2 ತಿಮೋಥಿ 2:10 - ಪೊಸ ಒಡಂಬಡಿಕೆ

¹⁰ ಅಂಚಾದ್ ದೇವೆರ್ ಅಜತ್‌ದಿನಾಕುಲು ಎನ ಒಟ್ಟುಗು ಕ್ರಿಸ್ತ ಯೇಸುಡುಪ್ಪು ರಕ್ಷಣೆನ್ ನಿತ್ಯ ಮೈಮೆದೊಟ್ಟುಗು ಹೊಂದೊಡು ಅಂದ್‌ದ್ ಯಾನ್ ಅಕ್ಲೆಗಾದ್ ಮಾತೆನ್ಲಾ ತಾಳೊನ್ವೆ

2 ತಿಮೋಥಿ 2:10 Iomraidhean Croise

ಮತ್ತಾಯೆ 24:22

ಕರ್ತವೆ ಆ ದಿನೊಕುಲೆನ್ ಕಡಿಮೆ ಮಲ್ತ್‌ಜೆಡ ಒಂಜಿ ನರಪ್ರಾಣಿಲಾ ಬದ್‌ಕಂದ್. ಆಂಡ ತಾನ್ ಅಜತ್ ದೆತ್ತೊಂಡಿನಾಕುಲೆಗಾದ್ ಆ ದಿನೊಕುಲೆನ್ ಕಡಿಮೆ ಮಲ್ಪುವೆ.

ಮತ್ತಾಯೆ 24:24

ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ಮತ್ತಾಯೆ 24:31

ಬೊಕ್ಕ ಆಯೆ ತುತೂರಿದ ಮಲ್ಲ ಶಬ್ಧೊಡು ತನ ದೂತೆರೆನ್ ಕಡಪುಡ್ವೆ. ಅಕುಲು ಆಯೆ ಅಜತ್ ದೆತ್ತೊಂಡಿನಾಕುಲೆನ್ ಬಾನದ ಒಂಜಿ ಕಡೆಡ್ದ್ ಬೊಕ್ಕೊಂಜಿ ಕಡೆ ಮುಟ್ಟ ನಾಲ್ ದಿಕ್ಕ್‌ಲೆಡ್ದ್ ಒಟ್ಟು ಕೂಡಾವೆರ್.

ಲೂಕೆ 18:7

ದೇವೆರೆನ್ ಅಜತೊಂಡಿನಾಕುಲು ರಾತ್ರೆ ಪಗೆಲ್ ಮುರೆಡ್ನಗ ಆಯೆ ಅಕ್ಲೆ ಸಂಗತಿಡ್ ತಡ ಮಲ್ತ್ಂಡಲಾ ಅಕ್ಲೆ ನ್ಯಾಯೊನು ತೀರ್ಪಂದೆ ಉಪ್ಪೆನಾ?

ಲೂಕೆ 22:57

ಆಂಡ ಪೇತ್ರೆ, “ಯಾನ್ ಆಯನ್ ತೆರಿಯಯೆ ಅಮ್ಮ,” ಅಂದ್‌ದ್ ಆರೆಂಜಿಯೆ.

ಯೋಹಾನೆ 17:24

“ಅಮ್ಮೆರೇ, ಈ ಏರೆನ್ ಎಂಕ್ ಕೊರ್ತನಾ ಅಕುಲು ಯಾನ್ ಉಪ್ಪು ಜಾಗ್‌ಡ್ ಎನ ಒಟ್ಟುಗು ಇತ್ತೊಂದು, ಲೋಕ ಉಂಡಾಪಿನೆಡ್ದ್ ದುಂಬೇ ಈ ಎನನ್ ಪ್ರೀತಿ ಮಲ್ತ್‌ದ್ ಎಂಕ್ ಕೊರಿ ಮೈಮೆನ್ ಅಕುಲು ತೂವೊಡು ಅಂದ್‌ದ್ ಬಯಕುವೆ.

