1 ತಿಮೋಥಿ 5:8 - ಪೊಸ ಒಡಂಬಡಿಕೆ

⁸ ಆಂಡ ತನ್ಕುಲೆ ಸಮ್ಮಂಧದಾಕುಲೆನ್, ಐಟ್ಟ್‌ಲಾ ಸ್ವಂತ ಇಲ್ಲದಾಕುಲೆನ್ ತೂವಂದಿನಾಕುಲು ನಿಜ ನಂಬಿಕೆನ್ ತಿರಸ್ಕಾರ ಮಲ್ಪುನಾಕುಲು ಆದುಲ್ಲೆರ್. ಇಂಚಿತ್ತಿನಾಕುಲು ನಂಬಿಕೆದಾಂತಿನಾಕುಲೆಡ್ದ್‌ಲಾ ಕಡೆ ಆದುಲ್ಲೆರ್.

1 ತಿಮೋಥಿ 5:8 Iomraidhean Croise

ಮತ್ತಾಯೆ 18:17

ಆಯೆ ಅಕ್ಲೆ ಪಾತೆರೊನ್ಲಾ ಕೇಂಡಿಜೆಡ ಸಭೆಕ್ ಪನ್ಲ; ಆಂಡ ಸಭೆತಲಾ ಪಾತೆರೊನು ಕೇನಂದೆ ಪೋಯೆಡ ಆಯೆ ನಿಕ್ಕ್ ಪಿದಯಿದ ಜನೊಕುಲೆ ಲೆಕ್ಕಲಾ, ಸುಂಕದಾಯಲೆಕ್ಕಲಾ ಉಪ್ಪಡ್.

ಮತ್ತಾಯೆ 7:11

ಅಂಚಾಂಡ ಪಡಿಕೆಂತಿನಕುಲಾಯಿ ನಿಕುಲು ನಿಕ್ಲೆನ ಜೋಕುಲೆಗ್ ಎಡ್ಡೆ ವಸ್ತುಲೆನ್ ಕೊರ್ಪಿನಕುಲಾಂಡ; ಪರಲೋಕೊಡುಪ್ಪು ನಿಕ್ಲೆನ ಅಮ್ಮೆ ತನಡ ಕೇನುನಾಕುಲೆಗ್ ಏತೋ ಹೆಚ್ಚಾದ್ ಎಡ್ಡೆ ವಸ್ತುಲೆನ್ ಕೊರುವೆತ್ತಾ?

ಯೋಹಾನೆ 15:22

ಯಾನ್ ಬತ್ತ್‌ದ್ ಅಕ್ಲೆಡ ಪಾತೆರಂದೆ ಇತ್ತೆಡ, ಅಕ್ಲೆಗ್ ಪಾಪ ಇತ್ತ್‌ದ್ವಂದ್. ಆಂಡ ಇತ್ತೆ ಅಕುಲು ಮಲ್ತಿನ ಪಾಪೊಲೆಗಾದ್ ಅಕ್ಲೆಗ್ ನೆವನ ಕೊರಿಯೆರೆ ಆಪುಜಿ.

1 ಕೊರಿಂಥ್ಯೆರೆಗ್ 6:6

ಸಹೋದರೆ ತನ ಸಹೋದ್ರನ ಮಿತ್ತ್ ವ್ಯಾಜ್ಯ ಮಲ್ಪುನು ಅತ್ತಂದೆ ಅವೆನ್ ನಂಬಿಕೆದಾಂತಿನಾಕುಲೆ ಎದುರು ಕೊನೊಪಿನವು ಸರಿಯಾ?

