1 ತಿಮೋಥಿ 6:3 - ಪೊಸ ಒಡಂಬಡಿಕೆ

³ ಏರಾಂಡಲಾ ಒರಿ ಬೇತೆ ಬೋಧನೆ ಕೊರ್ದು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಸರಿ ಇತ್ತಿ ಪಾತೆರೊಗ್ಲಾ ಭಕ್ತಿಗ್ ತಕ್ಕಾದುಪ್ಪು ಬೋಧನೆಗ್ಲಾ ಒಪ್ಪಿಯಂದೆ ಪೋಂಡ,

1 ತಿಮೋಥಿ 6:3 Iomraidhean Croise

ಮತ್ತಾಯೆ 22:21

ಅಕುಲು, “ಕೈಸರನವು,” ಅಂದ್‌ದ್ ಪಂಡೆರ್. “ಅಂಚಾಂಡ ಕೈಸರನೆನ್ ಕೈಸರಗ್ ಕೊರ್ಲೆ ಬೊಕ್ಕ ದೇವೆರ್‌ನೆನ್ ದೇವೆರೆಗ್ ಕೊರ್ಲೆ,” ಅಂದ್‌ದ್ ಪಂಡೆ.

ಮತ್ತಾಯೆ 28:20

ಯಾನ್ ನಿಕ್ಲೆಗ್ ಅಪ್ಪಣೆ ಕೊರಿನವು ಮಾತೆನ್ಲಾ ಕೈಕೊನ್ರೆ ಅಕ್ಲೆಗ್ ಬೋಧನೆ ಕೊರ್ಲೆ. ತೂಲೆ, ಯಾನ್ ಯುಗತ ಅಂತ್ಯ ಮುಟ್ಟಲಾ ಮಾತ ದಿನ ನಿಕ್ಲೆಡೊಪ್ಪ ಉಪ್ಪುವೆ,” ಅಂದ್‌ದ್ ಪಂಡೆ.

ರೋಮಾಯೆರೆಗ್ 16:17

ಎನ ಸಹೋದ್ರೆರೇ, ನಿಕುಲು ಕಲ್ತೊಂಡಿ ಬೋಧನೆಗ್ ವಿರೋಧಾದ್ ಭೇದ ಆತಂಕ ಮಲ್ಪುನಾಕುಲೆ ಮಿತ್ತ್ ಕಣ್ಣ್ ದೀದ್ ಅಕ್ಲೆಡ್ದ್ ದೂರ ಉಪ್ಪುಲೆ ಪಂಡ್ದ್ ನಿಕ್ಲೆಡ ನಟ್ಟೊನ್ವೆ.

1 ಥೆಸಲೋನಿಕೆರೆಗ್‌ 4:8

ಇಂಚ ಉಪ್ಪುನಗ ಈ ಪಾತೆರೊಲೆನ್ ತಿರಸ್ಕಾರ ಮಲ್ಪುನಾಯೆ ನರಮಾನಿಲೆನ್ ತಿರಸ್ಕಾರ ಮಲ್ಪುನು ಮಾತ್ರತ್ತಂದೆ, ನಿಕ್ಲೆಗ್ ಪರಿಶುದ್ಧಾತ್ಮ ವರ ಕೊರ್ಪಿನ ದೇವೆರೆನ್ಲಾ ತಿರಸ್ಕಾರ ಮಲ್ಪುನಾಯೆ ಆದುಲ್ಲೆ.

1 ತಿಮೋಥಿ 1:3

ಯಾನ್ ಮಕೆದೋನ್ಯೊಗು ಪೋನಗ ಈ ಎಫೆಸಡೆ ಇತ್ತ್‌ದ್ ಅಲ್ಪ ಉಪ್ಪುನ ಕೆಲೆವೆರೆಗ್, ನಿಕುಲು ಬೇತೆ ಬೋಧನೆನ್ ಮಲ್ಪೆರೆ ಬಲ್ಲಿ ಪಂಡ್ದ್‌ಲಾ

1 ತಿಮೋಥಿ 1:6

ಕೆಲೆವೆರ್ ಈ ಮುಖ್ಯ ವಿಷಯೊಲೆಡ್ದ್ ತತ್ತ್‌ದ್ ಪೋದು ಬೊಡ್ಚಾವಂದಿನ ತರ್ಕೊಲೆಗ್ ಬೂರ್ದೆರ್.

2 ತಿಮೋಥಿ 1:13

ಈ ಕ್ರಿಸ್ತ ಯೇಸುಡು ನಂಬಿಕೆಲಾ ಪ್ರೀತಿಲಾ ಇತ್ತಿನಾಯೆ ಆದ್, ಎನಡ್ದ್ ಕೇಂಡಿನ ಸ್ವಸ್ಥ ಬೋಧನೆನ್ ಮಾದ್ರಿ ಆದ್ ದೀದ್ ಬುಡಂದೆ ಪತ್ತೊನ್ಲ.

2 ತಿಮೋಥಿ 4:3

ದಾಯೆಗಂದ್ಂಡ ಜನೊಕುಲು ಸತ್ಯ ಇತ್ತಿ ಬೋಧನೆಗ್ ಕೆಬಿ ಕೊರಂದಿನಾಕುಲಾದ್, ತನ್ಕುಲೆಗ್ ಬೋಡಿತ್ತಿನೆನ್ ಕೇನುಲೆಕ್ಕ ಇತ್ತಿ ದುರಾಶೆಲೆಗ್ ಅನುಕೂಲವಾಯಿ ಬೋಧಕರೆನ್ ದೀವೊನ್ವೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:1

ದೇವೆರೆ ದಾಸೆಲಾ ಯೇಸು ಕ್ರಿಸ್ತನ ಅಪೊಸ್ತಲೆಲಾ ಆಯಿ ಪೌಲು ನಂಕ್ ಒಟ್ಟುಗುಪ್ಪು ನಂಬಿಕೆದ ಬಗೆಟ್ ತನ ನಿಜ ಮಗೆ ಆದುಪ್ಪು ತೀತಗ್ ಬರೆಪಿನಿ ದಾನೆಂದ್ಂಡ, ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ನಮ ರಕ್ಷಕೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಕ್ ದಯಲಾ, ಸಮಾಧಾನಲಾ ಆವಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:9

ಆಯೆ ಎಡ್ಡೆ ಬೋಧನೆದ ವಿಚಾರೊಡು ಬೇತೆಕ್ಲೆಗ್ ಉಮೇದ್ ಕೊರಿಯೆರೆಗ್ಲಾ ವಿರೋಧ ಮಲ್ಪುನಾಕುಲೆನ ಬಾಯಿ ಕಟ್ಟಿಯೆರೆಗ್ಲಾ ಬೋಧನೆಗ್ ಸಮಾದುಪ್ಪು ನಂಬಿಕೆದ ಪಾತೆರೊನು ದೃಢಾದ್ ಕೈಕೊನುನಾಯೆಲಾ ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.