2 ಪೇತ್ರೆ 2:2 - ಪೊಸ ಒಡಂಬಡಿಕೆ

² ಅಕ್ಲೆನ ನಾಶನದ ಬೋಧನೆಲೆನ್ಲಾ ನಾಚಿಗೆದ ಕಾರ್ಯೊಲೆನ್ಲಾ ಮಸ್ತ್ ಜನ ಬೆರಿ ಪತ್ತುವೆರ್, ಬೊಕ್ಕ ಈ ಬೋಧಕೆರೆಡ್ದಾದ್ ಸತ್ಯದ ಮಾರ್ಗೊಗು ದೂಷಣೆ ಆಪುಂಡು.

2 ಪೇತ್ರೆ 2:2 Iomraidhean Croise

ಮತ್ತಾಯೆ 22:16

ಬೊಕ್ಕ ಪರಿಸಾಯೆರ್ ತನ್ಕುಲೆ ಶಿಷ್ಯೆರೆನ್ ಹೆರೋದ್ಯನ ಜನೊಕುಲೆಡೊಪ್ಪ ಯೇಸು ಕೈತಲ್‌ ಕಡಪುಡ್ದು ಮೊಕುಲು ಬತ್ತ್‌ದ್, “ಗುರೂ ಈ ಸತ್ಯವಂತೆ, ದೇವೆರೆ ಮಾರ್ಗೊಲೆನ್ ಸತ್ಯವಾದ್ ಬೋಧನೆ ಮಲ್ಪುನಾಯೆ, ಏರೆಗ್ಲಾ ಪೋಡ್ಯಂದಿನಾಯೆ; ಜನೊಕುಲೆ ಮೋನೆದಾಕ್ಷಿಣ್ಯೊಗು ತಕ್ಕ ಪಾತೆರುನಾಯೆ ಅತ್ತ್ ಅಂದ್‌ದ್ ತೆರಿದ.

ಮತ್ತಾಯೆ 24:24

ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ಮತ್ತಾಯೆ 7:14

ನಿತ್ಯಜೀವೊಗು ಪೋಪಿ ಬಾಕಿಲ್ ಇಕ್ಕಟ್ಟ್‌ದವು. ಸಾದಿಲಾ ಭಂಗದವು; ಅವೆನ್ ನಾಡ್ ಪತ್ತುನಾಕುಲು ಒಂತೆ ಜನ.

ಮಾರ್ಕೆ 12:14

ಮೊಕುಲು ಬತ್ತ್‌ದ್, “ಗುರೂ, ಈ ಸತ್ಯವಂತೆ, ಏರೆಗ್ಲಾ ಪೋಡಿಯಂದೆ, ಜನೊಕುಲೆ ಮೋನೆ ತೂದು ಪಾತೆರುನಾಯೆ ಅತ್ತ್, ದೇವೆರೆ ಮಾರ್ಗೊನು ಸತ್ಯ ಆದ್ ಬೋಧನೆ ಮಲ್ಪುನಾಯೆ ಆದುಲ್ಲ ಅಂದ್‌ದ್ ತೆರಿದ. ಇತ್ತೆ ಪನ್ಲ, ಕೈಸರಗ್ ತೆರಿಗೆ ಕೊರ್ಪಿನವು ಸರಿಯಾ? ತಪ್ಪಾ? ಕೊರೊಡಾ ಬೊಡ್ಚಾ,” ಅಂದ್‌ದ್ ಆಯಡ ಕೇಂಡೆರ್.

ಮಾರ್ಕೆ 13:22

ದಾಯೆಗಂದ್ಂಡ, ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ, ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ಯೋಹಾನೆ 14:6

ಐಕ್ ಯೇಸು ಆಯಡ, “ಯಾನೇ ಮಾರ್ಗಲಾ ಸತ್ಯಲಾ ಜೀವಲಾ ಆದುಲ್ಲೆ. ಯಾನ್ ಅತ್ತಂದೆ ಏರ್ಲಾ ಅಮ್ಮೆರೆ ಕೈತಲ್‌ ಬರ್ಪುಜೆರ್

ಅಪೊ.ಕ್ರಿ 13:10

“ಮಾತ ಮೋಸೊಡು ಮಾತ ವಂಚನೆಡ್ ದಿಂಜಿದಿನಾಯ, ಸೈತಾನನ ಮಗ, ಮಾತ ನೀತಿಗ್ ವಿರೋಧ ಇತ್ತಿನಾಯ ಈ ಕರ್ತವನ ಸರಿಯಾಯಿನ ಸಾದಿನ್ ಮೊಡಂಕ್ ಮುಲ್ಪುನೆನ್ ಬುಡ್ಪುಜನಾ?