2 ಕೊರಿಂಥ್ಯೆರೆಗ್ 12:14

ಯಾನ್ ಮೂಜನೇ ಸರ್ತಿ ನಿಕ್ಲೆ ಕೈತಲ್‌ ಬರಿಯೆರೆ ತಯಾರಾದುಲ್ಲೆ; ಅಪಗಲಾ ನಿಕ್ಲೆಗ್ ದಾಲಾ ದುನ್ನ ಆದುಪ್ಪುಜಿ. ದಾಯೆ ಪಂಡ ನಿಕ್ಲೆ ಸೊತ್ತುನು ಬಯಕಂದೆ ನಿಕ್ಲೆನೇ ಯಾನ್ ಬಯಕುವೆ. ಜೋಕುಲು ಅಪ್ಪೆಅಮ್ಮೆಗಾದ್ ಆಸ್ತಿ ಕೂಡಾವುನತ್ತ್; ಅಪ್ಪೆಅಮ್ಮೆ ಜೋಕಲೆಗಾದ್ ಆಸ್ತಿ ಕೂಡಾದ್ ದೀಪಿನವೇ.

2 ಕೊರಿಂಥ್ಯೆರೆಗ್ 6:15

ಕ್ರಿಸ್ತಗ್ಲಾ ಸೈತಾನಗ್ಲಾ ಒಪ್ಪಂದ ಮಲ್ಪೊಲಿಯಾ? ನಂಬುನಾಯಗ್ಲಾ ನಂಬಂದಿನಾಯಗ್ಲಾ ಪಾಲ್‌ದಾರಿಕೆ ಉಂಡಾ?

ಗಲಾತ್ಯೆರೆಗ್ 6:10

ಅಂಚಾದ್ ಎಡ್ಡೆ ಮಲ್ಪೆರೆ ನಂಕ್ ಅವಕಾಸ ಉಪ್ಪುನಗ ಮಾತೆರೆಗ್ಲಾ ಎಡ್ಡೆನೇ ಮಲ್ಪುಗ. ಮುಖ್ಯಾದ್ ಒಂಜೇ ಇಲ್ಲದಾಕುಲೆಲೆಕ್ಕ ಕ್ರಿಸ್ತ ನಂಬಿಕೆಡ್ ಉಪ್ಪುನಾಕುಲೆಗ್ ಮಲ್ಪುಗ.

2 ತಿಮೋಥಿ 2:12

ನಮ ಭಂಗೊನು ತಾಳೊನ್ವಡ, ಆಯ ಒಟ್ಟುಗು ಆಳುವ. ಬೊಕ್ಕ ನಮ ಯೇಸುನು ಆರೆಂಜುವಡ, ಆಯೆಲಾ ನಮನ್ ಆರೆಂಜುವೆ,

2 ತಿಮೋಥಿ 3:5

ಭಕ್ತಿದ ವೇಷೊಡಿತ್ತ್‌ದ್ ಐತ ಬಲೊನು ತಿರಸ್ಕಾರ ಮಲ್ಪುನಾಕುಲು ಆದುಪ್ಪೆರ್. ಇಂಚಿತ್ತಿನಾಕುಲೆನ ಸಹವಾಸ ಮಲ್ಪಡ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:16

ಅಂಚಿತ್ತಿನಾಕುಲು ದೇವೆರೆನ್ ತೆರಿದ ಅಂದ್‌ದ್ ಪಂಡೆರ್ಡಲಾ ತನ್ಕುಲೆ ನಡತೆಡ್ ಆಯನ್ ಅರೆಂಜುನಕುಲಾದುಲ್ಲೆರ್. ಅಕುಲು ಅಸಹ್ಯದಾಕುಲುಲಾ ತಗ್ಗಂದಿನಾಕುಲುಲಾ ಒವುಲಾ ಎಡ್ಡೆ ಕೆಲಸೊನು ಮಲ್ಪೆರೆ ಆವಂದಿನಾಕುಲುಲಾ ಆದುಲ್ಲೆರ್.

