2 ತಿಮೋಥಿ 1:3 - ಪೊಸ ಒಡಂಬಡಿಕೆ

³ ಯಾನ್ ರಾತ್ರೆ ಪಗೆಲ್ ಎನ ಪ್ರಾರ್ಥನೆಲೆಡ್ ನಿನನ್ ಬುಡಂದೆ ನೆನೆಪು ಮಲ್ಪುವೆ. ಅತ್ತಂದೆ ಯಾನ್ ಎನ ಪೂರ್ವಿಕೆರೆ ಭಕ್ತಿದ ಮಾರ್ಗೊಡು ನಡತೊಂದು ಶುದ್ಧ ಮನಸಾಕ್ಷಿಡ್ ಸೇವೆ ಮಲ್ಪುನ ದೇವೆರೆಗ್ ನಿನ ಸಂಗತಿಡ್ ಉಪಕಾರ ಸಂದಾವೆ.

2 ತಿಮೋಥಿ 1:3 Iomraidhean Croise

ಲೂಕೆ 2:37

ಆಲ್ ದೇವಾಲಯೊಡೇ ಇತ್ತ್‌ದ್ ಉಪವಾಸ ಪ್ರಾರ್ಥನೆ ಮಲ್ತೊಂದು ರಾತ್ರೆ ಪಗೆಲ್ ದೇವೆರೆ ಸೇವೆ ಮಲ್ತೊಂದಿತ್ತಲ್.

ಅಪೊ.ಕ್ರಿ 22:3

“ಯಾನ್ ಯೆಹೂದ್ಯೆ ಕಿಲಿಕ್ಯದ ತಾರ್ಸುಡು ಪುಟ್ಟುದಿನಾಯೆ, ಆಂಡ ಈ ಊರುಡೇ ಎಲ್ಯಡ್ದ್ ಮಲ್ಲ ಆತಿನಾಯೆ, ಗಮಾಲಿಯೇಲನ ಪಾದದಲ್ಪ ಎಂಕ್ಲೆ ಪಿತೃಲೆನ ನ್ಯಾಯಕಟ್ಟ್‌ದ ಪೂರ ಗೇನೊನು ಸೂಕ್ಷ್ಮಾದ್ ಪಡೆವೊಂದಿನಾಯೆ ಯಾನ್ ಆದುಲ್ಲೆ. ನಿಕುಲು ಇನಿ ದೇವೆರೆ ವಿಚಾರೊಡು ಅಭಿಮಾನಿಲು ಆದುಪ್ಪುನಂಚೆನೇ ಯಾನ್ ಅಭಿಮಾನಿ ಆದಿತ್ತೆ.

ಅಪೊ.ಕ್ರಿ 23:1

ಅಪಗ ಪೌಲು ಹಿರಿಸಭೆನ್ ದೃಷ್ಟಿ ದೀದ್, ಸಹೋದ್ರೆರೇ, “ಯಾನ್ ಈ ದಿನ ಮುಟ್ಟ ಎಡ್ಡೆ ಮನಸ್‌ಡ್ ದೇವೆರೆ ಎದುರು ನಡತೊಂದು ಬೈದೆ,” ಪಂಡೆ.

ಅಪೊ.ಕ್ರಿ 24:14

ಒಂಜೆನ್ ಮಾತ್ರ ನಿನ ಎದುರು ಒಪ್ಪಿಯೊನ್ವೆ, ಅವು ದಾನೆ ಪಂಡ, ಆ ಮಾರ್ಗದ ಹಿಂಬಾಲಕೆ ಆದ್ ಯಾನ್ ಎಂಕ್ಲೆನ ಪಿತೃ ಆಯಿ ದೇವೆರೆನ್ ಆರಾಧನೆ ಮಲ್ಪುವೆ, ಆ ಮಾರ್ಗ ಸರಿಯತ್ತ್ ಅಂದ್‌ದ್ ಯೆಹೂದ್ಯೆರ್ ಪನ್ಪೆರ್. ಆಂಡ ನ್ಯಾಯಕಟ್ಟ್‌ಡ್ಲಾ ಪ್ರವಾದಿಲೆ ಗ್ರಂಥೊಲೆಡ್ ಬರೆದುಪ್ಪುನ ಮಾತ ವಿಚಾರೊಲೆನ್ ನಂಬುವೆ.

