2 ತಿಮೋಥಿ 1:8 - ಪೊಸ ಒಡಂಬಡಿಕೆ

⁸ ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

2 ತಿಮೋಥಿ 1:8 Iomraidhean Croise

ಮಾರ್ಕೆ 8:38

ವ್ಯಭಿಚಾರಿಲೆಕ್ಕ ಉಪ್ಪು ಈ ಪಾಪಿಷ್ಟ ಸಂತಾನೊಡು, ಏರಾಂಡಲಾ ಎನನ್ ಬೊಕ್ಕ ಎನ ಪಾತೆರೊಗು ನಾಚಿಗೆ ಮಲ್ತೊನುವೆನಾ ಆಯಗ್ ನರಮಾನಿ ಮಗೆಲಾ ತಾನ್ ತನ ಅಮ್ಮೆರೆನ ಮೈಮೆಡ್ ಪರಿಶುದ್ಧ ದೂತೆರೆಡೊಪ್ಪ ಬನ್ನಗ ನಾಚಿಗೆ ಮಲ್ಪೆ,” ಅಂದ್‌ದ್ ಪಂಡೆ.

ಲೂಕೆ 9:26

ಏರಾಂಡಲಾ ಎನನ್ ಬೊಕ್ಕ ಎನ ಪಾತೆರೊಗು ನಾಚಿಗೆ ಮಲ್ತೊನುವೆನಾ, ಆಯಗ್ ನರಮಾನಿ ಮಗೆ ತನ್ನಲಾ ತನ ಅಮ್ಮೆರೆಗ್ಲಾ ಪರಿಶುದ್ಧ ದೂತೆರೆಗ್ಲಾ ಉಪ್ಪುನ ಮೈಮೆಡೊಪ್ಪ ಬನ್ನಗ ನಾಚಿಗೆ ಮಲ್ಪೆ.

ಯೋಹಾನೆ 15:27

ನಿಕುಲು ಸುರುಡ್ದು ಎನಡೊಪ್ಪ ಇತ್ತಿನೆಡ್ದ್ ಎನ ಸಂಗತಿಡ್ ಸಾಕ್ಷಿ ಕೊರ್ಪರ್.

ಯೋಹಾನೆ 19:35

ಅವೆನ್ ತೂಯಿನಾಯನೇ ಸಾಕ್ಷಿ ಪನ್ತೆ. ಆಯ ಸಾಕ್ಷಿ ಸತ್ಯದವೇ ತಾನ್ ಪನ್ಪಿನವು ಸತ್ಯದವು ಅಂದ್‌ದ್ ಆಯೆ ತೆರಿದೆ. ನಿಕುಲುಲಾ ಉಂದೆನ್ ನಂಬೊಡು ಅಂದ್‌ದ್ ಪನ್ತೆ.

ಅಪೊ.ಕ್ರಿ 5:41

ಅಪೊಸ್ತಲೆರ್ ಯೇಸುನ ಪುದರ್‌ಡ್ದ್ ಅವಮಾನ ಪಡೆಯೆರೆ ಯೋಗ್ಯದಾಕುಲು ಅಂದ್‌ದ್ ಸಂತೋಷ ಮಲ್ತ್‌ದ್ ಹಿರಿಸಭೆಡ್ದ್ ಪಿದಾಡ್ದ್ ಪೋಯೆರ್.

ರೋಮಾಯೆರೆಗ್ 1:16

ಸುವಾರ್ತೆದ ವಿಚಾರೊಡು ಯಾನ್ ನಾಚಿಗೆ ಮಲ್ಪುನಾಯೆ ಅತ್ತ್. ಅವು ನಂಬುನಾಕುಲೆಗ್ ಮಾತೆರೆಗ್ಲಾ ರಕ್ಷಣೆಗಾದ್ ದೇವೆರೆನ ಬಲ ಆದುಂಡು. ದುಂಬತ್ತ ಯೆಹೂದ್ಯೆರೆಗ್ಲಾ ಐಡ್ದ್ ಬೊಕ್ಕ ಪಿದಯಿದ ಜನೊಕುಲೆಗ್ಲಾ.

