2 ತಿಮೋಥಿ 1:1 - ಪೊಸ ಒಡಂಬಡಿಕೆ

^1-2 ಕ್ರಿಸ್ತ ಯೇಸುಡುಪ್ಪು ಜೀವ ವಾಗ್ದಾನೊನು ತೆರಿಪಾವುನೆಕ್ಕಾದ್ ದೇವೆರೆ ಚಿತ್ತೊಡು ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಡ್ದು ಎನ ಪ್ರೀತಿದ ಮಗೆ ಆದುಪ್ಪು ತಿಮೋಥಿಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುಡ್ದ್‌ಲಾ ನಿಕ್ಕ್ ದಯಲಾ, ಕರುಣೆಲಾ, ಸಮಾಧಾನಲಾ ಆವಡ್.

2 ತಿಮೋಥಿ 1:1 Iomraidhean Croise

ಯೋಹಾನೆ 10:28

ಯಾನ್ ಐಕ್ಲೆಗ್ ನಿತ್ಯಜೀವೊನು ಕೊರ್ಪೆ, ಐಕುಲು ಏಪೊಗ್ಲಾ ನಾಶ ಆಪಿನೇ ಇಜ್ಜಿ. ಐಕ್ಲೆನ್ ಏರ್ಲಾ ಎನ ಕೈಡ್ದ್ ಸುಲಿಯಯೆ.

ಯೋಹಾನೆ 17:3

ಒರಿಯೇ ನಿಜ ದೇವೆರ್ ಆದುಪ್ಪು ನಿನನ್ಲಾ ಈ ಕಡಪುಡ್ದಿ ಯೇಸು ಕ್ರಿಸ್ತನ್ಲಾ ತೆರಿಯೊನುನವೇ ನಿತ್ಯಜೀವ.

ಯೋಹಾನೆ 5:24

“ಯಾನ್ ನಿಕ್ಲೆಗ್ ನಿಜಾದ್ ಪನ್ಪೆ, ಏರಾಂಡಲಾ ಎನ ಪಾತೆರೊನು ಕೇಂಡ್ದ್ ಎನನ್ ಕಡಪುಡ್ದು ಕೊರಿನಾಯನ್ ನಂಬುಂಡ ಆಯಗ್ ನಿತ್ಯಜೀವ ಉಂಡು. ಆಯೆ ನ್ಯಾಯತೀರ್ಪುಗು ಗುರಿ ಆವಂದೆ ಮರಣೊನು ಕಡತ್‌ದ್ ಜೀವೊಗು ಸೇರ್ದ್ ಉಲ್ಲೆ.

ಯೋಹಾನೆ 6:40

ಮಗನ್ ತೂದು ಆಯನ್ ನಂಬುನ ಪ್ರತಿಯೊರಿಯಗ್ಲಾ ನಿತ್ಯಜೀವ ತಿಕ್ಕೊಡು ಪನ್ಪಿನವೇ ಎನ ಅಮ್ಮೆರೆನ ಚಿತ್ತ ಆದುಂಡು, ಬೊಕ್ಕ ಯಾನ್ ಕಡೆ ದಿನೊಟು ಆಯನ್ ಜೀವೊಡು ಲಕ್ಕಾವೆ,” ಪಂಡೆ.

ಯೋಹಾನೆ 6:54

ಎನ ಮಾಸೊನು ತಿಂದ್‌ದ್ ಎನ ನೆತ್ತೆರ್‌ನ್ ಪರ್ಪಿನಾಯೆ ನಿತ್ಯಜೀವೊನು ಪಡೆಪೆ. ಬೊಕ್ಕ ಆಯನ್ ಯಾನ್ ಕಡೇ ದಿನೊಟು ಜೀವೊಡು ಲಕ್ಕಾವೆ.

