2 ತಿಮೋಥಿ 1:9 - ಪೊಸ ಒಡಂಬಡಿಕೆ

^9-10 ದೇವೆರ್ ನಮ ಎಡ್ಡೆ ಕೆಲಸೊನು ತೂದು ಅತ್ತ್, ತನ ಚಿತ್ತದ ಪ್ರಕಾರ ದಯೆಟ್ ನಮನ್ ರಕ್ಷಣೆ ಮಲ್ತ್‌ದ್ ಪರಿಶುದ್ಧರಾಯೆರೆಗಾದ್ ಲೆತ್ತೆ. ಈ ದಯ ಆದಿಕಾಲೊಗು ದುಂಬು ಕ್ರಿಸ್ತ ಯೇಸುಡು ನಂಕ್ ದೀತ್ಂಡ್. ಇತ್ತೆ ನಮ ರಕ್ಷಕೆ ಆದುಪ್ಪುನ ಯೇಸು ಕ್ರಿಸ್ತಡ್ ತೋಜಿದ್ ಬತ್ತಿನೆಡ್ದ್ ಅವು ನಂಕ್ ತೆರಿದ್ ಬತ್ತ್ಂಡ್. ಆಯೆ ಮರಣದ ಬಲೊನು ಪೊಲ್ತುದು ಸುವಾರ್ತೆಡ್ದ್ ಜೀವೊಗ್ಲಾ ನಿತ್ಯತ್ವೊಗ್ಲಾ ಉಪ್ಪುನ ಸಾದಿದ ಬೊಲ್ಪುನು ತೋಜಾಯೆ.

2 ತಿಮೋಥಿ 1:9 Iomraidhean Croise

ಮತ್ತಾಯೆ 1:21

ಆಲ್ ಆಣ್ ಬಾಲೆನ್ ಪೆದ್ದುವಲ್. ಈ ಆ ಬಾಲೆಗ್ ಯೇಸು ಪಂಡ್ದ್ ಪುದರ್ ದೀವೊಡು, ದಾಯೆಗಂದ್ಂಡ ಆಯೆನೇ ತನ ಜನೊಕುಲೆನ್ ಅಕ್ಲೆನ ಪಾಪೊಲೆಡ್ದ್ ಬುಡ್ಪಾದ್ ಕಾಪುವೆ,” ಅಂದ್‌ದ್ ಪಂಡೆ.

ಲೂಕೆ 10:21

ಅವ್ವೆ ಗಳಿಗೆಡ್ ಯೇಸು ಪರಿಶುದ್ಧಾತ್ಮನ ಬಲೊಡ್ದು ಸಂತೋಷೊಡು ಪಂಡಿನಿ ದಾನೆಂದ್ಂಡ, “ಅಮ್ಮೆರೇ, ಪರಲೋಕ, ಭೂಲೋಕದ ಕರ್ತವಾ, ಈ ಗೇನದಾಕುಲೆಗ್ಲಾ ಬುದ್ಧಿವಂತೆರೆಗ್ಲಾ ಈ ಪಾತೆರೊಲೆನ್ ಮದೆ ಮಲ್ತ್‌ದ್ ಜೋಕುಲೆಗ್ ತೆರಿಪಾಯ ಅಂದ್‌ದ್ ನಿನನ್ ಪುಗರುವೆ. ಅಂದ್ ಅಮ್ಮೆರೇ, ಇಂಚ ಮಲ್ಪುನವೇ ಎಡ್ಡೆಂದ್‌ದ್ ನಿನ ದೃಷ್ಟಿಗ್ ತೋಜಿನೆಡ್ದ್ ನಿನನ್ ಪುಗರುವೆ.

ಯೋಹಾನೆ 17:24

“ಅಮ್ಮೆರೇ, ಈ ಏರೆನ್ ಎಂಕ್ ಕೊರ್ತನಾ ಅಕುಲು ಯಾನ್ ಉಪ್ಪು ಜಾಗ್‌ಡ್ ಎನ ಒಟ್ಟುಗು ಇತ್ತೊಂದು, ಲೋಕ ಉಂಡಾಪಿನೆಡ್ದ್ ದುಂಬೇ ಈ ಎನನ್ ಪ್ರೀತಿ ಮಲ್ತ್‌ದ್ ಎಂಕ್ ಕೊರಿ ಮೈಮೆನ್ ಅಕುಲು ತೂವೊಡು ಅಂದ್‌ದ್ ಬಯಕುವೆ.