ಯೋಹಾನೆ 17:9

“ಯಾನ್ ಮೊಕ್ಲೆಗಾದ್ ಕೇನೊನುವೆ. ಲೋಕೊಗಾದ್ ಪ್ರಾರ್ಥನೆ ಮಲ್ಪಂದೆ, ಈ ಎಂಕ್ ಕೊರ್ತಿನ ಜನೊಕುಲೆಗಾದ್ ಪ್ರಾರ್ಥನೆ ಮಲ್ಪುವೆ, ದಾಯೆಗ್ ಪಂಡ ಮೊಕುಲು ನಿನ್ನಕುಲಾದುಲ್ಲೆರ್.

ರೋಮಾಯೆರೆಗ್ 2:7

ಏರ್ ಮೈಮೆ, ಮಾನ, ತಾಳ್ಮೆಲೆನ್ ಪಡೆಯೊಡು ಪಂಡ್ದ್ ಎಡ್ಡೆಂತಿನೆನ್ ಬೇಜಾರ್‌ದಾಂತೆ ಮಲ್ಪುವೆರಾ ಅಕ್ಲೆಗ್ ನಿತ್ಯಜೀವೊನು ಕೊರ್ಪೆ.

ರೋಮಾಯೆರೆಗ್ 9:23

ಬೊಕ್ಕ ಬಲ ಹೊಂದಿಯೆರೆ ತಾನ್ ಸುರುಟ್ಟೇ ತಯಾರ್ ಮಲ್ತ್‌ದಿನ ಕರುಣೆದ ರೂಪೊಡು ತನ ಮೈಮೆನ್ ತೋಜಾದೆ.

1 ಕೊರಿಂಥ್ಯೆರೆಗ್ 1:21

ಎಂಚಂದ್ಂಡ ಲೋಕ ಗೇನ ಪನ್ಪಿ ಮಾರ್ಗೊಡ್ದು ದೇವೆರೆನ್ ತೆರಿಯಂದೆ ಪೋಯಿನವು ದೇವೆರೆ ಗೇನದ ಸಂಕಲ್ಪನೆ; ಇಂಚಾಯಿ ಬೊಕ್ಕ ಮರ್ಲ್ ಪಾತೆರ ಪಂಡ್ದ್ ಎನ್ನಿನವು ಎಂಕುಲೆ ಪ್ರಸಂಗೊಡ್ದೇ ನಂಬುನಾಕುಲೆನ್ ರಕ್ಷಣೆ ಮಲ್ಪುನವು ದೇವೆರೆಗ್ ಎಡ್ಡೆಂದ್‌ದ್ ತೋಜ್ಂಡ್.

1 ಕೊರಿಂಥ್ಯೆರೆಗ್ 9:22

ಬಲಹೀನೆರೆನ್ ರಕ್ಷಣೆಗ್ ನಡಪಾಯೆರೆಗಾದ್ರ ಯಾನ್ ಬಲಹೀನೆ ಆಯೆ. ಎಂಚಾಂಡಲಾ ಕೆಲೆವೆರೆನ್ ರಕ್ಷಣೆ ಮಲ್ಪೆರೆ ಮಾತೆರೆಗ್ ಮಾತಲಾ ಆಯೆ.

2 ಕೊರಿಂಥ್ಯೆರೆಗ್ 1:6

ಎಂಕುಲು ಭಂಗ ಅನುಭವ ಮಲ್ತ್‌ದಿನೆಡ್ದ್ ನಿಕ್ಲೆಗ್ ಆಧರಣೆಲಾ ರಕ್ಷಣೆಲಾ ಉಂಡಾಪುಂಡು. ಎಂಕ್ಲೆಗ್ ಆಧರಣೆ ಆಂಡ ಐಟ್ಟ್ ನಿಕ್ಲೆಗ್ ಆಧರಣೆ ಆಪುಂಡು. ಅಂಚೆನೇ ಎಂಕುಲು ಸಹಿಸೊನಿನ ಭಂಗೊಲೆನ್ ನಿಕುಲುಲಾ ತಾಳ್ಮೆಡ್ ಸಹಿಸೊನಿಯೆರೆ ನಿಕ್ಲೆಗ್ ಬಲ ಕೊರ್ಪುಂಡು.