ರೋಮಾಯೆರೆಗ್ 16:25

ದೇವೆರೆಗ್ ಮೈಮೆ ಆವಡ್. ಪಿರಾಕ್‌ದ ಕಾಲೊಲೆಡ್ ವರ್ಸಾನುಗಟ್ಟಲೆ ಮದೆ ಆದಿತ್ತಿನ ಮರ್ಮೊಲು ಇತ್ತೆ ತೋಜಿದ್ ಬತ್ತಿಲೆಕ್ಕ, ಯಾನ್ ನಿಕ್ಲೆಗ್ ಸಾರಿನ ಯೇಸು ಕ್ರಿಸ್ತನ ಸುವಾರ್ತೆಗ್ ತಕ್ಕ ನಿಕ್ಲೆಡ್ ಉಂಡಾಯಿನ ನಂಬಿಕೆಡ್ ಸ್ಥಿರಾದ್ ಉಂತುಲೆ. ಇತ್ತೆ ಆ ಮರ್ಮ ಪ್ರವಾದಿಲೆ ಬರವುಡ್ದ್ ತೆರಿದ್ ಬತ್ತ್ಂಡ್. ಬೊಕ್ಕ ಮಾತ ಜನಾಂಗೊಲುಲಾ ಅವೆನ್ ಕೇನುಲೆಕ್ಕಲಾ ಐಕ್ ತಗ್ಗ್‌ದಿನಾಕುಲಾದ್ ಉಪ್ಪುಲೆಕ್ಕಲಾ ನಿತ್ಯ ದೇವೆರೆ ಅಪ್ಪಣೆಡ್ದ್‌ಲಾ ಅವು ಮಾತೆರೆಗ್ ತೋಜಿದ್ ಬತ್ತ್ಂಡ್.

ರೋಮಾಯೆರೆಗ್ 8:36

ಶಾಸ್ತ್ರೊಡು ಇಂಚೆನೇ ಬರೆದುಂಡು, “ದೇವೆರೇ, ಎಂಕುಲು ನಿನಡ್ದಾದ್ ದಿನ ಇಡೀ ಮರಣದ ಪೋಡಿಗೆಡ್ ಉಲ್ಲ; ಕೆರಿಯೆರೆಗುಪ್ಪುನ ಕುರಿತ ಲೆಕ್ಕನೇ ಎಂಕುಲು ಉಲ್ಲ.”

ರೋಮಾಯೆರೆಗ್ 9:33

ಅಂಚಾಯಿನೆಡ್ದ್ ಶಾಸ್ತ್ರೊಡು ಇಂಚ ಬರೆತ್ಂಡ್, “ಇಂದಾ ಚೀಯೋನುಡು ದಂಟುನ ಕಲ್ಲ್‌ನ್ಲಾ ದಂಟ್‌ದ್ ಬೂರುನ ಪಾದೆನ್ಲಾ ದೀತೆ. ಐತ ಮಿತ್ತ್ ನಂಬಿಕೆ ದೀಪಿನಾಯೆ ಏರ್ಲಾ ನಾಚಿಗೆಡ್ ಬೂರುಜೆರ್.”

2 ಕೊರಿಂಥ್ಯೆರೆಗ್ 6:7

ಸತ್ಯ ಪಾತೆರೊಡು, ದೇವೆರೆ ಶಕ್ತಿಡ್ ಎಂಕುಲು ದೇವೆರೆ ಸೇವಕೆರ್ ಅಂದ್‌ದ್ ತೋಜಾವೊನುವ. ದತ್ತ ಬಲತ್ತ ಕೈಟ್‌ ನೀತಿ ಪನ್ಪಿ ಆಯುಧೊಲೆನ್ ಎಂಕುಲು ಪತ್ತೊಂದಿನಾಕುಲಾದುಲ್ಲಾ.

ಎಫೆಸ್ಯೆರೆಗ್ 3:1

ಉಂದೆಕ್ಕಾದ್ ಪೌಲು ಇನ್ಪಿನಾಯೆ ಯಾನ್, ಪಿದಯಿದ ಜನೊಕುಲೆಗಾದ್ರ ಕ್ರಿಸ್ತ ಯೇಸುನ ವಶ ಆದುಲ್ಲೆ.

ಎಫೆಸ್ಯೆರೆಗ್ 3:13

ಅಂಚಾದ್ ಯಾನ್ ನಿಕ್ಲೆಗ್ ಬೋಡಾದ್ ಬರ್ಪಿ ಭಂಗೊಲು ಅವು ನಿಕ್ಲೆ ಮೈಮೆಗಾದ್ ಅಂದ್‌ದ್ ಎನ್ನ್‌ದ್ ಸೋತುದು ಪೋವಡೆ.

