2 ತಿಮೋಥಿ 1:5 - ಪೊಸ ಒಡಂಬಡಿಕೆ

⁵ ನಿನಡುಪ್ಪು ಕಪಟದಾಂತಿ ನಂಬಿಕೆನ್ ನೆನೆಪು ಮಲ್ತೊನ್ವೆ. ಅವು ದುಂಬತ್ತ ನಿನ ಅಜ್ಜಿ ಲೋವಿಡಲಾ ನಿನ ಅಪ್ಪೆ ಯೂನೀಕೆಡಲಾ ಇತ್ತ್ಂಡ್. ಅಂಚೆನೇ ಅವು ನಿನಡಲಾ ಉಂಡು ಅಂದ್‌ದ್ ಯಾನ್ ದೃಢಾದ್ ನಂಬುದೆ.

2 ತಿಮೋಥಿ 1:5 Iomraidhean Croise

ಯೋಹಾನೆ 1:47

ಯೇಸು ತನ ಕೈತಲ್‌ ಬರ್ಪಿ ನತಾನಿಯೇಲನ್ ತೂದು ಆಯ ಸಂಗತಿಡ್, “ಇಂದಾ, ಆಯೆ ನಿಜ ಇಸ್ರಾಯೇಲ್ಯೆ, ಆಯಡ ಕಪಟ ಇಜ್ಜಿ!” ಪಂಡೆ.

ಅಪೊ.ಕ್ರಿ 16:1

ಐಡ್ದ್ ಬೊಕ್ಕ ಆಯೆ ದೆರ್ಬೆಗ್ಲಾ ಲುಸ್ತ್ರೊಗ್ಲಾ ಬತ್ತೆ. ಲುಸ್ತ್ರೊಡು ತಿಮೋಥಿ ಪನ್ಪಿನ ಒರಿ ಶಿಷ್ಯೆ ಇತ್ತೆ. ಇಂಬ್ಯನ ಅಪ್ಪೆ ಕರ್ತವನ್ ನಂಬುನ ಯೆಹೂದಿ ಆದಿತ್ತಲ್. ಆಯನ ಅಮ್ಮೆ ಗ್ರೀಕೆ ಆದಿತ್ತೆ.

ಅಪೊ.ಕ್ರಿ 26:26

ಅಗ್ರಿಪ್ಪ ರಾಜೆ ಈ ಸಂಗತಿಲೆನ್ ತೆರಿದಿನಾಯೆ; ಆಯನ ಎದುರು ಧೈರ್ಯೊಡು ಪಾತೆರ್‌ವೆ. ಉಂದೆಕ್ಲೆಡ್ ಒಂಜಾಂಡಲಾ ಆಯಗ್ ಗೊತ್ತಿಜ್ಜಾಂದಿನವು ಇಜ್ಜಿ ಅಂದ್‌ದ್ ನಂಬುವೆ. ದಾಯೆಗ್ ಪಂಡ ಉಂದು ಕೋಂಟುಡು ನಡತಿನ ಸಂಗತಿ ಅತ್ತ್.

ರೋಮಾಯೆರೆಗ್ 14:14

ವಾ ತಿನ್ಪಿ ವಸ್ತುಲಾ ಅಶುದ್ಧದವು ಅತ್ತ್ ಪಂಡ್ದ್ ತೆರಿದೆ ಬೊಕ್ಕ ಕರ್ತವೆ ಆದುಪ್ಪು ಯೇಸುಡೊಪ್ಪ ಇತ್ತ್‌ದ್ ದೃಢವಾದ್ ನಂಬುದೆ. ಆಂಡ ನಿಕುಲು ವಾ ತಿನ್ಪಿನ ವಸ್ತುಲೆನ್ ಅಶುದ್ಧ ಪಂಡ್ದ್ ನಂಬುವರ್ಡ ಅವು ನಿಕ್ಲೆಗ್ ಅಶುದ್ಧದವು ಆದುಂಡು.

ರೋಮಾಯೆರೆಗ್ 14:5

ಒರಿ ಒಂಜಿ ದಿನೊಡ್ದು ಬೊಕ್ಕೊಂಜಿ ದಿನೊನು ವಿಶೇಷದವು ಪಂಡ್ದ್ ಎನ್ನುವೆ. ಬೊಕ್ಕೊರಿ ಮಾತ ದಿನೊಲೆನ್ ವಿಶೇಷದವು ಪಂಡ್ದ್ ಎನ್ನುವೆ, ಪ್ರತಿಯೊರಿಲಾ ತನ ತನ ಮನಸ್‌ಡ್ ತೀರ್ಮಾನ ಮಲ್ತಿಲೆಕ್ಕ ನಡಪಡ್.

ರೋಮಾಯೆರೆಗ್ 15:14

ಎನ ಸಹೋದ್ರೆರೇ, ನಿಕುಲು ಎಡ್ಡೆತನೊಡ್ದು ದಿಂಜಿದಿನಾಕುಲಾದ್ ಮಾತ ಗೇನೊನು ಪಡೆವೊಂದಿನಾಕುಲಾದ್ ಒರಿ ಒರಿಯಗ್ ಕಲ್ಪಾವೆರೆಗ್ ತಕ್ಕದಾಕುಲಾದುಲ್ಲರ್ ಅಂದ್‌ದ್ ಎಂಕ್ ಭರವಸ ಉಂಡು.

