2 ತಿಮೋಥಿ 1:18 - ಪೊಸ ಒಡಂಬಡಿಕೆ

¹⁸ ಕ್ರಿಸ್ತೆ ಬರ್ಪಿನ ದಿನೊಟು ಕರ್ತವೆ ಆಯಗ್ ಕರುಣೆ ತೋಜಾವಡ್. ಬೊಕ್ಕ ಆಯೆ ಎಫೆಸೊಡು ಎಂಕ್ ಏತ್ ಸಹಾಯ ಕೊರಿಯೆ ಅಂದ್‌ದ್ ನಿಕ್ಕ್‌ಲಾ ಸರಿಯಾದ್ ಗೊತ್ತುಂಡು.

2 ತಿಮೋಥಿ 1:18 Iomraidhean Croise

ಲೂಕೆ 1:78

ಆ ದೇವೆರೆ ಕನಿಕರೊಡ್ದೇ ನಂಕ್ ಮಿತ್ತ್‌ಡ್ದ್ ಸೂರ್ಯನ ಉದಿಪು ಉಂಡಾದ್,

ಲೂಕೆ 8:3

ಹೆರೋದನ ಪಾರುಪತ್ಯಗಾರೆ ಆಯಿ ಕೂಸನ ಬೊಡೆದಿ ಯೋಹನ್ನ, ಸುಸನ್ನ, ಕುಡ ಬೇತೆ ದಿಂಜ ಮಂದಿ ಇತ್ತೆರ್. ಮೊಕುಲು ತನ್ಕುಲೆ ಕರ್ಚಿಡೇ ಯೇಸುನಲಾ ಆಯ ಶಿಷ್ಯೆರೆನಲಾ ಚಾಕ್ರಿ ಮಲ್ತೊಂದಿತ್ತೆರ್.

ಅಪೊ.ಕ್ರಿ 18:19

ಆಯೆ ಎಫೆಸಗ್ ಮುಟ್ಟುನಗ ಅಕ್ಲೆನ್ ಅಲ್ಪನೇ ಬುಡಿಯೆ ತಾನ್ ಸಭಾಮಂದಿರೊಗು ಪೋದು ಯೆಹೂದ್ಯೆರೆ ಒಟ್ಟುಗು ತರ್ಕ ಮಲ್ತೆ.

ಅಪೊ.ಕ್ರಿ 18:21

“ದೇವೆರೆನ ಚಿತ್ತ ಆಂಡ ಕುಡ ನಿಕ್ಲೆನ ಕೈತಲ್‌ ಬರ್ಪೆ,” ಅಂದ್‌ದ್ ಅಕ್ಲೆಡ್ದ್ ಅಪ್ಪಣೆ ದೆತ್ತೊಂದು ಅಲ್ತ್‌ಡ್ದ್ ಪೋಯೆ. ಐಡ್ದ್ ಬೊಕ್ಕ ಎಫೆಸಡ್ದ್ ಕಡಲ್ ಪ್ರಯಾಣ ಮಲ್ತ್‌ದ್

ಅಪೊ.ಕ್ರಿ 19:1

ಅಪೊಲ್ಲೋಸೆ ಕೊರಿಂಥ್ಯೊಡು ಉಪ್ಪುನಪಗ ಪೌಲು ಮಲೆನಾಡ್‌ಡ್ಡ್ ಪ್ರಯಾಣ ಮಲ್ತ್‌ದ್ ಎಫೆಸಗ್ ಬತ್ತ್‌ದ್ ಕೆಲವು ಜನ ಶಿಷ್ಯೆರೆನ್ ತೂದು,

1 ಕೊರಿಂಥ್ಯೆರೆಗ್ 1:8

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಕುಡೊರ ಬನ್ನಗ, ಏರ್ಲಾ ನಿಕ್ಲೆ ಮಿತ್ತ್ ದೂರು ಪಾಡಂದಿಲೆಕ್ಕ ಆಯೆ ನಿಕ್ಲೆನ್ ಕಡೆ ಮುಟ್ಟ ದೃಢ ಮಲ್ಪುವೆ.

1 ಕೊರಿಂಥ್ಯೆರೆಗ್ 16:8

ಆಂಡ ಪಂಚಾಶತಮ ಪರ್ಬ ಮುಟ್ಟ ಎಫೆಸೊಡು ಉಂತುವೆ,

1 ಕೊರಿಂಥ್ಯೆರೆಗ್ 3:13

ಕ್ರಿಸ್ತೆ ಬರ್ಪಿನ ದಿನೊಟು ಪ್ರತಿ ಒರಿಯನ ಬೇಲೆ ತೂಟು ತೋಜಿದ್ ಬರು. ಬೊಕ್ಕ ತೂ ಆಯಾಯನ ಎಂಚಿತ್ತಿನ ಬೇಲೆ ಅಂದ್‌ದ್ ಪರೀಕ್ಷೆ ಮಲ್ಪುಂಡು.

2 ಕೊರಿಂಥ್ಯೆರೆಗ್ 9:1

ದೇವಜನೊಕುಲೆಗಾದ್ ಕಾಣಿಕೆ ಕೂಡಾವುನ ಸೇವೆದ ಸಂಗತಿಡ್ ಯಾನ್ ನಿಕ್ಲೆಗ್ ಬರೆಪಿನ ಅಗತ್ಯ ಇಜ್ಜಿ.

