2 ತಿಮೋಥಿ 2:15 - ಪೊಸ ಒಡಂಬಡಿಕೆ

¹⁵ ಈ ದೇವೆರೆ ದೃಷ್ಟಿಡ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರಿಯೆರೆ ಪ್ರಯಾಸ ಮಲ್ಪುಲ. ನಾಚಿಗೆಗ್ ಗುರಿ ಆವಂದಿಲೆಕ್ಕಲಾ ಸತ್ಯದ ಪಾತೆರೊನು ಸರಿಯಾದ್ ಬೋಧನೆ ಮಲ್ಪುನಾಯೆಲಾ ಆದುಪ್ಪುಲ.

2 ತಿಮೋಥಿ 2:15 Iomraidhean Croise

ಮತ್ತಾಯೆ 13:52

ಅಪಗ ಆಯೆ ಅಕ್ಲೆಡ, “ಇಂಚ ಉಪ್ಪುನಗ ಪರಲೋಕ ರಾಜ್ಯದ ಸಂಗತಿಡ್ ಉಪದೇಶ ಪಡೆಯೊಂದಿನ ಪ್ರತಿಯೊರಿ ಶಾಸ್ತ್ರಿಲಾ ಇಲ್ಲದ ಯಜಮಾನಗ್ ಸಮ ಆದುಲ್ಲೆ. ಆಯೆ ತನ ಗೋದಾಮುಡ್ದು ಪೊಸ ದ್ರವ್ಯೊಲೆನ್ಲಾ ಐತ ಒಟ್ಟುಗು ಪರತ್ತ್‌ದೆನ್ಲಾ ಪಿದಯಿ ಕನವೊಂದುಪ್ಪುವೆ,” ಅಂದ್‌ದ್ ಪಂಡೆ.

ಮಾರ್ಕೆ 4:33

ಆಯೆ ಇಂಚಿತ್ತಿ ಮಸ್ತ್ ಉಪಕತೆಲೆಡ್ದ್ ಜನೊಕುಲೆಗ್ ಅರ್ಥ ಆಪಿಲೆಕ್ಕ ದೇವೆರೆ ಪಾತೆರೊನು ಪನೊಂದಿತ್ತೆ.

ಲೂಕೆ 12:42

ಕರ್ತವೆ ಪಂಡಿನಿ ದಾನೆಂದ್ಂಡ, “ಪೊರ್ತು ಪೊರ್ತುಗು ವಣಸ್‌ಗ್ ಬೋಡಾಯಿನೆನ್ ಲತ್ತ್‌ದ್ ಕೊರಿಯೆರೆಗಾದ್ ಯಜಮಾನೆ ತನ ಇಲ್ಲದಾಕುಲೆನ ಮಿತ್ತ್ ನೇಮಕ ಮಲ್ತಿ ನಂಬಿಗೆದಾಯೆಲಾ ಬುದ್ಧಿವಂತೆಲಾ ಆದುಪ್ಪು ಆ ಬೇಲೆದಾಯೆ ಏರ್?

ಅಪೊ.ಕ್ರಿ 2:22

“ಇಸ್ರಾಯೇಲ್ ಜನೊಕುಲೇ, ಎನ ಪಾತೆರೊಲೆನ್ ಕೇನ್ಲೆ, ನಿಕ್ಲೆಗ್ ತೆರಿದುಪ್ಪುಲೆಕ್ಕ ದೇವೆರ್ ನಜರೇತ್‌ದ ಯೇಸುನ ಕೈಡ್ದ್ ಬಲತ್ತ ಕಾರ್ಯೊಲೆನ್ಲಾ ಕಾರ್ನಿಕೊಲೆನ್ಲಾ ಗುರ್ತೊಲೆನ್ಲಾ ನಿಕ್ಲೆ ಉಲಯಿ ಮಲ್ತಿನೆಡ್ದ್ ಆಯೆ ನಿಕ್ಲೆಗ್ ಮೆಚ್ಚಿಗೆ ಆತಿನಾಯೆ ಪಂಡ್ದ್ ನಿಕ್ಲೆಗ್ ತೋಜಾದ್ ಕೊರಿಯೆ.

ಅಪೊ.ಕ್ರಿ 20:27

ದಾಯೆಗಂದ್ಂಡ ಒಂಜೆನ್ಲಾ ಮದೆಮಲ್ಪಂದೆ ದೇವೆರೆ ಚಿತ್ತೊಲೆನ್ ಪೂರ ನಿಕ್ಲೆಗ್ ತೆರಿಪಾಯೆ.

