2 ತಿಮೋಥಿ 2:14 - ಪೊಸ ಒಡಂಬಡಿಕೆ

¹⁴ ಈ ಸಂಗತಿಲೆನ್ ಮಾತೆರೆಗ್ ನೆನೆಪು ಪುಟ್ಟಾಲ, ಕೇನುನಾಕುಲೆಗ್ ತೊಂದರೆ ಆಪಿನತ್ತಂದೆ, ವಾ ಪ್ರಯೋಜನೊಗ್ಲಾ ಬರಂದಿ ತರ್ಕೊಲೆನ್ಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ದೇವೆರೆ ಸನ್ನಿಧಿಡ್ ಅಪ್ಪಣೆ ಕೊರ್ಪೆ.

2 ತಿಮೋಥಿ 2:14 Iomraidhean Croise

ಮತ್ತಾಯೆ 16:26

ಒರಿ ನರಮಾನಿ ಇಡೀ ಲೋಕೊನು ಸಂಪಾದನೆ ಮಲ್ತೊಂಡೆಡಲಾ ತನ ಪ್ರಾಣೊನು ಹಾಳ್ ಮಲ್ತೊಂಡೆಡ ಆಯಗ್ ದಾದ ಪ್ರಯೋಜನ ಉಂಡು? ಇಜ್ಜಿಡ ಒರಿ ತನ ಪ್ರಾಣದ ಪಗತೆಗ್ ಎಂಚಿನ ಕೊರಿಯೆರೆಗಾವು?

ಅಪೊ.ಕ್ರಿ 13:10

“ಮಾತ ಮೋಸೊಡು ಮಾತ ವಂಚನೆಡ್ ದಿಂಜಿದಿನಾಯ, ಸೈತಾನನ ಮಗ, ಮಾತ ನೀತಿಗ್ ವಿರೋಧ ಇತ್ತಿನಾಯ ಈ ಕರ್ತವನ ಸರಿಯಾಯಿನ ಸಾದಿನ್ ಮೊಡಂಕ್ ಮುಲ್ಪುನೆನ್ ಬುಡ್ಪುಜನಾ?

ಅಪೊ.ಕ್ರಿ 15:24

ನಮ ಸಮುದಾಯೊಡ್ದು ಪೋತಿನ ಕೆಲೆವೆರ್ ಎಂಕ್ಲೆಡ್ದ್ ದಾಲಾ ಅಪ್ಪಣೆ ದೆತ್ತೊನಂದೆ ನಿಕುಲು ಸುನ್ನತಿ ಮಲ್ಪೊಡು ಬೊಕ್ಕ ನ್ಯಾಯಕಟ್ಟ್‌ನ್ ಕೈಕೊನೊಡು ಪಂಡ್‌ದ್ ಅಕ್ಲೆ ಪಾತೆರೊಡ್ದು ನಿಕ್ಲೆಡ ಗಲಿಬಿಲಿ ಪುಟ್ಟಾದ್ ನಿಕ್ಲೆ ಉಡಲ್‌ನ್ ತಳಮಳ ಮಲ್ತೆರ್ ಅಂದ್‌ದ್ ಎಂಕ್ಲೆಗ್ ತೆರಿಂಡ್.

ರೋಮಾಯೆರೆಗ್ 14:1

ನಂಬಿಕೆಡ್ ಬಲಹೀನ ಇತ್ತಿನಾಕುಲೆನ್ಲಾ ಸೇರಾವೊನ್ಲೆ; ಆಂಡ ಅಕ್ಲೆನ ಎದರುಡು ಸಂಶಯದ ಸಂಗತಿಲೆನ್ ಚರ್ಚೆ ಮಲ್ಪಡೆ.

ಗಲಾತ್ಯೆರೆಗ್ 1:7

ಅವು ಸುವಾರ್ತೆನೇ ಅತ್ತ್, ಆಂಡ ಕೆಲೆವೆರ್ ನಿಕ್ಲೆ ನಡುಟು ಗಲಿಬಿಲಿ ಪುಟ್ಟಾದ್ ಕ್ರಿಸ್ತನ ಸುವಾರ್ತೆ ಬೇತೆ ಮಲ್ಪೆರೆಗ್ ಪ್ರಯತ್ನ ಮಲ್ತೊಂದುಲ್ಲೆರ್.

ಎಫೆಸ್ಯೆರೆಗ್ 4:17

ಅಂಚಾಯಿನೆಡ್ದ್ ಪಿದಯಿದ ಜನೊಕುಲು ನಡಪುಲೆಕ್ಕ ನಿಕುಲು ನನ ಮಿತ್ತ್ ನಡಪೆರೆ ಬಲ್ಲಿ ಅಂದ್‌ದ್ ಕರ್ತವಡ್ ಇತ್ತಿನಾಯೆ ಆದ್ ನಿಕ್ಲೆಗ್ ಕಂಡಿತಾದ್ ಪನ್ಪೆ.

