಡ್, ಆಂಡಲಾ ಐತ ಪಂಚಾಂಗ ಪಾದೆದ ಮಿತ್ತ್ ಇತ್ತಿನೆಡ್ದ್ ಅವು ಮಗ್‌ರ್ದ್‌ಜಿ.

ಮಾರ್ಕೆ 12:16

ಅಕುಲು ಕನತ್‌ದ್ ಆಯೆ ಆ ಪಾವೊಲಿನ್ ದೆತ್ತೊಂದು ಅಕ್ಲೆಡ, “ಐಟಿತ್ತಿ ತರೆಲಾ ಮುದ್ರೆಲಾ ಏರೆನವು?” ಅಂದ್‌ದ್ ಕೇಂಡಿನೆಕ್ಕ್ ಅಕುಲು, “ಕೈಸರನವು,” ಅಂದ್‌ದ್ ಪಂಡೆರ್.

ಮಾರ್ಕೆ 13:22

ದಾಯೆಗಂದ್ಂಡ, ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ, ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ಲೂಕೆ 13:27

ಆಂಡ ಆಯೆ ನಿಕುಲು ಏರಾ, ‘ನಿಕ್ಲೆನ ಗುರ್ತ ಎಂಕಿಜ್ಜಿ, ಅನ್ಯಾಯ ಮಲ್ಪುನಾಕುಲೇ ನಿಕುಲು ಮಾತೆರ್ಲಾ ಎನನ್ ಬುಡ್ದು ಪೋಲೆ!’ ಅಂದ್‌ದ್ ಪನ್ಪೆ.

ಲೂಕೆ 6:48

ಆಯೆ ಮಲ್ಲ ಗುಂಡಿ ಗರ್ತ್‌ದ್ ಪಾದೆದ ಮಿತ್ತ್ ಪಂಚಾಂಗ ಪಾಡ್ದ್ ಇಲ್ಲ್ ಕಟ್ಟಿದಿನಾಯಗ್ ಸಮ ಆದುಲ್ಲೆ. ನೀರ್ ಏರ್ದ್ ಆ ಇಲ್ಲಗ್ ಬೊಲ್ಲ ಹಾಕ್‌ಂಡಲಾ ಅವು ಗಟ್ಟಿ ಕಟ್ಟಿನೆಡ್ದ್ ಆ ಮಲ್ಲ ಬೊಲ್ಲೊಗ್ಲಾ ಅವೆನ್ ಪಂದಾವೆರೆ ಆಯಿಜಿ.

ಯೋಹಾನೆ 10:14

ಯಾನೇ ಎಡ್ಡೆಂತಿ ಕುರುಬೆ, ಅಮ್ಮೆ ಎನನ್ ಯಾನ್ ಅಮ್ಮೆರೆನ್ ತೆರಿದಿತ್ತಿಲೆಕ್ಕ, ಯಾನ್ ಎನ ಕುರಿಕುಲೆನ್ ತೆರಿದೆ ಎನ ಕುರಿಕುಲು ಎನನ್ ತೆರಿದ. ಬೊಕ್ಕ ಯಾನ್ ಎನ ಕುರಿಕುಲೆಗಾದ್ ಎನ ಪ್ರಾಣೊನು ಕೊರ್ಪೆ.

ಯೋಹಾನೆ 13:18

“ಯಾನ್ ನಿಕ್ಲೆನ ಸಂಗತಿಡ್ ಈ ಪಾತೆರ ಪನ್ಪಿನಿ ಅತ್ತ್. ಅಜತ್ ದೆತ್ತೊಂಡಿನಾಕುಲೆನ್ ಯಾನ್ ತೆರಿದೆ. ಆಂಡ, ‘ಎನ್ನೊಟ್ಟುಗು ವಣಸ್ ಮಲ್ಪುನಾಯೆನೇ ಎಂಕ್ ಅಡ್ಡ ಕಾರ್ ದೀತೆ.’ ಪನ್ಪಿ ಶಾಸ್ತ್ರೊಡು ಬರೆತಿ ಪಾತೆರ ನಡಪುಡೊಡು.

