2 ತಿಮೋಥಿ 1:7 - ಪೊಸ ಒಡಂಬಡಿಕೆ

⁷ ದಾಯೆಗಂದ್ಂಡ ದೇವೆರ್ ನಂಕ್ ಕೊರ್ತಿನ ಆತ್ಮ ಅವು ಬಲತ್ತವು, ಪ್ರೀತಿದವು, ತಿಳುವಳಿಕೆ ಇತ್ತಿನವು ಅತ್ತಂದೆ ಪೋಡಿಗೆದ ಆತ್ಮ ಅತ್ತ್.

2 ತಿಮೋಥಿ 1:7 Iomraidhean Croise

ಲೂಕೆ 10:19

ಇಂದಾ, ಸರ್ಪೊಲೆನ್, ಚೇಲ್‌ಲೆನ್, ಪಗೆನಾಯನ ಮಾತ ಬಲೊನು ದೊಂಕ್ಯೆರೆ ನಿಕ್ಲೆಗ್ ಅಧಿಕಾರ ಕೊರ್ತೆ. ಒವುಲಾ ನಿಕ್ಲೆಗ್ ಕೇಡ್ ಮಲ್ಪಂದ್.

ಲೂಕೆ 15:17

ಅಪಗ ಆಯಗ್ ಬುದ್ಧಿ ಬತ್ತ್‌ದ್ ಆಯೆ, ‘ಎನ ಅಮ್ಮೆರೆ ಇಲ್ಲಡ್ ಏತೋ ಜನ ಬೇಲೆದಾಕುಲೆಗ್ ಬೋಡಾಯಿನಾತ್ ವಣಸ್ ಉಂಡು, ಯಾನ್ ಮುಲ್ಪ ಬಡವುಡು ಸೈಯೊಂದುಲ್ಲೆ.

ಲೂಕೆ 24:49

ಇಂದಾ, ಎನ ಅಮ್ಮೆ ವಾಗ್ದಾನ ಮಲ್ತಿನ ಪರಿಶುದ್ಧಾತ್ಮೊನು ನಿಕ್ಲೆಗ್ ಕಡಪುಡ್ದು ಕೊರ್ಪೆ. ದೇವೆರ್ ಮಿತ್ತ್‌ದ ಲೋಕೊಡ್ದು ಆತ್ಮದ ಬಲ ಕೊರ್ಪಿನೆಂಗೆ ನಿಕುಲು ಯೆರೂಸಲೇಮುಡೇ ಕಾತೊಂದುಪ್ಪುಲೆ,” ಅಂದ್‌ದ್ ಪಂಡೆ.

ಲೂಕೆ 8:35

ಜನೊಕುಲು ನಡತಿ ಸಂಗತಿಲೆನ್ ತೂವೆರೆ ಪಿದಾಡ್ದ್ ಯೇಸು ಇತ್ತಿನಡೆಗ್ ಬತ್ತಿನಪಗ ದೆವ್ವೊಲು ಬುಡ್ದು ಪೋತಿ ಆ ನರಮಾನಿ ಕುಂಟು ಪಾಡ್ದ್ ಸ್ವಸ್ಥ ಬುದ್ಧಿಡ್ ಯೇಸುನ ಕಾರ ಮುದೆಲ್‌ಡ್ ಕುಲ್ಲುದುಪ್ಪುನೆನ್ ತೂದು ಪೋಡಿಯೆರ್.

ಯೋಹಾನೆ 14:27

“ಸಮಾಧಾನೊನು ನಿಕ್ಲೆಗ್ ಬುಡ್ದು ಪೋಪೆ. ಎನ ಸಮಾಧಾನೊನು ನಿಕ್ಲೆಗ್ ಕೊರ್ಪೆ. ಲೋಕ ಕೊರ್ಪಿ ರೀತಿಡ್ ಯಾನ್ ನಿಕ್ಲೆಗ್ ಕೊರ್ಪುಜಿ. ನಿಕ್ಲೆನ ಉಡಲ್ ತಳಮಳ ಆವಂದೆ ಪೋಡಿಯಂದೆ ಉಪ್ಪಡ್.

ಅಪೊ.ಕ್ರಿ 1:8

ಆಂಡ ಪರಿಶುದ್ಧಾತ್ಮೆ ನಿಕ್ಲೆ ಉಲಯಿ ಬನ್ನಗ ನಿಕುಲು ಬಲ ಪಡೆದ್ ಯೆರೂಸಲೇಮುಡ್ಲಾ ಇಡೀ ಯೂದಾಯೊಡ್ಲಾ ಸಮಾರ್ಯೊಡ್ಲಾ ಭೂಮಿದ ಕಡೆ ಮುಟ್ಟಲಾ, ನಿಕುಲು ಎನ ಸಾಕ್ಷಿದಾಕುಲಾದುಪ್ಪುವರ್.”

