2 ತಿಮೋಥಿ 1:16 - ಪೊಸ ಒಡಂಬಡಿಕೆ

¹⁶ ಒನೇಸಿಫೊರನ ಇಲ್ಲದಾಕುಲೆಗ್ ಕರ್ತವೆ ತನ ಕರುಣೆನ್ ತೋಜಾವಡ್, ದಾಯೆಗಂದ್ಂಡ ಆಯೆ ಅಪಗಪಗ ಎನ ಕೈತಲ್‌ ಬತ್ತ್‌ದ್ ಎಂಕ್ ಉತ್ತೇಜನ ಕೊರಿಯೆ. ಯಾನ್ ಸಂಕಲೆಡ್ ಉಲ್ಲೆ ಅಂದ್‌ದ್ ನಾಚಿಗೆ ಮಲ್ತ್‌ಜೆ.

2 ತಿಮೋಥಿ 1:16 Iomraidhean Croise

ಮತ್ತಾಯೆ 25:17

ಅಂಚೆನೇ ರಡ್ಡ್ ತಲಾಂತ್ ತಿಕ್ಕಿನಾಯೆ ನನಲಾ ರಡ್ಡ್ ತಲಾಂತ್ ಸಂಪಾದನೆ ಮಲ್ತೆ,

ಮತ್ತಾಯೆ 5:7

ಕನಿಕರ ಇತ್ತಿನಾಕುಲು ಭಾಗ್ಯವಂತೆರ್, ಅಕುಲು ಕನಿಕರ ಪಡೆವೊನ್ವೆರ್.

ಅಪೊ.ಕ್ರಿ 21:33

ಸೇನಾಧಿಪತಿ ಪೋದು ಪೌಲುನು ಕೈದ್ ಮಲ್ತ್‌ದ್ ರಡ್ಡ್ ಸರಪೊಳಿಡ್ ಕಟ್ಟಿಯೆರೆ ಸೈನಿಕೆರೆಗ್ ಅಪ್ಪಣೆ ಕೊರಿಯೆ. ಬೊಕ್ಕ ಆ ಸೇನಾಧಿಪತಿ, “ಈ ನರಮಾನಿ ಏರ್? ಆಯೆ ದಾದ ಮಲ್ತ್‌ದೆ,” ಅಂದ್‌ದ್ ಕೇನಿಯೆ.

ಅಪೊ.ಕ್ರಿ 28:20

ಈ ಕಾರಣೊಡ್ದು ಯಾನ್ ನಿಕ್ಲೆನ್ ತೂದು ಪಾತೆರೊಡು ಅಂದ್‌ದ್ ಲೆಪ್ಪುಡಾಯೆ. ಇಸ್ರಾಯೇಲ್‌ದ ಜನೊಕುಲೆನ ನಿರೀಕ್ಷೆಗಾದ್ ಈ ಸರಪೊಳಿಡ್ ಕಟ್ಟ್‌ದುಲ್ಲೆ,” ಅಂದ್‌ದ್ ಪಂಡೆ.

1 ಕೊರಿಂಥ್ಯೆರೆಗ್ 16:18

ಅಕುಲು ಎನ ಆತ್ಮೊಗ್ಲಾ ನಿಕ್ಲೆ ಆತ್ಮೊಗ್ಲಾ ಪೊಸ ಚೈತನ್ಯ ಪುಟ್ಟಾಯೆರ್. ಇಂಚಿತ್ತಿನಾಕುಲೆನ್ ಗಣ್ಯಮಲ್ಪುಲೆ.

ಎಫೆಸ್ಯೆರೆಗ್ 6:20

ಯಾನ್ ಸುವಾರ್ತೆಗ್ ಬೋಡಾದ್ ರಾಯಭಾರಿ ಆದ್ ಸಂಕಲೆಡ್ ಉಪ್ಪುನಗ ಯಾನ್ ಎಂಚ ಪಾತೆರೊಡು, ಆ ದೇವೆರೆ ವಿಷಯೊನು ಧೈರ್ಯೊಡು ಎಂಚ ತೆರಿಪಾವೊಡು ಅಂದ್‌ದ್ ಪ್ರಾರ್ಥನೆ ಮಲ್ತೊಂದುಪ್ಪುಲೆ.

