2 ಪೇತ್ರೆ 2:3 - ಪೊಸ ಒಡಂಬಡಿಕೆ

³ ಅಕುಲು ದುರಾಶೆಡ್ ಕೂಡ್ದಿನಕುಲಾದ್ ನಿಕ್ಲೆನ ದುಡ್ಡುನು ಒಯ್ಪೆರೆಗಾದ್ ಸುಳ್ಳುನು ಕಲ್ಪನೆ ಮಲ್ತ್‌ದ್ ಪನ್ಪೆರ್, ಆಂಡ ದೇವೆರ್ ಅಕ್ಲೆನ್ ಏಪನೇ ದೋಷಿಲಂದ್‌ದ್ ನ್ಯಾಯತೀರ್ಪು ಮಲ್ತ್‌ದೆ. ಬೊಕ್ಕ ಅಕ್ಲೆನ ನಾಶನ ತಡದಾಂತೆ ಬರ್ಪುಂಡು.

2 ಪೇತ್ರೆ 2:3 Iomraidhean Croise

ಮತ್ತಾಯೆ 23:14

ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ತೂಪೆರ್ ಪಂಡ್ದ್ ಉದ್ಧದ ಪ್ರಾರ್ಥನೆನ್ ಮಲ್ಪುವರ್, ಮೊಕುಲು ಕಂಡನಿದಾಂತಿನಾಕುಲೆನ ಇಲ್ಲ್‌ಲೆನ್ ಸ್ವಾದೀನ ಮಲ್ಪುವೆರ್. ಇಂಚಿತ್ತಿನಾಕುಲು ಹೆಚ್ಚಿನ ದಂಡನೆಗ್ ಒಳಗಾಪೆರ್.

ಲೂಕೆ 18:8

ಅಕ್ಲೆಗ್ ಬೇಗ ನ್ಯಾಯ ತೀರ್ಸಾವೆ ಅಂದ್‌ದ್ ನಿಕ್ಲೆಗ್ ಪನ್ಪೆ. ಇಂಚ ಇತ್ತ್ಂಡಲಾ ನರಮಾನಿ ಮಗೆ ಬನ್ನಗ ಭೂಮಿದ ಮಿತ್ತ್ ನಂಬಿಕೆನ್ ತೂವೆನಾ?” ಪಂಡೆ.

ಲೂಕೆ 20:20

ಬೊಕ್ಕ ಅಕುಲು ಯೇಸುನು ಅಧಿಕಾರೊಗ್ಲಾ ಅಧಿಪತಿನ ವಶೊಕ್ಲಾ ಒಪ್ಪಿಸಾವೊಡು ಅಂದ್‌ದ್ ಕಾತೊಂದಿತ್ತೆರ್. ನೀತಿವಂತೆರೆಲೆಕ್ಕ ನಟನೆ ಮಲ್ಪು ಗೂಢಾಚಾರೆರೆನ್ ಆಯನ ಪಾತೆರೊಲೆಡ್ ಎಂಚಾಂಡಲಾ ಪತ್ತಿಯೆರೆ ತಿಕ್ಕೆನಾ ಅಂದ್‌ದ್ ಕಡಪುಡಿಯೆರ್.

ಲೂಕೆ 22:47

ಯೇಸು ನನಲಾ ಪಾತೆರೊಂದುಪ್ಪುನಗನೇ, ಜನೊಕುಲೆ ಗುಂಪು ಅಡೆಗ್ ಬತ್ತ್ಂಡ್. ಶಿಷ್ಯೆರೆಡ್ ಯೂದೆ ಪನ್ಪಿನಾಯೆ ಆ ಜನೊಕುಲೆ ಎದುರುಡಿತ್ತೆ. ಆಯೆ ಯೇಸುಗು ಮುತ್ತು ಕೊರಿಯೆರೆಗಾದ್ ಆಯನ ಕೈತಲ್‌ ಬನ್ನಗ

