2 ತಿಮೋಥಿ 1:13 - ಪೊಸ ಒಡಂಬಡಿಕೆ

¹³ ಈ ಕ್ರಿಸ್ತ ಯೇಸುಡು ನಂಬಿಕೆಲಾ ಪ್ರೀತಿಲಾ ಇತ್ತಿನಾಯೆ ಆದ್, ಎನಡ್ದ್ ಕೇಂಡಿನ ಸ್ವಸ್ಥ ಬೋಧನೆನ್ ಮಾದ್ರಿ ಆದ್ ದೀದ್ ಬುಡಂದೆ ಪತ್ತೊನ್ಲ.

2 ತಿಮೋಥಿ 1:13 Iomraidhean Croise

ರೋಮಾಯೆರೆಗ್ 2:20

ಬುದ್ಧಿದಾಂತಿನಾಕುಲೆಗ್ ಕಲ್ಪಾವುನಾಯೆಲಾ ದಾಲಾ ತೆರಿಯಂದಿನಾಕುಲೆಗ್ ಬೋಧಕೆಲಾ ಆದುಲ್ಲೆ ಪಂಡ್ದ್ ನಂಬೊಂದ. ನ್ಯಾಯಕಟ್ಟ್‌ಡ್ ಗೇನಲಾ ಸತ್ಯಲಾ ಪೂರ್ತಿ ಉಂಡು ಪಂಡ್ದ್ ಎನ್ನೊನುವ.

ರೋಮಾಯೆರೆಗ್ 6:17

ಆಂಡ ನಿಕುಲು ಪಿರವುಡು ಪಾಪೊಗು ಗುಲಾಮೆರ್ ಆದಿತ್ತರ್ಡಲಾ ನಿಕ್ಲೆಗ್ ಕಲ್ಪಾಯಿ ಬೋಧನೆಲೆಗ್ ನಿಕುಲು ಉಡಲ್‌ಡ್ದ್ ಅಧೀನರಾಯರ್. ಪಾಪೊಲೆಡ್ದ್ ಬುಡುಗಡೆ ಆದ್ ನೀತಿಗ್ ಗುಲಾಮೆರ್ ಆಯಿನೆಡ್ದ್ ದೇವೆರೆಗ್ ಉಪಕಾರ ಆವಡ್.

ಫಿಲಿಪ್ಪಿಯೆರೆಗ್ 1:27

ಎಂಚಿನಾಂಡಲಾ ನಿಕುಲು ಕ್ರಿಸ್ತನ ಸುರ್ವಾತೆಗ್ ಯೋಗ್ಯೆರಾದ್ ನಡಪುಲೆ. ಅಪಗ ಯಾನ್ ಕುಡ ನಿಕ್ಲೆ ಕೈತಲ್‌ ಬತ್ತ್‌ದ್ ನಿಕ್ಲೆನ್ ತೂಯೆಡಲಾ ಸರಿ, ದೂರೊಡ್ದು ಇತ್ತ್‌ದ್ ನಿಕ್ಲೆ ಸಂಗತಿಡ್ ಕೇಂಡಲಾ ಸರಿ, ನಿಕುಲು ನಿಕ್ಲೆ ವೈರಿಲೆಗ್ ವಾ ವಿಷಯೊಡ್ಲಾ ಪೋಡಿಯಂದೆ ಒಂಜೇ ಆತ್ಮೊಡು ದೃಢ ಉಂತುದು ಸುವಾರ್ತೆಡ್ ದೀತಿನ ನಂಬಿಕೆಗಾದ್ ಒಟ್ಟಾದ್ ಹೋರಾಟ ಮಲ್ಪುನಾಕುಲು ಆದುಲ್ಲರ್ ಅಂದ್‌ದ್ ಯಾನ್ ತೆರಿಯೊನ್ವೆ.

ಫಿಲಿಪ್ಪಿಯೆರೆಗ್ 4:9

ನಿಕುಲು ಎನಡ್ದ್ ಎಂಚಿನ ಕಲ್ತ್‌ದರಾ ಬೊಕ್ಕ ಒವೆನ್ ಎನಡ್ದ್ ಕೇಂಡ್ದ್ ತೂಯರಾ ಅವೆನೇ ಮಲ್ತೊಂದು ಬಲ್ಲೆ. ಇಂಚ ಮಲ್ತರ್ಡ ಸಮಾಧಾನದ ದೇವೆರ್ ನಿಕ್ಲೆಡೊಪ್ಪ ಉಪ್ಪುವೆ.

1 ಥೆಸಲೋನಿಕೆರೆಗ್‌ 5:21

ಆಂಡ ಮಾತೆನ್ಲಾ ಪರೀಕ್ಷೆ ಮಲ್ತ್‌ದ್, ಐಟ್ಟ್ ಎಡ್ಡೆಂತಿನೆನೇ ಗಟ್ಟಿಯಾದ್ ಪತ್ತೊನ್ಲೆ.

