1 ತಿಮೋಥಿ 6:4 - ಪೊಸ ಒಡಂಬಡಿಕೆ

⁴ ಆಯೆ ಒಂಜೆನ್ಲಾ ತೆರಿಯಂದೆ ತರ್ಕಲಾ ಚರ್ಚೆಲಾ ಮಲ್ಪುನಾಯೆ ಆದ್ ಅಹಂಕಾರೊಡು ಕಣ್ಣ್ ತೋಜಂದಿನಾಯೆ ಆದುಲ್ಲೆ. ಉಂದೆಡ್ದಾದ್ ಮಚ್ಚರ, ಲಡಯಿ, ದೂಷಣೆ, ಹಾಳ್ ಸಂಶಯೊಲು ಮಾತ ಪುಟ್ಟುಂಡು.

1 ತಿಮೋಥಿ 6:4 Iomraidhean Croise

ಅಪೊ.ಕ್ರಿ 15:2

ಐಡ್ದಾವರ ಪೌಲು ಬೊಕ್ಕ ಬಾರ್ನಬಡ ಮಲ್ಲ ತರ್ಕ ಉಂಡಾಂಡ್. ಉಂದೆತ್ತ ಸಂಗತಿಡ್ ಪೌಲುಲಾ ಬಾರ್ನಬೆಲಾ ತನ್ಕುಲೆಡ್ದೇ ಬೇತೆ ಕೆಲೆವೆರೆನ್ಲಾ ಯೆರೂಸಲೇಮುಡಿತ್ತಿ ಅಪೊಸ್ತಲೆರೆ ಬೊಕ್ಕ ಸಭೆತ ಹಿರಿಯೆರ್‌ನ ಕೈತಲ್‌ ಪೋವೊಡು ಅಂದ್‌ದ್ ತೀರ್ಮಾನ ಮಲ್ತೆರ್.

ಅಪೊ.ಕ್ರಿ 18:15

ಆಂಡ ನಿಕ್ಲೆ ಉಲಯಿ ಉಪ್ಪು ಬೋಧನೆ, ಪುದರ್, ನ್ಯಾಯಕಟ್ಟ್ ಉಂದೆತ್ತ ತರ್ಕ ಇತ್ತ್ಂಡಲಾ ಅವೆನ್ ನಿಕುಲೇ ತೂವೊನ್ಲೆ. ಇಂಚಿನ ಸಂಗತಿಲೆನ್ ನ್ಯಾಯತೀರ್ಪು ಮಲ್ಪೆರೆ ಎಂಕಂತು ಮನಸಿಜ್ಜಿ,” ಅಂದ್‌ದ್ ಕಡಪುಡಿಯೆ.

ಅಪೊ.ಕ್ರಿ 8:9

ಆಂಡ ಮಸ್ತ್ ಸಮಯೊಡ್ದಿಂಚಿ ಆ ಪೇಂಟೆಡ್ ಸೀಮೋನೆ ಪನ್ಪಿನಾಯೆ ಒರಿ ನರಮಾನಿ ತಾನ್ ಬಾರೀ ಮಲ್ಲ ಜನ ಅಂದ್‌ದ್ ಎನ್ನೊಂದು ಮಂತ್ರವಾದ ಮಲ್ತೊಂದು ಸಮಾರ್ಯದ ಜನೊಕುಲೆನ್ ಬೆರ್ಮೆ ಮಲ್ತೊಂದಿತ್ತೆ.

ರೋಮಾಯೆರೆಗ್ 12:16

ನಿಕ್ಲೆ ನಿಕ್ಲೆನ ಉಲಯಿ ಒಂಜೇ ಮನಸ್‌ದಾಕುಲು ಆದುಪ್ಪುಲೆ. ಮಲ್ಲಾದಿಗೆಡ್ ಮನಸ್ ದೀವಂದೆ ತಗ್ಗ್‌ದಿನಾಕುಲೆಡೊಪ್ಪ ಕೂಡೊನ್ಲೆ. ನಿಕ್ಲೆನ್ ನಿಕುಲೇ ಬುದ್ಧಿವಂತೆರಂದ್‌ದ್ ಎನ್ನೊನಡೆ.

