2 ತಿಮೋಥಿ 1:12 - ಪೊಸ ಒಡಂಬಡಿಕೆ

¹² ಈ ಕಾರಣೊಗಾದ್ ಯಾನ್ ಈ ಭಂಗೊಲೆನ್ ತಾಳೊಂದುಲ್ಲೆ. ಆಂಡ ಯಾನ್ ನಾಚಿಗೆ ಮಲ್ಪುಜಿ, ಯಾನ್ ನಂಬುನಾಯನ್ ತೆರಿದೆ, ಆಯೆ ಎಂಕ್ ಒಚ್ಚಿದ್ ಕೊರಿನೆನ್ ಆ ದಿನಕಾದ್ ಕಾಪೆರೆಗ್ ಶಕ್ತಿ ಇತ್ತಿನಾಯೆ ಆದುಲ್ಲೆ ಅಂದ್‌ದ್ ಯಾನ್ ದೃಢಾದ್ ನಂಬುವೆ.

2 ತಿಮೋಥಿ 1:12 Iomraidhean Croise

ಮತ್ತಾಯೆ 12:21

ಪಿದಯಿದ ಜನೊಕುಲು ಇಂಬೆನ ಪುದರ್‌ನ್ ಕೇಂಡ್ದ್ ಕಾತೊಂದುಪ್ಪುವೆರ್.”

ಮತ್ತಾಯೆ 24:36

“ಉಂದತ್ತಂದೆ ಆ ದಿನತ ಬಗೆಟ್ಲಾ ಆ ಗಳಿಗೆದ ಬಗೆಟ್ಲಾ ಎನ ಅಮ್ಮೆರೆಗ್ ಒರಿಯಗೇ ತೆರಿಯು ಅತ್ತಂದೆ ಬೊಕ್ಕ ಏರೆಗ್ಲಾ ತೆರಿಯಂದ್. ಪರಲೋಕೊಡುಪ್ಪು ದೂತೆರೆಗ್ಲಾ ತೆರಿಯಂದ್, ಮಗಕ್ಲಾ ತೆರಿಯಂದ್.

ಮತ್ತಾಯೆ 7:22

ಕರ್ತವಾ, ಕರ್ತವಾ ನಿನ ಪುದರ್‌ದ ಮಿತ್ತ್ ಎಂಕುಲು ಪ್ರವಾದನೆ ಮಲ್ತ್‌ಜನಾ? ನಿನ ಪುದರ್‌ಡ್ ದೆವ್ವೊಲೆನ್ ಬುಡ್ಪಾದ್‌ದಿಜನಾ? ನಿನ ಪುದರ್‌ಡ್ ದಿಂಜ ಬಲತ್ತ ಕಾರ್ಯೊಲೆನ್ ಮಲ್ತ್‌ಜನಾ ಅಂದ್‌ದ್ ಆ ತೀರ್ಪುದ ದಿನೊಕ್ಲೆಡ್ ಏತೋ ಜನೊಕುಲು ಎಂಕ್ ಪನ್ವೆರ್.

ಲೂಕೆ 10:12

ಆ ದಿನೊಟು ಆ ಊರುದ ಗತಿ ಸೋದೋಮು ಸೀಮೆದ ಗತಿಡ್ದ್‌ಲಾ ಕಠಿಣ ಆದುಪ್ಪುಂಡು ಅಂದ್‌ದ್ ನಿಕ್ಲೆಗ್ ಪನ್ಪೆ.

ಲೂಕೆ 23:46

ಐಡ್ದ್ ಬೊಕ್ಕ ಯೇಸು, “ಅಮ್ಮೆರೆ, ಎನ ಆತ್ಮೊನು ನಿನ ಕೈಕ್ ಒಪ್ಪಿಸಾವೆ,” ಅಂದ್‌ದ್ ಮಲ್ಲ ಸ್ವರೊಟ್ಟು ಬುಲ್ತೆ. ಉಂದೆನ್ ಪಂಡಿ ಬೊಕ್ಕ ಪ್ರಾಣ ಬುಡಿಯೆ.

