2 ತಿಮೋಥಿ 2:16 - ಪೊಸ ಒಡಂಬಡಿಕೆ

¹⁶ ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್

2 ತಿಮೋಥಿ 2:16 Iomraidhean Croise

1 ಕೊರಿಂಥ್ಯೆರೆಗ್ 15:33

ಮೋಸೊಡು ಬೂರಡೆ, “ಪಡಿಕೆಂತಿನಾಕುಲೆ ಒಟ್ಟುಗು ಸೇರೊನುಂಡ ಎಡ್ಡೆ ನಡತೆನ್ ತೆಟ್ಟಾವುಂಡು.”

1 ಕೊರಿಂಥ್ಯೆರೆಗ್ 5:6

ನಿಕುಲು ಪುಗರಿಕೆ ಮಲ್ತೊನುನವು ಎಡ್ಡೆ ಅತ್ತ್; ಒಂತೆ ಪುಳಿ ಬಂದ ಮಾತ ಬಂದೊನು ಪುಳಿ ಮಲ್ಪುಂಡು ಪಂಡ್ಂಡ ಒರಿಯನ ಪಾಪೊಡ್ದು ಮಾತೆರೆನ್ ಹಾಳ್ ಮಲ್ಪುಂಡು ಅಂದ್‌ದ್ ನಿಕ್ಲೆಗ್ ತೆರಿದಿಜಾ?

1 ತಿಮೋಥಿ 1:9

ಈ ನ್ಯಾಯಕಟ್ಟ್ ನೀತಿವಂತೆರೆಗ್ ಅತ್ತ್, ಆಂಡ ಅನ್ಯಾಯಗಾರೆರ್, ಅವಿಧೇಯೆರ್, ಭಕ್ತಿಹೀನೆರ್, ಪಾಪಿಷ್ಟೆರ್, ಲೋಕದಾಕುಲು, ನೀಚೆರ್, ತನ್ಕುಲೆ ಅಪ್ಪೆಅಮ್ಮಾಡ್ಲೆಗ್ ಪೆಟ್ಟು ಪಾಡುನಾಕುಲು, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಪುರುಷಗಾಮಿಲು, ಗುಲಾಮೆರೆ ವ್ಯಾಪಾರ ಮಲ್ಪುನಾಕುಲು, ಸುಳ್ಳುಗಾರೆರ್, ಪಾತೆರ ತತ್ತಿನಾಕುಲು, ಎಡ್ಡೆ ಬೋಧನೆಗ್ ವಿರೋಧಾದ್ ಬೇತೆ ಒವಾಂಡಲಾ ಮಲ್ಪುನಾಕುಲು, ಇಂಚಿತ್ತಿನ ನೀತಿಕೆಟ್ಟಿನಾಕುಲೆಗಾದ್ ಅವು ನೇಮಕ ಆತ್ಂಡ್.

1 ತಿಮೋಥಿ 4:7

ಬಜೀ ಅಜ್ಜಿಕತೆತ ಲೆಕ್ಕ ಲೋಕದ ಕತೆಕ್ಲೆನ್ ದೂರ ಮಲ್ತ್‌ದ್ ಐತ ಪಗತೆಗ್ ದೇವಭಕ್ತಿಡ್ ಉಪ್ಪೆರೆ ನಿನನ್ ತಯಾರ್ ಮಲ್ತೊನ್ಲ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 2:14

ಈ ಸಂಗತಿಲೆನ್ ಮಾತೆರೆಗ್ ನೆನೆಪು ಪುಟ್ಟಾಲ, ಕೇನುನಾಕುಲೆಗ್ ತೊಂದರೆ ಆಪಿನತ್ತಂದೆ, ವಾ ಪ್ರಯೋಜನೊಗ್ಲಾ ಬರಂದಿ ತರ್ಕೊಲೆನ್ಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ದೇವೆರೆ ಸನ್ನಿಧಿಡ್ ಅಪ್ಪಣೆ ಕೊರ್ಪೆ.

2 ತಿಮೋಥಿ 2:21

ಅಂಚಾದ್ ಒರಿ ಹಾಳ್ ನಡತೆದಾಯನ ಸಹವಾಸೊನು ಬುಡ್ದು ತನನ್ ಶುದ್ಧ ಮಲ್ತೊಂಡೆಡ ಆಯೆ ಎಡ್ಡೆ ಬಳಕೆಗ್ ತಕ್ಕದಾಯೆ ಆದುಪ್ಪುವೆ. ಆಯೆ ದೇವೆರೆ ಸೇವೆಗ್ ಒಚ್ಚಿದ್ ಕೊರ್ತಿನಾಯೆ ಆದ್ ತನ ಯಜಮಾನಗ್ ಪ್ರಯೋಜನದಾಯೆಲಾ, ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗ್ ತಯಾರಾದುಪ್ಪುವೆ.