ರೋಮಾಯೆರೆಗ್ 14:18

ಬೊಕ್ಕ ನಿಕುಲು ಈ ರೀತಿಡ್ ಕ್ರಿಸ್ತನ ಸೇವೆ ಮಲ್ಪುನಾಂಡ ನಿಕುಲು ದೇವೆರೆಗ್ ಮೆಚ್ಚೆಗೆದಾಕುಲು ಆದ್‌ಲಾ ನರಮಾನಿಲೆಗ್ ಯೋಗ್ಯದಾಕುಲುಲಾ ಆದುಪ್ಪುವರ್ ಆತೇ.

ರೋಮಾಯೆರೆಗ್ 16:10

ಕ್ರಿಸ್ತನ ಸೇವೆಡ್ ಯೋಗ್ಯದಾಯೆ ಆದುಪ್ಪು ಅಪೆಲ್ಲಗ್ ವಂದನೆ ಅರಿಸ್ತೊಬೂಲುನ ಇಲ್ಲದಾಕುಲೆಗ್ ವಂದನೆಲು.

ರೋಮಾಯೆರೆಗ್ 6:13

ಉಂದು ಮಾತ್ರ ಅತ್ತಂದೆ ನಿಕುಲು ನಿಕ್ಲೆನ ಅಂಗೊಲೆನ್ ಪಾಪೊಗು ಒಪ್ಪಿಯಾವುನಕುಲಾದ್ ಪಡಿಕೆ ಉದ್ದೇಶೊಲೆಗಾದ್ ಉಪಯೋಗ ಮಲ್ಪಡೆ. ಮರಣೊಡ್ದು ಜೀವೊಗು ಬೈದಿನಾಕುಲೆ ಲೆಕ್ಕ ನಿಕ್ಲೆನ್ ದೇವೆರೆಗ್ ಒಚ್ಚಿದ್ ಕೊರ್ಲೆ; ಬೊಕ್ಕ ನೀತಿದ ಕಾರ್ಯೊಲೆಗಾದ್ ಉಪಯೋಗ ಆಪಿಲೆಕ್ಕ ನಿಕ್ಲೆ ಇಡೀ ಶರೀರೊನು ಆಯ ವಶೊಕ್ಕು ಕೊರ್ಲೆ.

1 ಕೊರಿಂಥ್ಯೆರೆಗ್ 2:6

ಆಂಡ ನಂಬಿಕೆಡ್ ದೃಢ ಆದುಪ್ಪುನಾಕುಲೆಡ ಎಂಕುಲು ಗೇನೊಡೇ ಪಾತೆರ್‌ವ; ಆಂಡ ಈ ಲೋಕದ ಗೇನೊಡತ್ತ್; ನಾಶಾದ್ ಪೋಪಿನ ಈ ಲೋಕದ ಅಧಿಕಾರಿಲೆ ಬುದ್ಧಿವಂತಿಕೆಡ್ಲಾ ಅತ್ತ್.

2 ಕೊರಿಂಥ್ಯೆರೆಗ್ 10:18

ತನನ್ ತಾನೇ ಮೆಚ್ಚಾವುನುನಾಯೆ ಯೋಗ್ಯದಾಯೆ ಅತ್ತ್. ಕರ್ತವೆ ಏರೆನ್ ಮೆಚ್ಚುವೆನಾ ಆಯೆನೇ ತಕ್ಕದಾಯೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 3:6

ಎಂಕ್ಲೆನ್ ಆಯೆ ಪೊಸ ಒಡಂಬಡಿಕೆದ ಎಡ್ಡೆ ಸೇವಕೆರಾದ್ ಮಲ್ತೆ. ಅವು ಬರೆತಿನ ನಿಯಮೊಲು ಆದುಪ್ಪಂದೆ ದೇವೆರಾತ್ಮದ ಸಮ್ಮಂಧ ಆದುಂಡು. ಬರೆತಿನ ನಿಯಮೊಲು ಮರಣೊನು ಕೊರೊಂದುಪ್ಪುಂಡು; ಆಂಡ ದೇವೆರಾತ್ಮ ಜೀವೊನು ಕೊರೊಂದುಪ್ಪುಂಡು.