ಯೋಹಾನೆ 17:15

ಮೊಕ್ಲೆನ್ ಲೋಕೊಡ್ದು ದೆತ್ತೊಂದು ಪೋವೊಡಂದ್‌ದ್ ಯಾನ್ ಕೇನುಜಿ, ಸೈತಾನ ಕೈಡ್ದ್ ತಪ್ಪಾಲ ಅಂದ್‌ದ್ ನಟ್ಟೊಂದುಲ್ಲೆ.

ಯೋಹಾನೆ 6:44

ಎನನ್ ಕಡಪುಡ್ದು ಕೊರಿನ ಅಮ್ಮೆ ಲೆಪ್ಪಂದೆ ಏರ್ಲಾ ಎನ ಕೈತಲ್‌ ಬರಯೆರ್, ಬೊಕ್ಕ ಯಾನ್ ಆಯನ್ ಆ ಕಡೇ ದಿನೊಟು ಜೀವೊಡು ಲಕ್ಕಾವೆ.

ಅಪೊ.ಕ್ರಿ 13:46

ಅಪಗ ಪೌಲುಲಾ ಬಾರ್ನಬೆಲಾ ಧೈರ್ಯೊಡು ಪಾತೆರ್‌ದ್, “ದೇವೆರೆ ಪಾತೆರೊನು ದುಂಬತ್ತ ನಿಕ್ಲೆಗೇ ಪನ್ಪಿನ ಅಗತ್ಯ ಇತ್ತ್ಂಡ್. ಆಂಡ ನಿಕುಲು ಅವೆನ್ ತಿರಸ್ಕಾರ ಮಲ್ತ್‌ದ್ ನಿಕುಲು ನಿತ್ಯಜೀವೊಗು ಸೇರ್ದಿನಾಕುಲತ್ತ್ ಅಂದ್‌ದ್ ತೀರ್ಪು ಮಲ್ತೊನೆಡ್ದ್, ಇಂದಾ, ಎಂಕುಲು ನಿಕ್ಲೆನ್ ಬುಡ್ದು ಪಿದಯಿದ ಜನೊಕುಲೆ ಕೈತಲ್‌ ಪೋಪ.

ಅಪೊ.ಕ್ರಿ 13:50

ಆಂಡ ಯೆಹೂದ್ಯೆರ್, ಕೆಲವು ಭಕ್ತಿ ಇತ್ತಿ ಮರ್ಯಾದಿದ ಪೊಂಜೊವುಲೆನ್ಲಾ ಪಟ್ಟಣದ ಮುಖ್ಯಸ್ಥೆರೆನ್ಲಾ ನೋಚಾದ್ ಪೌಲು ಬಾರ್ನಬೆರೆಗ್ ಭಂಗ ಕೊರ್ದು ತನ್ಕುಲೆ ಊರುಡ್ದು ಗಿಡ್ತೆರ್.

ಅಪೊ.ಕ್ರಿ 21:13

ಐಕ್ ಪೌಲು, “ನಿಕುಲು ಬುಲ್ತುದು ಎನ ಮನಸ್‌ನ್ ಕರಗಾವೊಡ್ಚಿ ಯಾನ್ ಕರ್ತವೆ ಆದುಪ್ಪು ಯೇಸುನ ಪುದರ್‌ಗಾದ್ ಯೆರೂಸಲೇಮುಡು ಸೆರೆಮನೆತ ಸರಪೊಳಿಡ್ ಮಾತ್ರ ಅತ್ತಂದೆ ಸೈಯೆರೆಗ್ಲಾ ತಯಾರಾದುಲ್ಲೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 7:59

ಅಕುಲು ಸ್ತೇಫನನ ಮಿತ್ತ್ ಕಲ್ಲ್ ದಕ್ಕೊಂದು ಉಪ್ಪುನಗ ಆಯೆ ಕರ್ತವನ್ ಲೆತ್ತ್‌ದ್, “ಯೇಸು ಕರ್ತವ, ಎನ ಆತ್ಮೊನು ಸೇರಾವೊನ್ಲ,” ಅಂದ್‌ದ್ ಪ್ರಾರ್ಥನೆ ಮಲ್ತೆ.

