1 ತಿಮೋಥಿ 6:16 - ಪೊಸ ಒಡಂಬಡಿಕೆ

¹⁶ ಆಯೆ ಒರಿಯೇ ಏಪಲಾ ಸೈಯಂದಿನಾಯೆಲಾ ತೀರಂದಿ ಬೊಲ್ಪುಡು ಉಪ್ಪುನಾಯೆಲಾ ಆದುಲ್ಲೆ. ನರಮಾನಿಲೆಡ್ ಏರ್ಲಾ ಆಯನ್ ತೂತುಜೆರ್, ಏರೆಗ್ಲಾ ಆಯನ್ ತೂವೆರೆ ಆವಂದ್; ಆಯಗ್ ಮಾನಲಾ ನಿತ್ಯ ಬಲಲಾ ಉಪ್ಪಡ್ ಆಮೆನ್.

1 ತಿಮೋಥಿ 6:16 Iomraidhean Croise

ಯೋಹಾನೆ 1:18

ದೇವೆರೆನ್ ಏರ್ಲಾ ಏಪಲಾ ತೂತುಜೆರ್. ಆಂಡ ಅಮ್ಮೆ ಮರ್ಗಿಲ್‌ಡುಪ್ಪು ಒರಿಯೇ ಮಗೆ ದೇವೆರೆನ ಗುರ್ತ ತೆರಿಪಾಯೆ.

ಯೋಹಾನೆ 14:9

ಯೇಸು ಆಯಡ, “ಫಿಲಿಪ್ಪೋ, ಯಾನ್ ಈತ್ ದಿನ ನಿಕ್ಲೆಡೊಪ್ಪ ಇತ್ತ್‌ದ್‌ಲಾ ಈ ನನಲಾ ತೆರಿಯೊಂಡಿಜನಾ. ಎನನ್ ತೂತಿನಾಯೆ ಅಮ್ಮೆರೆನ್ ತೂತೆ ಅಂಚಾದ್ ಈ ಎಂಕ್ಲೆಗ್ ಅಮ್ಮೆರೆನ್ ತೋಜಾವು ಅಂದ್‌ದ್ ಪನ್ಪಿನಿ ಎಂಚ?”

ಯೋಹಾನೆ 6:46

ಏರಾಂಡಲಾ ಅಮ್ಮೆರೆನ್ ತೂತ ಪಂಡ್ಂಡ ನಂಬಡೆ. ದೇವೆರೆ ಕಡೆಡ್ದ್ ಬೈದಿನಾಯೆ ಒರಿಯೇ ಅಮ್ಮೆರೆನ್ ತೂತಿನಾಯೆ.

ಯೋಹಾನೆ 8:58

ಯೇಸು, “ನಿಕ್ಲೆಗ್ ನಿಜಾದ್ ಪನ್ಪೆ, ಅಬ್ರಹಾಮು ಪುಟ್ಟುನೆಕ್ಕ್ ದುಂಬುಡ್ದಿಂಚಿ ಯಾನ್ ಉಲ್ಲೆ,” ಪಂಡೆ.

ಫಿಲಿಪ್ಪಿಯೆರೆಗ್ 4:20

ನಮ ಅಮ್ಮೆ ಆದುಪ್ಪು ದೇವೆರೆಗ್ ಏನಿತ್ಯೇನಿಗ್ಲಾ ಮೈಮೆ ಆವಡ್, ಆಮೆನ್.

ಕೊಲೊಸ್ಸಿಯೆರೆಗ್ 1:15

ಕ್ರಿಸ್ತೆ ಕಣ್ಣ್‌ಗ್ ತೋಜಂದಿ ದೇವೆರೆ ಸ್ವರೂಪ ಆದುಲ್ಲೆ, ಮಾತ ಸೃಷ್ಟಿದ ಸರ್ವಶ್ರೇಷ್ಠ ಕಡೀರ್‌ದ ಮಗನ ಸ್ಥಾನ ಪಡೆಯಿನಾಯೆ ಆದುಲ್ಲೆ.