2 ಕೊರಿಂಥ್ಯೆರೆಗ್ 4:2

ಆಂಡ ನಾಚಿಗೆ ಪುಟ್ಟಾವುನ ಬೊಕ್ಕ ದೆಂಗ್ದಿನ ಕಾರ್ಯೊಲೆನ್ ಬುಡ್ದು, ತಂತ್ರೊಡು ನಡತೊನಂದೆ, ದೇವೆರೆ ಪಾತೆರೊಗು ಬೆರಕೆ ಮಲ್ಪಂದೆ, ಸತ್ಯೊನು ಎಡ್ಡೆ ರೀತಿಡ್ ಬೋಧನೆ ಮಲ್ತೊಂದು ಎಂಕ್ಲೆನ್ ದೇವೆರೆ ದುಂಬು ಮಾತ ನರಮಾನಿಲೆ ಉಡಲ್‌ಡ್ ಸಜ್ಜನೆರಾದ್ ತೋಜಿದ್ ಬರ್ಪಿಲೆಕ್ಕ ನಡತೊಂದುಲ್ಲ.

2 ಕೊರಿಂಥ್ಯೆರೆಗ್ 5:9

ಅಂಚಾದ್ ಎಂಕುಲು ಶರೀರೊಡಿತ್ತ್‌ಂಡಲಾ ಐಡ್ದ್ ಬುಡುಗಡೆ ಆಂಡಲಾ ನಮ ಕರ್ತವಗ್ ಮೆಚ್ಚಿಗೆ ಆದ್ ಉಪ್ಪೊಡಂದ್‌ದ್ ಪೇಚಾಡುವ.

ಗಲಾತ್ಯೆರೆಗ್ 1:10

ಯಾನ್ ಇತ್ತೆ ಏರೆನ್ ಒಪ್ಪಿಯಾವೆರೆ ಪ್ರಯತ್ನ ಮಲ್ತೊಂದುಲ್ಲೆ? ನರಮಾನಿಲೆನಾ? ದೇವೆರೆನಾ? ಅತ್ತ್‌ಡ ಯಾನ್ ನರಮಾನಿಲೆನ್ ಮೆಚ್ಚಾವೆರೆ ತೂಪೆನಾ? ನನಲಾ ಯಾನ್ ನರಮಾನಿಲೆನ್ ಮೆಚ್ಚಾವೊಡಂದ್ ಇತ್ತೆಡ ಯಾನ್ ಕ್ರಿಸ್ತನ ದಾಸೆ ಅತ್ತ್.

ಎಫೆಸ್ಯೆರೆಗ್ 1:13

ಬೊಕ್ಕ ನಿಕುಲುಲಾ ನಿಕ್ಲೆ ರಕ್ಷಣೆದ ಸುವಾರ್ತೆ ಇನ್ಪಿನ ಸತ್ಯದ ಪಾತೆರೊನು ಕೇಂಡ್ದ್, ಕ್ರಿಸ್ತನ್ ನಂಬುನಕುಲಾದ್ ವಾಗ್ದತ್ತ ಆದುಪ್ಪು ಪರಿಶುದ್ಧಾತ್ಮಡ್ದ್ ಮುದ್ರೆಲಾ ಹೊಂದಿಯರ್.

1 ಥೆಸಲೋನಿಕೆರೆಗ್‌ 2:4

ಆಂಡ ದೇವೆರ್ ಎಂಕ್ಲೆನ್ ತಕ್ಕದಾಕುಲು ಪಂಡ್ದ್, ಈ ಸುವಾರ್ತೆ ಎಂಕ್ಲೆನ ವಶೊಕ್ಕು ಕೊರಿಯೆ. ಎಂಕುಲು ನರಮಾನಿರೆನ್ ಮೆಚ್ಚಾವಂದೆ ಉಡಲ್‌ನ್ ಪರೀಕ್ಷೆ ಮಲ್ಪುನ ದೇವೆರೆನ್ ಮೆಚ್ಚಾವೊಡು ಅಂದ್‌ದ್ ಪಾತೆರೊಂದುಲ್ಲ.