ರೋಮಾಯೆರೆಗ್ 1:1

ಯಾನ್ ಪೌಲು, ಯೇಸು ಕ್ರಿಸ್ತೆ ದಾಸೆಲಾ ಅಪೊಸ್ತಲೆ ಆವೆರೆ ಲೆಪ್ಪು ಇತ್ತಿನಾಯೆಲಾ ದೇವೆರೆ ಸುವಾರ್ತೆನ್ ಸಾರಿಯೆರೆ ನೇಮಕ ಆತಿನಾಯೆಲಾ ಆದುಲ್ಲೆ.

ರೋಮಾಯೆರೆಗ್ 5:21

ಅಂಚಾಂಡ ಪಾಪೊಡ್ದು ಮರಣ ಆಳುನಾಂಡ ದೇವೆರೆ ದಯೊಡ್ದು ನೀತಿ ಆಳುಂಡು, ನಮನ್ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್ ನಿತ್ಯಜೀವೊಗು ನಡಪುಡುಂಡು.

ರೋಮಾಯೆರೆಗ್ 6:23

ದಾಯೆಗಂದ್ಂಡ ಪಾಪ ಕೊರ್ಪಿನ ಸಂಬಳ ಮರಣ. ದೇವೆರೆಡ್ದ್ ಧರ್ಮಾರ್ಥ ತಿಕ್ಕುನ ಉಡಿಗೆರೆ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡುಪ್ಪುನ ನಿತ್ಯಜೀವ.

1 ಕೊರಿಂಥ್ಯೆರೆಗ್ 1:1

ದೇವೆರೆ ಚಿತ್ತೊಗು ಸರಿಯಾದ್ ಕ್ರಿಸ್ತ ಯೇಸುನ ಅಪೊಸ್ತಲೆ ಆದುಪ್ಪೆರೆ ಲೆಪ್ಪು ಪಡೆಯಿನ ಪೌಲುಲಾ, ಎಂಕುಲೆ ಸಹೋದರೆ ಸೋಸ್ಥೆನೆಲಾ,

2 ಕೊರಿಂಥ್ಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲುಲಾ ನಮ ಸಹೋದರೆ ಆಯಿ ತಿಮೋಥಿ ಕೊರಿಂಥ್ಯೊಡುಪ್ಪು ದೇವೆರೆ ಸಭೆಕ್ಲಾ ಅಖಾಯ ಸೀಮೆಡುಪ್ಪು ಮಾತ ದೇವಜನೊಕುಲೆಗ್ಲಾ ಈ ಪತ್ರಿಕೆನ್ ಬರೆಪಿನಿ.

2 ಕೊರಿಂಥ್ಯೆರೆಗ್ 1:20

ದಾಯೆಗಂದ್ಂಡ ದೇವೆರೆ ವಾಗ್ದಾನೊಲು ಏತ್ ಇತ್ತ್ಂಡಲಾ ಅವು ಯೇಸು ಕ್ರಿಸ್ತಡ್ “ಅಂದ್‌ಲಾ,” ಆಯಡ್ ನಿಜಲಾ ಆದುಂಡು. ಅವೆಡ್ದಾವರ ದೇವೆರೆ ಮೈಮೆ ಆಪಿಲೆಕ್ಕ ಯೇಸು ಕ್ರಿಸ್ತಡ್ ಎಂಕುಲು “ಆಮೆನ್,” ಪನ್ಪ.

ಗಲಾತ್ಯೆರೆಗ್ 3:26

ಕ್ರಿಸ್ತ ಯೇಸುಡು ನಂಬಿಕೆ ದೀಪಿನೆಡ್ದಾದ್ ನಿಕುಲು ಮಾತೆರ್ಲಾ ದೇವೆರೆ ಜೋಕುಲು ಆದುಲ್ಲರ್.

ಗಲಾತ್ಯೆರೆಗ್ 3:28

ನಿಕುಲು ಮಾತ ಕ್ರಿಸ್ತ ಯೇಸುಡ್ದು ಒಂಜೇ ಆದಿತ್ತಿನೆಡ್ದಾವರ, ಯೆಹೂದ್ಯೆರ್, ಗ್ರೀಕೆರ್, ಪನ್ಪಿನವು, ಗುಲಾಮೆ, ಸ್ವತಂತ್ರದಾಯೆ ಪನ್ಪಿನವು, ಆಣ್ ಪೊಣ್ಣು ಪನ್ಪಿನವು ಭೇದ ಇಜ್ಜಿ.