ಅಪೊ.ಕ್ರಿ 24:16

ಈ ಕಾರಣೊಡ್ದಾವರ, ದೇವೆರೆ ಎದುರುಲಾ ನರಮಾನಿಲೆ ಎದುರುಲಾ ಏಪಲಾ ಕಲೆದಾಂತಿ ಮನಸಾಕ್ಷಿ ಉಪ್ಪುಲೆಕ್ಕ ಪೇಚಾಡುವೆ.

ಅಪೊ.ಕ್ರಿ 26:4

“ಎನ ಇಡೀ ಜೀವಮಾನದ ವಿಷಯೊಲು ಮಾತ ಯೆಹೂದ್ಯೆರೆಗ್ ಗೊತ್ತುಂಡು. ಯಾನ್ ಎಲ್ಲಿಡ್ದಿಂಚಿ ಬದ್‌ಕ್‌ದಿನ ರೀತಿ ಎನ ದೇಶೊಡ್ಲಾ ಯೆರೂಸಲೇಮುಡ್ಲಾ ಮಾತೆರೆಗ್ ತೆರಿದೇ ಉಂಡು;

ಅಪೊ.ಕ್ರಿ 27:23

ಯಾನ್ ವಾ ದೇವೆರೆನ್ ನಂಬುದು ಸೇವೆ ಮಲ್ಪುವೆನಾ ಅವ್ವೇ ದೇವೆರೆಡ್ದ್ ಒರಿ ದೂತೆ ಕೋಡೆ ರಾತ್ರೆಡ್ ಎನ ಕೈತಲ್‌ ಉಂತುದು,

ರೋಮಾಯೆರೆಗ್ 9:1

ಎಂಕ್ ಮಲ್ಲ ದುಃಖಲಾ ಎನ ಉಡಲ್‌ಡ್ ಬುಡಂದಿ ಬೇನೆಲಾ ಉಂಡು. ಸುಳ್ಳು ಪನಂದೆ ಕ್ರಿಸ್ತ ಎದುರುಡು ಸತ್ಯ ಪನ್ಪೆ. ನೆಕ್ಕ್ ಪರಿಶುದ್ಧಾತ್ಮೊಗು ಅಧೀನವಾಯಿನ ಎನ ಮನಸೇ ಸಾಕ್ಷಿ.

2 ಕೊರಿಂಥ್ಯೆರೆಗ್ 1:12

ಎಂಕುಲು ನರಮಾನಿ ಗೇನೊನು ಅತ್ತಂದೆ, ದೇವೆರೆ ದಯೊನು ಆಶ್ರಯ ಮಲ್ತೊಂದ. ದೇವೆರೆಡ್ದ್ ಉಂಡಾಪಿನ ಸಜ್ಜನಿಗೆಡ್ಲಾ ಕಪಟದಾಂತೆಲಾ ಈ ಲೋಕೊಡು ವಿಶೇಷವಾದ್ ನಿಕ್ಲೆ ಎದುರುಡು ನಡತೊಂಡ ಅಂದ್‌ದ್ ಎಂಕುಲೆ ಮನಸ್ ಸಾಕ್ಷಿ ಪನ್ಪುಂಡು; ಉಂದೇ ಎಂಕ್ಲೆಗ್ ಉಪ್ಪುನ ಪುಗರಿಕೆ.

ಗಲಾತ್ಯೆರೆಗ್ 1:14

ಉಂದತ್ತಂದೆ ಯಾನ್ ಎನ ಹಿರಿಯೆರೆಡ್ದ್ ಬೈದಿನ ಆಚಾರ ವಿಚಾರೊಡು ಬಾರಿ ಪ್ರೀತಿಡ್ ಇತ್ತ್‌ದ್ ಎನ ಸಮಪ್ರಾಯದ ಜನೊಕುಲೆ ಒಟ್ಟುಗು ಮಾತೆರೆಡ್ದ್ ಹೆಚ್ಚ್ ಯೆಹೂದಿ ಮತತ ಆಚಾರೊಡು ಆಸಕ್ತಿದಾಯೆ ಆದಿತ್ತೆ.