ಯೋಹಾನೆ 3:33

ಆಯ ಸಾಕ್ಷಿನ್ ನಂಬಿನಾಯೆ ದೇವೆರ್ ಸತ್ಯವಂತೆ ಪನ್ಪಿ ಪಾತೆರೊನು ಮುದ್ರೆ ಒತ್ತುದಿನಾಯೆ ಆದುಲ್ಲೆ.

ಅಪೊ.ಕ್ರಿ 11:26

ಐಡ್ದ್ ಬೊಕ್ಕ ಅಕುಲು ಇಡೀ ಒಂಜಿ ವರ್ಸ ಸಭೆಟ್ ಸೇರೊಂದು ಮಸ್ತ್ ಜನೊಕುಲೆಗ್ ಬೋಧನೆ ಮಲ್ತೆರ್. ಶಿಷ್ಯೆರೆಗ್ ಕ್ರೈಸ್ತೆರ್ ಪನ್ಪಿನ ಪುದರ್ ಸುರುಟ್ಟು ಅಂತಿಯೋಕ್ಯಡ್ದ್ ಬತ್ತ್ಂಡ್.

ಅಪೊ.ಕ್ರಿ 15:17

ನರಮಾನಿಲೆಡ್ದ್ ಒರಿದಿ ಜನೊಕುಲುಲಾ ಅಂದ್ಂಡ ಎನ ಪುದರ್ ಏರೇ ಮಿತ್ತ್ ಉಂಡಾ ಆ ಮಾತ ಪಿದಯಿದ ಜನೊಕುಲುಲಾ ಕರ್ತವನ್ ನಾಡುನಾಕುಲಾವೊಡು ಅಂದ್‌ದ್ ಕರ್ತವೆ ಪನ್ಪೆ ಅಂದ್‌ದ್ ಬರೆತ್ಂಡ್.

ಅಪೊ.ಕ್ರಿ 9:14

ಬೊಕ್ಕ ಮುಲ್ಪಲಾ ನಿನ ಪುದರ್‌ಡ್ ಅರಿಕೆ ಮಲ್ಪುನಾಕುಲೆಗ್ ಕೋಳ ಪಾಡ್ಪಾವುನ ಅಧಿಕಾರೊನು ಪ್ರಧಾನಯಾಜಕೆರೆಡ್ದ್ ಒಪ್ಪಿಗೆ ದೆತ್ತೊಂದು ಬೈದೆ,” ಪಂಡೆ.

ರೋಮಾಯೆರೆಗ್ 11:2

ದೇವೆರ್ ತಾನ್ ದುಂಬು ತನ ಜನೊಕುಲಾವೆರೆ ಗೊತ್ತು ಮಲ್ತೊಂಡಿ ಜನೊಕುಲೆನ್ ತಿರಸ್ಕಾರ ಮಲ್ತ್‌ಜೆ. ಎಲೀಯನ ಚರಿತ್ರೆಡ್ ಶಾಸ್ತ್ರ ಪನ್ಪಿ ಪಾತೆರ ನಿಕ್ಲೆಗ್ ತೆರಿಯಂದಾ? ಆಯೆ ದೇವೆರೆ ಎದುರುಡು, “ಕರ್ತವಾ ಅಕುಲು ನಿನ ಪ್ರವಾದಿಲೆನ್ ಕೆರ್ದ್ ನಿನ ಬಲಿಪೀಠೊಲೆನ್ ದರ್ತ್ ಪಾಡ್ದೆರ್. ಯಾನ್ ಒರಿಯೇ ಒರಿದೆ, ಎನ ಪ್ರಾಣೊನ್ಲಾ ದೆಪ್ಪೊಡುಂದುಲ್ಲೆರ್,” ಪಂಡ್ದ್ ಇಸ್ರಾಯೇಲ್ಯೆರೆ ಮಿತ್ತ್ ದೂರು ಪಂಡಿನೆಕ್ಕ್

ರೋಮಾಯೆರೆಗ್ 12:9

ಅಂಚೆನೇ ನಿಕ್ಲೆನ ಪ್ರೀತಿ ಕಪಟದಾಂತಿನವು ಆದುಪ್ಪಡ್. ಬೊಡ್ಚಾಂದಿನೆನ್ ಬುಡ್ದು ಎಡ್ಡೆಂತಿನೆನ್ ಪತ್ತೊನ್ಲೆ.