ಯೋಹಾನೆ 17:9

“ಯಾನ್ ಮೊಕ್ಲೆಗಾದ್ ಕೇನೊನುವೆ. ಲೋಕೊಗಾದ್ ಪ್ರಾರ್ಥನೆ ಮಲ್ಪಂದೆ, ಈ ಎಂಕ್ ಕೊರ್ತಿನ ಜನೊಕುಲೆಗಾದ್ ಪ್ರಾರ್ಥನೆ ಮಲ್ಪುವೆ, ದಾಯೆಗ್ ಪಂಡ ಮೊಕುಲು ನಿನ್ನಕುಲಾದುಲ್ಲೆರ್.

ಯೋಹಾನೆ 6:37

ಅಮ್ಮೆ ಎಂಕ್ ಕೊರ್ಪಿನವು ಮಾತಲಾ ಎನ ಕೈತಲ್‌ ಬರು; ಬೊಕ್ಕ ಎನ ಕೈತಲ್‌ ಬರ್ಪಿನಾಕುಲೆಗ್ ಯಾನ್ ಕಂಡಿತಾದ್ ದಂಕ್‌ದ್ ಪಾಡಯೆ.

ಅಪೊ.ಕ್ರಿ 15:18

ಆದಿಡ್ದೆ ಈ ಕಾರ್ಯೊಲೆನ್ ಮಾತ ತೆರಿಪಾದುಂಡು.’

ಅಪೊ.ಕ್ರಿ 2:47

ದೇವೆರೆಗ್ ಸ್ತುತಿ ಮಲ್ಪುನಾಕುಲುಲಾ ಮಾತ ಜನೊಕುಲೆ ದಯೊನು ಪಡೆಯೊಂದಿತ್ತೆರ್‌. ಪ್ರತಿ ದಿನ ಹೆಚ್ಚೆಚ್ಚ ಜನೊಕುಲು ರಕ್ಷಣೆ ಪಡೆಯೊಂದು, ಕರ್ತವೆ ಅಕ್ಲೆನ್ ಮಾತೆರೆನ್ಲಾ ಕೂಟೊಗು ಕೂಡಾವೊಂದಿತ್ತೆ.

ರೋಮಾಯೆರೆಗ್ 11:14

ಇಂಚ ಒಂಜಿ ವೇಳೆ ಎನ ಸ್ವಂತ ಜನೊಕುಲೆಡ ಕಿಚ್ಚಿ ಪುಟ್ಟಾದ್ ಅಕ್ಲೆಡ್ದ್‌ಲಾ ಕೆಲೆವೆರೆನ್ ರಕ್ಷಣೆದ ಸಾದಿಗ್ ಕನವೆ.

ರೋಮಾಯೆರೆಗ್ 11:29

ದೇವೆರ್ ತಾನೇ ಕೊರ್ಪಿನ ಉಡಿಗೆರೆಗ್ಲಾ ಲೆಪ್ಪುಗ್ಲಾ ತನ ಮನಸ್‌ನ್ ತಿರ್ಗಾವುನಾಯೆ ಅತ್ತ್.

ರೋಮಾಯೆರೆಗ್ 16:25

ದೇವೆರೆಗ್ ಮೈಮೆ ಆವಡ್. ಪಿರಾಕ್‌ದ ಕಾಲೊಲೆಡ್ ವರ್ಸಾನುಗಟ್ಟಲೆ ಮದೆ ಆದಿತ್ತಿನ ಮರ್ಮೊಲು ಇತ್ತೆ ತೋಜಿದ್ ಬತ್ತಿಲೆಕ್ಕ, ಯಾನ್ ನಿಕ್ಲೆಗ್ ಸಾರಿನ ಯೇಸು ಕ್ರಿಸ್ತನ ಸುವಾರ್ತೆಗ್ ತಕ್ಕ ನಿಕ್ಲೆಡ್ ಉಂಡಾಯಿನ ನಂಬಿಕೆಡ್ ಸ್ಥಿರಾದ್ ಉಂತುಲೆ. ಇತ್ತೆ ಆ ಮರ್ಮ ಪ್ರವಾದಿಲೆ ಬರವುಡ್ದ್ ತೆರಿದ್ ಬತ್ತ್ಂಡ್. ಬೊಕ್ಕ ಮಾತ ಜನಾಂಗೊಲುಲಾ ಅವೆನ್ ಕೇನುಲೆಕ್ಕಲಾ ಐಕ್ ತಗ್ಗ್‌ದಿನಾಕುಲಾದ್ ಉಪ್ಪುಲೆಕ್ಕಲಾ ನಿತ್ಯ ದೇವೆರೆ ಅಪ್ಪಣೆಡ್ದ್‌ಲಾ ಅವು ಮಾತೆರೆಗ್ ತೋಜಿದ್ ಬತ್ತ್ಂಡ್.