ಅಪೊ.ಕ್ರಿ 9:16

ಆಯೆ ಎನ ಪುದರ್‌ಡ್ದ್ ಮಸ್ತ್ ಭಂಗ ಅನುಭವ ಮಲ್ಪೊಡು ಪನ್ಪಿನೆನ್ ಯಾನೇ ಆಯಗ್ ತೋಜಾವೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 1:16

ಸುವಾರ್ತೆದ ವಿಚಾರೊಡು ಯಾನ್ ನಾಚಿಗೆ ಮಲ್ಪುನಾಯೆ ಅತ್ತ್. ಅವು ನಂಬುನಾಕುಲೆಗ್ ಮಾತೆರೆಗ್ಲಾ ರಕ್ಷಣೆಗಾದ್ ದೇವೆರೆನ ಬಲ ಆದುಂಡು. ದುಂಬತ್ತ ಯೆಹೂದ್ಯೆರೆಗ್ಲಾ ಐಡ್ದ್ ಬೊಕ್ಕ ಪಿದಯಿದ ಜನೊಕುಲೆಗ್ಲಾ.

ರೋಮಾಯೆರೆಗ್ 9:33

ಅಂಚಾಯಿನೆಡ್ದ್ ಶಾಸ್ತ್ರೊಡು ಇಂಚ ಬರೆತ್ಂಡ್, “ಇಂದಾ ಚೀಯೋನುಡು ದಂಟುನ ಕಲ್ಲ್‌ನ್ಲಾ ದಂಟ್‌ದ್ ಬೂರುನ ಪಾದೆನ್ಲಾ ದೀತೆ. ಐತ ಮಿತ್ತ್ ನಂಬಿಕೆ ದೀಪಿನಾಯೆ ಏರ್ಲಾ ನಾಚಿಗೆಡ್ ಬೂರುಜೆರ್.”

1 ಕೊರಿಂಥ್ಯೆರೆಗ್ 1:8

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಕುಡೊರ ಬನ್ನಗ, ಏರ್ಲಾ ನಿಕ್ಲೆ ಮಿತ್ತ್ ದೂರು ಪಾಡಂದಿಲೆಕ್ಕ ಆಯೆ ನಿಕ್ಲೆನ್ ಕಡೆ ಮುಟ್ಟ ದೃಢ ಮಲ್ಪುವೆ.

1 ಕೊರಿಂಥ್ಯೆರೆಗ್ 3:13

ಕ್ರಿಸ್ತೆ ಬರ್ಪಿನ ದಿನೊಟು ಪ್ರತಿ ಒರಿಯನ ಬೇಲೆ ತೂಟು ತೋಜಿದ್ ಬರು. ಬೊಕ್ಕ ತೂ ಆಯಾಯನ ಎಂಚಿತ್ತಿನ ಬೇಲೆ ಅಂದ್‌ದ್ ಪರೀಕ್ಷೆ ಮಲ್ಪುಂಡು.

ಫಿಲಿಪ್ಪಿಯೆರೆಗ್ 1:20

ಯಾನ್ ವಾ ವಿಷಯೊಗಾಂಡಲಾ ನಾಚಿಗೆಗ್ ಗುರಿ ಆವಂದೆ ಏಪೊಗ್ಲಾ ಇತ್ತಿಲೆಕ್ಕ ಇದ ಮುಟ್ಟಲಾ ಧೈರ್ಯೊಡು ಉಪ್ಪುನೆಡ್ದ್. ಯಾನ್ ಬದುಕೊಂದಿತ್ತ್‌ಂಡಲಾ ಸರಿ, ಸೈತ್ಂಡಲಾ ಸರಿ ಎನ ಶರೀರೊಡ್ದು ಕ್ರಿಸ್ತಗ್ ಮೈಮೆ ಉಂಡಾವೊಡು ಅಂದ್‌ದ್ ಎಂಕ್ ಆಸೆಲಾ ಭರವಸೆಲಾ ಉಂಡು.