ರೋಮಾಯೆರೆಗ್ 15:20

ಬೊಕ್ಕೊರಿ ಪಾಡ್ದಿನ ಅಡಿಪಾಯದ ಮಿತ್ತ್ ಕಟ್ಟುಜಿ ಪಂಡ್ದ್ ಎನ್ನ್‌ದ್, ಕ್ರಿಸ್ತನ ಪುದರ್‌ನ್ ತೆರಿಪಾಯಿನಲ್ಪ ಸುವಾರ್ತೆನ್ ಸಾರಿಯುನೇ ಇಜ್ಜಿ ಪಂಡ್ದ್ ನಿರ್ಧಾರ ಮಲ್ತೊಂಡೆ.

ರೋಮಾಯೆರೆಗ್ 15:9

ದೇವೆರೆ ದಯೊಡ್ದು ಪಿದಯಿದ ಜನೊಕುಲೆ ನಡುಟು ದೇವೆರೆನ್ ಪುಗರಿಯೆರೆ ಅವಕಾಸ ಆಂಡ್. ಶಾಸ್ತ್ರೊಡು ಬರೆತಿನಿ ದಾನೆ ಪಂಡ್ಂಡ, “ಉಂದೆಡ್ದಾದ್ ಪಿದಯಿದ ಜನೊಕುಲೆ ನಡುಟು ಯಾನ್ ನಿನನ್ ಪುಗರುವೆ; ನಿನ ಪುದರ್‌ಗ್ ರಾಗ ಮಲ್ಪುವೆ!”

ರೋಮಾಯೆರೆಗ್ 8:28

ಉಂದತ್ತಂದೆ ದೇವೆರೆ ಸಂಕಲ್ಪೊಡ್ದು ಲೆಪ್ಪಾವೊಂದು ಪ್ರೀತಿ ಮಲ್ಪುನಾಕುಲೆನ ಎಡ್ಡೆಗ್ ಮಾತ ಕಾರ್ಯೊಲು ಅನುಕೂಲ ಆಪುಂಡು ಪಂಡ್ದ್ ನಂಕ್ ಗೊತ್ತುಂಡು.

ರೋಮಾಯೆರೆಗ್ 9:11

ಆ ಜೋಕುಲು ಒರಿಯೇ ಅಮ್ಮೆರೆಗ್ ಜೋಕುಲಾದಿತ್ತ್‌ಂಡಲಾ ಪುಟ್ಟೊಡ್ದುಂಬೇ ವಾ ಎಡ್ಡೆ ಪಡಿಕೆಲೆನ್ ಮಲ್ಪಂದೆ ಉಪ್ಪುನಗ ಮಲ್ಲಾಯೆ ಎಲ್ಯಾಯನ ಚಾಕ್ರಿ ಮಲ್ಪುವೆ ಅಂದ್‌ದ್ ಆಲೆಗ್ ಪಂಡ್ದಿತ್ತ್‌ಂಡ್. ನೆಡ್ದ್ ದೇವೆರ್ ತನ್ಕ್ ಮನಸಿತ್ತಿನಾಕುಲೆನ್ ಅಜತೊನುವೆ ಪನ್ಪಿ ಸಂಕಲ್ಪ ಶಾಶ್ವತಾದ್ ಉಪ್ಪೊಡುಂದುದು ತೋಜಾಯೆ. ಆ ಸಂಕಲ್ಪೊಲು ಭಾಗ್ಯೊಗು ಆಧಾರ ಆದುಪ್ಪಂದೆ ಲೆಪ್ಪುನಾಯನ ಚಿತ್ತದ ಮಿತ್ತೇ ಆಧಾರ ಆದುಂಡು.