1 ತಿಮೋಥಿ 1:14

ನಮ ಕರ್ತವನ ದಯ ಹೆಚ್ಚಾಯಿನೆಡ್ದ್, ಕ್ರಿಸ್ತ ಯೇಸುಡ್ದು ಬರ್ಪಿನ ನಂಬಿಕೆಲಾ ಪ್ರೀತಿಲಾ ಎನಡ ಏತೋ ಹೆಚ್ಚಾಂಡ್.

1 ತಿಮೋಥಿ 6:3

ಏರಾಂಡಲಾ ಒರಿ ಬೇತೆ ಬೋಧನೆ ಕೊರ್ದು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಸರಿ ಇತ್ತಿ ಪಾತೆರೊಗ್ಲಾ ಭಕ್ತಿಗ್ ತಕ್ಕಾದುಪ್ಪು ಬೋಧನೆಗ್ಲಾ ಒಪ್ಪಿಯಂದೆ ಪೋಂಡ,

2 ತಿಮೋಥಿ 1:1

ಕ್ರಿಸ್ತ ಯೇಸುಡುಪ್ಪು ಜೀವ ವಾಗ್ದಾನೊನು ತೆರಿಪಾವುನೆಕ್ಕಾದ್ ದೇವೆರೆ ಚಿತ್ತೊಡು ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಡ್ದು ಎನ ಪ್ರೀತಿದ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ, ಕರುಣೆಲಾ, ಸಮಾಧಾನಲಾ ಆವಡ್.

2 ತಿಮೋಥಿ 1:14

ನಿಕ್ಕ್ ಒಚ್ಚಿದ್ ಕೊರ್ತಿನ ಸತ್ಯೊನು ಎಡ್ಡೆಂತಿನ ಅಂದ್‌ದ್ ತೆರಿದ್ ನಮಡುಪ್ಪು ಪರಿಶುದ್ಧಾತ್ಮೊಡ್ದು ಕಾತೊನ್ಲ.

2 ತಿಮೋಥಿ 2:2

ದಿಂಜ ಸಾಕ್ಷಿಲೆ ಎದುರು ಈ ಎನಡ್ದ್ ಕೇಂಡಿನ ಬೋಧನೆಗ್ ಸರಿಯಾದ್ ಬೇತೆ ಜನೊಕುಲೆಗ್ ಬೋಧನೆ ಮಲ್ಪೆರೆ ಸಾಮರ್ಥ್ಯ ಇತ್ತಿ ನಂಬಿಕೆದ ನರಮಾನಿಲೆಗ್ ಅವೆನ್ ಒಚ್ಚಿದ್ ಕೊರ್ಲ.

2 ತಿಮೋಥಿ 3:14

ಈಯಾಂಡ ಕಲ್ತ್‌ದ್ ದೃಢಾದ್ ನಂಬುನ ಬೋಧನೆಡ್ ನಿಲೆ ಆದುಪ್ಪುಲ. ನಿಕ್ಕ್ ಏರ್ ಕಲ್ಪಾದಿನಿ ಅಂದ್‌ದ್ ಈ ತೆರಿದ. ಈ ಎಲ್ಲಿಡ್ದಿಂಚಿಲಾ ಪರಿಶುದ್ಧ ಗ್ರಂಥೊಲೆನ್ ಕಲ್ತ್‌ದ ಅತ್ತಾ.

2 ತಿಮೋಥಿ 4:3

ದಾಯೆಗಂದ್ಂಡ ಜನೊಕುಲು ಸತ್ಯ ಇತ್ತಿ ಬೋಧನೆಗ್ ಕೆಬಿ ಕೊರಂದಿನಾಕುಲಾದ್, ತನ್ಕುಲೆಗ್ ಬೋಡಿತ್ತಿನೆನ್ ಕೇನುಲೆಕ್ಕ ಇತ್ತಿ ದುರಾಶೆಲೆಗ್ ಅನುಕೂಲವಾಯಿ ಬೋಧಕರೆನ್ ದೀವೊನ್ವೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:9

ಆಯೆ ಎಡ್ಡೆ ಬೋಧನೆದ ವಿಚಾರೊಡು ಬೇತೆಕ್ಲೆಗ್ ಉಮೇದ್ ಕೊರಿಯೆರೆಗ್ಲಾ ವಿರೋಧ ಮಲ್ಪುನಾಕುಲೆನ ಬಾಯಿ ಕಟ್ಟಿಯೆರೆಗ್ಲಾ ಬೋಧನೆಗ್ ಸಮಾದುಪ್ಪು ನಂಬಿಕೆದ ಪಾತೆರೊನು ದೃಢಾದ್ ಕೈಕೊನುನಾಯೆಲಾ ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:1

ಈಯಾಂಡಲಾ ತೀತ, ಸ್ವಸ್ಥ ಬೋಧನೆಗ್ ತಕ್ಕಾದ್ ಬೋಧನೆ ಕೊರ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:8

ಅಪಗ ನಂಕ್ ವಿರೋಧ ಉಂತುನಾಕುಲು ನಮ ಸಂಗತಿಡ್ ಪಡಿಕೆಂತಿನೆನ್ ಪನಿಯೆರೆ ಅವಕಾಶದಾಂತಿನೆಡ್ದ್ ನಾಚಿಗೆಗ್ ಗುರಿ ಆಪೆರ್.