ಯೋಹಾನೆ 2:16

ಪಾರಿವಾಳ ಮಾರುನಾಕುಲೆಗ್, “ಉಂದೆಕ್ಲೆನ್ ಮುಲ್ತುಡ್ದು ದೆತ್ತೊಂದು ಪೋಲೆ ಎನ ಅಮ್ಮೆರೆನ ಇಲ್ಲನ್ ಸಂತೆ ಮಲ್ಪೊಡ್ಚಿ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 16:18

ಇಂಚ ಮಲ್ಪುನಾಕುಲು ನಮ ಕರ್ತವೆ ಆದುಪ್ಪು ಕ್ರಿಸ್ತನ ಸೇವೆನ್ ಮಲ್ಪಂದೆ ತನ್ಕುಲೆ ಬಂಜಿದ ಸೇವೆನೇ ಮಲ್ಪುನಾಕುಲು. ಅಕುಲು ಪೊರ್ಲುದ ಪುಗರಿಕೆದ ಪಾತೆರೊಲೆಡ್ದ್ ತೆರಿಯಂದಿ ಜನೊಕುಲೆನ ಉಡಲ್‌ನ್ ಮೋಸೊಗು ಪಾಡ್ವೆರ್

2 ಕೊರಿಂಥ್ಯೆರೆಗ್ 2:17

ಆಂಡ ಎಂಕುಲು ದೇವೆರೆ ಪಾತೆರೊನು ಬೆರಕೆ ಮಲ್ಪುನು ವ್ಯಾಪಾರದಾಕುಲೆ ಲೆಕ್ಕ ಉಪ್ಪಂದೆ ಯಥಾರ್ಥ ಆದ್ ದೇವೆರೆಡ್ದ್ ಬತ್ತಿಲೆಕ್ಕನೇ ಯೇಸು ಕ್ರಿಸ್ತನ ಅನ್ಯೊನ್ಯತೆಡ್ ಇತ್ತೊಂದು ದೇವೆರೆ ಉಪಸ್ಥಿತಿಟ್ಟೇ ಪಾತೆರೊಂದೆ ಉಪ್ಪುವ.

1 ಥೆಸಲೋನಿಕೆರೆಗ್‌ 2:5

ಉಂದು ನಿಕ್ಲೆಗ್ ಸರಿಯಾದ್ ತೆರಿದುಪ್ಪುಲೆಕ್ಕ ಎಂಕ್ಲೆನ ಈ ಬೋಧನೆ ಕಾಲಿ ಬಡಾಯಿ ಕೊಚ್ಚುನ ಪಾತೆರೊಲೆಡ್ದ್‌ಲಾ ಕಾಸ್‌ದ ಆಸೆಗ್ ಬೋಡಾದ್ ವೇಷ ಪಾಡೊಂದುಲಾ ಬೈದಿನಿ ಅತ್ತ್, ಉಂದೆಕ್ಕ್ ದೇವೆರೇ ಸಾಕ್ಷಿ.

1 ಥೆಸಲೋನಿಕೆರೆಗ್‌ 5:3

ಜನೊಕುಲು ಸಮಾಧಾನೊಡ್ಲಾ ಪೋಡಿಗೆದಾಂತೆಲಾ ಉಲ್ಲ ಅಂದ್‌ದ್ ಪನೊಂದುಪ್ಪುನಪಗನೇ, ಬಂಜಿನಲೆಗ್ ಪೆದ್ಪಿಬೇನೆ ಬರ್ಪಿಲೆಕ್ಕ ಅಕ್ಲೆ ಮಿತ್ತ್ ನಾಶನ ಬರು. ಐಡ್ದ್ ತಪ್ಪಾವೆರೆ ಸಾದ್ಯೆನೇ ಇಜ್ಜಿ.

1 ತಿಮೋಥಿ 3:3

ಆಯೆ ಪರ್ದ್ ಅಮಲೇರಿನಾಯೆಲಾ ಲಡಯಿ ಮಲ್ಪುನಾಯೆಲಾ ಆದುಪ್ಪಂದೆ ಸಜ್ಜನೆ ಆದುಪ್ಪೊಡು. ಪೊಕ್ಕಡೆ ತರ್ಕಮಲ್ಪಂದಿನಾಯೆಲಾ ಕಾಸ್‌ದಾಸೆದಾಂತಿನಾಯೆಲಾ ಆದುಪ್ಪೊಡು.