1 ಕೊರಿಂಥ್ಯೆರೆಗ್ 1:2

ಕೊರಿಂಥ್ಯೊಡು ಉಪ್ಪುನ ದೇವೆರೆ ಸಭೆಕ್ ಬರೆಪಿನಿ. ನಿಕುಲು ಕ್ರಿಸ್ತ ಯೇಸುಡು ಪ್ರತಿಷ್ಟೆ ಆತಿನಾಕುಲುಲಾ ದೇವಜನೊಕುಲು ಆವೆರೆ ಲೆತ್ತ್‌ದಿ ಮಾತ ಜನೊಕುಲೆ ಒಟ್ಟುಗು ಓಲಿತ್ತ್‌ಂಡಲಾ ಎಂಕ್ಲೆನ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಪುದರ್‌ಡ್ ಆರಾಧನೆ ಮಲ್ಪುನ ದೇವಜನೊಕುಲು ಆದುಲ್ಲರ್. ಯೇಸು ಕ್ರಿಸ್ತೆ ಅಕ್ಲೆನಲಾ ಎಂಕ್ಲೆನಲಾ ಕರ್ತವೆ ಆದುಲ್ಲೆ.

1 ಕೊರಿಂಥ್ಯೆರೆಗ್ 8:3

ಆಂಡ ಒರಿ ದೇವೆರೆನ್ ಪ್ರೀತಿ ಮಲ್ಪುವೆಡ, ಆಯನ್ ದೇವೆರ್ ತೆರಿಯೊನ್ವೆ.

2 ಕೊರಿಂಥ್ಯೆರೆಗ್ 7:1

ಪ್ರೀತಿದಾಕುಲೇ, ಈ ವಾಗ್ದಾನೊಲು ನಂಕುಪ್ಪುನೆಡ್ದ್, ನಮ ಶರೀರದ ಬೊಕ್ಕ ಆತ್ಮದ ಮೈಲೆನ್ ಶುದ್ಧ ಮಲ್ತೊಂದು, ಪರಿಶುದ್ಧೆರಾಪಿಲೆಕ್ಕ ದೇವೆರೆ ಪೋಡಿಗೆಡ್ ಉಪ್ಪೆರೆ ಪ್ರಯತ್ನ ಮಲ್ಪುಗ.

ಗಲಾತ್ಯೆರೆಗ್ 4:9

ಆಂಡ ಇತ್ತೆ ದೇವೆರೆನ್ ತೆರಿಯೊಂದುಲ್ಲರ್, ಅಂಚೆನೇ ದೇವೆರ್‌ಲಾ ನಿಕ್ಲೆನ್ ತೆರಿಯೊಂದುಲ್ಲೆ. ಅಂಚ ಆದುಪ್ಪುನಗ ಕುಡ ಪಿರ ಪೋದು, ನಿಕುಲು ಕೆಲಸೊಗು ಬರಂದಿನ ದರಿದ್ರ ಲೋಕದ ಕಟ್ಟ್‌ಕಟ್ಟಲೆಗ್ ಗುಲಾಮೆರಾದುಪ್ಪೆರೆ ದಾಯೆಗ್ ಬಯಕುವರ್?

ಎಫೆಸ್ಯೆರೆಗ್ 2:20

ಅಪೊಸ್ತಲೆರ್ ಬೊಕ್ಕ ಪ್ರವಾದಿಲು ಇನ್ಪಿ ಪಂಚಾಂಗದ ಮಿತ್ತ್ ಕಟ್ಟ್‌ದಿನ ದೇವೆರೆ ಇಲ್ಲ್ ಆದುಲ್ಲ. ಐತ ಮೂಲೆಕಲ್ಲ್ ಕ್ರಿಸ್ತ ಯೇಸು ತಾನೇ ಆದುಲ್ಲೆ.