ಎಫೆಸ್ಯೆರೆಗ್ 2:4

ಆಂಡ ದೇವೆರ್ ಏತೋ ಕನಿಕರದಾಯೆ ಆದಿತ್ತ್‌ದ್ ನಮನ್ ಏತೋ ಹೆಚ್ಚಾದ್ ಪ್ರೀತಿ ಮಲ್ತ್‌ದೆ.

1 ಥೆಸಲೋನಿಕೆರೆಗ್‌ 2:19

ನಮ ಕರ್ತವೆ ಆದುಪ್ಪು ಯೇಸು ತೋಜಿದ್ ಬನ್ನಗ, ಆಯನ ದುಂಬು ಎಂಕ್ಲೆನ ಭರವಸಲಾ, ಸಂತೋಷಲಾ, ಪುಗರಿಗೆದ ಕಿರೀಟಲಾ ಏರ್? ಅವು ನಿಕುಲೇ ಅತ್ತಾ.

1 ತಿಮೋಥಿ 1:3

ಯಾನ್ ಮಕೆದೋನ್ಯೊಗು ಪೋನಗ ಈ ಎಫೆಸಡೆ ಇತ್ತ್‌ದ್ ಅಲ್ಪ ಉಪ್ಪುನ ಕೆಲೆವೆರೆಗ್, ನಿಕುಲು ಬೇತೆ ಬೋಧನೆನ್ ಮಲ್ಪೆರೆ ಬಲ್ಲಿ ಪಂಡ್ದ್‌ಲಾ

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 1:16

ಒನೇಸಿಫೊರನ ಇಲ್ಲದಾಕುಲೆಗ್ ಕರ್ತವೆ ತನ ಕರುಣೆನ್ ತೋಜಾವಡ್, ದಾಯೆಗಂದ್ಂಡ ಆಯೆ ಅಪಗಪಗ ಎನ ಕೈತಲ್‌ ಬತ್ತ್‌ದ್ ಎಂಕ್ ಉತ್ತೇಜನ ಕೊರಿಯೆ. ಯಾನ್ ಸಂಕಲೆಡ್ ಉಲ್ಲೆ ಅಂದ್‌ದ್ ನಾಚಿಗೆ ಮಲ್ತ್‌ಜೆ.

2 ತಿಮೋಥಿ 1:17

ಆಯೆ ರೋಮುಗು ಬತ್ತಿ ಕೂಡ್ಲೆ ಯಾನ್ ಆಯಗ್ ತಿಕ್ಕುನ ಮುಟ್ಟ ದಿಂಜ ಆಸಕ್ತಿಡ್ ಆಯೆ ಎನನ್ ನಾಡಿಯೆ.

2 ತಿಮೋಥಿ 4:12

ತುಖಿಕನ್ ಎಫೆಸೊಗು ಕಡಪುಡುದೆ. ತ್ರೋವೊಡು ಯಾನ್ ಕರ್ಪನ ಕೈತಲ್‌ ಬುಡ್ದು ಬೈದಿನ ಎನ ಮೇಲಂಗಿನ್ ಕನವೆರೆ ಮದಪಡ. ಎನ ಪುಸ್ತಕೊನು ಬೊಕ್ಕ ಮುಖ್ಯಾದ್ ಚರ್ಮದ ಪತ್ರಿಕೆನ್ಲಾ ಪತ್ತೊಂದು ಬಲ.

2 ತಿಮೋಥಿ 4:8

ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

ಇಬ್ರಿಯೆರೆಗ್ 6:10

ನಿಕುಲು ದೇವಜನೊಕುಲೆಗ್ ಉಪಚಾರ ಮಲ್ತ್‌ದರ್ ನನಲಾ ಮಲ್ತೊಂದುಲ್ಲರ್. ಈ ಕೆಲಸೊನ್ಲಾ ನೆಟ್ಟ್ ನಿಕುಲು ದೇವೆರೆನ ಪುದರ್‌ದ ಮಿತ್ತ್ ತೋಜಾಯಿನ ಪ್ರೀತಿನ್ಲಾ ಆಯೆ ಮದತ್‌ದ್ ಬುಡ್ಪುಜೆ, ದಾಯೆಗ್ ಪಂಡ ದೇವೆರ್ ಅನ್ಯಾಯಗಾರೆ ಅತ್ತ್.

1 ಪೇತ್ರೆ 1:10

ಈ ರಕ್ಷಣೆದ ವಿಷಯೊನ್ಲಾ ಪ್ರವಾದಿಲು ಸೂಕ್ಷ್ಮೊಡು ನಾಡ್ದ್ ಪರೀಕ್ಷೆ ಮಲ್ತ್‌ದ್ ದೇವೆರ್ ದುಂಬಗ್ ನಿಕ್ಲೆಗ್ ಕೊರ್ಪಿನ ಆ ದಯತ ವಿಷಯೊಡ್ಲಾ ಅಕುಲು ಪ್ರವಾದನೆ ಮಲ್ತ್‌ದಿತ್ತೆರ್.

ಪ್ರಕಟಣೆ 2:1

“ಎಫೆಸೊಡುಪ್ಪು ಸಭೆತ ದೂತಗ್ ಇಂಚ ಬರೆಲ: “ತನ ಬಲತ್ತ ಕೈಟ್ ಏಳ್‌ ಬೊಳ್ಳಿಲೆನ್ ಪತ್ತೊಂದಿನಾಯೆ ಏಳ್‌ ಬಂಗಾರ್‌ದ ದೀಪಕಂಬೊಲೆ ನಡುಟು ತಿರ್ಗೊಂದುಪ್ಪುನಾಯೆ ಪನ್ಪಿನಿ ದಾನೆಂದ್ಂಡ,