ರೋಮಾಯೆರೆಗ್ 3:20

ದಾಯೆಗಂದ್ಂಡ ವಾ ನರಮಾನಿಲಾ ನ್ಯಾಯಕಟ್ಟ್‌ದ ಪ್ರಕಾರ ನಡಪುನೆಡ್ದ್ ದೇವೆರೆ ಸನ್ನಿಧಾನೊಡು ನೀತಿವಂತೆ ಅಂದ್‌ದ್ ತೀರ್ಪು ಆಪುಜಿ. ನ್ಯಾಯಕಟ್ಟ್‌ಡ್ದ್ ಪಾಪದ ತಿಳುವಳಿಕೆ ಗೊತ್ತಾಪುಂಡು.

ರೋಮಾಯೆರೆಗ್ 9:11

ಆ ಜೋಕುಲು ಒರಿಯೇ ಅಮ್ಮೆರೆಗ್ ಜೋಕುಲಾದಿತ್ತ್‌ಂಡಲಾ ಪುಟ್ಟೊಡ್ದುಂಬೇ ವಾ ಎಡ್ಡೆ ಪಡಿಕೆಲೆನ್ ಮಲ್ಪಂದೆ ಉಪ್ಪುನಗ ಮಲ್ಲಾಯೆ ಎಲ್ಯಾಯನ ಚಾಕ್ರಿ ಮಲ್ಪುವೆ ಅಂದ್‌ದ್ ಆಲೆಗ್ ಪಂಡ್ದಿತ್ತ್‌ಂಡ್. ನೆಡ್ದ್ ದೇವೆರ್ ತನ್ಕ್ ಮನಸಿತ್ತಿನಾಕುಲೆನ್ ಅಜತೊನುವೆ ಪನ್ಪಿ ಸಂಕಲ್ಪ ಶಾಶ್ವತಾದ್ ಉಪ್ಪೊಡುಂದುದು ತೋಜಾಯೆ. ಆ ಸಂಕಲ್ಪೊಲು ಭಾಗ್ಯೊಗು ಆಧಾರ ಆದುಪ್ಪಂದೆ ಲೆಪ್ಪುನಾಯನ ಚಿತ್ತದ ಮಿತ್ತೇ ಆಧಾರ ಆದುಂಡು.

ರೋಮಾಯೆರೆಗ್ 9:24

ಆಯ ಕನಿಕರೊಡು ಎಂಕ್ಲೆನ್ ಯೆಹೂದ್ಯೆರೆ ಉಲಯಿಡ್ದ್ ಮಾತ್ರ ಲೆಪ್ಪಂದೆ ಹೊಸೇಯನ ಗ್ರಂಥದ ವಚನೊಡು ತಾನ್ ಪಂಡಿಲೆಕ್ಕ ಪಿದಯಿದ ಜನೊಕುಲೆಡ್ದ್‌ಲಾ ಲೆತ್ತೆ. ಆ ವಚನ ದಾನೆಂದ್ಂಡ, “ಎನ ಜನ ಅತ್ತಂದಿನಾಕುಲೆನ್ಲಾ ಎನ ಜನ ಪಂಡ್ದ್, ಯಾನ್ ಪ್ರೀತಿ ಮಲ್ಪಂದಿನಲೆನ್ ಎನ ಪ್ರೀತಿದಾಲ್ ಪಂಡ್ದ್ ಲೆಪ್ಪೆ.”

1 ಕೊರಿಂಥ್ಯೆರೆಗ್ 1:18

ಕ್ರುಸ್ಸುದ ಪಾತೆರ ನಾಶನದ ಸಾದಿಡುಪ್ಪುನಾಕುಲೆಗ್ ಮರ್ಲ್ ಪಾತೆರ ಆದ್ ತೋಜುಂಡು. ಆಂಡ ರಕ್ಷಣೆಡುಪ್ಪು ನಂಕಾಂಡಲಾ ಅವು ದೇವೆರ್‌ನ ಬಲ ಆದುಂಡು.