ರೋಮಾಯೆರೆಗ್ 13:13

ಪಗೆಲ್‌ದ ಬೊಲ್ಪುಡು ಉಪ್ಪುನಾಕುಲೆ ಲೆಕ್ಕ ನಮ ಸರಿಯಾದ್ ನಡಪುಗ. ನಾಚಿಗೆದ ಕೆಲಸೊಲೆಡಾವಡ್, ಬೊಡ್ಚಾಂದಿ ತಮ್ಮಣ, ಪರ್ಪಾಟ, ಅನೀತಿದ ಕಾರ್ಯೊಡಾವಡ್, ಲಡಯಿ, ಕಿಚ್ಚಿಮಚ್ಚರೊಲೆಡಾವಡ್ ಪೊರ್ತು ಕಳೆವಂದೆ ಪಗೆಲ್‌ದಾಕುಲೆ ತಕ್ಕ ಮಾನಸ್ಥೆರಾದ್ ನಡಪುಗ.

ರೋಮಾಯೆರೆಗ್ 14:1

ನಂಬಿಕೆಡ್ ಬಲಹೀನ ಇತ್ತಿನಾಕುಲೆನ್ಲಾ ಸೇರಾವೊನ್ಲೆ; ಆಂಡ ಅಕ್ಲೆನ ಎದರುಡು ಸಂಶಯದ ಸಂಗತಿಲೆನ್ ಚರ್ಚೆ ಮಲ್ಪಡೆ.

ರೋಮಾಯೆರೆಗ್ 2:8

ಏರ್ ತನ್ಕುಲೆ ಸ್ವಾರ್ಥೊಡು ಸತ್ಯದೆನ್ ಕೈಕೊನಂದೆ ಅನ್ಯಾಯೊನು ಕೈಕೊನುವೆರಾ, ಅಕ್ಲೆಗ್ ಕೋಪಲಾ ಉಗ್ರಲಾ ಬರ್ಪುಂಡು.

1 ಕೊರಿಂಥ್ಯೆರೆಗ್ 11:16

ಒರಿ ಈ ಸಂಗತಿಡ್ ತರ್ಕ ಮಲ್ಪುವೆಡ ಇಂಚಿತ್ತಿ ಕ್ರಮೊಕುಲು ಎಂಕ್ಲೆಡ್ ಇಜ್ಜಿ, ಬೊಕ್ಕ ದೇವೆರೆ ಸಭೆಕ್ಲೆಡ್ಲಾ ಇಜ್ಜಿ ಅಂದ್‌ದ್ ತೆರಿಯೊನಡ್.

1 ಕೊರಿಂಥ್ಯೆರೆಗ್ 11:18

ಸುರುತ್ತವು ದಾನೆ ಪಂಡ ಸಭೆ ಆದ್ ಸೇರ್ದ್ ಬನ್ನಗ ನಿಕ್ಲೆಡ್ ಪಂಗಡೊಲು ಉಂಡಾಪುಂಡು ಅಂದ್‌ದ್ ಕೇಂಡ್ದೆ; ಬೊಕ್ಕ ಉಂದು ಒಂತೆ ಮಟ್ಟ್‌ಗ್ ಅಂದ್, ಅಂದ್‌ದ್ ನಂಬುವೆ.

1 ಕೊರಿಂಥ್ಯೆರೆಗ್ 3:18

ಏರ್ಲಾ ತನನ್ ತಾನೇ ಮೋಸ ಮಲ್ತೊನಂದೆ ಉಪ್ಪಡ್. ನಿಕ್ಲೆಡ್ ಏರ್ಲಾ ತನನ್ ಈ ಲೋಕೊಡು ಬುದ್ಧಿವಂತೆ ಅಂದ್‌ದ್ ಎನ್ನೊನುವೆಡ ಆಯೆ ನಿಜಾದ್ ಬುದ್ಧಿವಂತೆ ಆಪಿಲೆಕ್ಕ ತನನ್ ತಾನ್ ಹೆಡ್ಡೆಲೆಕ್ಕ ಮಲ್ತೊನಡ್.