ಎಫೆಸ್ಯೆರೆಗ್ 4:30

ದೇವೆರೆ ಪರಿಶುದ್ಧಾತ್ಮೊಗು ದುಃಖ ಬರ್ಪಾವೊಡ್ಚಿ. ಆಯಡ್ದೇ ಬುಡುಗಡೆದ ದಿನೊಕಾದ್ ಮುದ್ರೆ ಪಡೆವೊಂದರತ್ತಾ?

1 ತಿಮೋಥಿ 3:15

ಆಂಡ ಒಂಜಿ ವೇಳೆ ಯಾನ್ ತಡ ಮಲ್ತೆಡೆಲಾ, ಜೀವ ಇತ್ತಿ ದೇವೆರೆ ಸಭೆ ಪನ್ಪಿ ಇಲ್ಲನ್ ಎಂಚ ನಡಪುಡೊಡು ಅಂದ್‌ದ್ ಗೊತ್ತಾಪಿಲೆಕ್ಕ ಈ ಪತ್ರಿಕೆಡ್ದ್ ನಿಕ್ಕ್ ಗೊತ್ತಾವು. ಈ ಸಭೆ ಸತ್ಯದ ಕಂಬಲಾ ಅಡಿಪಾಯಲಾ ಆದುಂಡು.

1 ತಿಮೋಥಿ 6:19

ತನ್ಕುಲು ನಿತ್ಯಜೀವೊನು ಪತ್ತೊನುಲೆಕ್ಕ ಬರ್ಪಿ ಕಾಲೊಗು ಎಡ್ಡೆ ಬುನಾದಿನ್ ತನ್ಕುಲೆಗ್ ಕೂಡಾವೊನೊಡು ಪಂಡ್ದ್ ಅಕ್ಲೆಗ್ ಅಪ್ಪಣೆ ಕೊರ್ಲ.

ಇಬ್ರಿಯೆರೆಗ್ 11:10

ದಾಯೆಗಂದ್ಂಡ ಆಯೆ ಸ್ಥಿರವಾಯಿನ ಅಡಿಪಾಯೊಲಿತ್ತಿನ ಪೇಂಟೆನ್‌ ಪಂಡ್ಂಡ ದೇವೆರ್ ತಯಾರ್ ಮಲ್ತಿ ಪೇಂಟೆನ್‌ ಎದುರು ತೂವೊಂದಿತ್ತೆ.

2 ಪೇತ್ರೆ 3:14

ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಉಂದೆನ್ ಮಾತ ಎದುರು ತೂಪಿನಾಕುಲು ಆದುಪ್ಪುನೆಡ್ದ್ ಆಯ ದುಂಬು ಸಮಾಧಾನೊಡು ಶುದ್ಧದಾಕುಲುಲಾ ದೋಷದಾಂತಿನಾಕುಲುಲಾ ಆದ್ ತೋಜಿದ್ ಬರ್ಪಿಲೆಕ್ಕ ಪೇಚಾಡ್ಲೆ.

1 ಯೋಹಾನೆ 2:19

ಕ್ರಿಸ್ತ ವಿರೋಧಿಲು ನಮಡ್ದ್ ಪಿದಯಿ ಪೋಯಿನಾಕುಲು; ಮೊಕುಲು ನಮ್ಮಾಕುಲು ಆದಿತ್ತ್‌ಜೆರ್. ನಮ್ಮಾಕುಲು ಆದಿತ್ತೆರ್ಡ ನಮ ಒಟ್ಟುಗೇ ಇತ್ತುದ್ವೆರ್. ಆಂಡ ಅಕುಲು ನಮನ್ ಬುಡ್ದು ಪೋಯಿನೆಡ್ದ್ ನಮ್ಮಾಕುಲು ಅತ್ತ್ ಇನ್ಪಿನವು ಸ್ಪಷ್ಟಾದ್ ತೋಜಿದ್ ಬರ್ಪುಂಡು.