1 ತಿಮೋಥಿ 3:8

ಅಂಚೆನೇ ಸಭಾಸೇವಕೆರ್‌ ಮಾರ್ಯಾದಿದಾಕುಲು ಆದುಪ್ಪೊಡು ಅತ್ತಂದೆ ಅಕುಲು ರಡ್ಡ್ ಪಾತೆರದಾಕುಲುಲಾ, ಪರ್ಪಿನ ಅಭ್ಯಾಸದಾಕುಲುಲಾ, ದುಡ್ಡುದ ಆಸೆದಾಕುಲುಲಾ ಆದುಪ್ಪಂದೆ;

1 ತಿಮೋಥಿ 6:5

ಅತ್ತಂದೆ ಬುದ್ಧಿಕೆಟ್ಟ್‌ದ್ ಸತ್ಯೊನು ಬುಡ್ತಿನಾಕುಲಾದ್, ದೇವಭಕ್ತಿನ್ ಒಂಜಿ ಲಾಭದ ಉದ್ಯೋಗ ಅಂದ್‌ದ್ ಎನ್ನುನ ಈ ನರಮಾನಿಲೆಡ ನಿತ್ಯದ ಕಚ್ಚಾಟ ಆವೊಂದುಪ್ಪುಂಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:11

ಮೊಕುಲು ವಾ ತರೊಟುಲಾ ಲಾಭ ಮಲ್ತೊನೊಡಂದ್‌ದ್ ತಪ್ಪು ಬೋಧನೆನ್ ಮಲ್ತ್‌ದ್ ಇಡೀ ಇಲ್ಲ್‌ನೆ ಕಂಕಣೆ ಪಾಡ್ವೆರ್. ಅಕ್ಲೆನ ಬಾಯಿ ಮುಚ್ಚೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:7

ಒರಿ ಸಭಾದ್ಯಕ್ಷೆ ದೇವೆರೆ ಇಲ್ಲದ ಪಾರುಪತ್ತೆಗಾರೆ ಆದುಲ್ಲೆ. ಅಂಚಾದ್ ಆಯೆ ದೂರುದಾಂತಿನಾಯೆ ಆದುಪ್ಪೊಡು. ಆಯೆ ಛಲತಾಯೆಲಾ ಎದುರು ಕೋಪ ಮಲ್ಪುನಾಯೆಲಾ ಪರ್ದ್ ಲಡಯಿ ಮಲ್ಪುನಾಯೆಲಾ ಪೆಟ್ಟು ಪಾಡುನಾಯೆಲಾ ದುಡ್ಡುದಾಶೆದಾಯೆಲಾ ಆದುಪ್ಪೆರೆ ಬಲ್ಲಿ.

1 ಪೇತ್ರೆ 2:8

ಆಂಡ, “ಆ ಕಲ್ಲ್ ಜನೊಕುಲೆನ್ ದಂಟುಲೆಕ್ಕ ಮಲ್ಪು. ಅಂಚೆನೇ ಆ ಕಲ್ಲ್ ಪಾದೆದ ಲೆಕ್ಕ ಜನೊಕುಲೆನ್ ಬೂರುಲೆಕ್ಕ ಮಲ್ಪು,” ಅಂದ್‌ದ್ ಬರೆತಿ ಪಾತೆರ ಸರಿ ಆದುಂಡು. ಅಕುಲು ದೇವೆರೆ ಪಾತೆರೊಗು ಒಳಗಾವಂದಿನೆಡ್ದ್ ದಂಟ್‌ದ್ ಬೂರ್ವೆರ್. ಅಕುಲು ಐಕಾದೆ ನೇಮಕ ಆತೆರ್.