1 ಕೊರಿಂಥ್ಯೆರೆಗ್ 3:3

ದಾಯೆಗಂದ್ಂಡ ನಿಕುಲು ಶರೀರಭಾವದಾಕುಲಾದ್ ಬದುಕೊಂದು ಉಲ್ಲರ್; ನಿಕ್ಲೆ ಉಲಯಿ ಮಚ್ಚರ, ಲಡಾಯಿಲು ಉಪ್ಪುನೆಡ್ದ್ ನಿಕುಲು ಶರೀರಭಾವ ಇತ್ತಿನಕುಲಾದ್ ಸಾಧಾರಣ ನರಮಾನಿಲೆಕ್ಕ ಉಲ್ಲರತ್ತಾ?

2 ಕೊರಿಂಥ್ಯೆರೆಗ್ 11:20

ಒರಿ ನಿಕ್ಲೆನ್ ತನ್ಕುಲೆಗ್ ವಶ ಮಲ್ತೊಂಡೆಡ ನಿಕ್ಲೆನ್ ದೋಚಿಯೆಡ ನಿಕ್ಲೆನ್ ಉಪಯೋಗ ಮಲ್ತೊಂಡೆಡ ನಿಕ್ಲೆ ಎದುರುಡು ಒರಿ ಹೆಚ್ಚಾಳ್ಮೆ ಮಲ್ತೊಂಡೆಡ ನಿಕ್ಲೆ ಮೋನೆಗ್ ಹಾಕಿಯೆಡಲಾ ಅಂಚಿತ್ತಿನಾಕುಲೆನ್ ಸಹಿಸೊನುವರತ್ತಾ?

ಗಲಾತ್ಯೆರೆಗ್ 5:15

ನಿಕುಲು ಒರಿಯಗ್ ಒರಿ ತುಚ್ಚಿದ್ ಪರ್ತೊಂದು ದಿಂಗುನಾಕುಲಾಯರ್ಡ ಒರಿಯಡ್ದೊರಿ ನಾಶ ಆಪರ್, ತೂವೊನ್ಲೆ.

ಗಲಾತ್ಯೆರೆಗ್ 5:26

ನಮ ಪೊಕ್ಕಡೆದ ಪುಗರಿಕೆಗ್ ಆಸೆ ಮಲ್ಪಂದೆ ಒರಿ ಒರಿಯಗ್ ಕೋಪ ಲಕ್ಕಾವಂದೆ, ಒರಿ ಒರಿಯಗ್ ಮಚ್ಚರ ಮಲ್ಪಂದೆ ಉಪ್ಪುಗ.

ಗಲಾತ್ಯೆರೆಗ್ 6:3

ಒರಿ ದಾಲಾ ಆದುಪ್ಪಂದೆ ತನನ್ ತಾನ್ ಮಲ್ಲಾಯೆ ಅಂದ್‌ದ್ ಎನ್ನುವೆಡ, ತನ್ಕ್ ತಾನೇ ಮೋಸ ಮಲ್ತೊನ್ವೆ.

ಫಿಲಿಪ್ಪಿಯೆರೆಗ್ 1:15

ಕೆಲೆವೆರ್ ಮಚ್ಚರೊಡು ತರ್ಕೊಗಾದ್ ಬೇತೆ ಕೆಲೆವೆರ್ ಎಡ್ಡೆ ಮನಸ್‌ಡ್ದ್ ಕ್ರಿಸ್ತನ್ ಸಾರಿಯುವೆರ್.

ಫಿಲಿಪ್ಪಿಯೆರೆಗ್ 2:14

ಗುಣುಗುಟ್ಟಂದೆಲಾ ವಾದ ಮಲ್ಪಂದೆಲಾ ಮಾತೆನ್ ಮಲ್ಪುಲೆ.