ಎಫೆಸ್ಯೆರೆಗ್ 3:6

ಅವು ದಾನೆಂದ್ಂಡ ಪಿದಯಿದ ಜನೊಕುಲು ಸುವಾರ್ತೆಡ್ದ್ ಕ್ರಿಸ್ತ ಯೇಸು ಒಟ್ಟುಗು ಸೇರ್ದಿನಾಕುಲಾದ್ ಯೆಹೂದ್ಯೆರೆ ಒಟ್ಟುಗು ಬಾಧ್ಯೆರ್ ಆದ್ ಒಂಜೇ ಶರೀರದ ಅಂಗೊಲುಲಾ ಅಬ್ರಹಾಮುಗು ಆತಿನ ವಾಗ್ದಾನೊಡು ಪಾಲ್‌ದಾರೆರ್‌ಲಾ ಆದುಲ್ಲೆರ್ ಇನ್ಪಿನವೇ.

1 ತಿಮೋಥಿ 6:19

ತನ್ಕುಲು ನಿತ್ಯಜೀವೊನು ಪತ್ತೊನುಲೆಕ್ಕ ಬರ್ಪಿ ಕಾಲೊಗು ಎಡ್ಡೆ ಬುನಾದಿನ್ ತನ್ಕುಲೆಗ್ ಕೂಡಾವೊನೊಡು ಪಂಡ್ದ್ ಅಕ್ಲೆಗ್ ಅಪ್ಪಣೆ ಕೊರ್ಲ.

2 ತಿಮೋಥಿ 1:13

ಈ ಕ್ರಿಸ್ತ ಯೇಸುಡು ನಂಬಿಕೆಲಾ ಪ್ರೀತಿಲಾ ಇತ್ತಿನಾಯೆ ಆದ್, ಎನಡ್ದ್ ಕೇಂಡಿನ ಸ್ವಸ್ಥ ಬೋಧನೆನ್ ಮಾದ್ರಿ ಆದ್ ದೀದ್ ಬುಡಂದೆ ಪತ್ತೊನ್ಲ.

2 ತಿಮೋಥಿ 1:9

ದೇವೆರ್ ನಮ ಎಡ್ಡೆ ಕೆಲಸೊನು ತೂದು ಅತ್ತ್, ತನ ಚಿತ್ತದ ಪ್ರಕಾರ ದಯೆಟ್ ನಮನ್ ರಕ್ಷಣೆ ಮಲ್ತ್‌ದ್ ಪರಿಶುದ್ಧರಾಯೆರೆಗಾದ್ ಲೆತ್ತೆ. ಈ ದಯ ಆದಿಕಾಲೊಗು ದುಂಬು ಕ್ರಿಸ್ತ ಯೇಸುಡು ನಂಕ್ ದೀತ್ಂಡ್. ಇತ್ತೆ ನಮ ರಕ್ಷಕೆ ಆದುಪ್ಪುನ ಯೇಸು ಕ್ರಿಸ್ತಡ್ ತೋಜಿದ್ ಬತ್ತಿನೆಡ್ದ್ ಅವು ನಂಕ್ ತೆರಿದ್ ಬತ್ತ್ಂಡ್. ಆಯೆ ಮರಣದ ಬಲೊನು ಪೊಲ್ತುದು ಸುವಾರ್ತೆಡ್ದ್ ಜೀವೊಗ್ಲಾ ನಿತ್ಯತ್ವೊಗ್ಲಾ ಉಪ್ಪುನ ಸಾದಿದ ಬೊಲ್ಪುನು ತೋಜಾಯೆ.

2 ತಿಮೋಥಿ 2:1

ಎನ ಮಗೆ ಆದುಪ್ಪು ತಿಮೋಥಿ, ಈ, ಕ್ರಿಸ್ತ ಯೇಸುಡು ಉಪ್ಪು ದಯೊಟು ಬಲ ಪಡೆಲ.

