2 ಪೇತ್ರೆ 1:3 - ಪೊಸ ಒಡಂಬಡಿಕೆ

³ ತನ ಮೈಮೆಡ್ದ್‌ಲಾ ಸದ್ಗುಣೊಡ್ದ್‌ಲಾ ನಮನ್ ಲೆಯ್ದಿನ ದೇವೆರೆನ್ ತೆರಿಯೊಂದಿನಾಕುಲೆಗ್ ತನ ದಿವ್ಯ ಬಲೊಡ್ದು ಭಕ್ತಿದ ಜೀವನ ಮಲ್ಪೆರೆ ಬೋಡಾಪಿನ ಮಾತೆನ್ಲಾ ಒದಗಾದ್ ಕೊರ್ತೆ.

2 ಪೇತ್ರೆ 1:3 Iomraidhean Croise

ಮತ್ತಾಯೆ 28:18

ಅಪಗ ಯೇಸು ಕೈತಲ್‌ ಬತ್ತ್‌ದ್, “ಪರಲೋಕೊಡ್ಲಾ, ಭೂಲೋಕೊಡ್ಲಾ ಮಾತ ಅಧಿಕಾರ ಎಂಕ್ ಕೊರ್ತುಂಡು.

ರೋಮಾಯೆರೆಗ್ 8:32

ತನ ಸ್ವಂತ ಮಗನ್ ಜೋಕೆ ಮಲ್ಪಂದೆ ಆಯನ್ ನಂಕಾದ್ ಒಚ್ಚಿದ್ ಕೊರಿಯೆ ಅತ್ತಾ? ಮಗನ್ ಕೊರಿ ಬೊಕ್ಕ ಸಮಸ್ತೊನ್ಲಾ ನಂಕ್ ಕೊರಂದೆ ಉಪ್ಪೆನಾ?

ರೋಮಾಯೆರೆಗ್ 9:24

ಆಯ ಕನಿಕರೊಡು ಎಂಕ್ಲೆನ್ ಯೆಹೂದ್ಯೆರೆ ಉಲಯಿಡ್ದ್ ಮಾತ್ರ ಲೆಪ್ಪಂದೆ ಹೊಸೇಯನ ಗ್ರಂಥದ ವಚನೊಡು ತಾನ್ ಪಂಡಿಲೆಕ್ಕ ಪಿದಯಿದ ಜನೊಕುಲೆಡ್ದ್‌ಲಾ ಲೆತ್ತೆ. ಆ ವಚನ ದಾನೆಂದ್ಂಡ, “ಎನ ಜನ ಅತ್ತಂದಿನಾಕುಲೆನ್ಲಾ ಎನ ಜನ ಪಂಡ್ದ್, ಯಾನ್ ಪ್ರೀತಿ ಮಲ್ಪಂದಿನಲೆನ್ ಎನ ಪ್ರೀತಿದಾಲ್ ಪಂಡ್ದ್ ಲೆಪ್ಪೆ.”

1 ಕೊರಿಂಥ್ಯೆರೆಗ್ 1:9

ದಾಯೆಗಂದ್ಂಡ ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತೆ ಇನ್ಪಿ ತನ ಮಗನ ಅನ್ಯಮನ್ಯಡ್ ನಿಕ್ಲೆನ್ ಲೆತ್ತಿ ದೇವೆರ್ ನಂಬಿಗಸ್ತೆ ಆದುಲ್ಲೆ.

2 ಕೊರಿಂಥ್ಯೆರೆಗ್ 12:9

ಆಂಡ ಯೇಸು ಎಂಕ್ ಪಂಡೆ, “ಎನ ದಯನೇ ನಿಕ್ಕ್ ಯಾವು. ಬಲದಾಂತಿನಪಗನೇ ನಿಕ್ಕ್ ಪೂರ್ತಿ ಬಲ ತಿಕ್ಕುಂಡು.” ಅಂಚಾದ್ ಕ್ರಿಸ್ತನ ಬಲ ಎನಡ ಸ್ಥಿರ ಆಪಿಲೆಕ್ಕ ಯಾನ್ ಎನ ಬಲದಾಂತಿ ಸ್ಥಿತಿಟ್ಟೆ ಮಸ್ತ್ ಸಂತೋಷೊಡು ಪುಗರೊನ್ವೆ.

