1 ತಿಮೋಥಿ 6:2 - ಪೊಸ ಒಡಂಬಡಿಕೆ

² ಏರೆಗಾಂಡಲಾ ಕ್ರಿಸ್ತನ್ ನಂಬುನ ಯಜಮಾನೆರ್ ಇತ್ತೆರ್ಡ ಅಕುಲು ಆ ಯಜಮಾನನ್ ಸಹೋದರೆ ಅಂದ್‌ದ್ ಉದಾಸೀನ ಮಲ್ಪಂದೆ, ತನ್ಕುಲೆನ ಬೇಲೆದ ಫಲೊನು ಹೊಂದುನಾಕುಲುಲಾ ನಂಬುನಾಕುಲುಲಾ ಪ್ರೀತಿದಾಕುಲುಲಾ ಆದುಲ್ಲೆರಂದ್‌ದ್ ತೆರಿದ್ ಅಕ್ಲೆ ಸೇವೆನ್ ಹೆಚ್ಚಾದ್ ಮಲ್ಪಡ್. ಈ ಬೋಧನೆ ಕೊರ್ದು ಎಚ್ಚರಿಕೆ ಮಲ್ಪುಲ.

1 ತಿಮೋಥಿ 6:2 Iomraidhean Croise

ಮತ್ತಾಯೆ 23:8

ಆಂಡ ನಿಕುಲು ಬೋಧಕೆರಂದ್‌ದ್ ಪನ್ಪಾವೊನಡೆ; ದಾಯೆಗ್ ಪಂಡ ಕ್ರಿಸ್ತೆ ಒರಿಯೇ ನಿಕ್ಲೆಗ್ ಬೋಧಕೆ, ನಿಕುಲು ಮಾತ ಸಹೋದ್ರೆರ್.

ಮತ್ತಾಯೆ 25:40

ಐಕ್ ಅರಸು, ‘ಎನ ಸಹೋದ್ರೆರೆಡ್ ಬಜೀ ಅಲ್ಪೆರಾಯಿ ಒರಿಯಗ್ ಎಂಚೆಂಚಿನ ಮಲ್ತರಾ ಅವು ಎಂಕ್ ಮಲ್ತಿಲೆಕ್ಕ ಆಂಡ್ ಅಂದ್‌ದ್ ನಿಕ್ಲೆಗ್ ನಿಜಾದ್ ಪನ್ಪೆ,’ ಅಂದ್‌ದ್ ಪಂಡೆ.

ಮತ್ತಾಯೆ 6:24

“ಏರ್ಲಾ ರಡ್ಡ್ ಯಜಮಾನನ ಚಾಕ್ರಿ ಮಲ್ಪೆರೆ ಸಾದ್ಯ ಇಜ್ಜಿ. ಆಯೆ ಒರಿಯನ್ ಪಗೆ ಮಲ್ತ್‌ದ್ ಬೊಕ್ಕೊರಿಯನ್ ಪ್ರೀತಿ ಮಲ್ಪುವೆ. ಇಜ್ಜಾಂಡ ಒರಿಯನ್ ಎಡ್ಡೆ ಮಲ್ತೊಂದು ಬೊಕ್ಕೊರಿಯನ್ ತಾತ್ಸಾರ ಮಲ್ಪುವೆ. ನಿಕುಲು ದೇವೆರೆನ್ಲಾ ಕಾಸ್‌ನ್ಲಾ ಒಟ್ಟುಗು ಸೇವೆ ಮಲ್ಪೆರೆ ಆವಂದ್.

ಅಪೊ.ಕ್ರಿ 1:15

ಆ ದಿನೊಕುಲೆಡ್ ಸುಮಾರ್ ನೂತ್ತ ಇರ್ವ ಮಂದಿ ಸಹೋದ್ರೆರ್ ಸೇರ್ದುಪ್ಪುನಗ ಪೇತ್ರೆ ಅಕ್ಲೆ ನಡುಟು ಉಂತುದು ಇಂಚ ಪಂಡೆ.