ಅಪೊ.ಕ್ರಿ 14:2

ಆಂಡ ಯೆಹೂದ್ಯೆರೆಡ್ ನಂಬಂದೆ ಪೋಯಿನ ಕೆಲೆವೆರ್ ಪಿದಯಿದ ಜನೊಕುಲೆನ ಉಡಲ್‌ನ್ ಸಹೋದ್ರೆರೆಗ್ ವಿರೋಧಾದ್ ನೋಚಾದ್ ಹಾಳ್ ಮಲ್ತೆರ್.

ಅಪೊ.ಕ್ರಿ 16:17

ಪೌಲುಲಾ ಎಂಕುಲುಲಾ ಪೋವೊಂದುಪ್ಪುನಗ ಆಲ್ ಪಿರವುಡ್ದು ಬತ್ತ್‌ದ್, ಈ ನರಮಾನಿಲು ಪರಾತ್ಪರನ ದೇವೆರೆನ ಸೇವಕೆರ್; ನಿಕ್ಲೆಗ್ ರಕ್ಷಣೆದ ಮಾರ್ಗೊನು ಸಾರುವೆರ್ ಅಂದ್‌ದ್ ಬೊಬ್ಬೆ ಪಾಡೊಂದಿತ್ತಲ್.

ಅಪೊ.ಕ್ರಿ 18:26

ಆಯೆ ಸಭಾಮಂದಿರೊಡು ಧೈರ್ಯೊಡು ಪಾತೆರೊಂದಿತ್ತೆ. ಆಯನ ಪಾತೆರೊಲೆನ್ ಪ್ರಿಸ್ಕಿಲ ಬೊಕ್ಕ ಅಕ್ವಿಲೆ ಕೇಂಡ್ದ್ ಆಯನ್ ತನ್ಕುಲೆ ಇಲ್ಲಗ್ ಲೆತ್ತೊಂದು ಪೋದು ದೇವೆರೆ ಮಾರ್ಗೊನು ಆಯಗ್ ನನಲಾತ್ ಸೂಕ್ಷ್ಮಾದ್ ಬುಡ್ಪಾದ್ ಪಂಡೆರ್.

ಅಪೊ.ಕ್ರಿ 19:9

ಕೆಲೆವೆರ್ ತನ್ಕುಲೆ ಮನಸ್‌ಲೆನ್ ಕಠಿಣ ಮಲ್ತೊಂದು ನಂಬಂದೆ ಜನತ ಗುಂಪುದ ಎದುರು ಈ ದೇವೆರೆ ಮಾರ್ಗ ಪಡಿಕೆಂತಿನವು ಅಂದ್‌ದ್ ಪನ್ನಗ ಪೌಲು ಅಕ್ಲೆನ್ ಬುಡ್ದು ಪೋದು ಶಿಷ್ಯೆರೆನ್ ಬೇತೆ ಮಲ್ತ್‌ದ್ ತುರನ್ನನ ಸಾಲೆಡ್ ದಿನಾಲ ತರ್ಕ ಮಲ್ತೊಂದಿತ್ತೆ.

ಅಪೊ.ಕ್ರಿ 22:4

ಈ ಮಾರ್ಗೊನು ಕೈಕೊನೊನಾಕುಲೆನ್ ಯಾನ್ ಭಂಗ ಕೊರೊಂದಿತ್ತೆ. ಅಂಜೊವುಲೆಗ್ಲಾ ಪೊಂಜೊವುಲೆಗ್ಲಾ ಕೋಳ ಪಾಡ್ಪಾದ್ ಅಕ್ಲೆನ್ ಸೆರೆಮನೆಗ್ ಪಾಡೊಂದಿತ್ತೆ. ಅಕ್ಲೆನ್ ಕೆರಿಯೆರೆಗ್ಲಾ ಪಿರ ಜಾರಂದೆ ಭಂಗ ಕೊರೊಂದಿತ್ತೆ.