2 ತಿಮೋಥಿ 2:10

ಅಂಚಾದ್ ದೇವೆರ್ ಅಜತ್‌ದಿನಾಕುಲು ಎನ ಒಟ್ಟುಗು ಕ್ರಿಸ್ತ ಯೇಸುಡುಪ್ಪು ರಕ್ಷಣೆನ್ ನಿತ್ಯ ಮೈಮೆದೊಟ್ಟುಗು ಹೊಂದೊಡು ಅಂದ್‌ದ್ ಯಾನ್ ಅಕ್ಲೆಗಾದ್ ಮಾತೆನ್ಲಾ ತಾಳೊನ್ವೆ

2 ತಿಮೋಥಿ 2:3

ಕ್ರಿಸ್ತ ಯೇಸುನ ಎಡ್ಡೆ ಸೈನಿಕನಂಚ ಎನಡೊಪ್ಪ ಕಷ್ಟೊನು ತಾಳೊನ್ಲ.

2 ತಿಮೋಥಿ 3:15

ಆ ಗ್ರಂಥೊಲು ಕ್ರಿಸ್ತ ಯೇಸುಡುಪ್ಪು ನಂಬಿಕೆಡ್ದ್ ರಕ್ಷಣೆನ್ ಪಡೆಯುನ ಗೇನೊನು ಕೊರ್ಪಿನೆಕ್ಕ್ ಸಾದ್ಯ ಉಂಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:4

ಸುಳ್ಳು ಪನಂದಿನ ದೇವೆರ್ ಆ ನಿತ್ಯಜೀವೊನು ಕೊರ್ಪೆ ಅಂದ್‌ದ್ ಆದಿಡ್ದೇ ವಾಗ್ದತ್ತ ಮಲ್ತ್‌ದ್ ಸರಿಯಾಯಿನ ಸಮಯೊಡು ವಾಗ್ದಾನೊನು ಮುಗಿತ್‌ದ್ ಪ್ರಸಂಗೊಡು ಪ್ರಕಟ ಮಲ್ತೆ. ಆ ಬೋಧನೆದ ಉದ್ಯೋಗೊನು ನಮ ರಕ್ಷಕೆ ಆದುಪ್ಪು ದೇವೆರೆನ ಅಪ್ಪಣೆದ ಮಿತ್ತ್ ಎಂಕ್ ಒಪ್ಪಿಸಾದ್ ಕೊರ್ತೆ.

ಇಬ್ರಿಯೆರೆಗ್ 9:15

ಬೊಕ್ಕ ಈ ಕಾರಣೊಡ್ದು ಆಯೆ ಒಂಜಿ ಪೊಸ ಒಡಂಬಡಿಕೆಗ್ ಮದ್ಯಸ್ತೆಗಾರೆ ಆದುಲ್ಲೆ. ಸುರುತ್ತ ಒಡಂಬಡಿಕೆದ ಕಾಲೊಡು ನಡತಿನ ಅಕ್ರಮೊಲೆ ಪರಿಹಾರೊಗಾದ್ ಆಯೆ ಮರಣೊನು ಅನುಭವ ಮಲ್ತಿನೆಡ್ದ್ ದೇವೆರೆಡ್ದ್ ಲೆಪ್ಪಾವೊಂಡಿನಾಕುಲು ವಾಗ್ದಾನ ಆದಿತ್ತಿ ನಿತ್ಯ ಬಾಧ್ಯಸ್ತಿಗೆನ್ ಪಡೆಯೆರೆ ಆಯಡ್ದ್ ಸಾದಿ ಆಂಡ್.

1 ಯೋಹಾನೆ 2:25

ಬೊಕ್ಕ ಕ್ರಿಸ್ತೆ ನಂಕ್ ಕೊರಿ ವಾಗ್ದಾನ ನಿತ್ಯಜೀವನೇ.