ರೋಮಾಯೆರೆಗ್ 11:17

ಆಂಡ ಕೆಲವು ಗೆಲ್ಲುಲು ಪೊಲ್ತುದು ಪಾಡ್ದ್, ಕಾಟ್ ಇಪ್ಪೆ ಆದಿತ್ತಿ ನಿನನ್ ಐತ ಇಡೆಟ್ ಕಸಿ ಕಟ್ಟಾವೊಂಡಿನಾಯೆ ಆದ್, ಇಪ್ಪೆ ಮರತ ಬುಲೆದಿ ಬೇರ್‌ಡ್ ಪಾಲ್ ಪಡೆಯಿನೆಡ್ದಾವರ ಈ ಆ ಗೆಲ್ಲ್‌ಲೆನ್ ಗೆನ್ಪಂದೆ ನಿನನ್ ಹೆಚ್ಚಾವೊನಡ.

ರೋಮಾಯೆರೆಗ್ 8:29

ದಾಯೆಗಂದ್ಂಡ ದೇವೆರ್ ತನ ಮಗಕ್ಕ್ ಸುಮಾರ್ ಜನ ಸಹೋದ್ರೆರ್ ಇತ್ತ್‌ದ್ ಅಕ್ಲೆಡ್ ಆಯೆನೇ ಕಡೀರ್‌ದಾಯೆ ಆವೊಡು ಪಂಡ್ದ್ ಎನ್ನ್‌ದ್ ತಾನ್ ಏರೆನ್ ತನ್ನಾಕುಲು ಪಂಡ್ದ್ ದುಂಬು ತೆರಿಯೊಂಡೆನಾ ಅಕ್ಲೆನ್ ತನ ಮಗನಲೆಕ್ಕ ದುಂಬೇ ನೇಮಕ ಮಲ್ತೆ.

ಗಲಾತ್ಯೆರೆಗ್ 5:6

ದಾಯೆಗಂದ್ಂಡ ನಮ ಕ್ರಿಸ್ತ ಯೇಸುಡು ಉಪ್ಪುನಗ, ಸುನ್ನತಿ ಆಂಡಲಾ ಪ್ರಯೋಜನ ಇಜ್ಜಿ. ಸುನ್ನತಿದಾಂತೆಲಾ ಪ್ರಯೋಜನ ಇಜ್ಜಿ, ಪ್ರೀತಿಡ್ ಯೇಸುನ ಮಿತ್ತ್ ನಂಬಿಕೆ ದೀದ್ ನಡಪುನವೇ ಪ್ರಯೋಜನ ಆದುಂಡು.

ಎಫೆಸ್ಯೆರೆಗ್ 1:1

ದೇವೆರೆ ಚಿತ್ತದ ಪ್ರಕಾರ, ಕ್ರಿಸ್ತ ಯೇಸುನ ಅಪೊಸ್ತಲೆ ಆಯಿ ಪೌಲು, ಎಫೆಸೊಡುಪ್ಪುನ ದೇವಜನೊಕುಲೆಗ್ಲಾ ಕ್ರಿಸ್ತ ಯೇಸುಡು ನಂಬುನಾಕುಲೆಗ್ಲಾ ಬರೆಪಿನಿ ದಾನೆಂದ್ಂಡ,

ಎಫೆಸ್ಯೆರೆಗ್ 1:15

ಇಂಚಾದುಪ್ಪುನಗ, ಕರ್ತವೆ ಆದುಪ್ಪು ಯೇಸುಡು ದೀತಿನ ನಂಬಿಕೆನ್ಲಾ ಮಾತ ದೇವಜನೊಕುಲೆಗ್ ನಿಕುಲು ತೋಜಾವುನ ಪ್ರೀತಿನ್ಲಾ ಯಾನ್ ಕೇನಿನೆಡ್ದಿಂಚಿ, ನಿಕ್ಲೆಗ್ ಬೋಡಾದ್ ಎನ ಪ್ರಾರ್ಥನೆಲೆಡ್ ಬುಡಂದೆ ಉಪಕಾರ ಸ್ತುತಿ ಮಲ್ತ್‌ದ್ ನಿಕ್ಲೆನ್ ನೆನೆಪು ಮಲ್ತೊಂದುಲ್ಲೆ.