1 ಪೇತ್ರೆ 5:2

ನಿಕ್ಲೆನ ವಶೊಟು ಕೊರ್ತಿನ ದೇವೆರೆ ಪುಂಡುನು ಕಾಪುಲೆ. ಬಲಾತ್ಕಾರೊಡ್ದು ಅತ್ತ್ ದೀನ ಮನಸ್‌ಡ್ದೇ, ದುಡ್ಡುದ ಆಸೆಡ್ದ್ ಅತ್ತ್, ಯಥಾರ್ಥ ಮನಸ್‌ಡ್ದ್ ಸೇವೆ ಮಲ್ಪುಲೆ.

2 ಪೇತ್ರೆ 1:16

ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತ ಬಲೊನ್ಲಾ ಕುಡೊರ ಈ ಲೋಕೊಗು ಬರ್ಪಿನೆನ್ಲಾ ಎಂಕುಲು ನಿಕ್ಲೆಗ್ ತೆರಿಪಾನಗ ಕಲ್ಪನೆದ ಕತೆಕ್ಲೆನ್ ಪಂಡಿನತ್ತ್. ಆಂಡ ಆಯನ ಮೈಮೆನ್ ಕಣ್ಣಾರೆ ತೂಯಿನಾಕುಲಾದ್ ತೆರಿಪಾಯ.

2 ಪೇತ್ರೆ 2:1

ಇಸ್ರಾಯೇಲ್ ಜನೊಕುಲೆ ನಡುಟು ಸುಳ್ಳು ಪ್ರವಾದಿಲು ಇತ್ತಿಲೆಕ್ಕ ನಿಕ್ಲೆ ನಡುಟ್ಲಾ ಸುಳ್ಳು ಬೋಧಕೆರ್ ಉಪ್ಪೆರ್. ಅಕುಲು ನಾಶನೊಗು ನಡಪುಡುನ ದುರ್ಬೋಧನೆಲೆನ್ ಗುಟ್ಟುಡು ಕಲ್ಪಾವೆರ್. ತನ್ಕುಲೆನ್ ಕ್ರಯೊಕು ದೆತ್ತೊಂದಿ ಯಜಮಾನನ್ಲಾ ಅರೆಂಜುನಾಕುಲಾದುಲ್ಲೆರ್. ಈ ರೀತಿಡ್ ತನ್ಕುಲೆ ಮಿತ್ತ್ ನಾಶನೊನು ಬೇಗನೆ ಬರ್ಪಾವೊನ್ವೆರ್.

2 ಪೇತ್ರೆ 2:9

ಕರ್ತವೆ ಭಕ್ತೆರೆನ್ ಶೋಧನೆಡ್ದ್ ಒರಿಪಾವೆರೆಗ್ಲಾ ನೀತಿಕೆಟ್ಟಿನಾಕುಲೆಗ್ ಶಿಕ್ಷೆ ಕೊರಿಯೆರೆಗಾದ್ ಕಡೆ ನ್ಯಾಯತೀರ್ಪುದ ದಿನ ಮುಟ್ಟ ದೀವೆರೆಗ್ಲಾ ತೆರಿದಿನಾಯೆ ಆದುಲ್ಲೆ.

ಯೂದೆ 1:11

ಮೊಕುಲು ಮೆಗ್ಯನ್ ಕೆರ್ತಿ ಕಾಯಿನನ ಮಾರ್ಗೊಡು ನಡಪುವೆರ್, ದ್ರವ್ಯ ಸಂಪಾದನೆಗಾದ್ ಬಿಳಾಮನ ತಪ್ಪು ಮಾರ್ಗೊನು ಪತ್ತೊಂದೆರ್, ಕೋರಹ ಲೆಕ್ಕನೇ ದಂಗೆ ಮಲ್ತ್‌ದ್ ನಾಶಾದ್ ಪೋಪೆರ್. ಅಯ್ಯೋ ಮೊಕ್ಲೆನ ಗತಿ ದಾನೆ ಆವು?