1 ಥೆಸಲೋನಿಕೆರೆಗ್‌ 4:1

ಕಡೆಕ್ಕ್ ಸಹೋದ್ರೆರೇ, ದೇವೆರೆಗ್ ಮೆಚ್ಚಿಗೆ ಆಪಿನ ಜೀವನ ಎಂಚ ಮಲ್ಪೊಡಂದ್‌ದ್ ಎಂಕ್ಲೆಡ್ದ್ ಕಲ್ತೊಂಡರ್. ಅಂಚೆನೇ ನಡತೊಂದುಲ್ಲರ್; ನನಲಾ, ಹೆಚ್ಚೆಚ್ಚಾದ್ ನಡಪುಡೊಡು ಅಂದ್‌ದ್ ಎಂಕುಲು ಕರ್ತವೆ ಆದುಪ್ಪು ಯೇಸುಡ ನಟ್ಟೊಂದು ಬುದ್ಧಿ ಪನ್ಪ.

2 ಥೆಸಲೋನಿಕೆರೆಗ್‌ 3:6

ಆಂಡ ಸಹೋದ್ರೆರೇ, ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಪುದರ್‌ಡ್ ಎಂಕುಲು ನಿಕ್ಲೆಗ್ ಅಪ್ಪಣೆ ಕೊರ್ಪ ದಾನೆ ಪಂಡ ಎಂಕ್ಲೆಡ್ದ್ ತಿಕ್ಕಿನ ಬೋಧನೆನ್ ಬುಡ್ದು ಸೋಮಾರಿತನೊಟು ಉಪ್ಪುನ ಸಹೋದ್ರೆರೆಡ್ದ್ ದೂರಾದುಪ್ಪುಲೆ.

1 ತಿಮೋಥಿ 1:4

ಅಂಚೆನೇ, ಕಟ್ಟುಕತೆಕ್ಲೆಗ್ಲಾ ಕೊಡಿಮುದೆಲ್ ಇಜ್ಜಂದಿನ ಸಂತಾನ ಪಟ್ಟಿಲೆಗ್ಲಾ ಗೇನ ಕೊರಿಯೆರೆ ಬಲ್ಲಿ ಪಂಡ್ದ್, ದುಂಬು ಯಾನ್ ನಿಕ್ಕ್ ಅಪ್ಪಣೆ ಕೊರ್ತಿ ಲೆಕ್ಕನೇ ಇತ್ತೆಲಾ ಪನೊಂದುಲ್ಲೆ. ಇಂಚಿತ್ತಿನವು ದುಂಬಗ್ ತರ್ಕ ಪುಟ್ಟಾವುನವು ಅತ್ತಂದೆ ದೇವೆರ್ ಮಲ್ಪೊಡಿತ್ತಿ ಕೆಲಸೊಲೆಗ್ ಬಳಕೆ ಆಪುಜಿ. ಅವು ನಂಬಿಕೆಡ್ದ್ ಸಾದ್ಯ ಆಪುಂಡು. ಶುದ್ಧ ಹೃದಯ, ಎಡ್ಡೆ ಮನಸಾಕ್ಷಿ, ಕಪಟದಾಂತಿ ನಂಬಿಕೆ, ಇಂಚಿತ್ತಿನೆಡ್ದ್ ಉಂಡಾಯಿ ಪ್ರೀತಿಯೇ ದೇವೆರೆ ಪಾತೆರದ ಬೋಧನೆ ಆದುಂಡು.

1 ತಿಮೋಥಿ 1:6

ಕೆಲೆವೆರ್ ಈ ಮುಖ್ಯ ವಿಷಯೊಲೆಡ್ದ್ ತತ್ತ್‌ದ್ ಪೋದು ಬೊಡ್ಚಾವಂದಿನ ತರ್ಕೊಲೆಗ್ ಬೂರ್ದೆರ್.

1 ತಿಮೋಥಿ 4:8

ದಾಯೆಗಂದ್ಂಡ ಶರೀರದ ವ್ಯಾಯಾಮ ಒಂತೆದೆಕ್ ಪ್ರಯೋಜನ, ಆಂಡ ದೇವೆರೆ ಭಕ್ತಿ ಮಾತ ಸಂಗತಿಡ್ಲಾ ಪ್ರಯೋಜನದವು ಆದಿತ್ತ್‌ದ್ ಈ ಲೋಕೊಡ್ಲಾ ನನ ದುಂಬದ ಲೋಕೊಡ್ಲಾ ಜೀವ ಕೊರ್ಪಿನ ವಾಗ್ದಾನ ಆದುಂಡು.

1 ತಿಮೋಥಿ 5:21

ಈ ವಿಚಾರಣೆ ಮಲ್ಪುನೆಡ್ದ್ ದುಂಬೇ ಅಕ್ಲೆನ ಮಿತ್ತ್ ತಪ್ಪು ಪನಂದೆ, ಭೇದಭಾವೊಡು ದಾಲಾ ಮಲ್ಪಂದೆ, ಯಾನ್ ನಿಕ್ಕ್ ಪಂತಿನ ಪಾತೆರೊನು ಕೈಕೊನೊಡು ಅಂದ್‌ದ್ ದೇವೆರೆ ದುಂಬುಲಾ, ಕ್ರಿಸ್ತ ಯೇಸುನ ದುಂಬುಲಾ, ಅಜತ್ ದೆತ್ತೊಂದಿನ ದೂತೆರೆನ ದುಂಬುಲಾ ಅಪ್ಪಣೆ ಕೊರ್ಪೆ.