ಅಪೊ.ಕ್ರಿ 10:38

ದೇವೆರ್ ನಜರೇತ್‌ದ ಯೇಸುನು ಪರಿಶುದ್ಧಾತ್ಮೊಡ್ದುಲಾ ಬಲೊಡ್ದುಲಾ ಅಭಿಷೇಕ ಮಲ್ತೆ; ದೇವೆರ್ ಆಯ ಒಟ್ಟುಗು ಇತ್ತಿನೆಡ್ದ್ ಆಯೆ ಮಾತೆರೆಗ್ಲಾ ಎಡ್ಡೆ ಮಲ್ತೊಂದು; ಸೈತಾನನ ಬಂಧನೊಡು ಇತ್ತಿನಾಕುಲೆನ್ ಗುಣ ಮಲ್ತೊಂದು ಮಾತ ಜಾಗ್‌ಗ್ ಪೋವೊಂದಿತ್ತೆ. ಉಂದು ಮಾತ ನಿಕ್ಲೆಗ್ ಗೊತ್ತಾದುಪ್ಪು.

ಅಪೊ.ಕ್ರಿ 20:24

ಆಂಡ ಯಾನ್ ಎನ ಸ್ವಂತ ಜೀವದ ಸಂಗತಿಡ್ ಚಿಂತೆ ಮಲ್ಪುಜಿ. ದೇವೆರೆನ ದಯತ ಸುವಾರ್ತೆದ ಸಂಗತಿಡ್ ಸಾಕ್ಷಿ ಕೊರ್ಪಿನವೇ ಎನ ಬೇಲೆ ಆದುಂಡು. ಕರ್ತವೆ ಆದುಪ್ಪು ಯೇಸುಡ್ದು ತಿಕ್ಕಿ ಸೇವೆನ್ ಸಂತೋಷೊಡು ಪೂರೈಸುನವೇ ಎನ ಆಸೆ ಆದುಂಡು.

ಅಪೊ.ಕ್ರಿ 21:13

ಐಕ್ ಪೌಲು, “ನಿಕುಲು ಬುಲ್ತುದು ಎನ ಮನಸ್‌ನ್ ಕರಗಾವೊಡ್ಚಿ ಯಾನ್ ಕರ್ತವೆ ಆದುಪ್ಪು ಯೇಸುನ ಪುದರ್‌ಗಾದ್ ಯೆರೂಸಲೇಮುಡು ಸೆರೆಮನೆತ ಸರಪೊಳಿಡ್ ಮಾತ್ರ ಅತ್ತಂದೆ ಸೈಯೆರೆಗ್ಲಾ ತಯಾರಾದುಲ್ಲೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 26:11

ಮಾತ ಸಭಾಮಂದಿರೊಲೆಡ್ಲಾ ಯಾನ್ ದಿಂಜ ಸರ್ತಿ ಅಕ್ಲೆನ್ ದಂಡ್ಯಾದ್ ಅಕ್ಲೆಡ್ದ್ ದೂಷಣೆದ ಪಾತೆರೊಲೆನ್ ಪನ್ಪಾವುನೆಟ್ ಪ್ರಯತ್ನೊನು ಮಲ್ತೆ. ಉಂದು ಅತ್ತಂದೆ ಪರ ಊರುಗು ಪೋದು ಭಂಗ ಕೊರಿಯೆ.

ಅಪೊ.ಕ್ರಿ 26:25

ಐಕ್ ಪೌಲು, “ಶ್ರೀಮಾನ್ ಮಹಾ ಫೆಸ್ತೆ, ಯಾನ್ ಮರ್ಲ್ ಆತಿಜಿ; ಸ್ವಸ್ಥ ಬುದ್ಧಿ ಇತ್ತಿನಾಯೆ ಆದ್ ಸತ್ಯವಾಯಿನ ಪಾತೆರೊಲೆನ್ ಪನೊಂದುಲ್ಲೆ.

ಅಪೊ.ಕ್ರಿ 6:8

ಸ್ತೇಫನೆ ದೇವೆರೆ ದಯೊಡ್ದುಲಾ ಬಲೊಡ್ದುಲಾ ದಿಂಜಿದಿನಾಯೆ ಆದ್ ಜನೊಕುಲೆ ಮದ್ಯೊಡು ಬಲತ್ತ ಕಾರ್ನಿಕೊಲೆನ್ಲಾ ಗುರ್ತೊಲೆನ್ಲಾ ಮಲ್ತೊಂದಿತ್ತೆ.

ಅಪೊ.ಕ್ರಿ 9:22

ಆಂಡ ಸೌಲು ನನಲಾ ಹೆಚ್ಚ್ ಬಲ ಪಡೆದ್ ಯೇಸು ಆಯೆನೇ ಕ್ರಿಸ್ತೆ ಆದುಲ್ಲೆ ಅಂದ್‌ದ್ ದೃಢ ಮಲ್ತ್‌ದ್ ದಮಸ್ಕೊಡಿತ್ತಿನ ಯೆಹೂದ್ಯೆರೆನ್ ಪಿರ ಪಾತೆರಂದಿಲೆಕ್ಕ ಮಲ್ತೆ.