2 ತಿಮೋಥಿ 1:12

ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 1:17

ಆಯೆ ರೋಮುಗು ಬತ್ತಿ ಕೂಡ್ಲೆ ಯಾನ್ ಆಯಗ್ ತಿಕ್ಕುನ ಮುಟ್ಟ ದಿಂಜ ಆಸಕ್ತಿಡ್ ಆಯೆ ಎನನ್ ನಾಡಿಯೆ.

2 ತಿಮೋಥಿ 1:18

ಕ್ರಿಸ್ತೆ ಬರ್ಪಿನ ದಿನೊಟು ಕರ್ತವೆ ಆಯಗ್ ಕರುಣೆ ತೋಜಾವಡ್. ಬೊಕ್ಕ ಆಯೆ ಎಫೆಸೊಡು ಎಂಕ್ ಏತ್ ಸಹಾಯ ಕೊರಿಯೆ ಅಂದ್‌ದ್ ನಿಕ್ಕ್‌ಲಾ ಸರಿಯಾದ್ ಗೊತ್ತುಂಡು.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

2 ತಿಮೋಥಿ 4:19

ಪ್ರಿಸ್ಕಿಲಗ್ಲಾ, ಅಕ್ವಿಲಗ್ಲಾ ಒನೇಸಿಫೊರನ ಇಲ್ಲದಾಕುಲೆಗ್ಲಾ ವಂದನೆ ತೆರಿಪಾಲ.

ಫಿಲೆಮೋನುಗು 1:20

ಅಂದ್, ಸಹೋದ್ರ, ಕರ್ತವಡ್ ನಿನಡ್ದ್ ಎಂಕ್ ಪ್ರಯೋಜನ ಆಪಿಲೆಕ್ಕ ಮಲ್ಪುಲ; ಕ್ರಿಸ್ತಡ್ ಎನ ಉಡಲ್‌ಗ್ ಸಂತೋಷ ಪಡೆಪಾಲ.

ಫಿಲೆಮೋನುಗು 1:7

ಸಹೋದ್ರ, ನಿನಡ್ದಾವರ ದೇವಜನೊಕುಲೆ ಉಡಲ್‌ಡ್ ಉಮೇದ್ ಉಂಡಾಯಿನೆಡ್ದ್, ನಿನ ಪ್ರೀತಿಡ್ದಾವರ ಎಂಕ್ ಮಸ್ತ್ ಸಂತೋಷಲಾ ಆಧರಣೆಲಾ ಉಂಡಾಂಡ್.

ಇಬ್ರಿಯೆರೆಗ್ 10:34

ಸೆರೆಮನೆಟ್ ಬೂರಿನಾಕುಲೆನ ಭಂಗೊನು ತೂದು ಅಕ್ಲೆಡೊಪ್ಪ ನಿಕುಲು ಕನಿಕರ ಪಡೆಯಿನಿ ಅತ್ತಂದೆ ನಂಕ್ ಎಡ್ಡೆಂತಿನವುಲಾ ಸ್ಥಿರವಾದ್‌ಲಾ ಇತ್ತಿನ ಆಸ್ತಿ ಉಂಡು ಪಂಡ್ದ್ ಸರಿಯಾದ್ ತೆರಿಯೊಂದು ನಿಕ್ಲೆನ ಸೊತ್ತುಲೆನ್ ಒಯ್ತೊನುನಾಕುಲೆಗ್ ಸಂತೋಷೊಡು ಬುಡಿಯರ್.

ಇಬ್ರಿಯೆರೆಗ್ 6:10

ನಿಕುಲು ದೇವಜನೊಕುಲೆಗ್ ಉಪಚಾರ ಮಲ್ತ್‌ದರ್ ನನಲಾ ಮಲ್ತೊಂದುಲ್ಲರ್. ಈ ಕೆಲಸೊನ್ಲಾ ನೆಟ್ಟ್ ನಿಕುಲು ದೇವೆರೆನ ಪುದರ್‌ದ ಮಿತ್ತ್ ತೋಜಾಯಿನ ಪ್ರೀತಿನ್ಲಾ ಆಯೆ ಮದತ್‌ದ್ ಬುಡ್ಪುಜೆ, ದಾಯೆಗ್ ಪಂಡ ದೇವೆರ್ ಅನ್ಯಾಯಗಾರೆ ಅತ್ತ್.