ಫಿಲಿಪ್ಪಿಯೆರೆಗ್ 2:3

ಸ್ವಾರ್ಥದಾಕುಲಾವಡೆ, ನನೊರಿಯನ್ ಮೆಚ್ಚಾವೆರೆ ಪೋವಡೆ, ತಗ್ಗಾವೊನ್ಲೆ, ನನೊರಿಯನ್ ತನ್ಕುಲೆಡ್ದ್ ಹೆಚ್ಚ್‌ದಾಕುಲು ಅಂದ್‌ದ್ ಎನ್ನ್‌ಲೆ.

ಕೊಲೊಸ್ಸಿಯೆರೆಗ್ 2:18

ಕೆಲೆವೆರ್ ತೀರಾ ತಗ್ಗಾವೊನ್ನೆಟ್ಲಾ ದೂತೆರೆ ಪೂಜೆ ಮಲ್ತ್‌ದ್ ತನ್ಕುಲೆಗ್ ದರ್ಶನ ಆತ್ಂಡ್ ಅಂದ್‌ದ್ ಪುಗರೊನ್ವೆರ್ ಬೊಕ್ಕ ಲೌಕೀಕ ಬುದ್ಧಿಡ್ ಆಧಾರದಾಂತೆ ಸೊರ್ಕುದು ಪೋತೆರ್.

2 ಥೆಸಲೋನಿಕೆರೆಗ್‌ 2:4

ಆ ಅನ್ಯಾಯಗಾರೆ ಪ್ರತಿಯೊಂಜೆನ್ ವಿರೋಧ ಮಲ್ತ್‌ದ್ ತಾನೇ ಮಲ್ಲಾಯೆ ಅಂದ್‌ದ್ ಮೆಚ್ಚಾವೊಂದು, ತಾನೇ ದೇವೆರ್ ಪನೊಂದು, ಪೂಜೆಗ್ ತಕ್ಕದಾಯೆ ಅಂದ್‌ದ್ ದೇವೆರೆನ ಗರ್ಭಗುಡಿಟೇ ಕುಲ್ಲುವೆ.

1 ತಿಮೋಥಿ 1:4

ಅಂಚೆನೇ, ಕಟ್ಟುಕತೆಕ್ಲೆಗ್ಲಾ ಕೊಡಿಮುದೆಲ್ ಇಜ್ಜಂದಿನ ಸಂತಾನ ಪಟ್ಟಿಲೆಗ್ಲಾ ಗೇನ ಕೊರಿಯೆರೆ ಬಲ್ಲಿ ಪಂಡ್ದ್, ದುಂಬು ಯಾನ್ ನಿಕ್ಕ್ ಅಪ್ಪಣೆ ಕೊರ್ತಿ ಲೆಕ್ಕನೇ ಇತ್ತೆಲಾ ಪನೊಂದುಲ್ಲೆ. ಇಂಚಿತ್ತಿನವು ದುಂಬಗ್ ತರ್ಕ ಪುಟ್ಟಾವುನವು ಅತ್ತಂದೆ ದೇವೆರ್ ಮಲ್ಪೊಡಿತ್ತಿ ಕೆಲಸೊಲೆಗ್ ಬಳಕೆ ಆಪುಜಿ. ಅವು ನಂಬಿಕೆಡ್ದ್ ಸಾದ್ಯ ಆಪುಂಡು. ಶುದ್ಧ ಹೃದಯ, ಎಡ್ಡೆ ಮನಸಾಕ್ಷಿ, ಕಪಟದಾಂತಿ ನಂಬಿಕೆ, ಇಂಚಿತ್ತಿನೆಡ್ದ್ ಉಂಡಾಯಿ ಪ್ರೀತಿಯೇ ದೇವೆರೆ ಪಾತೆರದ ಬೋಧನೆ ಆದುಂಡು.

1 ತಿಮೋಥಿ 1:7

ಅಕುಲು ನ್ಯಾಯಕಟ್ಟ್‌ದ ಬೋಧಕೆರ್ ಅಂದ್‌ದ್ ತೋಜಾವೊನಿಯೆರೆ ಆಸೆ ಮಲ್ಪುವೆರ್. ಆಂಡ ಅಕುಲು ತನ್ಕುಲು ಮಲ್ಪುನ ಬೋಧನೆನ್ಲಾ ಪಾತೆರುನ ವಿಷಯೊನ್ಲಾ ತೆರಿಯಂದಿನಾಕುಲಾದುಲ್ಲೆರ್.