1 ಥೆಸಲೋನಿಕೆರೆಗ್‌ 3:10

ನಿಕ್ಲೆನ ಮೋನೆ ತೂವರೆಗ್ಲಾ, ನಿಕ್ಲೆನ ನಂಬಿಕೆಡ್ ಕಡಿಮೆ ಆದುಪ್ಪುನೆನ್ ದಿಂಜಾಯೆರೆಗ್ಲಾ ಎಂಕ್ಲೆಗ್ ಅನುಕೂಲ ಆವೊಡು ಅಂದ್‌ದ್ ಎಂಕುಲು ರಾತ್ರೆ ಪಗೆಲ್ ದೇವೆರೆನ್ ಆಯಿನಾತ್ ನಟ್ಟೊಂದುಲ್ಲ.

1 ತಿಮೋಥಿ 1:19

ನಂಬಿಕೆನ್ಲಾ, ಎಡ್ಡೆ ಮನಸಾಕ್ಷಿನ್ಲಾ ಗಟ್ಟಿಡ್ ಪತ್ತೊನ್ಲ. ಕೆಲೆವೆರ್ ಅಕ್ಲೆನ ಎಡ್ಡೆ ಸಾಕ್ಷಿನ್ ಬುಡ್ದು ಕ್ರಿಸ್ತ ನಂಬಿಕೆದ ಸಂಗತಿಡ್ ದರಿದ್ ಪೋತಿ ಕಪ್ಪಲ್‌ದ ಲೆಕ್ಕ ನಷ್ಟ ಆತಿನಾಕುಲೆ ಲೆಕ್ಕ ಉಲ್ಲೆರ್.

1 ತಿಮೋಥಿ 5:5

ದಿಕ್ಕ್‌ದಾಂತಿ ಒಂಟಿ ವಿಧವೆ, ದೇವೆರೆನ ಮಿತ್ತ್ ಭರವಸೆ ದೀದ್, ರಾತ್ರೆ ಪಗೆಲ್ ನಟ್ಟೊನುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದುಪ್ಪುವಲ್.

2 ತಿಮೋಥಿ 1:5

ನಿನಡುಪ್ಪು ಕಪಟದಾಂತಿ ನಂಬಿಕೆನ್ ನೆನೆಪು ಮಲ್ತೊನ್ವೆ. ಅವು ದುಂಬತ್ತ ನಿನ ಅಜ್ಜಿ ಲೋವಿಡಲಾ ನಿನ ಅಪ್ಪೆ ಯೂನೀಕೆಡಲಾ ಇತ್ತ್ಂಡ್. ಅಂಚೆನೇ ಅವು ನಿನಡಲಾ ಉಂಡು ಅಂದ್‌ದ್ ಯಾನ್ ದೃಢಾದ್ ನಂಬುದೆ.

2 ತಿಮೋಥಿ 3:15

ಆ ಗ್ರಂಥೊಲು ಕ್ರಿಸ್ತ ಯೇಸುಡುಪ್ಪು ನಂಬಿಕೆಡ್ದ್ ರಕ್ಷಣೆನ್ ಪಡೆಯುನ ಗೇನೊನು ಕೊರ್ಪಿನೆಕ್ಕ್ ಸಾದ್ಯ ಉಂಡು.

ಇಬ್ರಿಯೆರೆಗ್ 13:8

ಯೇಸು ಕ್ರಿಸ್ತೆ ಕೋಡೆ ಇತ್ತಿಲೆಕ್ಕನೆ ಇನಿಲಾ ಉಲ್ಲೆ, ಏಪೊಗ್ಲಾ ಅಂಚನೇ ಉಪ್ಪುವೆ.