2 ಕೊರಿಂಥ್ಯೆರೆಗ್ 12:15

ನಿಕ್ಲೆ ಆತ್ಮ ರಕ್ಷೆಣೆಗಾದ್ ಆತಿ ಸಂತೊಸೊಡು ಎನನೇ ಕೊರೊಂದುಲ್ಲೆ. ಯಾನ್ ನಿಕ್ಲೆನ್ ಹೆಚ್ಚಾದ್ ಪ್ರೀತಿ ಮಲ್ಪುನಗ ನಿಕುಲು ಎನನ್ ಕಡಿಮೆ ಪ್ರೀತಿ ಮಲ್ಪುವರಾ?

2 ಕೊರಿಂಥ್ಯೆರೆಗ್ 4:15

ಉಂದು ಮಾತಲಾ ನಿಕ್ಲೆಗಾದೆ ಎಂಕ್ಲೆಗ್ ಉಂಡಾಪುಂಡು. ಐಟ್ಟ್ ದೈವ ದಯೆ ಮಸ್ತ್ ಜನೊಕುಲೆಗ್ ಹೆಚ್ಚಾದ್ ತಿಕ್ಕುನೆಡ್ದಾವರ ದೇವೆರೆ ಮೈಮೆಗ್ ಹೆಚ್ಚಾದ್ ಉಪಕಾರ ಸ್ತುತಿ ಉಂಡಾಪುಂಡು.

2 ಕೊರಿಂಥ್ಯೆರೆಗ್ 4:17

ದಾಯೆಗಂದ್ಂಡ, ಒಂತೆ ಸಮಯ ಮಾತ್ರ ಹಗುರಾದುಪ್ಪುನ ಎಂಕುಲೆ ಭಂಗ, ನಿತ್ಯ ಮೈಮೆದ ರಾಶಿನ್ ಎಂಕ್ಲೆಗ್ ಉಂಡು ಮಲ್ಪುಂಡು.

ಎಫೆಸ್ಯೆರೆಗ್ 3:13

ಅಂಚಾದ್ ಯಾನ್ ನಿಕ್ಲೆಗ್ ಬೋಡಾದ್ ಬರ್ಪಿ ಭಂಗೊಲು ಅವು ನಿಕ್ಲೆ ಮೈಮೆಗಾದ್ ಅಂದ್‌ದ್ ಎನ್ನ್‌ದ್ ಸೋತುದು ಪೋವಡೆ.

ಕೊಲೊಸ್ಸಿಯೆರೆಗ್ 1:24

ಯಾನ್ ಇತ್ತೆ ನಿಕ್ಲೆಗಾದ್ ಅನುಭವ ಮಲ್ತಿ ಭಂಗೊಲೆಡ್ ಸಂತೋಷ ಪಡೆಯೊಂದುಲ್ಲೆ. ಕ್ರಿಸ್ತನ ಭಂಗೊಲೆಡ್ ಬಾಕಿ ಒರಿದಿನೆನ್ ಸಭೆ ಇನ್ಪಿ ಆಯನ ಶರೀರೊಗಾದ್ ಎನ ಶರೀರೊಡು ಅನುಭವ ಮಲ್ತ್‌ದ್ ತೀರಿಸಾವೆ.

ಕೊಲೊಸ್ಸಿಯೆರೆಗ್ 1:27

ದಾಯೆಗಂದ್ಂಡ ಕ್ರಿಸ್ತನ ಮೈಮೆಲಾ ಐಶ್ವರ್ಯಲಾ ಪಿದಯಿದ ಜನೊಕುಲೆಗ್ಲಾ ಉಂಡು ಇನ್ಪಿನೆನ್ ಅಕುಲುಲಾ ತೆರಿಯೊನೊಡು ಅಂದ್‌ದ್ ದೇವೆರ್ ಬಯಕಿಯೆ. ಈ ಮರ್ಮ ದಾನೆಂದ್ಂಡ ಕ್ರಿಸ್ತೆ ನಿಕ್ಲೆಡೊಪ್ಪ ಇತ್ತ್‌ದ್ ಮೈಮೆದ ನಿರೀಕ್ಷೆಗ್ ಉಪ್ಪುನವೇ.