ಎಫೆಸ್ಯೆರೆಗ್ 3:6

ಅವು ದಾನೆಂದ್ಂಡ ಪಿದಯಿದ ಜನೊಕುಲು ಸುವಾರ್ತೆಡ್ದ್ ಕ್ರಿಸ್ತ ಯೇಸು ಒಟ್ಟುಗು ಸೇರ್ದಿನಾಕುಲಾದ್ ಯೆಹೂದ್ಯೆರೆ ಒಟ್ಟುಗು ಬಾಧ್ಯೆರ್ ಆದ್ ಒಂಜೇ ಶರೀರದ ಅಂಗೊಲುಲಾ ಅಬ್ರಹಾಮುಗು ಆತಿನ ವಾಗ್ದಾನೊಡು ಪಾಲ್‌ದಾರೆರ್‌ಲಾ ಆದುಲ್ಲೆರ್ ಇನ್ಪಿನವೇ.

ಕೊಲೊಸ್ಸಿಯೆರೆಗ್ 4:1

ಯಜಮಾನೆರೇ, ನಿಕ್ಲೆಗ್ಲಾ ಪರಲೋಕೊಡು ಒರಿ ಯಜಮಾನೆ ಉಲ್ಲೆ ಇನ್ಪಿನೆನ್ ತೆರಿಯೊಂದು ನಿಕ್ಲೆ ಚಾಕ್ರಿದಾಕುಲೆಗ್ ನ್ಯಾಯವಾಯಿನೆನ್ಲಾ ಎಡ್ಡೆಂತಿನೆನ್ಲಾ ಮಲ್ಪುಲೆ.

2 ಥೆಸಲೋನಿಕೆರೆಗ್‌ 1:3

ಸಹೋದ್ರೆರೇ, ನಿಕ್ಲೆನ ನಂಬಿಕೆ ದಿನೊಡ್ದು ದಿನ ಬುಲೆವೊಂದುಂಡು. ಬೊಕ್ಕ ನಿಕ್ಲೆ ಉಲಯಿದ ಪ್ರೀತಿ ನಿಕ್ಲೆ ಮಾತೆರೆಡ್ ಹೆಚ್ಚೊಂದು ಬರ್ಪಿನೆಡ್ದ್ ಎಂಕುಲು ನಿಕ್ಲೆನ ಸಂಗತಿಡ್ ದೇವೆರೆಗ್ ಏಪಲಾ ಉಪಕಾರ ಮಲ್ಪುನವು ಅಗತ್ಯ ಆದುಂಡು.

1 ತಿಮೋಥಿ 4:11

ಈ ಮಾತ ಸಂಗತಿಲೆಗ್ ಅಪ್ಪಣೆ ಕೊರ್ದು ಬೋಧನೆ ಮಲ್ಪುಲ.

1 ತಿಮೋಥಿ 5:1

ಪ್ರಾಯದಾಕುಲೆನ್ ಜೋರ್ ಮಲ್ಪಂದೆ ನಿನ ಸ್ವಂತ ಅಮ್ಮೆ ಅಂದ್‌ದ್ ಎನ್ನ್‌ದ್ ಬುದ್ಧಿ ಪನ್ಲ. ಜವನ್ಯೆರೆನ್ ಮೆಗ್ಯೆಪಲಯೆ ಅಂದ್‌ದ್ ಎನ್ನೊನ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:1

ಈಯಾಂಡಲಾ ತೀತ, ಸ್ವಸ್ಥ ಬೋಧನೆಗ್ ತಕ್ಕಾದ್ ಬೋಧನೆ ಕೊರ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:15

ಈ ಕಾರ್ಯದ ಸಂಗತಿಡ್ ಬೋಧನೆ ಮಲ್ತೊಂದು, ಎಚ್ಚರಿಕೆ ಕೊರೊಂದು ಪೂರ್ತಿ ಅಧಿಕಾರೊಡು ಖಂಡಿಸಾಲ. ಏರ್ಲಾ ನಿನನ್ ಪಿಲ್ಯಾವಂದಿಲೆಕ್ಕ ತೂವೊನ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.