1 ತಿಮೋಥಿ 6:13

ಮಾತ ಸೃಷ್ಟಿಗ್ಲಾ ಜೀವ ಕೊರ್ಪಿನ ದೇವೆರೆ ದುಂಬುಲಾ, ಪೊಂತ್ಯ ಪಿಲಾತನ ಎದುರುಡು ಎಡ್ಡೆ ಅರಿಕೆನ್ ಸಾಕ್ಷಿ ಆದ್ ಕೊರಿನ ಕ್ರಿಸ್ತ ಯೇಸುನ ಎದುರುಡ್ಲಾ ಯಾನ್ ನಿಕ್ಕ್ ಕಂಡಿತಾದ್ ಪನ್ಪಿನಿ ದಾನೆಂದ್ಂಡ,

2 ತಿಮೋಥಿ 1:6

ಅಂಚಾಯಿನೆಡ್ದೇ ಯಾನ್ ಎನ ಕೈನ್ ನಿನ ತರೆಕ್ ದೀಯಿನಪಗ ದೇವೆರ್ ನಿಕ್ಕ್ ಕೊರಿನ ಆತ್ಮೀಕ ವರದಾನೊನು ನನಲಾ ಹೆಚ್ಚಾದ್ ತೋಜಿದ್ ಬರ್ಪಿಲೆಕ್ಕ ಮಲ್ಪೊಡಂದ್‌ದ್ ಕುಡ ನೆನೆಪು ಪುಟ್ಟಾವೆ.

2 ತಿಮೋಥಿ 2:16

ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್

2 ತಿಮೋಥಿ 2:23

ಬುದ್ಧಿದಾಂತಿ ವ್ಯರ್ಥ ತರ್ಕೊಲು ಅವು ಲಡಯಿಗ್ ಕಾರಣಾದುಂಡು ಪನ್ಪಿನೆನ್ ಈ ತೆರಿದ್ ಐತ ಸುದ್ಧಿಗ್ ಪೋವಡ.

2 ತಿಮೋಥಿ 4:1

ದೇವೆರೆ ಎದುರುಲಾ ಬೊಕ್ಕ ಬದುಕುನಾಕುಲೆಗ್ಲಾ ಸೈತಿನಾಕುಲೆಗ್ಲಾ ನ್ಯಾಯತೀರ್ಪೆರೆ ಉಪ್ಪು ಯೇಸು ಕ್ರಿಸ್ತ ಎದುರುಲಾ ಆಯೆ ಬರ್ಪಿನೆನ್ಲಾ ಆಯನ ರಾಜ್ಯದ ಮಿತ್ತ್‌ಲಾ ಆಜ ದೀದ್ ಯಾನ್ ನಿಕ್ಕ್ ಪನ್ಪಿನಿ ದಾನೆಂದ್ಂಡ,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:1

ಸರಕಾರೊಗ್ಲಾ ಐತ ಅಧಿಕಾರಿಲೆಗ್ಲಾ ಅಧೀನೆರಾದ್ ಉಪ್ಪೊಡಂದ್‌ದ್ ನಂಬುನಾಕುಲೆಗ್ ನೆನೆಪು ಪುಟ್ಟಾಲ. ಅಕುಲು ತಗ್ಗ್‌ದಿನಾಕುಲಾದಿತ್ತ್‌ದ್ ಎಡ್ಡೆಂತಿನೆನ್ ಮಲ್ಪೆರೆ ತಯಾರಾದುಪ್ಪೊಡು.

ಇಬ್ರಿಯೆರೆಗ್ 13:9

ನಾನಾ ತರತ ಬೋಧನೆಲೆ ಸುಳಿಕ್ ತಿಕ್ಕ್‌ದ್ ಬೂರಡೆ. ದೇವೆರೆ ದಯೊನು ಪಡೆವೊಂದು ಉಡಲ್‌ನ್ ಗಟ್ಟಿ ಮಲ್ತೊನವು ಎಡ್ಡೆನೇ. ತಿನ್ಪಿನ ತಿನಸ್‌ಲೆನ್ ವಿಶೇಷ ಮಲ್ಪಡೆ. ತಿನ್ಪಿನ ತಿನಸ್‌ಲೆನ್ ವಿಶೇಷ ಮಲ್ತಿನಾಕುಲು ವಾ ಪ್ರಯೋಜನಲಾ ಪಡೆಯಿಜೆರ್.

2 ಪೇತ್ರೆ 1:13

ಅಂಚಾಯಿನೆಡ್ದ್ ಯಾನ್ ಎನ ಶರೀರ ಇನ್ಪಿ ಗುಡಾರೊಡು ಉಪ್ಪುನ ಮುಟ್ಟ ನಿಕ್ಲೆಗ್ ಅಪಗಪಗ ನೆನೆಪು ಪುಟ್ಟಾವುನವು ಯೋಗ್ಯ ಅಂದ್‌ದ್ ಎನ್ನುವೆ.