2 ತಿಮೋಥಿ 3:13

ಆಂಡ ದುಷ್ಟೆರ್‌ಲಾ, ವಂಚನೆದಾಕುಲುಲಾ, ಬಾಕಿದಾಕುಲೆನ್ ಮೋಸ ಮಲ್ತೊಂದು ಅಕುಲೇ ಕಡೆಕ್ಕ್ ಮೋಸೊಗು ಬೂರ್ದು ಹೆಚ್ಚ್ ಹೆಚ್ಚ್ ಹಾಳ್ ಆದ್ ಪೋಪೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:11

ಮೊಕುಲು ವಾ ತರೊಟುಲಾ ಲಾಭ ಮಲ್ತೊನೊಡಂದ್‌ದ್ ತಪ್ಪು ಬೋಧನೆನ್ ಮಲ್ತ್‌ದ್ ಇಡೀ ಇಲ್ಲ್‌ನೆ ಕಂಕಣೆ ಪಾಡ್ವೆರ್. ಅಕ್ಲೆನ ಬಾಯಿ ಮುಚ್ಚೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:9

ಬುದ್ಧಿದಾಂತಿನ ತರ್ಕೊಲೆಗಾವಡ್ ಸಂತಾನ ಪಟ್ಟಿಲೆಗಾವಡ್ ನ್ಯಾಯಕಟ್ಟ್‌ಗ್ ಸಮ್ಮಂಧ ಪಡೆಯಿನ ಮಾತ ತರ್ಕ ಲಡಾಯಿಲೆಗಾವಡ್ ದೂರ ಆದುಪ್ಪುಲ. ಉಂದು ಮಾತ ಪ್ರಯೋಜನದಾಂತಿನವುಲಾ ಕೆಲಸೊಗು ಬರಂದಿನವುಲಾ ಆದುಂಡು.

ಇಬ್ರಿಯೆರೆಗ್ 12:15

ನಿಕ್ಲೆಡ್ ಏರಾಂಡಲಾ ದೇವೆರೆ ದಯೊಕು ತತ್ತ್‌ದ್ ಪಿರಜಾರಂದಿಲೆಕ್ಕ ವಾ ವಿಷತ ಬೇರ್‌ಲಾ ನಿಕ್ಲೆಡ ತೆಗ್‌ಲ್‌ದ್ ಅಸಮಾಧಾನೊನು ಪುಟ್ಟಾದ್ ಸಭೆತಾಕುಲೆನ್ ಹಾಳ್ ಮಲ್ಪಂದಿಲೆಕ್ಕ ತೂಲೆ.

2 ಪೇತ್ರೆ 2:18

ತಪ್ಪು ಸಾದಿಡ್ ನಡಪುನಾಕುಲೆನ ಸಹವಾಸೊಡ್ದು ಇಂಚೊಗು ತಪ್ಪಾವೊಂಡಿನಾಕುಲೆನ ಒಟ್ಟುಗು, ಮೊಕುಲು ಬಂಡ್ ಪಾತೆರೊಂದು, ಮಲ್ಲ ಮಲ್ಲ ಬಂಟ್‌ನ್ ಪುಗರೊಂದು, ಶರೀರದಾಶೆನ್ ಪುಟ್ಟಾದ್ ಅಕ್ಲೆನ್ ತಿಕ್ಕಾವೆರ್.

2 ಪೇತ್ರೆ 2:2

ಅಕ್ಲೆನ ನಾಶನದ ಬೋಧನೆಲೆನ್ಲಾ ನಾಚಿಗೆದ ಕಾರ್ಯೊಲೆನ್ಲಾ ಮಸ್ತ್ ಜನ ಬೆರಿ ಪತ್ತುವೆರ್, ಬೊಕ್ಕ ಈ ಬೋಧಕೆರೆಡ್ದಾದ್ ಸತ್ಯದ ಮಾರ್ಗೊಗು ದೂಷಣೆ ಆಪುಂಡು.

ಪ್ರಕಟಣೆ 13:14

ಆ ಸುರುತ್ತ ಮೃಗತ ಎದುರುಡು ಬಲತ್ತ ಕಾರ್ಯೊಲೆನ್ ಮಲ್ಪು ಅಧಿಕಾರ ಉಪ್ಪುನೆಡ್ದ್, ಭೂಮಿಡ್ ಉಪ್ಪುನಾಕುಲೆನ್ ಮರ್ಲ್ ಮಲ್ಪಾವುಂಡು. ಅಕ್ಲೆಗ್ ಕತ್ತಿಡ್ದ್ ಗಾಯ ಆದ್ ಸೈಯಂದೆ ಬದ್‌ಕಿನ ಮೃಗತ ಮರ್ಯಾದಿಗಾದ್ ಮೂರ್ತಿನ್ ಮಲ್ತೊನೊಡು ಪಂಡ್ದ್ ಕಲ್ಪಾವುಂಡು.

ಪ್ರಕಟಣೆ 13:3

ಮೃಗತ ತರೆಲೆಡ್ ಒಂಜಿ ತರೆ ಗಾಯ ಆದ್ ಸೈಪಿಲೆಕ್ಕ ಉಪ್ಪುನೆನ್ ತೂಯೆ. ಆ ಸೈಪಿನಂಚಿ ಗಾಯ ಗುಣ ಆಂಡ್. ಭೂಮಿದಾಕುಲು ಮಾತೆರ್ ಆ ಮೃಗೊನು ತೂದು ಅಚ್ಚಿರ ಆದ್ ಐತ ಬೆರಿ ಪತ್ತಿಯೆರ್.