1 ಥೆಸಲೋನಿಕೆರೆಗ್‌ 5:9

ದಾಯೆಗಂದ್ಂಡ, ದೇವೆರ್ ನಮನ್ ಕೋಪೊಗು ಗುರಿ ಆವೊಡು ಅಂದ್‌ದ್ ನೇಮಕ ಮಲ್ಪಂದೆ, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ರಕ್ಷಣೆನ್ ಸಂಪಾದನೆ ಮಲ್ಪೊಡಂದ್‌ದ್ ನೇಮಕ ಮಲ್ತ್‌ದೆ.

2 ಥೆಸಲೋನಿಕೆರೆಗ್‌ 2:14

ಎಂಕ್ಲೆನ ಸುವಾರ್ತೆಡ್ದ್ ದೇವೆರ್ ನಿಕ್ಲೆನ್ ರಕ್ಷಣೆಗ್ ಲೆತ್ತೆ, ಐಡ್ದಾವರ ನಿಕುಲು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಮೈಮೆಡ್ ಪಾಲ್‌ದಾರೆರಾದುಲ್ಲರ್.

2 ತಿಮೋಥಿ 1:1

ಕ್ರಿಸ್ತ ಯೇಸುಡುಪ್ಪು ಜೀವ ವಾಗ್ದಾನೊನು ತೆರಿಪಾವುನೆಕ್ಕಾದ್ ದೇವೆರೆ ಚಿತ್ತೊಡು ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಡ್ದು ಎನ ಪ್ರೀತಿದ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ, ಕರುಣೆಲಾ, ಸಮಾಧಾನಲಾ ಆವಡ್.

2 ತಿಮೋಥಿ 2:1

ಎನ ಮಗೆ ಆದುಪ್ಪು ತಿಮೋಥಿ, ಈ, ಕ್ರಿಸ್ತ ಯೇಸುಡು ಉಪ್ಪು ದಯೊಟು ಬಲ ಪಡೆಲ.

2 ತಿಮೋಥಿ 2:3

ಕ್ರಿಸ್ತ ಯೇಸುನ ಎಡ್ಡೆ ಸೈನಿಕನಂಚ ಎನಡೊಪ್ಪ ಕಷ್ಟೊನು ತಾಳೊನ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:1

ದೇವೆರೆ ದಾಸೆಲಾ ಯೇಸು ಕ್ರಿಸ್ತನ ಅಪೊಸ್ತಲೆಲಾ ಆಯಿ ಪೌಲು ನಂಕ್ ಒಟ್ಟುಗುಪ್ಪು ನಂಬಿಕೆದ ಬಗೆಟ್ ತನ ನಿಜ ಮಗೆ ಆದುಪ್ಪು ತೀತಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಕ್ ದಯಲಾ, ಸಮಾಧಾನಲಾ ಆವಡ್.

1 ಪೇತ್ರೆ 2:10

ಒಂಜಿ ಸಮಯೊಡು ನಿಕುಲು ಪ್ರಜೆಕುಲು ಆದಿತ್ತಿಜರ್; ಇತ್ತೆ ನಿಕುಲು ದೇವೆರೆ ಪ್ರಜೆಕುಲು ಆದುಲ್ಲರ್. ಆ ಸಮಯೊಡು ನಿಕ್ಲೆಗ್ ಕರುಣೆ ತಿಕ್ಕ್‌ದಿಜ್ಜಾಂಡ್; ಇತ್ತೆ ನಿಕ್ಲೆಗ್ ಕರುಣೆ ತಿಕ್ಕ್‌ದ್ಂಡ್.

1 ಪೇತ್ರೆ 5:10

ಯೇಸು ಕ್ರಿಸ್ತಡ್ ಒಂಜಾದುಪ್ಪು ನಿಕ್ಲೆನ್ ತನ ನಿತ್ಯ ಮೈಮೆಗ್ ಲೆತ್ತಿ ಪೂರ್ತಿ ದಯತ ದೇವೆರ್, ಒಂತೆ ಸಮಯ ಸಂಕಟ ಬತ್ತಿ ಬೊಕ್ಕ ನಿಕ್ಲೆನ್ ತಕ್ಕ ಸ್ಥಿತಿಗ್ ಕನತ್‌ದ್ ದೃಢ ಮಲ್ತ್‌ದ್, ಬಲ ಪಡೆಪಾವೆ.