ಅಪೊ.ಕ್ರಿ 24:14

ಒಂಜೆನ್ ಮಾತ್ರ ನಿನ ಎದುರು ಒಪ್ಪಿಯೊನ್ವೆ, ಅವು ದಾನೆ ಪಂಡ, ಆ ಮಾರ್ಗದ ಹಿಂಬಾಲಕೆ ಆದ್ ಯಾನ್ ಎಂಕ್ಲೆನ ಪಿತೃ ಆಯಿ ದೇವೆರೆನ್ ಆರಾಧನೆ ಮಲ್ಪುವೆ, ಆ ಮಾರ್ಗ ಸರಿಯತ್ತ್ ಅಂದ್‌ದ್ ಯೆಹೂದ್ಯೆರ್ ಪನ್ಪೆರ್. ಆಂಡ ನ್ಯಾಯಕಟ್ಟ್‌ಡ್ಲಾ ಪ್ರವಾದಿಲೆ ಗ್ರಂಥೊಲೆಡ್ ಬರೆದುಪ್ಪುನ ಮಾತ ವಿಚಾರೊಲೆನ್ ನಂಬುವೆ.

ರೋಮಾಯೆರೆಗ್ 2:24

“ನಿಕ್ಲೆನ ದಿಸೆಡ್ದ್ ಪಿದಯಿದ ಜನೊಕುಲೆಡ್ ದೇವೆರೆ ಪುದರ್ ದೂಷಣೆಗ್ ಗುರಿ ಆಪುಂಡು ಪಂಡ್ದ್ ಬರೆತ್ಂಡತ್ತಾ.”

1 ತಿಮೋಥಿ 5:14

ಅಂಚಾದ್ ಜವ್ವಂದಿ ವಿಧವೆ ಮದ್ಮೆ ಆದ್ ಜೋಕುಲೆನ್ ಪೆದ್ದ್‌ದ್ ಇಲ್ಲದ ಯಜಮಾನಿ ಆದುಪ್ಪುನ ಎಡ್ಡೆ ಅಂದ್‌ದ್ ಎಂಕ್ ತೋಜುಂಡು. ಅಪಗ ಅಕ್ಲೆಗ್ ವಿರೋಧಿಲೆನ ನಿಂದನೆಗ್ ಅವಕಾಸ ಉಪ್ಪುಜಿ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:8

ಅಪಗ ನಂಕ್ ವಿರೋಧ ಉಂತುನಾಕುಲು ನಮ ಸಂಗತಿಡ್ ಪಡಿಕೆಂತಿನೆನ್ ಪನಿಯೆರೆ ಅವಕಾಶದಾಂತಿನೆಡ್ದ್ ನಾಚಿಗೆಗ್ ಗುರಿ ಆಪೆರ್.

1 ಪೇತ್ರೆ 2:12

ನಿಕ್ಲೆನ ನಡತೆ ಲೋಕದ ಜನೊಕುಲೆ ನಡುಟು ಎಡ್ಡೆಂತಿನವು ಆದುಪ್ಪಡ್; ಅಪಗ ಅಕುಲು ವಾ ಸಂಗತಿಡ್ ನಿಕ್ಲೆನ್ ಅಕ್ರಮದಾಕುಲು ಅಂದ್‌ದ್ ನಿಂದನೆ ಮಲ್ಪುವೆರಾ, ಅಂಚೆನೆ ನಿಕ್ಲೆನ ಎಡ್ಡೆ ನಡತೆನ್ ತೂದು ಆಯೆ ಕುಡ ಬರ್ಪಿ ದಿನೊಟು ಅಕುಲು ದೇವೆರೆನ್ ಪುಗರ್‌ವೆರ್.

2 ಪೇತ್ರೆ 2:12

ಆಂಡ ಸ್ವಾಭಾವಿಕ ಆದ್ ಬೋಂಟೆಗ್ಲಾ ಕೆರಿಯೆರೆಗ್ಲಾ ಪುಟ್ಟುದಿನ ಬುದ್ಧಿದಾಂತಿನ ಪ್ರಾಣಿಲೆಕ್ಕ ಈ ದುರ್ಮಾರ್ಗೊಡು ಉಪ್ಪುನಾಕುಲು ತನ್ಕುಲೆಗ್ ತೆರಿಯಂದಿ ವಿಚಾರೊಡು ದೂಷಣೆ ಮಲ್ತೊಂದುಪ್ಪುವೆರ್. ಮೊಕುಲು ತನ್ಕುಲೆ ಹಾಳ್‌ತನೊಡ್ದಾದ್ ತನ್ಕುಲೇ ಹಾಳಾದ್ ಪೋಪೆರ್.