ಯೂದೆ 1:15

ಬತ್ತ್‌ದ್ ಮಾತೆರೆಗ್ ನ್ಯಾಯತೀರ್ಪು ಮಲ್ತ್‌ದ್, ಭಕ್ತಿದಾಂತಿ ಮಾತೆರೆಗ್ಲಾ ಅಕುಲು ಮಲ್ತಿ ಮಾತ ಅನ್ಯಾಯದ ಕೆಲಸೊಲೆಗಾದ್‌ಲಾ ಭಕ್ತಿದಾಂತಿ ಪಾಪಿಲು ತನ್ಕ್ ವಿರೋಧಾದ್ ಪಾತೆರಿ ಮಾತ ಕಠಿಣ ಪಾತೆರೊಲೆಗಾದ್‌ಲಾ ಶಿಕ್ಷೆ ಕೊರಿಯೆರೆ ಬರ್ಪೆ,” ಅಂದ್‌ದ್ ಪಂಡೆ.

ಯೂದೆ 1:16

ಇಂಚಿತ್ತಿನಾಕುಲು ಗುಣುಗುಟ್ಟುನಾಕುಲು, ಒರಿಯನ ತಪ್ಪುನು ನಾಡ್ ಪತ್ತುನಾಕುಲು, ತನ್ಕುಲೆ ಇಚ್ಚೆಲೆಗ್ ತಕ್ಕ ನಡಪುನಾಕುಲು, ಬೂಟು ಪಾತೆರುನಾಕುಲು, ಅವ್ವತ್ತಂದೆ ಲಾಭೊಗಾದ್ರ ಮೋನೆಗ್ ತಕ್ಕ ಪಾತೆರುನಾಕುಲು ಆದುಲ್ಲೆರ್.

ಯೂದೆ 1:4

ದಾಯೆಗಂದ್ಂಡ, ಭಕ್ತಿದಾಂತಿನಾಕುಲು, ದೇವೆರೆ ದಯೊನು ಲಾಭ ಮಲ್ತೊಂದು ನಾಚಿಗೆ ಪುಟ್ಟಾವು ಕೆಲಸೊಲೆನ್ ಮಲ್ತೊನುವೆರ್. ಇಂಚಿತ್ತಿನಾಕುಲು ನಮ ಒರಿಯೇ ಯಜಮಾನೆಲಾ ನಮ ಕರ್ತವೆಲಾ ಆದುಪ್ಪು ಯೇಸು ಕ್ರಿಸ್ತನ್ ಆರೆಂಜುವೆರ್. ಇಂಚಿತ್ತಿ ಕೆಲವು ಜನೊಕುಲು ಸಭೆಕ್ ಕಲ್ವತನೊಟು ಪೊಗ್ಗುದೆರ್. ಅಕ್ಲೆಗ್ ದೇವೆರೆ ದಂಡನೆ ಆಪುಂಡು ಅಂದ್‌ದ್ ಆದಿಡೇ ಅಕ್ಲೆನ ಸಂಗತಿಡ್ ಬರೆತ್ಂಡ್.

ಯೂದೆ 1:7

ಅಂಚೆನೇ, ಸೋದೋಮು ಗೊಮೋರ ಐತ ಸುತ್ತುಮುತ್ತು ಇತ್ತಿ ಪಟ್ಟಣದಾಕುಲುಲಾ ಆ ದೂತೆರ್‌ಲೆಕ್ಕನೇ ನಡತೊಂಡೆರ್. ಅವ್ವತ್ತಂದೆ ಹಾದ್ರ ಮಲ್ಪುನಾಕುಲಾದ್, ಪೇಸಿಗೆದ ಕೆಲಸೊಲೆನ್ ಮಲ್ತೊಂದಿತ್ತೆರ್. ಉಂದೆಡ್ದಾದ್ ಅಕುಲು ನಿತ್ಯ ತೂತ ಶಿಕ್ಷೆನ್ ಅನುಭವ ಮಲ್ತೊಂದು, ಇತ್ತೆ ಪಾಪೊಡಿತ್ತಿನಾಕುಲೆಗ್ ಒಂಜಿ ಮಾದ್ರಿ ಆದುಲ್ಲೆರ್.