ಎಫೆಸ್ಯೆರೆಗ್ 4:1

ನಿಕುಲು ದೇವೆರೆಡ್ ಲೆಪ್ಪು ಆದಿತ್ತಿನಕುಲಾದ್ ಆ ಲೆಪ್ಪುಗು ಯೋಗ್ಯೆರಾದ್ ನಡಪುಡೊಡು ಅಂದ್‌ದ್ ಕರ್ತವನ ಸೇವೆಗ್ ಸೆರೆಮನೆಟುಪ್ಪು ಯಾನ್ ನಿಕ್ಲೆಡ ನಟ್ಟೊನ್ವೆ.

ಎಫೆಸ್ಯೆರೆಗ್ 4:4

ನಿಕುಲು ಒಂಜೇ ಶರೀರ, ಒಂಜೇ ಆತ್ಮನ್ ಪಡೆಯಿನಾಕುಲು ಒಂಜೆ ಪಧವಿನ್ ನಿರೀಕ್ಷೆ ಮಲ್ಪೆರೆ ಲೆಪ್ಪು ಇತ್ತಿನಾಕುಲಾದುಲ್ಲರ್. ನಿಕ್ಲೆಗ್ ಕರ್ತವೆ ಒರಿಯೆ, ಭರವಸೆ ಒಂಜೆ, ದೀಕ್ಷಾಸ್ನಾನ ಒಂಜೆ.

ಫಿಲಿಪ್ಪಿಯೆರೆಗ್ 3:8

ಅಂದ್, ನೆಡ್ದ್ ಹೆಚ್ಚಾದ್ ಎನ ಕರ್ತವೆ ಆದುಪ್ಪು ಕ್ರಿಸ್ತ ಯೇಸುನು ತೆರಿಯೊನುನೆತ್ತ ಮಲ್ಲ ಭಾಗ್ಯದ ಎದುರುಡು ಉಂದು ಮಾತಲಾ ವ್ಯರ್ಥ ಆದುಂಡು. ಆಯಗಾದ್ ಮಾತೆನ್ ಕಳೆವೊಂದು ಯಾನ್ ಅವೆನ್ ಕಜವು ಅಂದ್‌ದ್ ಎನ್ನ್‌ದೆ.

ಫಿಲಿಪ್ಪಿಯೆರೆಗ್ 4:8

ಕಡೆಕ್ಕ್ ಸಹೋದ್ರೆರೇ, ಒವು ಮಾತ ಸತ್ಯದವು ಮಾರ್ಯಾದಿದವು ನೀತಿದವು, ನಿರ್ಮಲದವು ಪ್ರೀತಿದವು ಬೊಕ್ಕ ಮಾತೆರ್ ಮೆಚ್ಚುನವು ಆದುಂಡಾ ಒವು ಎಡ್ಡೆಂತಿನ ಆದುಂಡಾ ಬೊಕ್ಕ ಪುಗರಿಕೆಗ್ ಯೋಗ್ಯದವು ಆದುಂಡಾ ಅವೆನ್ ಮಾತ ನೆನೆಪುಗು ಕನಲೆ.

ಕೊಲೊಸ್ಸಿಯೆರೆಗ್ 1:16

ಪರಲೋಕ ಭೂಲೋಕೊಡುಪ್ಪು ಮಾತಲಾ ಕಣ್ಣ್‌ಗ್ ತೋಜುನವು, ತೋಜಂದಿನವು ಪಂಡ್ಂಡ ಗದ್ದಿಗೆಲಾವಡ್, ಮಲ್ಲಾದಿಗೆ ಆವಡ್, ದೊರೆತನೊಲಾವಡ್, ಅಧಿಕಾರೊಲಾವಡ್ ಆಯಡ್ದೇ ಸೃಷ್ಟಿ ಆತಿನಾದುಂಡು. ಮಾತಲಾ ಆಯಡ್ದೇ ಆಯಗಾದ್‌ಲಾ ಸೃಷ್ಟಿ ಆತಿನಾದುಂಡು.

