2 ಪೇತ್ರೆ 3:3 - ಪೊಸ ಒಡಂಬಡಿಕೆ

³ ದುಂಬತ್ತ ಉಂದೆನ್ ತೆರಿಯೊನ್ಲೆ, ಕಡೆ ದಿನೊಕುಲೆಡ್ ತನ್ಕುಲೆ ಹಾಳ್ ಆಸೆದ ಲೆಕ್ಕ ನಡಪುನ ಚೇಷ್ಠೆಗಾರೆರ್ ಮಸ್ಕಿರಿ ಮಲ್ತೊಂದು ತೋಜಿದ್ ಬರುವೆರ್.

2 ಪೇತ್ರೆ 3:3 Iomraidhean Croise

ಯೋಹಾನೆ 12:48

ಎನನ್ ತಿರಸ್ಕಾರ ಮಲ್ಪುನಾಯೆ, ಎನ ಪಾತೆರೊಲೆನ್ ತರಕೊನಂದೆ ಉಪ್ಪುನಾಯಗ್, ತೀರ್ಪು ಮಲ್ಪುನವು ಒಂಜಿ ಉಂಡು. ಅವು ಯಾನ್ ಪಂತಿ ಪಾತೆರನೇ, ಅವ್ವೇ ಕಡೆತ ದಿನೊಟು ಆಯಗ್ ತೀರ್ಪು ಮಲ್ಪುಂಡು.

2 ಕೊರಿಂಥ್ಯೆರೆಗ್ 4:2

ಆಂಡ ನಾಚಿಗೆ ಪುಟ್ಟಾವುನ ಬೊಕ್ಕ ದೆಂಗ್ದಿನ ಕಾರ್ಯೊಲೆನ್ ಬುಡ್ದು, ತಂತ್ರೊಡು ನಡತೊನಂದೆ, ದೇವೆರೆ ಪಾತೆರೊಗು ಬೆರಕೆ ಮಲ್ಪಂದೆ, ಸತ್ಯೊನು ಎಡ್ಡೆ ರೀತಿಡ್ ಬೋಧನೆ ಮಲ್ತೊಂದು ಎಂಕ್ಲೆನ್ ದೇವೆರೆ ದುಂಬು ಮಾತ ನರಮಾನಿಲೆ ಉಡಲ್‌ಡ್ ಸಜ್ಜನೆರಾದ್ ತೋಜಿದ್ ಬರ್ಪಿಲೆಕ್ಕ ನಡತೊಂದುಲ್ಲ.

2 ತಿಮೋಥಿ 3:1

ಆಂಡ ಕಡೆ ದಿನೊಕುಲೆಡ್ ಬಾರಿ ಭಂಗದ ಕಾಲ ಬರು ಇನ್ಪಿನೆನ್ ತೆರಿಯೊನ್ಲ

ಇಬ್ರಿಯೆರೆಗ್ 1:2

ಆಂಡ ಈ ಕಡೇ ದಿನೊಕುಲೆಡ್ ಆಯೆ ತನ ಮಗಡ್ದ್ ನಮಡ ಪಾತೆರ್ವೆ. ಆಯನ್‌ ಮಾತೆತ್ತಲಾ ಹಕ್ಕ್‌ದಾಯೆ ಮಲ್ತ್‌ದ್ ಆಯಡ್ದೇ ಮಾತ ಲೋಕೊನು ಉಂಡು ಮಲ್ತ್‌ದೆ.

2 ಪೇತ್ರೆ 1:20

ಮಾತ್ರತ್ತಂದೆ ಶಾಸ್ತ್ರೊಡು ಬರೆತಿ ವಾ ಪ್ರವಾದನೆಲಾ ಏಪೊಗ್ಲಾ ಪ್ರವಾದಿಲೆ ಸ್ವಂತ ಬುದ್ಧಿಡ್ದ್ ಬುಡ್ಪಾದ್ ಪನ್ಪಿನಿ ಅತ್ತ್ ಇನ್ಪಿನೆನ್ ನಿಕುಲು ಸುರುಟ್ಟು ತೆರಿಯೊನೊಡು.

2 ಪೇತ್ರೆ 2:10

ಮುಖ್ಯಾದ್ ಬಂಡ್‌ತನೊನು ಆಸೆ ಮಲ್ತೊಂದು ಈ ಶರೀರದ ಇಚ್ಚೆ ಆಸೆಲೆಗ್ ಬೋಡಾದ್ ಬದ್‌ಕ್‌ದ್ ದೇವೆರೆನ ಅಧಿಕಾರೊನು ಅಸಡ್ಡೆ ಮಲ್ಪುನಾಕುಲೆಗ್ ಈ ರೀತಿ ಶಿಕ್ಷೆ ಕೊರ್ಪೆ. ಇಂಚಿತ್ತಿನಾಕುಲು ಏರೆಗ್ಲಾ ಪೋಡಿಯಂದೆ ಕುಸಿ ಬತ್ತಿಲೆಕ್ಕ ನಡಪುನಾಕುಲಾದ್ ಮೈಮೆದ ಜಾಗ್‌ಡಿತ್ತಿನಾಕುಲೆನ್ ಪೋಡಿಗೆದಾಂತೆ ದೂಷಿಪುವೆರ್.

1 ಯೋಹಾನೆ 2:18

ಜೋಕುಲೇ, ಕಡೆ ಗಳಿಗೆ ಬೈದ್‌ಂಡ್. ಕ್ರಿಸ್ತ ವಿರೋಧಿ ಬರ್ಪೆ ಅಂದ್‌ದ್ ನಿಕುಲು ಕೇಂಡ್ದರ್. ಇತ್ತೆನೇ ಮಸ್ತ್ ಕ್ರಿಸ್ತ ವಿರೋಧಿಲು ತೋಜಿದ್ ಬೈದೆರ್. ಉಂದೆಡ್ದ್ ಕಡೆ ಗಳಿಗೆ ಬೈದ್‌ಂಡ್ ಅಂದ್‌ದ್ ನಮ ತೆರಿಯೊನ್ವ.

ಯೂದೆ 1:16

ಇಂಚಿತ್ತಿನಾಕುಲು ಗುಣುಗುಟ್ಟುನಾಕುಲು, ಒರಿಯನ ತಪ್ಪುನು ನಾಡ್ ಪತ್ತುನಾಕುಲು, ತನ್ಕುಲೆ ಇಚ್ಚೆಲೆಗ್ ತಕ್ಕ ನಡಪುನಾಕುಲು, ಬೂಟು ಪಾತೆರುನಾಕುಲು, ಅವ್ವತ್ತಂದೆ ಲಾಭೊಗಾದ್ರ ಮೋನೆಗ್ ತಕ್ಕ ಪಾತೆರುನಾಕುಲು ಆದುಲ್ಲೆರ್.

ಯೂದೆ 1:18

“ಅಂತ್ಯಕಾಲ ಬನ್ನಗ ತಮಾಷೆ ಮಲ್ಪುನಾಕುಲು ತೋಜಿದ್ ಬರುವೆರ್. ಅಕ್ಲೆನ ಇಚ್ಚಾನುಸಾರ ಭಕ್ತಿಗ್ ವಿರೋಧಾದ್ ನಡತೊನ್ವೆರ್.”