ಫಿಲಿಪ್ಪಿಯೆರೆಗ್ 3:10

ಯೇಸು ಕ್ರಿಸ್ತನ್ ತೆರಿಯೊಂದು ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನ ಮಲ್ಲ ಶಕ್ತಿನ್ ಅನುಭವ ಮಲ್ತೊಂದು, ಆಯಡೊಪ್ಪ ಶ್ರಮೆನ್ ಸೈಸೊಂದು ಆಯ ಮರಣೊಡು ಪಾಲ್‌ದಾರೆ ಆವೊಡು ಅಂದ್‌ದ್ ಆಸೆ ಮಲ್ಪುವೆ.

ಫಿಲಿಪ್ಪಿಯೆರೆಗ್ 3:21

ಆಯೆ ಮಾತೆನ್ಲಾ ತನ್ಕ್ ವಶ ಮಲ್ತೊನೊಡಾಪಿನ ಕಾರ್ಯೊನು ಸಾದನೆ ಮಲ್ತ್‌ದ್ ಬಲಹೀನ ಸ್ಥಿತಿಟ್ಟೆ ಉಪ್ಪುನ ನಮ ಶರೀರೊನು ಮಾರ್ಪಾಟ ಮಲ್ತ್‌ದ್ ಮೈಮೆ ಇತ್ತಿ ತನ ಶರೀರದ ಸಮರೂಪ ಆಪಿಲೆಕ್ಕ ಮಲ್ಪುವೆ.

ಫಿಲಿಪ್ಪಿಯೆರೆಗ್ 3:8

ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

1 ಥೆಸಲೋನಿಕೆರೆಗ್‌ 2:16

ಪಿದಯಿದ ಜನೊಕುಲೆಗ್ ರಕ್ಷಣೆ ಆಪಿನ ಸುವಾರ್ತೆ ಪನಿಯೆರೆ ಬಲ್ಲಿ ಅಂದ್‌ದ್ ಎಂಕ್ಲೆಗ್ ಮಸ್ತ್ ಅಡ್ಡಿ ಮಲ್ಪುವೆರ್, ಇಂಚ ಅಕುಲು ಅಕ್ಲೆನ ಪಾಪ ಕೃತ್ಯೊಲೆನ್ ಹೆಚ್ಚ್ ಮಲ್ತೊಂದೇ ಪೋಪೆರ್. ಅಂಚಾಯಿನೆಡ್ದ್ ದೇವೆರೆನ ಕೋಪ ಕಡೆಕ್ಕ್ ಅಕ್ಲೆನ ಮಿತ್ತ್ ಬೈದ್‌ಂಡ್.

1 ಥೆಸಲೋನಿಕೆರೆಗ್‌ 5:4

ಸಹೋದ್ರೆರೇ, ಕಲ್ವೆ ಬರ್ಪಿಲೆಕ್ಕನೇ ಆ ದಿನ ನಿಕ್ಲೆ ಮಿತ್ತ್ ಬರಿಯೆರೆ ಬಲ್ಲಿ. ಕಾರಣ ನಿಕುಲು ಕತ್ತಲೆಡ್ ಇತ್ತಿನಾಕುಲತ್ತ್.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

2 ತಿಮೋಥಿ 1:14

ನಿಕ್ಕ್ ಒಚ್ಚಿದ್ ಕೊರ್ತಿನ ಸತ್ಯೊನು ಎಡ್ಡೆಂತಿನ ಅಂದ್‌ದ್ ತೆರಿದ್ ನಮಡುಪ್ಪು ಪರಿಶುದ್ಧಾತ್ಮೊಡ್ದು ಕಾತೊನ್ಲ.