ಎಫೆಸ್ಯೆರೆಗ್ 4:1

ನಿಕುಲು ದೇವೆರೆಡ್ ಲೆಪ್ಪು ಆದಿತ್ತಿನಕುಲಾದ್ ಆ ಲೆಪ್ಪುಗು ಯೋಗ್ಯೆರಾದ್ ನಡಪುಡೊಡು ಅಂದ್‌ದ್ ಕರ್ತವನ ಸೇವೆಗ್ ಸೆರೆಮನೆಟುಪ್ಪು ಯಾನ್ ನಿಕ್ಲೆಡ ನಟ್ಟೊನ್ವೆ.

ಎಫೆಸ್ಯೆರೆಗ್ 4:17

ಅಂಚಾಯಿನೆಡ್ದ್ ಪಿದಯಿದ ಜನೊಕುಲು ನಡಪುಲೆಕ್ಕ ನಿಕುಲು ನನ ಮಿತ್ತ್ ನಡಪೆರೆ ಬಲ್ಲಿ ಅಂದ್‌ದ್ ಕರ್ತವಡ್ ಇತ್ತಿನಾಯೆ ಆದ್ ನಿಕ್ಲೆಗ್ ಕಂಡಿತಾದ್ ಪನ್ಪೆ.

ಫಿಲಿಪ್ಪಿಯೆರೆಗ್ 1:7

ನಿಕ್ಲೆ ಮಾತೆರೆ ಕಡೆಕ್ಕ್ ಯಾನ್ ಇಂಚ ಎನ್ನುನವು ಸರಿಯಾದುಪ್ಪುನವೇ. ಯಾನ್ ಸೆರೆಮನೆಟ್ ಉಪ್ಪುನಗ ಸುವಾರ್ತೆದ ಸತ್ಯೊನು ದೃಢವಾದ್ ಸಾರಿನಗ ನಿಕುಲು ಎನಡೊಪ್ಪ ದೇವೆರೆ ದಯೊಟು ಪಾಲ್‌ದಾರೆರ್ ಆದುಲ್ಲರಂದ್‌ದ್ ನಿಕ್ಲೆನ್ ಎನ ಉಡಲ್‌ಡ್ ದೀವೊಂಡೆ.

ಫಿಲಿಪ್ಪಿಯೆರೆಗ್ 3:10

ಯೇಸು ಕ್ರಿಸ್ತನ್ ತೆರಿಯೊಂದು ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನ ಮಲ್ಲ ಶಕ್ತಿನ್ ಅನುಭವ ಮಲ್ತೊಂದು, ಆಯಡೊಪ್ಪ ಶ್ರಮೆನ್ ಸೈಸೊಂದು ಆಯ ಮರಣೊಡು ಪಾಲ್‌ದಾರೆ ಆವೊಡು ಅಂದ್‌ದ್ ಆಸೆ ಮಲ್ಪುವೆ.

ಫಿಲಿಪ್ಪಿಯೆರೆಗ್ 4:13

ಎನನ್ ಬಲ ಪಡೆಪಾವು ಕ್ರಿಸ್ತಡ್ ಎಂಕ್ ಮಾತೆನ್ಲಾ ಮಲ್ಪೆರೆ ಸಾದ್ಯ ಉಂಡು.

ಕೊಲೊಸ್ಸಿಯೆರೆಗ್ 1:11

ಬೊಕ್ಕ ಆಯನ ಮೈಮೆದ ಬಲೊಡ್ದಾದ್ ಬಲ ಪಡೆದ್, ಮಾತೆನ್ಲಾ ಸಂತೋಷೊಡ್ಲಾ ತಾಳ್ಮೆಡ್ಲಾ ಉಪ್ಪುನಾಕುಲು ಆಲೆ.

ಕೊಲೊಸ್ಸಿಯೆರೆಗ್ 1:24

ಯಾನ್ ಇತ್ತೆ ನಿಕ್ಲೆಗಾದ್ ಅನುಭವ ಮಲ್ತಿ ಭಂಗೊಲೆಡ್ ಸಂತೋಷ ಪಡೆಯೊಂದುಲ್ಲೆ. ಕ್ರಿಸ್ತನ ಭಂಗೊಲೆಡ್ ಬಾಕಿ ಒರಿದಿನೆನ್ ಸಭೆ ಇನ್ಪಿ ಆಯನ ಶರೀರೊಗಾದ್ ಎನ ಶರೀರೊಡು ಅನುಭವ ಮಲ್ತ್‌ದ್ ತೀರಿಸಾವೆ.