1 ಥೆಸಲೋನಿಕೆರೆಗ್‌ 2:12

ನಿಕ್ಲೆನ್ ತನ ರಾಜ್ಯೊಗ್ಲಾ ಮೈಮೆಗ್ಲಾ ಪಾಲ್‌ದಾರೆರ್ ಆಯೆರೆ ಲೆತ್ತಿ ದೇವೆರೆಗ್ ಯೋಗ್ಯಾದ್ ನಡತೊನೊಡು ಅಂದ್‌ದ್ ಕಂಡಿತಾದ್ ಪನ್ಪಿನೆನ್ ನಿಕುಲು ತೆರಿದುಲ್ಲರ್.

1 ಥೆಸಲೋನಿಕೆರೆಗ್‌ 4:7

ದೇವೆರ್ ನಮನ್ ಅಶುದ್ಧ ಜೀವನ ಮಲ್ಪೆರೆ ಲೆಯ್ದಿನಿ ಅತ್ತ್, ಪರಿಶುದ್ಧ ಜೀವನ ಮಲ್ಪೆರೆ ಲೆಯ್ದಿನಿ.

2 ಥೆಸಲೋನಿಕೆರೆಗ್‌ 2:14

ಎಂಕ್ಲೆನ ಸುವಾರ್ತೆಡ್ದ್ ದೇವೆರ್ ನಿಕ್ಲೆನ್ ರಕ್ಷಣೆಗ್ ಲೆತ್ತೆ, ಐಡ್ದಾವರ ನಿಕುಲು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಮೈಮೆಡ್ ಪಾಲ್‌ದಾರೆರಾದುಲ್ಲರ್.

1 ತಿಮೋಥಿ 4:8

ದಾಯೆಗಂದ್ಂಡ ಶರೀರದ ವ್ಯಾಯಾಮ ಒಂತೆದೆಕ್ ಪ್ರಯೋಜನ, ಆಂಡ ದೇವೆರೆ ಭಕ್ತಿ ಮಾತ ಸಂಗತಿಡ್ಲಾ ಪ್ರಯೋಜನದವು ಆದಿತ್ತ್‌ದ್ ಈ ಲೋಕೊಡ್ಲಾ ನನ ದುಂಬದ ಲೋಕೊಡ್ಲಾ ಜೀವ ಕೊರ್ಪಿನ ವಾಗ್ದಾನ ಆದುಂಡು.

2 ತಿಮೋಥಿ 1:9

ದೇವೆರ್ ನಮ ಎಡ್ಡೆ ಕೆಲಸೊನು ತೂದು ಅತ್ತ್, ತನ ಚಿತ್ತದ ಪ್ರಕಾರ ದಯೆಟ್ ನಮನ್ ರಕ್ಷಣೆ ಮಲ್ತ್‌ದ್ ಪರಿಶುದ್ಧರಾಯೆರೆಗಾದ್ ಲೆತ್ತೆ. ಈ ದಯ ಆದಿಕಾಲೊಗು ದುಂಬು ಕ್ರಿಸ್ತ ಯೇಸುಡು ನಂಕ್ ದೀತ್ಂಡ್. ಇತ್ತೆ ನಮ ರಕ್ಷಕೆ ಆದುಪ್ಪುನ ಯೇಸು ಕ್ರಿಸ್ತಡ್ ತೋಜಿದ್ ಬತ್ತಿನೆಡ್ದ್ ಅವು ನಂಕ್ ತೆರಿದ್ ಬತ್ತ್ಂಡ್. ಆಯೆ ಮರಣದ ಬಲೊನು ಪೊಲ್ತುದು ಸುವಾರ್ತೆಡ್ದ್ ಜೀವೊಗ್ಲಾ ನಿತ್ಯತ್ವೊಗ್ಲಾ ಉಪ್ಪುನ ಸಾದಿದ ಬೊಲ್ಪುನು ತೋಜಾಯೆ.

