1 ತಿಮೋಥಿ 6:5 - ಪೊಸ ಒಡಂಬಡಿಕೆ

⁵ ಅತ್ತಂದೆ ಬುದ್ಧಿಕೆಟ್ಟ್‌ದ್ ಸತ್ಯೊನು ಬುಡ್ತಿನಾಕುಲಾದ್, ದೇವಭಕ್ತಿನ್ ಒಂಜಿ ಲಾಭದ ಉದ್ಯೋಗ ಅಂದ್‌ದ್ ಎನ್ನುನ ಈ ನರಮಾನಿಲೆಡ ನಿತ್ಯದ ಕಚ್ಚಾಟ ಆವೊಂದುಪ್ಪುಂಡು.

1 ತಿಮೋಥಿ 6:5 Iomraidhean Croise

ಮತ್ತಾಯೆ 12:33

“ಎಡ್ಡೆ ಮರತ ಫಲ ಎಡ್ಡೆ ಉಪ್ಪುಂಡು; ಹಾಳ್ ಮರತ ಫಲ ಹಾಳೇ ಆದುಪ್ಪುಂಡು, ಫಲೊಡ್ದು ಮರತ ಗುಣ ಗೊತ್ತಾಪುಂಡು.

ಮತ್ತಾಯೆ 21:13

ಅಕ್ಲೆಗ್, “‘ಎನ ಇಲ್ಲ್ ಪ್ರಾರ್ಥನೆದ ಇಲ್ಲ್ ಆದುಂಡು,’ ಅಂದ್‌ದ್ ಬರೆತ್ಂಡ್. ಆಂಡ ನಿಕುಲು ಅವೆನ್ ಕಲ್ವೆರೆ ಮಾಟೆ ಮಲ್ತ್‌ದರ್,” ಅಂದ್‌ದ್ ಪಂಡೆ.

ಮತ್ತಾಯೆ 23:13

“ಅಯ್ಯೋ, ಕಪಟಿಲಾಯಿ ಶಾಸ್ತ್ರಿಲೇ, ಪರಿಸಾಯೆರೇ, ಪರಲೋಕ ರಾಜ್ಯದ ಬಾಕಿಲ್‌ನ್ ನರಮಾನಿಲೆ ಎದುರು ಮುಚ್ಚಿದ್ ಬುಡ್ಪರ್, ನಿಕುಲಾಂಡಲಾ ಉಲಯಿ ಪೋಪುಜರ್, ಉಲಯಿ ಪೋವೊಡಂದ್ ಉಪ್ಪುನಾಕುಲೆನ್ಲಾ ಪೋಯೆರೆ ಬುಡ್ಪುಜರ್.

1 ಕೊರಿಂಥ್ಯೆರೆಗ್ 11:16

ಒರಿ ಈ ಸಂಗತಿಡ್ ತರ್ಕ ಮಲ್ಪುವೆಡ ಇಂಚಿತ್ತಿ ಕ್ರಮೊಕುಲು ಎಂಕ್ಲೆಡ್ ಇಜ್ಜಿ, ಬೊಕ್ಕ ದೇವೆರೆ ಸಭೆಕ್ಲೆಡ್ಲಾ ಇಜ್ಜಿ ಅಂದ್‌ದ್ ತೆರಿಯೊನಡ್.

2 ಥೆಸಲೋನಿಕೆರೆಗ್‌ 3:6

ಆಂಡ ಸಹೋದ್ರೆರೇ, ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಪುದರ್‌ಡ್ ಎಂಕುಲು ನಿಕ್ಲೆಗ್ ಅಪ್ಪಣೆ ಕೊರ್ಪ ದಾನೆ ಪಂಡ ಎಂಕ್ಲೆಡ್ದ್ ತಿಕ್ಕಿನ ಬೋಧನೆನ್ ಬುಡ್ದು ಸೋಮಾರಿತನೊಟು ಉಪ್ಪುನ ಸಹೋದ್ರೆರೆಡ್ದ್ ದೂರಾದುಪ್ಪುಲೆ.

1 ತಿಮೋಥಿ 1:6

ಕೆಲೆವೆರ್ ಈ ಮುಖ್ಯ ವಿಷಯೊಲೆಡ್ದ್ ತತ್ತ್‌ದ್ ಪೋದು ಬೊಡ್ಚಾವಂದಿನ ತರ್ಕೊಲೆಗ್ ಬೂರ್ದೆರ್.