ಎಫೆಸ್ಯೆರೆಗ್ 1:11

ಉಂದತ್ತಂದೆ, ನಮ ಆಯಡ್ದ್ ದೇವೆರೆನ ಸ್ವಂತ ಜನೊಕುಲಾಯ. ಬರ್ಪಿಂಚಿತ್ತಿ ಕ್ರಿಸ್ತನ್ ಭರವಸೊಡು ಎದುರು ತೂವೊಂದಿತ್ತ. ನಮ ಆಯನ ಮೈಮೆನ್ ಲೋಕೊಗು ತೆರಿಪಾವೊಡು ಅಂದ್‌ದ್ ಮಾತ ಕಾರ್ಯೊಲೆನ್ ತನ ಇಷ್ಟೊಗು ಸರಿಯಾದ್ ನಡಪುನ ದೇವೆರ್ ನಮನ್ ಆದಿಡ್ದೇ ಅಜತ್ ದೆತ್ತೊಂಡೆ.

ಎಫೆಸ್ಯೆರೆಗ್ 1:9

ಬೊಕ್ಕ ದೇವೆರೆನ ಉಲಯಿದ ಚಿತ್ತದ ಗುಟ್ಟುನು ಆಯನ ಇಷ್ಟದ ಪ್ರಕಾರ ಕ್ರಿಸ್ತಡ್ ನಂಕ್ ದುಂಬೇ ತೋಜಾದ್ ಕೊರಿಯೆ.

ಎಫೆಸ್ಯೆರೆಗ್ 2:5

ಅಂಚಾದೇ, ಅಪರಾಧದ ದಿಸೆಡ್ದ್ ಸೈತಿನಾಕುಲು ಆದಿತ್ತಿ ನಮನ್ ಕ್ರಿಸ್ತ ಒಟ್ಟುಗು ಬದ್‌ಕಾಯೆ. (ದೇವೆರೆ ದಯೊಡ್ದೇ ನಿಕ್ಲೆಗ್ ರಕ್ಷಣೆ ತಿಕ್ಕ್ಂಡ್.)

ಫಿಲಿಪ್ಪಿಯೆರೆಗ್ 3:14

ಈ ಪಾರುನೆತ್ತ ಕಡೆ ಮುಟ್ಟೆರೆಗಾದ್ ಪ್ರಯಾಸ ಮಲ್ತೊಂದುಲ್ಲೆ; ನಮನ್ ದೇವೆರ್, ಕ್ರಿಸ್ತ ಯೇಸುಡ್ದಾದ್ ಲೆತ್ತಿನ ಆ ಪರಲೋಕದ ಉಡಿಗೆರೆನ್ ದೆತ್ತೊನೆರೆಗಾದ್ ಪಾರೊಂದುಲ್ಲೆ.

1 ಥೆಸಲೋನಿಕೆರೆಗ್‌ 4:7

ದೇವೆರ್ ನಮನ್ ಅಶುದ್ಧ ಜೀವನ ಮಲ್ಪೆರೆ ಲೆಯ್ದಿನಿ ಅತ್ತ್, ಪರಿಶುದ್ಧ ಜೀವನ ಮಲ್ಪೆರೆ ಲೆಯ್ದಿನಿ.

1 ತಿಮೋಥಿ 1:1

ನಮ ರಕ್ಷಕೆ ಆದುಪ್ಪು ದೇವೆರೆಡ್ದ್‌ಲಾ ನಮ ನಿರೀಕ್ಷೆಗ್ ಆಧಾರ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ಅಪ್ಪಣೆಗ್ ಸರಿಯಾದ್ ನೇಮಕವಾಯಿನ ಯೇಸು ಕ್ರಿಸ್ತನ ಅಪೊಸ್ತಲೆ ಪೌಲು,

2 ತಿಮೋಥಿ 1:1

ಕ್ರಿಸ್ತ ಯೇಸುಡುಪ್ಪು ಜೀವ ವಾಗ್ದಾನೊನು ತೆರಿಪಾವುನೆಕ್ಕಾದ್ ದೇವೆರೆ ಚಿತ್ತೊಡು ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಡ್ದು ಎನ ಪ್ರೀತಿದ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ, ಕರುಣೆಲಾ, ಸಮಾಧಾನಲಾ ಆವಡ್.