2 ಪೇತ್ರೆ 2:15

ಅಕುಲು ಸರ್ತ ಸಾದಿಡ್ದ್ ತೇಲಾದ್ ಬೆಯೋರನ ಮಗೆ ಬಿಳಾಮನ ಮಾರ್ಗೊಡು ಸಾಗ್‌ದ್ ತತ್ತ್‌ದ್ ಪೋತೆರ್. ಈ ಬಿಳಾಮೆ ಅನ್ಯಾಯೊಡು ತಿಕ್ಕುನ ದುಡ್ಡುನು ಪ್ರೀತಿ ಮಲ್ತೆ.

2 ಪೇತ್ರೆ 2:18

ತಪ್ಪು ಸಾದಿಡ್ ನಡಪುನಾಕುಲೆನ ಸಹವಾಸೊಡ್ದು ಇಂಚೊಗು ತಪ್ಪಾವೊಂಡಿನಾಕುಲೆನ ಒಟ್ಟುಗು, ಮೊಕುಲು ಬಂಡ್ ಪಾತೆರೊಂದು, ಮಲ್ಲ ಮಲ್ಲ ಬಂಟ್‌ನ್ ಪುಗರೊಂದು, ಶರೀರದಾಶೆನ್ ಪುಟ್ಟಾದ್ ಅಕ್ಲೆನ್ ತಿಕ್ಕಾವೆರ್.

2 ಪೇತ್ರೆ 2:21

ಅಕುಲು ಆ ನೀತಿದ ಸಾದಿನ್ ತೆರಿಯೊಂದು ತನ್ಕುಲೆಗ್ ನೇಮಕ ಆತಿ ಪರಿಶುದ್ಧ ಅಪ್ಪಣೆಡ್ದ್ ತೇಲಾದ್ ಪೋಪಿನೆಡ್ದ್ ಆ ಸಾದಿನ್ ತೆರಿಯಂದೆ ಉಪ್ಪುನವೇ ಅಕ್ಲೆಗ್ ಎಡ್ಡೆ ಆದಿತ್ತುದು.

2 ಪೇತ್ರೆ 2:7

ಆಂಡ ಅವ್ವೇ ಸಂಧರ್ಬೊಡು ಆ ದುಷ್ಟೆರೆ ನಾಚಿಗೆದಾಂತಿನ ಸ್ವಭಾವೊಡ್ದು ದುಃಖೊಡಿತ್ತಿ ನೀತಿವಂತೆ ಆಯಿ ಲೋಟನ್ ಐಡ್ದ್ ತಪ್ಪಾಯೆ.

ಯೂದೆ 1:10

ಆಂಡ ಈ ಜನೊಕುಲು ತನ್ಕುಲೆಗ್ ಗೊತ್ತುದಾಂತಿನೆನ್ ದೂಷಿಯುವೆರ್, ಬುದ್ಧಿದಾಂತಿ ಪ್ರಾಣಿಲೆ ಲೆಕ್ಕ ಪುಟ್ಟು ಸ್ವಭಾವೊಡ್ದು ತನ್ಕುಲೆನ್ ಹಾಳ್ ಮಲ್ತೊನುವೆರ್.

ಯೂದೆ 1:15

ಬತ್ತ್‌ದ್ ಮಾತೆರೆಗ್ ನ್ಯಾಯತೀರ್ಪು ಮಲ್ತ್‌ದ್, ಭಕ್ತಿದಾಂತಿ ಮಾತೆರೆಗ್ಲಾ ಅಕುಲು ಮಲ್ತಿ ಮಾತ ಅನ್ಯಾಯದ ಕೆಲಸೊಲೆಗಾದ್‌ಲಾ ಭಕ್ತಿದಾಂತಿ ಪಾಪಿಲು ತನ್ಕ್ ವಿರೋಧಾದ್ ಪಾತೆರಿ ಮಾತ ಕಠಿಣ ಪಾತೆರೊಲೆಗಾದ್‌ಲಾ ಶಿಕ್ಷೆ ಕೊರಿಯೆರೆ ಬರ್ಪೆ,” ಅಂದ್‌ದ್ ಪಂಡೆ.