ಇಬ್ರಿಯೆರೆಗ್ 10:23

ನಮ ನಿರೀಕ್ಷೆದ ಸಂಗತಿಡ್ ನಮ ಮಲ್ತಿನ ವಾಗ್ದಾನೊನು ಚಂಚಲಾವಂದೆ ದೃಢಾದ್ ಪತ್ತೊನುಗ. ವಾಗ್ದಾನ ಮಲ್ತಿನಾಯೆ ನಂಬಿಗಸ್ತೆ.

ಇಬ್ರಿಯೆರೆಗ್ 3:6

ಆಂಡ ಕ್ರಿಸ್ತೆ ಮಗೆ ಆದ್ ದೇವೆರೆನ ಇಲ್ಲದ ಮಿತ್ತ್ ಅಧಿಕಾರಿ ಆದುಲ್ಲೆ. ನಮ, ನಮ್ಮ ಧೈರ್ಯೊನ್ಲಾ ನಮ ನಂಬಿಕೆಡ್ದ್ ಉಂಡಾಪಿ ಭರವಸೊನ್ಲಾ ಕಡೇ ಮುಟ್ಟ ಗಟ್ಟಿಯಾದ್ ಪತ್ತೊಂಡಿನಕುಲಾಂಡ ನಮನೇ ದೇವೆರೆ ಇಲ್ಲದಾಕುಲು.

ಇಬ್ರಿಯೆರೆಗ್ 4:14

ಪರಲೋಕೊಲೆನ್ ದಾಂಟ್‌ದ್ ಪೋಯಿ ದೇವೆರೆ ಮಗೆ ಯೇಸು ಇನ್ಪಿನಾಯೆ, ಪ್ರಧಾನಯಾಜಕೆ ನಂಕ್ ಉಪ್ಪುನೆಡ್ದ್ ನಮ ಮಲ್ತ್‌ದಿನ ಅರಿಕೆನ್ ಗಟ್ಟಿ ಪತ್ತೊನುಗ.

ಯೂದೆ 1:3

ಪ್ರೀತಿದಾಕುಲೇ, ನಂಕ್ ಒಟ್ಟುಗುಪ್ಪು ರಕ್ಷಣೆದ ಅನುಭವೊನು ಬರೆವೊಡು ಅಂದ್‌ದ್ ದಿಂಜ ಪ್ರಯಾಸ ಮಲ್ಪುನಗ ದೇವಜನೊಕುಲೆಗ್ ಒಂಜೇ ಸರ್ತಿ, ಒಚ್ಚಿದ್ ಕೊರ್ದು ನಂಬಿಕೆಗ್ ಬೋಡಾದ್ ಉರ್ಡಾಟ ಮಲ್ಪೊಡು ಅಂದ್‌ದ್ ಉಮೇದ್ ಕೊರ್ದು, ನಿಕ್ಲೆಗ್ ಬರೆಪಿನವು ಅಗತ್ಯ ಅಂದ್‌ದ್ ಎಂಕ್ ತೋಜ್ಂಡ್.

ಪ್ರಕಟಣೆ 2:25

ಯಾನ್ ಬನ್ನೆಂಗೆ ನಿಕ್ಲೆಡುಪ್ಪುನೆನ್ ಗಟ್ಟಿಯಾದ್ ಪತ್ತೊನ್ಲೆ.

ಪ್ರಕಟಣೆ 3:11

ಯಾನ್ ಬೇಗೊಡು ಬರ್ಪೆ. ನಿನ ಕಿರೀಟೊನು ಏರ್ಲಾ ದೆಪ್ಪಂದಿಲೆಕ್ಕ ನಿಕ್ಕುಪ್ಪುನೆನ್ ಗಟ್ಟಿಯಾದ್ ಪತ್ತೊನ್ಲ.

ಪ್ರಕಟಣೆ 3:3

ಅಂಚಾಯಿನೆಡ್ದ್ ಈ ಪಡೆವೊಂಡಿ ಬೋಧನೆನ್ಲಾ ಈ ಕೇಂಡ್ದಿ ರೀತಿನ್ಲಾ ನೆನೆಪುಗು ಕನತೊಂದು ಅವೆನ್ ಕಾತೊಂದು ಪಶ್ಚಾತಾಪ ಪಡೆಲ. ಈ ಎಚ್ಚರಿಕೆ ಆದಿತ್ತಿಜಡ ಕಲ್ವೆ ಬರ್ಪಿಲೆಕ್ಕನೇ ಯಾನ್ ಬರುವೆ, ಯಾನ್ ವಾ ಗಳಿಗೆಡ್ ನಿನ ಕೈತಲ್‌ ಬರ್ಪೆ ಇನ್ಪಿನವು ಕಂಡಿತ ನಿಕ್ಕ್ ಗೊತ್ತಾವಂದ್.