2 ಪೇತ್ರೆ 2:1

ಇಸ್ರಾಯೇಲ್ ಜನೊಕುಲೆ ನಡುಟು ಸುಳ್ಳು ಪ್ರವಾದಿಲು ಇತ್ತಿಲೆಕ್ಕ ನಿಕ್ಲೆ ನಡುಟ್ಲಾ ಸುಳ್ಳು ಬೋಧಕೆರ್ ಉಪ್ಪೆರ್. ಅಕುಲು ನಾಶನೊಗು ನಡಪುಡುನ ದುರ್ಬೋಧನೆಲೆನ್ ಗುಟ್ಟುಡು ಕಲ್ಪಾವೆರ್. ತನ್ಕುಲೆನ್ ಕ್ರಯೊಕು ದೆತ್ತೊಂದಿ ಯಜಮಾನನ್ಲಾ ಅರೆಂಜುನಾಕುಲಾದುಲ್ಲೆರ್. ಈ ರೀತಿಡ್ ತನ್ಕುಲೆ ಮಿತ್ತ್ ನಾಶನೊನು ಬೇಗನೆ ಬರ್ಪಾವೊನ್ವೆರ್.

ಯೂದೆ 1:4

ದಾಯೆಗಂದ್ಂಡ, ಭಕ್ತಿದಾಂತಿನಾಕುಲು, ದೇವೆರೆ ದಯೊನು ಲಾಭ ಮಲ್ತೊಂದು ನಾಚಿಗೆ ಪುಟ್ಟಾವು ಕೆಲಸೊಲೆನ್ ಮಲ್ತೊನುವೆರ್. ಇಂಚಿತ್ತಿನಾಕುಲು ನಮ ಒರಿಯೇ ಯಜಮಾನೆಲಾ ನಮ ಕರ್ತವೆಲಾ ಆದುಪ್ಪು ಯೇಸು ಕ್ರಿಸ್ತನ್ ಆರೆಂಜುವೆರ್. ಇಂಚಿತ್ತಿ ಕೆಲವು ಜನೊಕುಲು ಸಭೆಕ್ ಕಲ್ವತನೊಟು ಪೊಗ್ಗುದೆರ್. ಅಕ್ಲೆಗ್ ದೇವೆರೆ ದಂಡನೆ ಆಪುಂಡು ಅಂದ್‌ದ್ ಆದಿಡೇ ಅಕ್ಲೆನ ಸಂಗತಿಡ್ ಬರೆತ್ಂಡ್.

ಪ್ರಕಟಣೆ 2:13

ಈ ಉಪ್ಪುನ ಜಾಗ್‌ನ್ ಯಾನ್ ತೆರಿದೆ. ಅವು ಸೈತಾನನ ಗದ್ದಿಗೆ ಆದುಂಡು. ಆಂಡಲಾ ಈ ಎನ ಪುದರ್‌ನ್ ಬುಡಂದೆ ಪತ್ತೊಂದ. ಈ ಉಪ್ಪುನ ಸೈತಾನನ ಬುಡಾರೊಡು ಎಂಕ್ ನಂಬಿಗಸ್ತೆಲಾ ಸಾಕ್ಷಿದಾಯೆಲಾ ಆದಿತ್ತಿ ಅಂತಿಪನ್ ಕೆರ್ದ್ ಪಾಡಿಯೆರ್. ಆ ದಿನೊಕುಲೆಡ್ಲಾ ಈ ಎನ ಮಿತ್ತ್ ದೀತಿನ ನಂಬಿಕೆನ್ ಮದೆ ಮಲ್ತ್‌ಜ.

ಪ್ರಕಟಣೆ 3:8

ನಿನ ಕೆಲಸೊಲೆನ್ ಯಾನ್ ತೆರಿದೆ. ಇಂದಾ, ನಿನ ಬಲ ಒಂತೆ ಆಂಡಲಾ ಈ ಎನ ಪುದರ್‌ನ್ ಆರೆಂಜಂದೆ ಎನ ಪಾತೆರೊನು ಕಾತೊಂಡಿನೆಡ್ದ್ ನಿನ ಎದುರುಡು ಒಂಜಿ ಬಾಕಿಲ್‌ನ್ ಜತ್ತ್‌ದ್ ದೀತೆ; ಅವೆನ್ ಏರ್ಲಾ ಮುಚ್ಚಯೆರ್.