ಇಬ್ರಿಯೆರೆಗ್ 3:1

ಅಂಚಾಯಿನೆಡ್ದ್ ದೇವಜನೊಕುಲಾಯಿ ಸಹೋದ್ರೆರೇ ಪರಲೋಕದ ಭಾಗ್ಯೊಡು ಪಾಲ್‌ದಾರೆರಾವೆರೆ ಲೆಪ್ಪು ಪಡೆತಿನಾಕುಲೆ, ನಮ ನಿಗಂಟ್ ಮಲ್ತೊಂದು ಒಪ್ಪಿಯೊಂಡಿನ ಅಪೊಸ್ತಲೆಲಾ ಪ್ರಧಾನಯಾಜಕೆಲಾ ಆಯಿ ಯೇಸುನು ಗೇನ ಕೊರ್ದು ಯೋಚನೆ ಮಲ್ಪುಲೆ.

ಇಬ್ರಿಯೆರೆಗ್ 3:14

ಸುರುಡ್ದಿಂಚಿ ಇತ್ತಿನ ಭರವಸೊನು ಕಡೆ ಮುಟ್ಟಲಾ ಗಟ್ಟಿಯಾದ್ ಪತ್ತೊನುವಡ ಕ್ರಿಸ್ತಡ ಪಾಲ್‌ದಾರೆರ್ ಆದುಲ್ಲತ್ತಾ.

1 ಪೇತ್ರೆ 5:1

ಸಭೆತ ಹಿರಿಯಾಕುಲೇ, ನಿಕ್ಲೆನ ಜತೆ ಹಿರಿಯಾಯೆ ಆಯಿ ಯಾನ್ ಕ್ರಿಸ್ತ ಶ್ರಮೆಲೆಡ್ ಸಾಕ್ಷಿದಾಯೆ; ನನ ದುಂಬು ತೋಜಿದ್ ಬರ್ಪಿ ಮೈಮೆಡ್ ಪಾಲ್‌ದಾರೆ ಆಯಿ ಯಾನ್ ನಿಕ್ಲೆನ್ ಉತ್ತೇಜನ ಮಲ್ತ್‌ದ್ ಪನ್ಪಿನಿ ದಾನೆ ಪಂಡ,

2 ಪೇತ್ರೆ 2:10

ಮುಖ್ಯಾದ್ ಬಂಡ್‌ತನೊನು ಆಸೆ ಮಲ್ತೊಂದು ಈ ಶರೀರದ ಇಚ್ಚೆ ಆಸೆಲೆಗ್ ಬೋಡಾದ್ ಬದ್‌ಕ್‌ದ್ ದೇವೆರೆನ ಅಧಿಕಾರೊನು ಅಸಡ್ಡೆ ಮಲ್ಪುನಾಕುಲೆಗ್ ಈ ರೀತಿ ಶಿಕ್ಷೆ ಕೊರ್ಪೆ. ಇಂಚಿತ್ತಿನಾಕುಲು ಏರೆಗ್ಲಾ ಪೋಡಿಯಂದೆ ಕುಸಿ ಬತ್ತಿಲೆಕ್ಕ ನಡಪುನಾಕುಲಾದ್ ಮೈಮೆದ ಜಾಗ್‌ಡಿತ್ತಿನಾಕುಲೆನ್ ಪೋಡಿಗೆದಾಂತೆ ದೂಷಿಪುವೆರ್.

ಯೂದೆ 1:8

ಉಂದೇ ರೀತಿಡ್, ಈ ಜನೊಕುಲು ಕನೊಟುಪ್ಪುನಾಕುಲಾದ್ ತನ್ಕುಲೆ ಶರೀರೊನು ಪೇಸಿಗೆ ಕೆಲಸೊಗು ಒಪ್ಪಿಸಾವೆರ್. ದೇವೆರೆ ಅಧಿಕಾರೊನು ಅಸಡ್ಡೆ ಮಲ್ಪುವೆರ್, ಬೊಕ್ಕ ಮೈಮೆದ ದೂತೆರೆನ್ ದೂಷಿಪುವೆರ್.