1 ತಿಮೋಥಿ 3:6

ಆಯೆ ಪೊಸತ್ತಾದ್ ಸಭೆಕ್ ಸೇರ್ದಿನಾಯೆ ಆದುಪ್ಪರೆ ಬಲ್ಲಿ. ಇಂಚಾಂಡ ಆಯೆ ಅಹಂಕಾರದಾಯೆ ಆದ್ ಸೈತಾನಗ್ ಬರ್ಪಿ ತೀರ್ಪು ಆಯ ಮಿತ್ತ್‌ಲಾ ಬರಿಯೆರೆ ಕಾರಣ ಆವು.

2 ತಿಮೋಥಿ 2:14

ಈ ಸಂಗತಿಲೆನ್ ಮಾತೆರೆಗ್ ನೆನೆಪು ಪುಟ್ಟಾಲ, ಕೇನುನಾಕುಲೆಗ್ ತೊಂದರೆ ಆಪಿನತ್ತಂದೆ, ವಾ ಪ್ರಯೋಜನೊಗ್ಲಾ ಬರಂದಿ ತರ್ಕೊಲೆನ್ಲಾ ಮಲ್ಪೆರೆ ಬಲ್ಲಿ ಅಂದ್‌ದ್ ಅಕ್ಲೆಗ್ ದೇವೆರೆ ಸನ್ನಿಧಿಡ್ ಅಪ್ಪಣೆ ಕೊರ್ಪೆ.

2 ತಿಮೋಥಿ 2:23

ಬುದ್ಧಿದಾಂತಿ ವ್ಯರ್ಥ ತರ್ಕೊಲು ಅವು ಲಡಯಿಗ್ ಕಾರಣಾದುಂಡು ಪನ್ಪಿನೆನ್ ಈ ತೆರಿದ್ ಐತ ಸುದ್ಧಿಗ್ ಪೋವಡ.

2 ತಿಮೋಥಿ 3:4

ದೇವೆರೆನ ಪೋಡಿಗೆದಾಂತಿನಾಕುಲು, ಹೆಮ್ಮೆದಾಕುಲು, ಮೂರ್ಖೆರ್, ದೇವೆರೆನ್ ಪ್ರೀತಿ ಮಲ್ಪುನೆಡ್ದ್ ಹೆಚ್ಚಾದ್ ಭೋಗೊಲೆನ್ ಪ್ರೀತಿ ಮಲ್ಪುನಾಕುಲು,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:9

ಬುದ್ಧಿದಾಂತಿನ ತರ್ಕೊಲೆಗಾವಡ್ ಸಂತಾನ ಪಟ್ಟಿಲೆಗಾವಡ್ ನ್ಯಾಯಕಟ್ಟ್‌ಗ್ ಸಮ್ಮಂಧ ಪಡೆಯಿನ ಮಾತ ತರ್ಕ ಲಡಾಯಿಲೆಗಾವಡ್ ದೂರ ಆದುಪ್ಪುಲ. ಉಂದು ಮಾತ ಪ್ರಯೋಜನದಾಂತಿನವುಲಾ ಕೆಲಸೊಗು ಬರಂದಿನವುಲಾ ಆದುಂಡು.

ಯಾಕೋಬು 1:19

ಎನ ಪ್ರೀತಿದ ಸಹೋದ್ರೆರೇ, ಉಂದೆನ್ ತೆರಿಯೊನ್ಲೆ, ಪ್ರತಿಯೊರಿಲಾ ಕೇನುನೆಕ್ಕ್ ಬೇಗ, ಪಾತೆರ್‌ನೆಕ್ಕ್ ಮೆಲ್ಲ ಬೊಕ್ಕ ಕೋಪೊಗು ನಿಧಾನಿ ಆದುಪ್ಪೊಡು.