1 ಥೆಸಲೋನಿಕೆರೆಗ್‌ 5:14

ಸಹೋದ್ರೆರೇ, ಸೋಮಾರಿತನೊಟು ಉಪ್ಪುನಾಕುಲೆಗ್ ಬುದ್ಧಿ ಪನ್ಲೆ, ಮನಸ್ ಕುಂದುದು ಪೋಯಿನಾಕುಲೆಗ್ ಧೈರ್ಯ ಕೊರ್ಲೆ, ಬಲಹೀನೆರೆಗ್ ಆಧಾರ ಕೊರ್ಲೆ, ಮಾತೆರೆ ಒಟ್ಟುಡ್ಲಾ ತೀರುನಾತ್ ತಾಳ್ಮೆಡುಪ್ಪುಲೆ ಅಂದ್‌ದ್ ನಿಕ್ಲೆನ್ ಕೇನೊನ್ವೆ.

1 ತಿಮೋಥಿ 4:6

ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

ಇಬ್ರಿಯೆರೆಗ್ 4:11

ಅಂಚಾದ್ ನಮಡ ಒರಿಯಾಂಡಲಾ ಅಪನಂಬಿಕೆಡ್ ಬೂರಂದಿಲೆಕ್ಕ ಆ ವಿಶ್ರಾಂತಿಡ್ ಸೇರಿಯೆರೆ ಪ್ರಯಾಸ ಮಲ್ಪುಗ.

ಯಾಕೋಬು 1:12

ಶೋಧನೆನ್ ಸಹಿಸೊಂದು ಸ್ಥಿರ ಆದುಪ್ಪುನಾಯೆ ಭಾಗ್ಯವಂತೆ; ಆಯೆ ತಕ್ಕದಾಯೆ ಅಂದ್‌ದ್ ತೋಜಿಯೆಡ ದೇವೆರೆನ್ ಪ್ರೀತಿ ಮಲ್ಪುನಾಕುಲೆಗ್ ವಾಗ್ದಾನ ಮಲ್ತ್‌ದಿನ ನಿತ್ಯಜೀವದ ಕಿರೀಟ ಆಯಗ್ ತಿಕ್ಕುಂಡು.

ಯಾಕೋಬು 1:18

ತನ ಸತ್ಯ ಪಾತೆರೊನು ನಂಕ್ ಕೊರ್ದು ನಮನ್ ಪುಟ್ಟಾಯಿನೆಡ್ದ್ ನಮ ಆಯನ ಮಾತ ಸೃಷ್ಟಿಡ್ಲಾ ಆಯಗ್ ಸುರುತ್ತ ಫಲ ಆದುಲ್ಲ.

2 ಪೇತ್ರೆ 1:10

ಅಂಚಾದ್ ಪ್ರೀತಿದ ಸಹೋದ್ರ ಸಹೋದ್ರಿಲೆ, ದೇವೆರೆ ಲೆಪ್ಪುನ್ಲಾ ಅಜತೊಂಡಿನೆನ್ಲಾ ದೃಢ ಮಲ್ಪೆರೆ ಹೆಚ್ಚಾದ್ ಪ್ರಯಾಸ ಮಲ್ಪುಲೆ. ಈ ಸಂಗತಿಲೆನ್ ನಿಕುಲು ಮಲ್ತೊಂದಿತ್ತರ್ಡ ನಂಬಿಕೆಡ್ ಬೂರ್ದು ಪೋಪುಜರ್.

2 ಪೇತ್ರೆ 1:15

ಅಂಚಾದ್ ಯಾನ್ ಲೋಕೊನು ಬುಡ್ದು ಪೋಯಿ ಬೊಕ್ಕಲಾ ನಿಕುಲು ಈ ಸಂಗತಿಲೆನ್ ಏಪಲಾ ನೆನೆಪುಡು ದೀವೊಡು ಅಂದ್‌ದ್ ಯಾನ್ ಪ್ರಯಾಸ ಮಲ್ಪುವೆ.

2 ಪೇತ್ರೆ 3:14

ಅಂಚಾಯಿನೆಡ್ದ್ ಪ್ರೀತಿದಾಕುಲೇ, ನಿಕುಲು ಉಂದೆನ್ ಮಾತ ಎದುರು ತೂಪಿನಾಕುಲು ಆದುಪ್ಪುನೆಡ್ದ್ ಆಯ ದುಂಬು ಸಮಾಧಾನೊಡು ಶುದ್ಧದಾಕುಲುಲಾ ದೋಷದಾಂತಿನಾಕುಲುಲಾ ಆದ್ ತೋಜಿದ್ ಬರ್ಪಿಲೆಕ್ಕ ಪೇಚಾಡ್ಲೆ.