2 ತಿಮೋಥಿ 1:16

ಒನೇಸಿಫೊರನ ಇಲ್ಲದಾಕುಲೆಗ್ ಕರ್ತವೆ ತನ ಕರುಣೆನ್ ತೋಜಾವಡ್, ದಾಯೆಗಂದ್ಂಡ ಆಯೆ ಅಪಗಪಗ ಎನ ಕೈತಲ್‌ ಬತ್ತ್‌ದ್ ಎಂಕ್ ಉತ್ತೇಜನ ಕೊರಿಯೆ. ಯಾನ್ ಸಂಕಲೆಡ್ ಉಲ್ಲೆ ಅಂದ್‌ದ್ ನಾಚಿಗೆ ಮಲ್ತ್‌ಜೆ.

2 ತಿಮೋಥಿ 1:18

ಕ್ರಿಸ್ತೆ ಬರ್ಪಿನ ದಿನೊಟು ಕರ್ತವೆ ಆಯಗ್ ಕರುಣೆ ತೋಜಾವಡ್. ಬೊಕ್ಕ ಆಯೆ ಎಫೆಸೊಡು ಎಂಕ್ ಏತ್ ಸಹಾಯ ಕೊರಿಯೆ ಅಂದ್‌ದ್ ನಿಕ್ಕ್‌ಲಾ ಸರಿಯಾದ್ ಗೊತ್ತುಂಡು.

2 ತಿಮೋಥಿ 1:8

ಅಂಚಾದ್ ಕರ್ತವಗ್ ಕೊರ್ಪಿನ ಸಾಕ್ಷಿದ ಬಗೆಟಾವಡ್ ಆಯಗಾದ್ ಸೆರೆಮನೆಟ್ ಉಪ್ಪುನ ಎನ ಬಗೆಟಾವಡ್ ನಾಚಿಗೆ ಮಲ್ಪಡ. ಆಂಡ ದೇವೆರ್ ನಿಕ್ಕ್ ಕೊರ್ಪಿನ ಬಲೊಡ್ದು ಸುವಾರ್ತೆಗಾದ್ ಎನಡೊಪ್ಪ ಕಷ್ಟೊಲೆನ್ ತಾಳೊನ್ಲ.

2 ತಿಮೋಥಿ 2:9

ಬೊಕ್ಕ ಯಾನ್ ಈ ಸುವಾರ್ತೆ ಸಾರಿನೆಡ್ದ್ ದಿಂಜ ಭಂಗ ಬತ್ತಿನಾಯೆ ಆದ್ ದುಷ್ಕರ್ಮಿಲೆಕ್ಕ ಸಂಕಲೆಡ್ ಉಲ್ಲೆ, ಆಂಡ ದೇವೆರೆ ಪಾತೆರೊಗು ಬಂಧನ ಇಜ್ಜಿ.

2 ತಿಮೋಥಿ 4:8

ನೀತಿವಂತೆರೆಗ್ ತಿಕ್ಕುನ ಜಯಮಾಲೆ ಎಂಕ್ ದುಂಬಗ್ ತಯಾರಾದುಂಡು. ಅವೆನ್ ನೀತಿಡ್ ನ್ಯಾಯತೀರಿಸುನ ಕರ್ತವೆ ಆ ದಿನೊಟು ಎಂಕ್ ಕೊರ್ಪೆ. ಎಂಕ್ ಮಾತ್ರತ್ತಂದೆ ಆಯೆ ಬರ್ಪಿನೆನ್ ಪ್ರೀತಿಡ್ ಎದುರು ತೂವೊಂದುಪ್ಪುನ ಪ್ರತಿ ಒರಿಯಗ್ಲಾ ಕೊರ್ಪೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.

ಇಬ್ರಿಯೆರೆಗ್ 2:18

ತಾನೇ ಸ್ವತಃ ಶೋಧನೆ ಶ್ರಮೆಲೆನ್ ಅನುಭವ ಮಲ್ತಿನೆಡ್ದ್ ನಂಕ್ ಶೋಧನೆ ಆನಗ ಸಹಾಯ ಮಲ್ಪೆರೆಗ್ ಸಮರ್ಥೆ ಆದುಲ್ಲೆ.