2 ಪೇತ್ರೆ 2:12

ಆಂಡ ಸ್ವಾಭಾವಿಕ ಆದ್ ಬೋಂಟೆಗ್ಲಾ ಕೆರಿಯೆರೆಗ್ಲಾ ಪುಟ್ಟುದಿನ ಬುದ್ಧಿದಾಂತಿನ ಪ್ರಾಣಿಲೆಕ್ಕ ಈ ದುರ್ಮಾರ್ಗೊಡು ಉಪ್ಪುನಾಕುಲು ತನ್ಕುಲೆಗ್ ತೆರಿಯಂದಿ ವಿಚಾರೊಡು ದೂಷಣೆ ಮಲ್ತೊಂದುಪ್ಪುವೆರ್. ಮೊಕುಲು ತನ್ಕುಲೆ ಹಾಳ್‌ತನೊಡ್ದಾದ್ ತನ್ಕುಲೇ ಹಾಳಾದ್ ಪೋಪೆರ್.

2 ಪೇತ್ರೆ 2:18

ತಪ್ಪು ಸಾದಿಡ್ ನಡಪುನಾಕುಲೆನ ಸಹವಾಸೊಡ್ದು ಇಂಚೊಗು ತಪ್ಪಾವೊಂಡಿನಾಕುಲೆನ ಒಟ್ಟುಗು, ಮೊಕುಲು ಬಂಡ್ ಪಾತೆರೊಂದು, ಮಲ್ಲ ಮಲ್ಲ ಬಂಟ್‌ನ್ ಪುಗರೊಂದು, ಶರೀರದಾಶೆನ್ ಪುಟ್ಟಾದ್ ಅಕ್ಲೆನ್ ತಿಕ್ಕಾವೆರ್.

ಯೂದೆ 1:10

ಆಂಡ ಈ ಜನೊಕುಲು ತನ್ಕುಲೆಗ್ ಗೊತ್ತುದಾಂತಿನೆನ್ ದೂಷಿಯುವೆರ್, ಬುದ್ಧಿದಾಂತಿ ಪ್ರಾಣಿಲೆ ಲೆಕ್ಕ ಪುಟ್ಟು ಸ್ವಭಾವೊಡ್ದು ತನ್ಕುಲೆನ್ ಹಾಳ್ ಮಲ್ತೊನುವೆರ್.

ಯೂದೆ 1:16

ಇಂಚಿತ್ತಿನಾಕುಲು ಗುಣುಗುಟ್ಟುನಾಕುಲು, ಒರಿಯನ ತಪ್ಪುನು ನಾಡ್ ಪತ್ತುನಾಕುಲು, ತನ್ಕುಲೆ ಇಚ್ಚೆಲೆಗ್ ತಕ್ಕ ನಡಪುನಾಕುಲು, ಬೂಟು ಪಾತೆರುನಾಕುಲು, ಅವ್ವತ್ತಂದೆ ಲಾಭೊಗಾದ್ರ ಮೋನೆಗ್ ತಕ್ಕ ಪಾತೆರುನಾಕುಲು ಆದುಲ್ಲೆರ್.

ಪ್ರಕಟಣೆ 3:17

“ಈ ನಿನ ವಿಚಾರೊಡು, ‘ಯಾನ್ ಐಶ್ವರ್ಯವಂತೆ, ಸಂಪನ್ನೆ, ಎಂಕ್ ಒಯಿಕ್‌ಲಾ ಕಮ್ಮಿ ಇಜ್ಜಿ,’ ಪನೊಂದುಲ್ಲ. ಆಂಡ ಈ ದರಿದ್ರೆಲಾ, ಕರುಣೆಗ್ ತಕ್ಕದಾಂತಿನಾಯೆಲಾ, ನಟ್ಟುನಾಯೆಲಾ, ಕುರುಡೆಲಾ, ಮೆಯಿಕ್ ಕುಂಟುದಾಂತೆ ಬತ್ತಲೆಡುಲ್ಲ ಪನ್ಪಿನವು ನಿಕ್ಕ್ ತೆರಿಯಂದ್.