ರೋಮಾಯೆರೆಗ್ 4:21

ದೇವೆರ್ ತನ ವಾಗ್ದಾನೊಲೆನ್ ನಡಪಾವೆರೆಗ್ ಸಮರ್ಥೆ ಪಂಡ್ದ್ ಪೂರ್ತಿ ದೃಢ ನಂಬಿಕೆ ಇತ್ತಿನಾಯೆ ಆಯೆ

ರೋಮಾಯೆರೆಗ್ 8:38

ಎಂಚಂದ್ಂಡ ಮರಣ ಆವಡ್, ಜೀವ ಆವಡ್, ದೇವದೂತೆರಾವಡ್, ದುರಾತ್ಮೊಲಾವಡ್, ಬಲೊಲು ಆವಡ್, ಇತ್ತೆದ ಸಂಗತಿಲು ಆವಡ್ ದುಂಬದ ಸಂಗತಿಲು ಆವಡ್, ಮಿತ್ತ್‌ದ ಲೋಕ ಆವಡ್, ತಿರ್ತ್‌ದ ಲೋಕ ಆವಡ್, ಬೇತೆ ವಾ ಸೃಷ್ಟಿ ಆವಡ್ ನಮನ್ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ತೋಜಿದ್ ಬತ್ತಿ ದೇವೆರೆ ಪ್ರೀತಿಡ್ದ್ ದೂರ ಮಲ್ಪೆರೆಗ್ ಆವಂದ್ ಪಂಡ್ದ್ ಎಂಕ್ ನಿಗಂಟ್ ಉಂಡು.

2 ಕೊರಿಂಥ್ಯೆರೆಗ್ 6:6

ಎಂಕುಲು ಎಂಕ್ಲೆನ್ ಶುದ್ಧತ್ವೊಡು, ಗೇನೊಡು, ತಾಳ್ಮೆಡ್, ದಯೆಟ್, ಪರಿಶುದ್ಧಾತ್ಮೊಡು, ಕಪಟದಾಂತಿ ಪ್ರೀತಿಡ್,

1 ತಿಮೋಥಿ 4:6

ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 3:15

ಆ ಗ್ರಂಥೊಲು ಕ್ರಿಸ್ತ ಯೇಸುಡುಪ್ಪು ನಂಬಿಕೆಡ್ದ್ ರಕ್ಷಣೆನ್ ಪಡೆಯುನ ಗೇನೊನು ಕೊರ್ಪಿನೆಕ್ಕ್ ಸಾದ್ಯ ಉಂಡು.

ಇಬ್ರಿಯೆರೆಗ್ 11:13

ಮೊಕುಲು ಮಾತೆರ್ಲಾ ವಾಗ್ದಾನದ ಫಲೊಕ್ಲೆನ್ ಪಡೆವಂದೆ ಐಕ್ಲೆನ್ ದೂರೊಡ್ದು ತೂದು ಸಂತೋಷೊಡು ಸೊಲ್ಮೆ ಸಂದಾದ್ ನಂಬಿಕೆ ಇತ್ತಿನಕುಲಾದ್ ಸೈತ್ ಪೋಯೆರ್. ತನ್ಕುಲು ಭೂಮಿದ ಮಿತ್ತ್ ಪರದೇಶಿದಾಕುಲುಲಾ ಪ್ರವಾಸಿಲುಲಾ ಆದುಲ್ಲ ಅಂದ್‌ದ್ ಒಪ್ಪಿಯೊಂಡೆರ್.

ಇಬ್ರಿಯೆರೆಗ್ 6:9

ಆಂಡ ಪ್ರೀತಿದಾಕುಲೇ, ಈ ರೀತಿಯಾದ್ ಎಂಕುಲು ಪಾತೆರ್‌ಂಡಲಾ ನಿಕುಲು ಉಂದೆಡ್ದ್ ಎಡ್ಡೆ ರೀತಿಡ್ಲಾ ರಕ್ಷಣೆಡ್ಲಾ ಉಲ್ಲರಂದ್‌ದ್ ದೃಢಾದ್ ನಂಬುದ.

1 ಪೇತ್ರೆ 1:22

ನಿಕುಲು ಸತ್ಯೊಗು ವಿಧೇಯೆರಾದ್ ನಿಕ್ಲೆ ಆತ್ಮೊಲೆನ್ ಶುದ್ಧ ಮಲ್ತಿನೆಡ್ದ್ ಸಹೋದರೆ ಲೆಕ್ಕ ಕಪಟದಾಂತಿ ಪ್ರೀತಿಡುಪ್ಪುಲೆ. ಒರಿಯನ್ ಒರಿ ಶುದ್ಧ ಉಡಲ್‌ಡ್ದ್ ಸ್ಥಿರಾದ್ ಪ್ರೀತಿ ಮಲ್ಪುಲೆ.