1 ತಿಮೋಥಿ 1:17

ನಿತ್ಯೊಗು ರಾಜ್ಯ ಆಳುನ ಅರಸುಲಾ, ನಾಶಾವಂದಿನಾಯೆಲಾ ಕಣ್ಣ್‌ಗ್ ತೋಜಂದಿನಾಯೆಲಾ ಆದುಪ್ಪು ಒರಿಯೇ ದೇವೆರೆಗ್ ಏನಿತ್ಯೇನಿಗ್ಲಾ ಮಾನಲಾ ಮೈಮೆಲಾ ಆವಡ್, ಆಮೆನ್.

ಇಬ್ರಿಯೆರೆಗ್ 13:8

ಯೇಸು ಕ್ರಿಸ್ತೆ ಕೋಡೆ ಇತ್ತಿಲೆಕ್ಕನೆ ಇನಿಲಾ ಉಲ್ಲೆ, ಏಪೊಗ್ಲಾ ಅಂಚನೇ ಉಪ್ಪುವೆ.

ಯಾಕೋಬು 1:17

ಮಾತ ಎಡ್ಡೆಂತಿನವುಲಾ ಕುಂದೆಲ್‌ದಾಂತಿ ಉಡಿಗೆರೆಲಾ ಬೊಲ್ಪುಲೆನ್ ಉಂಡು ಮಲ್ತಿ ಪರಲೋಕದ ಅಮ್ಮೆ ಆದುಪ್ಪು ದೇವೆರೆಡ್ದ್ ಜತ್ತ್‌ದ್ ಬರ್ಪುಂಡು. ಆಯೆ ಏಪೊಗ್ಲಾ ಎಡ್ಡೆಂತಿನೆನೇ ಕೊರ್ಪಿನಾಯೆ, ಅತ್ತ್‌ಡ ಆಯೆ ನಿರೆಲ್‌ದ ಲೆಕ್ಕ ದುಂಬು ಪಿರ ಪೋಪಿನಾಯೆ ಅತ್ತ್.

1 ಯೋಹಾನೆ 1:5

ದೇವೆರ್ ಬೊಲ್ಪು ಆದುಲ್ಲೆ ಬೊಕ್ಕ ಆಯಡ ಏತ್ ಮಾತ್ರಲಾ ಕತ್ತಲೆ ಇಜ್ಜಿ. ಉಂದೆನ್ ಎಂಕುಲು ಆಯಡ್ದ್ ಕೇಂಡ್ದ್ ನಿಕ್ಲೆಗ್ ತೆರಿಪಾವುನ ಪಾತೆರ ಆದುಂಡು.

1 ಯೋಹಾನೆ 1:7

ಆಂಡ ದೇವೆರ್ ಬೊಲ್ಪುಡು ಉಪ್ಪುಲೆಕ್ಕನೇ ನಮಲಾ ಬೊಲ್ಪುಡು ನಡತೊನ್ವಡ, ನಂಕ್ ಒರಿಯಡೊಪ್ಪ ಒರಿಯಗ್ ಅನ್ಯಮನ್ಯ ಉಂಡು, ಬೊಕ್ಕ ದೇವೆರೆ ಮಗೆ ಆದುಪ್ಪು ಯೇಸುನ ನೆತ್ತೆರ್ ನಮನ್ ಮಾತ ಪಾಪೊಡ್ದು ಶುದ್ಧ ಮಲ್ಪುಂಡು.

1 ಯೋಹಾನೆ 4:12

ದೇವೆರೆನ್ ಏರ್ಲಾ ಏಪಲಾ ತೂತುಜೆರ್. ಆಂಡ ನಮ ಒರಿಯನ್ ಒರಿ ಪ್ರೀತಿ ಮಲ್ಪುನಾಂಡ ದೇವೆರ್ ನಮಡ ನಿಲೆ ಆದುಲ್ಲೆ ಬೊಕ್ಕ ಆಯನ ಪ್ರೀತಿ ನಮಡ ಪೂರ್ತಿ ಆದುಂಡು.