ಇಬ್ರಿಯೆರೆಗ್ 1:3

ಇಂಬೆ ದೇವೆರೆ ಮೈಮೆದ ಬೊಲ್ಪುಲಾ ಆಯ ಸ್ವಭಾವದ ಪ್ರತಿರೂಪಲಾ ಆದಿತ್ತ್‌ದ್ ತನ ಬಾಯಿ ಪಾತೆರದ ಶಕ್ತಿಡ್ದ್ ಮಾತೆಕ್ ಆಧಾರ ಆದುಲ್ಲೆ. ಆಯೆ ಜನೊಕುಲೆನ್ ಪಾಪೊಲೆಡ್ದ್ ಶುದ್ಧ ಮಲ್ತಿ ಬೊಕ್ಕ ಪರಲೋಕೊಡು ಮಲ್ಲಾದಿಗೆದ ಸ್ಥಾನೊಡು ದೇವೆರೆ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂಡೆ.

1 ಪೇತ್ರೆ 1:15

ಆಂಡ ನಿಕ್ಲೆನ್ ಲೆತ್ತಿನಾಯೆ ಪರಿಶುದ್ಧದಾಯೆ, ಅಂಚೆನೇ ನಿಕುಲುಲಾ ಮಾತ ನಡವಳಿಕೆಡ್ಲಾ ಪರಿಶುದ್ಧ ಆದುಪ್ಪುಲೆ.

1 ಪೇತ್ರೆ 1:5

ಅಂತ್ಯ ಕಾಲೊಡು ತೋಜಿದ್ ಬರಿಯೆರೆಗ್ ತಯಾರಾದುಪ್ಪು ರಕ್ಷಣೆ, ನಂಬಿಕೆಡ್ ಉಪ್ಪುನಾಕುಲೆಗ್ ತಿಕ್ಕೊಡು ಅಂದ್‌ದ್ ದೇವೆರ್ ತನ ಬಲೊಟು ಕಾಪುವೆ.

1 ಪೇತ್ರೆ 2:21

ಐಕಾದ್ ದೇವೆರ್ ನಿಕ್ಲೆನ್ ಎಡ್ಡೆ ಕೆಲಸೊನು ಮಲ್ತ್‌ದ್ ಕಷ್ಟ ಸೈಸೊನಿಯೆರೆ ಲೆತ್ತ್‌ದೆ, ಅಂಚೆನೆ ಕ್ರಿಸ್ತೆಲಾ ನಿಕ್ಲೆಗ್ ಬೋಡಾದ್ ಕಷ್ಟ ತಿಂದ್‌ದ್, ನಿಕುಲು ಆಯನ ಪಿರವುಡು ನಡಪುಲೆಕ್ಕ ಮಾದ್ರಿ ತೋಜಾಯೆ.

1 ಪೇತ್ರೆ 2:9

ಆಂಡ ನಿಕುಲು ಅಜತ್‌ದಿನ ಜನಾಂಗೊಲು, ಮಾಮಲ್ಲ ಯಾಜಕ ವರ್ಗದಾಕುಲು, ಪರಿಶುದ್ಧ ಜನಾಂಗೊಲು, ದೇವೆರೆನ ಸ್ವಂತ ಜನೊಕುಲು ಆದುಲ್ಲರ್. ದೇವೆರೆ ಕಾರ್ನಿಕೊಲೆನ್ ತೆರಿಪಾವೆರೆ ಅಜತ್‌ದಿನಾಕುಲು ಆದುಪ್ಪುನೆಡ್ದ್ ದೇವೆರ್ ನಿಕ್ಲೆನ್ ಪಾಪದ ಗರ್ಗಂಡ ಕತ್ತಲೆಡ್ದ್ ಲೆತ್ತ್‌ದ್ ತನ ಮೈಮೆದ ಬೊಲ್ಪುಗು ಸೇರಾದಿನಾಯೆ ಆಯೆನೇ.

1 ಪೇತ್ರೆ 3:9

ಅಪಕಾರ ಮಲ್ಪುನಾಯಗ್ ಅಪಕಾರ ಮಲ್ಪಂದೆ, ನೆರ್ಪಿನಾಯಗ್ ನೆರಂದೆ ಆಶೀರ್ವದಿಪುಲೆ. ಐಕ್ ಬೋಡಾದ್ ದೇವೆರ್ ನಿಕ್ಲೆನ್ ಲೆತ್ತ್‌ದೆ. ನಿಕುಲು ಇಂಚ ಮಲ್ಪುವರ್ಡ ದೇವೆರೆ ಆಶೀರ್ವಾದೊನು ಪಡೆವೊನ್ವರ್.