1 ತಿಮೋಥಿ 3:3

ಆಯೆ ಪರ್ದ್ ಅಮಲೇರಿನಾಯೆಲಾ ಲಡಯಿ ಮಲ್ಪುನಾಯೆಲಾ ಆದುಪ್ಪಂದೆ ಸಜ್ಜನೆ ಆದುಪ್ಪೊಡು. ಪೊಕ್ಕಡೆ ತರ್ಕಮಲ್ಪಂದಿನಾಯೆಲಾ ಕಾಸ್‌ದಾಸೆದಾಂತಿನಾಯೆಲಾ ಆದುಪ್ಪೊಡು.

1 ತಿಮೋಥಿ 3:8

ಅಂಚೆನೇ ಸಭಾಸೇವಕೆರ್‌ ಮಾರ್ಯಾದಿದಾಕುಲು ಆದುಪ್ಪೊಡು ಅತ್ತಂದೆ ಅಕುಲು ರಡ್ಡ್ ಪಾತೆರದಾಕುಲುಲಾ, ಪರ್ಪಿನ ಅಭ್ಯಾಸದಾಕುಲುಲಾ, ದುಡ್ಡುದ ಆಸೆದಾಕುಲುಲಾ ಆದುಪ್ಪಂದೆ;

1 ತಿಮೋಥಿ 4:7

ಬಜೀ ಅಜ್ಜಿಕತೆತ ಲೆಕ್ಕ ಲೋಕದ ಕತೆಕ್ಲೆನ್ ದೂರ ಮಲ್ತ್‌ದ್ ಐತ ಪಗತೆಗ್ ದೇವಭಕ್ತಿಡ್ ಉಪ್ಪೆರೆ ನಿನನ್ ತಯಾರ್ ಮಲ್ತೊನ್ಲ.

1 ತಿಮೋಥಿ 4:8

ದಾಯೆಗಂದ್ಂಡ ಶರೀರದ ವ್ಯಾಯಾಮ ಒಂತೆದೆಕ್ ಪ್ರಯೋಜನ, ಆಂಡ ದೇವೆರೆ ಭಕ್ತಿ ಮಾತ ಸಂಗತಿಡ್ಲಾ ಪ್ರಯೋಜನದವು ಆದಿತ್ತ್‌ದ್ ಈ ಲೋಕೊಡ್ಲಾ ನನ ದುಂಬದ ಲೋಕೊಡ್ಲಾ ಜೀವ ಕೊರ್ಪಿನ ವಾಗ್ದಾನ ಆದುಂಡು.

1 ತಿಮೋಥಿ 6:6

ತೃಪ್ತಿ ಕೊರ್ಪಿನ ಭಕ್ತಿ ಮಲ್ಲ ಲಾಭ ಇತ್ತಿನವೇ ಆದುಂಡು.

2 ತಿಮೋಥಿ 3:5

ಭಕ್ತಿದ ವೇಷೊಡಿತ್ತ್‌ದ್ ಐತ ಬಲೊನು ತಿರಸ್ಕಾರ ಮಲ್ಪುನಾಕುಲು ಆದುಪ್ಪೆರ್. ಇಂಚಿತ್ತಿನಾಕುಲೆನ ಸಹವಾಸ ಮಲ್ಪಡ.

2 ತಿಮೋಥಿ 3:8

ಯನ್ನ, ಯಂಬ್ರ, ಇನ್ಪಿನಾಕುಲು ಮೋಶೆಗ್ ಎದುರುಂತಿಲೆಕ್ಕನೆ ಮೊಕುಲುಲಾ ಸತ್ಯೊಗು ಎದುರುಂತುವೆರ್, ಬುದ್ಧಿಡ್ ಹಾಳಾಯಿನಾಕುಲುಲಾ ಯೇಸು ಮಿತ್ತ್ ದೀತಿ ನಂಬಿಕೆಡ್ ತೆಟ್ಟ್‌ದ್ ಪೋಯಿನಾಕುಲಾದುಲ್ಲೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:11

ಮೊಕುಲು ವಾ ತರೊಟುಲಾ ಲಾಭ ಮಲ್ತೊನೊಡಂದ್‌ದ್ ತಪ್ಪು ಬೋಧನೆನ್ ಮಲ್ತ್‌ದ್ ಇಡೀ ಇಲ್ಲ್‌ನೆ ಕಂಕಣೆ ಪಾಡ್ವೆರ್. ಅಕ್ಲೆನ ಬಾಯಿ ಮುಚ್ಚೊಡು.