ಇಬ್ರಿಯೆರೆಗ್ 7:25

ಅಂಚಾಯಿನೆಡ್ದ್ ಆಯಡ್ದ್ ದೇವೆರೆ ಕೈತಲ್‌ ಬರ್ಪಿನಾಕುಲೆಗ್ ಏಪಲಾ ಪೂರ್ತಿ ರಕ್ಷಣೆ ಮಲ್ಪೆರೆ ಸಾದ್ಯ ಆಂಡ್. ಆಯೆ ಅಕ್ಲೆಗಾದ್ ಏಪಲಾ ದೇವೆರೆಡ ಮದ್ಯಸ್ತಿಕೆ ಮಲ್ಪೆರೆಗಾದ್ರ ಏನಿತ್ಯೇನಿಗ್ಲಾ ಬದುಕುವೆ.

1 ಪೇತ್ರೆ 1:5

ಅಂತ್ಯ ಕಾಲೊಡು ತೋಜಿದ್ ಬರಿಯೆರೆಗ್ ತಯಾರಾದುಪ್ಪು ರಕ್ಷಣೆ, ನಂಬಿಕೆಡ್ ಉಪ್ಪುನಾಕುಲೆಗ್ ತಿಕ್ಕೊಡು ಅಂದ್‌ದ್ ದೇವೆರ್ ತನ ಬಲೊಟು ಕಾಪುವೆ.

1 ಪೇತ್ರೆ 4:16

ಆಂಡ ನಿಕುಲು ಕ್ರೈಸ್ತೆರಾದ್ ಶ್ರಮೆ ಅನುಭವ ಮಲ್ಪುವರ್ಡ ಅಂಚಿನಾಕುಲು ನಾಚಿಗೆ ಮಲ್ಪೊಡಂದ್‌ದ್ ಇಜ್ಜಿ. ಕ್ರೈಸ್ತೆರ್ ಅಂದ್‌ದ್ ಪುದರ್ ಪಡೆಯಿನೆಕ್ಕಾದ್ ದೇವೆರೆನ್ ಪುಗರೊನ್ಲೆ.

1 ಪೇತ್ರೆ 4:19

ಅಂಚಾಯಿನೆಡ್ದ್ ದೇವೆರೆ ಚಿತ್ತದ ಪ್ರಕಾರ ಭಂಗೊನು ಅನುಭವ ಮಲ್ಪುನಾಕುಲು, ತನ್ಕುಲೆ ಪ್ರಾಣೊನು ನಂಬಿಕೆದ ಸೃಷ್ಟಿ ಕರ್ತವಗ್ ಒಪ್ಪಿಸಾದ್ ಕೊರ್ದು ಎಡ್ಡೆಂತಿನೆನ್ ಮಲ್ಪುನಾಕುಲು ಆವೊಡು.

ಯೂದೆ 1:24

ದಂಟ್‌ದ್ ಬೂರಂದಿಲೆಕ್ಕ ನಿಕ್ಲೆನ್ ಕಾತ್‌ದ್ ದೋಷದಾಂತಿನಾಕುಲಾದ್ ಸಂತೋಷೊಡು ತನ ಮೈಮೆದ ಎದುರು ನಿಕ್ಲೆನ್ ಉಂತಾವೆರೆ ಸಾಮರ್ಥ್ಯ ಇತ್ತಿ ನಮ ರಕ್ಷಕೆ ಆದುಪ್ಪು ಒರಿಯೇ ದೇವೆರೆಗ್, ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ಮೈಮೆ, ಮಾನಾದಿಗೆ, ಬಲ, ಅಧಿಕಾರ ಮಾತ ಕಾಲೊಡು ಇತ್ತಿಲೆಕ್ಕ ಇತ್ತೆಲಾ ಏನಿತ್ಯೇನಿಗ್ಲಾ ಉಪ್ಪಡ್, ಆಮೆನ್.