ಯೂದೆ 1:4

ದಾಯೆಗಂದ್ಂಡ, ಭಕ್ತಿದಾಂತಿನಾಕುಲು, ದೇವೆರೆ ದಯೊನು ಲಾಭ ಮಲ್ತೊಂದು ನಾಚಿಗೆ ಪುಟ್ಟಾವು ಕೆಲಸೊಲೆನ್ ಮಲ್ತೊನುವೆರ್. ಇಂಚಿತ್ತಿನಾಕುಲು ನಮ ಒರಿಯೇ ಯಜಮಾನೆಲಾ ನಮ ಕರ್ತವೆಲಾ ಆದುಪ್ಪು ಯೇಸು ಕ್ರಿಸ್ತನ್ ಆರೆಂಜುವೆರ್. ಇಂಚಿತ್ತಿ ಕೆಲವು ಜನೊಕುಲು ಸಭೆಕ್ ಕಲ್ವತನೊಟು ಪೊಗ್ಗುದೆರ್. ಅಕ್ಲೆಗ್ ದೇವೆರೆ ದಂಡನೆ ಆಪುಂಡು ಅಂದ್‌ದ್ ಆದಿಡೇ ಅಕ್ಲೆನ ಸಂಗತಿಡ್ ಬರೆತ್ಂಡ್.

ಯೂದೆ 1:7

ಅಂಚೆನೇ, ಸೋದೋಮು ಗೊಮೋರ ಐತ ಸುತ್ತುಮುತ್ತು ಇತ್ತಿ ಪಟ್ಟಣದಾಕುಲುಲಾ ಆ ದೂತೆರ್‌ಲೆಕ್ಕನೇ ನಡತೊಂಡೆರ್. ಅವ್ವತ್ತಂದೆ ಹಾದ್ರ ಮಲ್ಪುನಾಕುಲಾದ್, ಪೇಸಿಗೆದ ಕೆಲಸೊಲೆನ್ ಮಲ್ತೊಂದಿತ್ತೆರ್. ಉಂದೆಡ್ದಾದ್ ಅಕುಲು ನಿತ್ಯ ತೂತ ಶಿಕ್ಷೆನ್ ಅನುಭವ ಮಲ್ತೊಂದು, ಇತ್ತೆ ಪಾಪೊಡಿತ್ತಿನಾಕುಲೆಗ್ ಒಂಜಿ ಮಾದ್ರಿ ಆದುಲ್ಲೆರ್.

ಪ್ರಕಟಣೆ 12:9

ಭೂಲೋಕೊಡು ಉಪ್ಪು ಮಾತೆರೆನ್ ಮೋಸ ಮಲ್ಪುನ ಆ ಮಲ್ಲ ಘಟಸರ್ಪೆ ಅಂದ್ಂಡ ಪಿಶಾಚಿ ಪಂಡ್ದ್‌ಲಾ, ಸೈತಾನೆ ಪಂಡ್ದ್‌ಲಾ ಪುದರಿತ್ತಿ ಪುರಾತನ ಸರ್ಪೆ ಪನ್ಪಿನಾಯೆಲಾ ಆಯಡೊಪ್ಪ ಆಯ ದೂತೆರ್ಲಾ ಪಿದಯಿ ನೂಕುದು ಭೂಮಿಗ್‌ ಪಾಡಿಯೆರ್.

ಪ್ರಕಟಣೆ 13:14

ಆ ಸುರುತ್ತ ಮೃಗತ ಎದುರುಡು ಬಲತ್ತ ಕಾರ್ಯೊಲೆನ್ ಮಲ್ಪು ಅಧಿಕಾರ ಉಪ್ಪುನೆಡ್ದ್, ಭೂಮಿಡ್ ಉಪ್ಪುನಾಕುಲೆನ್ ಮರ್ಲ್ ಮಲ್ಪಾವುಂಡು. ಅಕ್ಲೆಗ್ ಕತ್ತಿಡ್ದ್ ಗಾಯ ಆದ್ ಸೈಯಂದೆ ಬದ್‌ಕಿನ ಮೃಗತ ಮರ್ಯಾದಿಗಾದ್ ಮೂರ್ತಿನ್ ಮಲ್ತೊನೊಡು ಪಂಡ್ದ್ ಕಲ್ಪಾವುಂಡು.

ಪ್ರಕಟಣೆ 13:8

ಲೋಕ ಉಂಡಾಪಿನೆಡ್ದ್ ದುಂಬೇ ಬಲಿಯಾಯಿ ಕುರಿಯಾದಿತ್ತಿನಾಯಡ ಉಪ್ಪು ಜೀವದ ಪುಸ್ತಕೊಡು ಏರೇರೆನ ಪುದರ್ ಬರೆತಿಜಾ, ಅಕುಲು ಐಕ್ ಆರಾಧನೆ ಸಂದಾವೆರ್.