ರೋಮಾಯೆರೆಗ್ 5:5

ಈ ನಿರೀಕ್ಷೆ ನಮಡ್ ನಿರಾಶೆ ಉಂಡು ಮಲ್ಪುಜಿ. ದಾಯೆಗಂದ್ಂಡ ನಂಕ್ ಕೊರ್ತಿನ ಪರಿಶುದ್ಧಾತ್ಮೊಡ್ದು ದೇವೆರ್ ತನ ಪ್ರೀತಿನ್ ನಮ ಉಡಲ್‌ಡ್ ಮೈತ್‌ದ್ ಕೊರ್ತೆ.

ರೋಮಾಯೆರೆಗ್ 8:15

ನಿಕ್ಲೆಗ್ ದೇವೆರ್ ಕೊರ್ತಿನ ಆತ್ಮೆ ನಿಕ್ಲೆನ್ ನ್ಯಾಯಕಟ್ಟ್‌ದ ಗುಲಾಮೆರಾದ್ ಮಲ್ತ್‌ದ್ ಪೋಡಿಗೆಡ್ ಪಾಡುನವು ಅತ್ತ್; ಪಗತೆಗ್ ಈ ಆತ್ಮೆ ನಿಕ್ಲೆನ್ ದೇವೆರೆ ಜೋಕುಲಂದ್‌ದ್ ಮಲ್ಪುವೆ. ಈ ಆತ್ಮನ ಬಲೊಡ್ದು ನಮ ದೇವೆರೆನ್, “ಅಮ್ಮೆರೇ! ಎನ ಅಮ್ಮೆರೆ!” ಪಂಡ್ದ್ ಲೆಪ್ಪುವ.

1 ಕೊರಿಂಥ್ಯೆರೆಗ್ 2:4

ಎನ ಪಾತೆರೆಲಾ ಪ್ರಸಂಗಲಾ ನರಮಾನಿನ ಗೇನದ ಪೊರ್ಲು ಪಾತೆರೊಲೆನ್ ಪನಂದೆ, ಐತ ಪಗತೆಗ್ ದೇವೆರಾತ್ಮೊಡ್ದುಲಾ ಬಲೊಡ್ದುಲಾ ದಿಂಜಿದಿತ್ತ್ಂಡ್.

ಗಲಾತ್ಯೆರೆಗ್ 5:22

ಆಂಡ ದೇವೆರಾತ್ಮೊಡ್ದು ಉಂಡಾಪಿನ ಫಲ ದಾನೆಂದ್ಂಡ ಪ್ರೀತಿ, ಸಂತೋಷ, ಸಮಾಧಾನ, ತಾಳ್ಮೆ, ಉಪಕಾರ, ಎಡ್ಡೆತನ, ನಂಬಿಕೆ, ಸಜ್ಜನಿಗೆ, ಬೊಕ್ಕ ಕಷ್ಟ ತಡೆತೊನುನವು ಇಂಚಿತ್ತಿನವೇ.

ಕೊಲೊಸ್ಸಿಯೆರೆಗ್ 1:8

ಪರಿಶುದ್ಧಾತ್ಮೊಡುಪ್ಪು ನಿಕ್ಲೆ ಪ್ರೀತಿದ ವಿಷಯೊನು ಎಂಕ್ ತೆರಿಪಾಯಿನಿ ಆಯೆನೇ.

ಇಬ್ರಿಯೆರೆಗ್ 2:15

ಮರಣದ ಪೋಡಿಗೆದ ದಿಸೆಡ್ದ್ ಗುಲಾಮತನೊಟು ಇತ್ತಿನಾಕುಲೆನ್ ಬುಡ್ಪಾವರೆಗ್ ಅಕ್ಲೆ ಲೆಕ್ಕ ನರಮಾನಿ ಆಯೆ.

1 ಪೇತ್ರೆ 1:22

ನಿಕುಲು ಸತ್ಯೊಗು ವಿಧೇಯೆರಾದ್ ನಿಕ್ಲೆ ಆತ್ಮೊಲೆನ್ ಶುದ್ಧ ಮಲ್ತಿನೆಡ್ದ್ ಸಹೋದರೆ ಲೆಕ್ಕ ಕಪಟದಾಂತಿ ಪ್ರೀತಿಡುಪ್ಪುಲೆ. ಒರಿಯನ್ ಒರಿ ಶುದ್ಧ ಉಡಲ್‌ಡ್ದ್ ಸ್ಥಿರಾದ್ ಪ್ರೀತಿ ಮಲ್ಪುಲೆ.

1 ಯೋಹಾನೆ 4:18

ಪ್ರೀತಿ ಉಪ್ಪುನಲ್ಪ ಪೋಡಿಗೆ ಇಜ್ಜಿ. ಆಂಡ ಪೂರ್ತಿ ಇತ್ತಿ ಪ್ರೀತಿ ಪೋಡಿಗೆನ್ ದೂರ ಮಲ್ಪುಂಡು. ಪೋಡಿಗೆ ಬೇನೆ ಕೊರೊಂದೇ ಉಪ್ಪುಂಡು. ಬೊಕ್ಕ ಪೋಡಿಯುನಾಯೆ ಪ್ರೀತಿಡ್ ಪೂರ್ತಿ ಆತಿನಾಯೆ ಅತ್ತ್.