1 ಥೆಸಲೋನಿಕೆರೆಗ್‌ 3:4

ಎಂಕುಲು ನಿಕ್ಲೆ ಕೈತಲ್‌ ಉಪ್ಪುನಗಲಾ ಕಷ್ಟ ಸಂಕಟೊಲೆನ್ ಅನುಭವ ಮಲ್ಪೊಡಾಪುಂಡು ಅಂದ್‌ದ್ ದುಂಬೇ ನಿಕ್ಲೆಗ್ ತೆರಿಪಾದಿತ್ತ, ಅಂಚೆನೇ ಆಂಡ್. ಅವು ನಿಕ್ಲೆನ ಅನುಭವೊಗ್ಲಾ ಬತ್ತ್ಂಡ್.

1 ತಿಮೋಥಿ 2:6

ಆಯೆ ಮಾತೆರೆನ ಬುಡುಗಡೆಗಾದ್ ತನನ್ ಒಚ್ಚಿದ್ ಕೊರಿಯೆ. ಬೊಕ್ಕ ಉಂದು ತಕ್ಕ ಸಮಯೊಡು ಪನೊಡಾಯಿನ ಸಾಕ್ಷಿ ಆದುಂಡು.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 1:16

ಒನೇಸಿಫೊರನ ಇಲ್ಲದಾಕುಲೆಗ್ ಕರ್ತವೆ ತನ ಕರುಣೆನ್ ತೋಜಾವಡ್, ದಾಯೆಗಂದ್ಂಡ ಆಯೆ ಅಪಗಪಗ ಎನ ಕೈತಲ್‌ ಬತ್ತ್‌ದ್ ಎಂಕ್ ಉತ್ತೇಜನ ಕೊರಿಯೆ. ಯಾನ್ ಸಂಕಲೆಡ್ ಉಲ್ಲೆ ಅಂದ್‌ದ್ ನಾಚಿಗೆ ಮಲ್ತ್‌ಜೆ.

2 ತಿಮೋಥಿ 2:3

ಕ್ರಿಸ್ತ ಯೇಸುನ ಎಡ್ಡೆ ಸೈನಿಕನಂಚ ಎನಡೊಪ್ಪ ಕಷ್ಟೊನು ತಾಳೊನ್ಲ.

2 ತಿಮೋಥಿ 2:8

ಸೈತಿನಾಕುಲೆಡ್ದ್ ಲಕ್ಕಿನಾಯೆಲಾ ದಾವೀದ್ ಸಂತಾನದಾಯೆಲಾ ಆದುಪ್ಪು ಯೇಸು ಕ್ರಿಸ್ತನ್ ನೆನೆಪು ಮಲ್ತೊನ್ಲ. ಉಂದೇ ಯಾನ್ ಸಾರಿಯುನ ಸುವಾರ್ತೆ ಆದುಂಡು.

2 ತಿಮೋಥಿ 2:9

ಬೊಕ್ಕ ಯಾನ್ ಈ ಸುವಾರ್ತೆ ಸಾರಿನೆಡ್ದ್ ದಿಂಜ ಭಂಗ ಬತ್ತಿನಾಯೆ ಆದ್ ದುಷ್ಕರ್ಮಿಲೆಕ್ಕ ಸಂಕಲೆಡ್ ಉಲ್ಲೆ, ಆಂಡ ದೇವೆರೆ ಪಾತೆರೊಗು ಬಂಧನ ಇಜ್ಜಿ.

2 ತಿಮೋಥಿ 4:17

ಆಂಡ ಕರ್ತವೆ ಎನ ಕಡೆಟ್ಟ್ ಉಂತುದು, ಎನನ್ ಬಲ ಪಡೆಪಾದ್, ಎನಡ್ದ್ ಸುವಾರ್ತೆ ಪೂರ್ತಿ ಆದ್ ಸಾರಿಯೆರೆಲಾ ಬೊಕ್ಕ ಪಿದಯಿದ ಜನೊಕುಲೆಗ್ ಕೇನುಲೆಕ್ಕಲಾ ಮಲ್ತೆ. ಅವು ಅತ್ತಂದೆ ಆಯೆ ಎನನ್ ಸಿಮ್ಮದ ಬಾಯಿಡ್ದ್ ತಪ್ಪಾಯೆ.

2 ತಿಮೋಥಿ 4:5

ಆಂಡ ಈ ಮಾತೆಟ್ಟ್ ಜಾಗ್ರತೆದಾಯೆ ಆದುಪ್ಪುಲ. ಕಷ್ಟ ತಾಳೊಂದು ಸುವಾರ್ತೆದ ಕೆಲಸೊನು ಮಲ್ಪುಲ. ನಿಕ್ಕ್ ಒಚ್ಚಿದ್ ಕೊರಿನ ಸೇವೆನ್ ಸರಿಯಾದ್ ಮಲ್ಪುಲ.