1 ಪೇತ್ರೆ 5:10

ಯೇಸು ಕ್ರಿಸ್ತಡ್ ಒಂಜಾದುಪ್ಪು ನಿಕ್ಲೆನ್ ತನ ನಿತ್ಯ ಮೈಮೆಗ್ ಲೆತ್ತಿ ಪೂರ್ತಿ ದಯತ ದೇವೆರ್, ಒಂತೆ ಸಮಯ ಸಂಕಟ ಬತ್ತಿ ಬೊಕ್ಕ ನಿಕ್ಲೆನ್ ತಕ್ಕ ಸ್ಥಿತಿಗ್ ಕನತ್‌ದ್ ದೃಢ ಮಲ್ತ್‌ದ್, ಬಲ ಪಡೆಪಾವೆ.

2 ಪೇತ್ರೆ 1:10

ಅಂಚಾದ್ ಪ್ರೀತಿದ ಸಹೋದ್ರ ಸಹೋದ್ರಿಲೆ, ದೇವೆರೆ ಲೆಪ್ಪುನ್ಲಾ ಅಜತೊಂಡಿನೆನ್ಲಾ ದೃಢ ಮಲ್ಪೆರೆ ಹೆಚ್ಚಾದ್ ಪ್ರಯಾಸ ಮಲ್ಪುಲೆ. ಈ ಸಂಗತಿಲೆನ್ ನಿಕುಲು ಮಲ್ತೊಂದಿತ್ತರ್ಡ ನಂಬಿಕೆಡ್ ಬೂರ್ದು ಪೋಪುಜರ್.

2 ಪೇತ್ರೆ 1:5

ಈ ಕಾರಣೊಡ್ದಾದ್ ದೇವೆರೆ ವಾಗ್ದಾನೊಲೆಗ್ ಸರಿಯಾದ್ ಬದ್‌ಕ್‌ಲೆ. ನಿಕ್ಲೆ ನಂಬಿಕೆಗ್ ಸದ್ಗುಣೊನು, ಸದ್ಗುಣೊಗು ಗೇನೊನು,

2 ಪೇತ್ರೆ 1:6

ಗೇನೊಗು ದಮೆನ್, ದಮೆಕ್, ತಾಳ್ಮೆನ್, ತಾಳ್ಮೆಗ್ ದೇವಭಕ್ತಿನ್,

2 ಪೇತ್ರೆ 1:8

ಇಂಚಿತ್ತಿ ಗುಣೊಕುಲು ನಿಕ್ಲೆಡ ಇತ್ತ್‌ದ್ ಹೆಚ್ಚಾವೊಂದು ಬತ್ತ್ಂಡ ಎಂಕುಲೆ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಗೇನ ನಿಕ್ಲೆನ್ ಉದಾಸೀನದಾಕುಲುಲಾ ಫಲದಾಂತಿನಾಕುಲುಲಾ ಆವಂದಿಲೆಕ್ಕ ಮಲ್ಪುಂಡು.

2 ಪೇತ್ರೆ 2:20

ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ಗೇನೊನು ಪಡೆವೊಂದು ಲೋಕದ ಕುರೆಪಟ್ಟ್‌ಗ್ ತಪ್ಪಾವೊಂಡಿನಾಕುಲು ಕುಡ ಐಟ್ಟ್ ರೆಂಕೊಂದು ಸೋತು ಪೋಪೆರ್ಡ ಅಕ್ಲೆನ ಕಡೆತ ಸ್ಥಿತಿ ದುಂಬುದೆಡ್ದ್‌ಲಾ ಹೆಚ್ಚ್ ಹಾಳ್ ಆವು.

2 ಪೇತ್ರೆ 3:18

ಆಂಡ ನಮ ಕರ್ತವೆಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತನ ದಯೊಟುಲಾ ಗೇನೊಡುಲಾ ಬಲಪುಲೆ, ಆಯಗ್ ಇತ್ತೆಲಾ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.