ಪ್ರಕಟಣೆ 17:8

ಈ ತೂಯಿನ ಆ ಮೃಗ ಸುರುಟ್ಟು ಇತ್ತ್ಂಡ್, ಆಂಡ ಇತ್ತೆ ಇಜ್ಜಿ. ಆಂಡ ಪಾತಾಳೊಡ್ದು ಆಯೆ ಬೇಗೊಡು ಮಿತ್ತ್ ಬತ್ತ್‌ದ್ ನಿತ್ಯ ನಾಶನೊಗು ಪೋಪೆ. ಲೋಕ ಉಂಡಾಯಿನೆಡ್ದಿಂಚಿ ಏರೇರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆತಿಜಾ, ಅಕುಲು ಈ ಮೃಗೊನು ತೂದು ಉಂದು ಸುರುಟ್ಟು ಇತ್ತ್ಂಡ್, ಇತ್ತೆ ಇಜ್ಜಿ, ಕುಡ ಬರ್ಪುಂಡು ಅಂದ್‌ದ್ ತೆರಿದ್ ಅಚ್ಚಿರ ಪಡೆವೆರ್.

ಪ್ರಕಟಣೆ 2:13

ಈ ಉಪ್ಪುನ ಜಾಗ್‌ನ್ ಯಾನ್ ತೆರಿದೆ. ಅವು ಸೈತಾನನ ಗದ್ದಿಗೆ ಆದುಂಡು. ಆಂಡಲಾ ಈ ಎನ ಪುದರ್‌ನ್ ಬುಡಂದೆ ಪತ್ತೊಂದ. ಈ ಉಪ್ಪುನ ಸೈತಾನನ ಬುಡಾರೊಡು ಎಂಕ್ ನಂಬಿಗಸ್ತೆಲಾ ಸಾಕ್ಷಿದಾಯೆಲಾ ಆದಿತ್ತಿ ಅಂತಿಪನ್ ಕೆರ್ದ್ ಪಾಡಿಯೆರ್. ಆ ದಿನೊಕುಲೆಡ್ಲಾ ಈ ಎನ ಮಿತ್ತ್ ದೀತಿನ ನಂಬಿಕೆನ್ ಮದೆ ಮಲ್ತ್‌ಜ.

ಪ್ರಕಟಣೆ 21:14

ಪಟ್ಟಣದ ಗೋಡೆಗ್ ಪದ್ರಾಡ್ ಪಂಚಾಂಗದ ಕಲ್ಲ್‌ಲ್ ಇತ್ತ್‌ದ್ ಐಟ್ಟ್ ಯಜ್ಞದ ಕುರಿತ ಕಿನ್ನಿ ಆದುಪ್ಪುನಾಯನ ಪದ್ರಾಡ್ ಅಪೊಸ್ತಲೆರೆ ಪುದರ್‌ಲು ಬರೆದಿತ್ತ್‌ಂಡ್.

ಪ್ರಕಟಣೆ 22:4

ಅಕುಲು ಆಯನ ಮೋನೆನ್ ತೂವೆರ್; ಆಯ ಪುದರ್ ಅಕ್ಲೆನ ಮುಂಡೊಡು ಬರೆದುಪ್ಪುಂಡು.

ಪ್ರಕಟಣೆ 3:8

ನಿನ ಕೆಲಸೊಲೆನ್ ಯಾನ್ ತೆರಿದೆ. ಇಂದಾ, ನಿನ ಬಲ ಒಂತೆ ಆಂಡಲಾ ಈ ಎನ ಪುದರ್‌ನ್ ಆರೆಂಜಂದೆ ಎನ ಪಾತೆರೊನು ಕಾತೊಂಡಿನೆಡ್ದ್ ನಿನ ಎದುರುಡು ಒಂಜಿ ಬಾಕಿಲ್‌ನ್ ಜತ್ತ್‌ದ್ ದೀತೆ; ಅವೆನ್ ಏರ್ಲಾ ಮುಚ್ಚಯೆರ್.