ಪ್ರಕಟಣೆ 1:6

ಬೊಕ್ಕ ನಮನ್ ತನ ಅಮ್ಮೆ ಆದುಪ್ಪು ದೇವೆರೆಗ್ ರಾಜೆರಾದ್‌ಲಾ ಯಾಜಕೆರಾದ್‌ಲಾ ಮಲ್ತಿನಾಯಗ್ ಏನಿತ್ಯೇನಿಗ್ಲಾ ಮೈಮೆಲಾ ಬಲಲಾ ಆವಡ್, ಆಮೆನ್.

ಪ್ರಕಟಣೆ 1:8

“ಯಾನ್ ಆದಿಲಾ ಅಂತ್ಯಲಾ, ವರ್ತಮಾನ, ಭೂತ, ಭವಿಷ್ಯತ್ ಕಾಲೊಡು ಉಪ್ಪುನಾಯೆಲಾ ಸರ್ವಶಕ್ತೆಲಾ ಆದುಲ್ಲೆ.” ಅಂದ್‌ದ್ ದೇವೆರಾದುಪ್ಪು ಕರ್ತವೆ ಪನ್ಪೆ.

ಪ್ರಕಟಣೆ 21:3

ಉಂದತ್ತಂದೆ ಗದ್ದಿಗೆಡ್ದ್ ಬತ್ತಿ ಒಂಜಿ ಮಲ್ಲ ಸ್ವರ ಎಂಕ್ ಕೇಂಡ್‌ಂಡ್, “ಇಂದಾ, ದೇವೆರೆ ಗುಡಾರ ಇತ್ತೆ ಆಯನ ಜನೊಕುಲೆಡೊಪ್ಪ ಉಂಡು. ಅಕುಲು ಆಯಗ್ ಪ್ರಜೆಕುಲು ಆದುಪ್ಪುವೆರ್. ದೇವೆರ್ ತಾನೇ ಅಕ್ಲೆಡೊಪ್ಪ ಉಪ್ಪುವೆ.”

ಪ್ರಕಟಣೆ 22:5

ಅಲ್ಪ ರಾತ್ರೆ ಉಪ್ಪುಜಿ; ತುಡರ್ ಅತ್ತ್‌ಡ ಸೂರ್ಯನ ಅಗತ್ಯ ಇಜ್ಜಿ. ಕರ್ತವೆ ಆದುಪ್ಪು ದೇವೆರ್ ಅಕ್ಲೆಗ್ ಬೊಲ್ಪು ಕೊರೊಂದುಪ್ಪುವೆ. ಅಕುಲು ಏನಿತ್ಯೇನಿಗ್ಲಾ ಆಳುವೆರ್.

ಪ್ರಕಟಣೆ 4:11

“ಕರ್ತವಾ, ಎಂಕುಲೆ ದೇವೆರೇ, ಈ ಮೈಮೆ, ಮಾನ, ಬಲ ಪಡೆಯುನೆಕ್ಕ್ ತಕ್ಕದಾಯೆ ಆದುಲ್ಲ, ಮಾತೆನ್ಲಾ ಸೃಷ್ಟಿ ಮಲ್ತ್‌ದಿನಾಯೆ ಈಯೇ; ಮಾತಲಾ ನಿನ ಚಿತ್ತೊಡ್ದೇ ಇತ್ತಿನವು, ನಿನ ಚಿತ್ತೊಡೇ ಉಂಡಾತಿನವು, ಅಂದ್‌ದ್ ಪನೊಂದು,” ಏನಿತ್ಯೇನಿಗ್ಲಾ ಉಪ್ಪುನಾಯನ್ ಆರಾಧನೆ ಮಲ್ತೊಂದಿತ್ತೆರ್.

ಪ್ರಕಟಣೆ 7:12

“ಆಮೆನ್, ಆಶೀರ್ವಾದ, ಮೈಮೆ, ಗೇನ, ಉಪಕಾರ ಸ್ತುತಿ, ಮಾನ, ಬಲ, ಅಧಿಕಾರ ಮಾತಲಾ ನಮ ದೇವೆರೆಗ್ ಏನಿತ್ಯೇನಿಗ್ಲಾ ಉಪ್ಪಡ್ ಆಮೆನ್,” ಅಂದ್‌ದ್ ರಾಗ ಮಲ್ತೆರ್.