1 ಪೇತ್ರೆ 1:5

ಅಂತ್ಯ ಕಾಲೊಡು ತೋಜಿದ್ ಬರಿಯೆರೆಗ್ ತಯಾರಾದುಪ್ಪು ರಕ್ಷಣೆ, ನಂಬಿಕೆಡ್ ಉಪ್ಪುನಾಕುಲೆಗ್ ತಿಕ್ಕೊಡು ಅಂದ್‌ದ್ ದೇವೆರ್ ತನ ಬಲೊಟು ಕಾಪುವೆ.

1 ಯೋಹಾನೆ 4:14

ಅಮ್ಮೆ ಆದುಪ್ಪು ದೇವೆರ್ ತನ ಮಗನ್ ಈ ಲೋಕದ ರಕ್ಷಕೆ ಆದ್ ಕಡಪುಡ್ದಿನೆನ್ ಎಂಕುಲು ಸ್ವಂತ ಕಣ್ಣ್‌ಡ್ ತೂದು, ಇತ್ತೆ ಐಕಾದ್ ಸಾಕ್ಷಿ ಕೊರ್ಪ.

ಯೂದೆ 1:24

ದಂಟ್‌ದ್ ಬೂರಂದಿಲೆಕ್ಕ ನಿಕ್ಲೆನ್ ಕಾತ್‌ದ್ ದೋಷದಾಂತಿನಾಕುಲಾದ್ ಸಂತೋಷೊಡು ತನ ಮೈಮೆದ ಎದುರು ನಿಕ್ಲೆನ್ ಉಂತಾವೆರೆ ಸಾಮರ್ಥ್ಯ ಇತ್ತಿ ನಮ ರಕ್ಷಕೆ ಆದುಪ್ಪು ಒರಿಯೇ ದೇವೆರೆಗ್, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ಮೈಮೆ, ಮಾನಾದಿಗೆ, ಬಲ, ಅಧಿಕಾರ ಮಾತ ಕಾಲೊಡು ಇತ್ತಿಲೆಕ್ಕ ಇತ್ತೆಲಾ ಏನಿತ್ಯೇನಿಗ್ಲಾ ಉಪ್ಪಡ್, ಆಮೆನ್.

ಪ್ರಕಟಣೆ 1:2

ಯೋಹಾನೆ ತಾನ್ ತೂಯಿನೆನ್ ಮಾತೆನ್ ತೆರಿಪಾವುನಾಯೆ ಆದ್ ದೇವೆರೆ ಪಾತೆರದ ಸಂಗತಿಡ್ಲಾ ಯೇಸು ಕ್ರಿಸ್ತೆ ಪಂಡಿನ ಸಾಕ್ಷಿದ ಸಂಗತಿಡ್ಲಾ ಸಾಕ್ಷಿ ಪಂಡೆ.

ಪ್ರಕಟಣೆ 1:9

ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.

ಪ್ರಕಟಣೆ 12:11

ಅಕುಲು ಮರಣ ಮುಟ್ಟ ತನ್ಕುಲೆ ಪ್ರಾಣೊನು ಪ್ರೀತಿ ಮಲ್ಪಂದೆ, ಕುರಿತ ಕಿನ್ನಿದ ನೆತ್ತೆರೆಡ್ದ್‌ಲಾ ತನ್ಕುಲೆ ಸಾಕ್ಷಿದ ಪಾತೆರೊಡ್ದುಲಾ ಆಯನ್ ಗೆಂದಿಯೆರ್.

ಪ್ರಕಟಣೆ 19:10

ಅಪಗ ಯಾನ್ ಆಯಗ್ ಅಡ್ಡ ಬೂರೊಡು ಅಂದ್‌ದ್ ಆಯ ಕಾರ ಎದುರು ಬೂರ್ನಗ ಆಯೆ, ಮಲ್ಪಡ ತೂಲ, ಯಾನ್ ನಿಕ್ಕ್‌ಲಾ ಯೇಸುನ ಸಂಗತಿದ ಸಾಕ್ಷಿನ್ ಪಂಡ್ದುಪ್ಪುನ ನಿನ ಸಹೋದರೆರೆಗ್ಲಾ ಜತೆಸೇವಕೆ ಆದುಲ್ಲೆ. ದೇವೆರೆಗೇ ಅಡ್ಡಬೂರ್ಲ ಅಂದ್‌ದ್ ಪಂಡೆ. ಯೇಸುನ ಸಾಕ್ಷಿಯೇ ಪ್ರವಾದನೆದ ಆತ್ಮ ಆದುಂಡು.