2 ಪೇತ್ರೆ 2:15

ಅಕುಲು ಸರ್ತ ಸಾದಿಡ್ದ್ ತೇಲಾದ್ ಬೆಯೋರನ ಮಗೆ ಬಿಳಾಮನ ಮಾರ್ಗೊಡು ಸಾಗ್‌ದ್ ತತ್ತ್‌ದ್ ಪೋತೆರ್. ಈ ಬಿಳಾಮೆ ಅನ್ಯಾಯೊಡು ತಿಕ್ಕುನ ದುಡ್ಡುನು ಪ್ರೀತಿ ಮಲ್ತೆ.

2 ಪೇತ್ರೆ 2:3

ಅಕುಲು ದುರಾಶೆಡ್ ಕೂಡ್ದಿನಕುಲಾದ್ ನಿಕ್ಲೆನ ದುಡ್ಡುನು ಒಯ್ಪೆರೆಗಾದ್ ಸುಳ್ಳುನು ಕಲ್ಪನೆ ಮಲ್ತ್‌ದ್ ಪನ್ಪೆರ್, ಆಂಡ ದೇವೆರ್ ಅಕ್ಲೆನ್ ಏಪನೇ ದೋಷಿಲಂದ್‌ದ್ ನ್ಯಾಯತೀರ್ಪು ಮಲ್ತ್‌ದೆ. ಬೊಕ್ಕ ಅಕ್ಲೆನ ನಾಶನ ತಡದಾಂತೆ ಬರ್ಪುಂಡು.

ಯೂದೆ 1:11

ಮೊಕುಲು ಮೆಗ್ಯನ್ ಕೆರ್ತಿ ಕಾಯಿನನ ಮಾರ್ಗೊಡು ನಡಪುವೆರ್, ದ್ರವ್ಯ ಸಂಪಾದನೆಗಾದ್ ಬಿಳಾಮನ ತಪ್ಪು ಮಾರ್ಗೊನು ಪತ್ತೊಂದೆರ್, ಕೋರಹ ಲೆಕ್ಕನೇ ದಂಗೆ ಮಲ್ತ್‌ದ್ ನಾಶಾದ್ ಪೋಪೆರ್. ಅಯ್ಯೋ ಮೊಕ್ಲೆನ ಗತಿ ದಾನೆ ಆವು?

ಪ್ರಕಟಣೆ 18:13

ಲವಂಗಚೆಕ್ಕೆ, ಧೂಪ, ರಕ್ತಬೋಳ, ಕಮ್ಮೆನದ ತೈಲ, ದ್ರಾಕ್ಷಾರಸ, ಎಣ್ಣೆ, ಎಡ್ಡೆ ಹಿಟ್ಟ್, ಗೋದಿ, ಕೈಕಂಜಿಲು, ಕುರಿ, ಕುದುರೆಲು, ರಥೊಲು, ಗುಲಾಮೆರ್, ನರಮಾನಿಲು ಉಂದೆನ್ ಮಾತೆನ್ ದೆತ್ತೊನುನಾಕುಲು ಏರ್ಲಾ ಇಜ್ಜೆರತ್ತಾ ಅಂದ್‌ದ್ ದುಃಖ ಮಲ್ಪುವೆರ್.

ಪ್ರಕಟಣೆ 18:3

ಮಾತ ಜನಾಂಗೊಲು ಆಲೆನ ಹಾದ್ರದ ದ್ರಾಕ್ಷಾರಸೊನು ಪರಿಯೆರ್. ಲೋಕದ ಅರಸುನಕುಲು ಆಲೆನ ಒಟ್ಟುಗು ವ್ಯಭಿಚಾರ ಮಲ್ತೆರ್. ಆಲೆನ ಸುಖತ್ತ ಬಲೊಡ್ದು ಲೋಕದ ವ್ಯಾಪಾರಿಲು ಐಶ್ವರ್ಯವಂತೆರಾಯೆರ್,” ಅಂದ್‌ದ್ ಪಂಡೆ.