ಇಬ್ರಿಯೆರೆಗ್ 3:1

ಅಂಚಾಯಿನೆಡ್ದ್ ದೇವಜನೊಕುಲಾಯಿ ಸಹೋದ್ರೆರೇ ಪರಲೋಕದ ಭಾಗ್ಯೊಡು ಪಾಲ್‌ದಾರೆರಾವೆರೆ ಲೆಪ್ಪು ಪಡೆತಿನಾಕುಲೆ, ನಮ ನಿಗಂಟ್ ಮಲ್ತೊಂದು ಒಪ್ಪಿಯೊಂಡಿನ ಅಪೊಸ್ತಲೆಲಾ ಪ್ರಧಾನಯಾಜಕೆಲಾ ಆಯಿ ಯೇಸುನು ಗೇನ ಕೊರ್ದು ಯೋಚನೆ ಮಲ್ಪುಲೆ.

1 ಪೇತ್ರೆ 1:20

ಲೋಕ ಉಂಡಾಪಿನೆಡ್ದ್ ದುಂಬೇ ದೇವೆರ್ ಆಯನ್ ಅಜತ್‌ದ್ ನಿಕ್ಲೆಗ್ ಬೋಡಾದ್ ಕಡೆ ಕಾಲೊಡು ತೋಜಾದ್ ಕೊರಿಯೆ.

1 ಪೇತ್ರೆ 2:9

ಆಂಡ ನಿಕುಲು ಅಜತ್‌ದಿನ ಜನಾಂಗೊಲು, ಮಾಮಲ್ಲ ಯಾಜಕ ವರ್ಗದಾಕುಲು, ಪರಿಶುದ್ಧ ಜನಾಂಗೊಲು, ದೇವೆರೆನ ಸ್ವಂತ ಜನೊಕುಲು ಆದುಲ್ಲರ್. ದೇವೆರೆ ಕಾರ್ನಿಕೊಲೆನ್ ತೆರಿಪಾವೆರೆ ಅಜತ್‌ದಿನಾಕುಲು ಆದುಪ್ಪುನೆಡ್ದ್ ದೇವೆರ್ ನಿಕ್ಲೆನ್ ಪಾಪದ ಗರ್ಗಂಡ ಕತ್ತಲೆಡ್ದ್ ಲೆತ್ತ್‌ದ್ ತನ ಮೈಮೆದ ಬೊಲ್ಪುಗು ಸೇರಾದಿನಾಯೆ ಆಯೆನೇ.

ಪ್ರಕಟಣೆ 13:8

ಲೋಕ ಉಂಡಾಪಿನೆಡ್ದ್ ದುಂಬೇ ಬಲಿಯಾಯಿ ಕುರಿಯಾದಿತ್ತಿನಾಯಡ ಉಪ್ಪು ಜೀವದ ಪುಸ್ತಕೊಡು ಏರೇರೆನ ಪುದರ್ ಬರೆತಿಜಾ, ಅಕುಲು ಐಕ್ ಆರಾಧನೆ ಸಂದಾವೆರ್.

ಪ್ರಕಟಣೆ 17:8

ಈ ತೂಯಿನ ಆ ಮೃಗ ಸುರುಟ್ಟು ಇತ್ತ್ಂಡ್, ಆಂಡ ಇತ್ತೆ ಇಜ್ಜಿ. ಆಂಡ ಪಾತಾಳೊಡ್ದು ಆಯೆ ಬೇಗೊಡು ಮಿತ್ತ್ ಬತ್ತ್‌ದ್ ನಿತ್ಯ ನಾಶನೊಗು ಪೋಪೆ. ಲೋಕ ಉಂಡಾಯಿನೆಡ್ದಿಂಚಿ ಏರೇರೆನ ಪುದರ್ ಜೀವಬಾಧ್ಯೆರೆ ಪುಸ್ತಕೊಡು ಬರೆತಿಜಾ, ಅಕುಲು ಈ ಮೃಗೊನು ತೂದು ಉಂದು ಸುರುಟ್ಟು ಇತ್ತ್ಂಡ್, ಇತ್ತೆ ಇಜ್ಜಿ, ಕುಡ ಬರ್ಪುಂಡು ಅಂದ್‌ದ್ ತೆರಿದ್ ಅಚ್ಚಿರ ಪಡೆವೆರ್.