2 ತಿಮೋಥಿ 2:11 - ಪೊಸ ಒಡಂಬಡಿಕೆ

¹¹ ಈ ಪಾತೆರ ನಂಬಿಕೆದವು ದಾನೆಂದ್ಂಡ: ನಮ ಆಯ ಒಟ್ಟುಗು ಸೈತ್ ಪೋಪಡ, ಆಯ ಒಟ್ಟುಗು ಬದುಕುವ.

2 ತಿಮೋಥಿ 2:11 Iomraidhean Croise

ಯೋಹಾನೆ 14:19

ನನ ಒಂತೆ ಸಮಯ ಆಯಿ ಬೊಕ್ಕ ಲೋಕ ಎನನ್ ತೂಪುಜಿ, ಆಂಡ ನಿಕುಲು ಎನನ್ ತೂವರ್. ಯಾನ್ ಬದುಕುನೆಡ್ದ್ ನಿಕುಲುಲಾ ಬದುಕುವರ್.

ರೋಮಾಯೆರೆಗ್ 6:5

ಎಂಚಂದ್ಂಡ ಆಯ ಮರಣೊಡು ನಮ ಆಯಡೊಪ್ಪ ಒಂಜಾಯಿ ಬೊಕ್ಕ, ಆಯ ಲೆಕ್ಕನೇ ಸೈತಿನಾಕುಲೆಡ್ದ್ ಜೀವೊಡು ಲಕ್ಕ್‌ದ್ ಆಯಡೊಪ್ಪ ಒಂಜಾದುಪ್ಪುವ.

ರೋಮಾಯೆರೆಗ್ 6:8

ಉಂದತ್ತಂದೆ ನಮ ಕ್ರಿಸ್ತಡೊಪ್ಪ ಸೈತಿ ಪಕ್ಷೊಡು ಆಯಡೊಪ್ಪ ಬದುಕುವ ಅಂದ್‌ದ್ ನಂಬುವ.

2 ಕೊರಿಂಥ್ಯೆರೆಗ್ 13:4

ಆಯನ್ ಕ್ರುಸ್ಸುಗು ಪಾಡ್ನಗ ಬಲದಾಂತಿನಾಯೆ ಆದಿತ್ತೆ. ಆಂಡಲಾ ದೇವೆರೆ ಬಲೊಟು ಬದುಕುನಾಯೆ ಆದುಲ್ಲೆ. ಎಂಕುಲುಲಾ ಆಯನ ಬಲದಾಂತಿನೆಟ್ಟ್ ಪಾಲ್‌ದಾರೆರಾದುಲ್ಲ. ಆಂಡಲಾ ಆಯಡೊಪ್ಪ ದೇವೆರೆ ಬಲೊಡ್ದು ನಿಕ್ಲೆಗಾದ್ ಎಂಕುಲು ಬದುಕೊಂದುಲ್ಲ.

2 ಕೊರಿಂಥ್ಯೆರೆಗ್ 4:10

ಎಂಕುಲೆ ಶರೀರೊಡು ಯೇಸುನ ಜೀವ ತೋಜಿದ್ ಬರ್ಪಿನೆಡ್ದಾವರ ಯೇಸುನ ಮರಣದ ಅನುಭವೊನು ಎಂಕುಲು ಎಂಕ್ಲೆನ ಶರೀರೊಡು ಏಪಲಾ ಅನುಭವ ಮಲ್ತೊಂದುಪ್ಪುವ.

1 ಥೆಸಲೋನಿಕೆರೆಗ್‌ 4:17

ಜೀವೊಡುಪ್ಪು ನಮಲಾ ಅಕ್ಲೆಡೊಪ್ಪ ಒಟ್ಟುಗು ಮುಗಲ್‌ದ ಮದ್ಯೊಡು, ಬಾನೊಡು ಕರ್ತವನ್ ಎದುಕೊನಿಯೆರೆ ದೆರ್ತಿನಾಕುಲಾದುಪ್ಪುವ, ಬೊಕ್ಕ ನಮ ಏಪಲಾ ಕರ್ತವಡೊಪ್ಪ ಉಪ್ಪುವ.

1 ಥೆಸಲೋನಿಕೆರೆಗ್‌ 5:10

ನಮ ಎಚ್ಚರಿಕೆಡಿತ್ತ್‌ಂಡಲಾ ಸರಿ, ನಿದ್ರೆಡಿತ್ತ್‌ಂಡಲಾ ಸರಿ, ತನ ಒಟ್ಟುಗೇ ಬದುಕೊಡು ಅಂದ್‌ದ್ ಆಯೆ ನಂಕಾದ್ ಸೈತೆ.

1 ತಿಮೋಥಿ 1:15

ಕ್ರಿಸ್ತ ಯೇಸು ಪಾಪಿಷ್ಟೆರೆನ್ ರಕ್ಷಣೆ ಮಲ್ಪೆರೆ ಲೋಕೊಗು ಬತ್ತೆ ಇನ್ಪಿ ಪಾತೆರ ನಂಬಿಕೆದವುಲಾ ದೆತ್ತೊನುನೆಕ್ಕ್ ಯೋಗ್ಯದವುಲಾ ಆದುಂಡು. ಆ ಪಾಪಿಲೆಡ್ ಯಾನೇ ದುಂಬುದಾಯೆ.

1 ತಿಮೋಥಿ 3:1

ಸಭಾಧ್ಯಕ್ಷನ ಉದ್ಯೋಗೊನು ಒರಿ ಪಡೆವೊಡು ಅಂದ್‌ದ್ ಮನಸ್ ಮಲ್ಪುವೆಡ ಆಯೆ ಎಡ್ಡೆ ಕೆಲಸೊನು ಅಪೇಕ್ಷೆ ಮಲ್ಪುನಾಯೆ ಇನ್ಪಿನ ಪಾತೆರ ನಂಬಿಕೆಗ್ ತಕ್ಕದವೇ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.