1 ತಿಮೋಥಿ 5:5 - ಪೊಸ ಒಡಂಬಡಿಕೆ

⁵ ದಿಕ್ಕ್‌ದಾಂತಿ ಒಂಟಿ ವಿಧವೆ, ದೇವೆರೆನ ಮಿತ್ತ್ ಭರವಸೆ ದೀದ್, ರಾತ್ರೆ ಪಗೆಲ್ ನಟ್ಟೊನುನೆಟ್ಲಾ ಪ್ರಾರ್ಥನೆಡ್ಲಾ ನಿಲೆ ಆದುಪ್ಪುವಲ್.

1 ತಿಮೋಥಿ 5:5 Iomraidhean Croise

ಲೂಕೆ 18:1

ಐಡ್ದ್ ಬೊಕ್ಕ ಯೇಸು ತನ ಶಿಷ್ಯೆರೆಗ್, ಬೇಜಾರ್ ಮಲ್ತೊನಂದೆ ಏಪಲಾ ಪ್ರಾರ್ಥನೆ ಮಲ್ತೊಂದುಪ್ಪುಲೆ ಅಂದ್‌ದ್ ಒಂಜಿ ಉಪಕತೆನ್ ಪಂಡೆ.

ಲೂಕೆ 18:7

ದೇವೆರೆನ್ ಅಜತೊಂಡಿನಾಕುಲು ರಾತ್ರೆ ಪಗೆಲ್ ಮುರೆಡ್ನಗ ಆಯೆ ಅಕ್ಲೆ ಸಂಗತಿಡ್ ತಡ ಮಲ್ತ್ಂಡಲಾ ಅಕ್ಲೆ ನ್ಯಾಯೊನು ತೀರ್ಪಂದೆ ಉಪ್ಪೆನಾ?

ಲೂಕೆ 2:37

ಆಲ್ ದೇವಾಲಯೊಡೇ ಇತ್ತ್‌ದ್ ಉಪವಾಸ ಪ್ರಾರ್ಥನೆ ಮಲ್ತೊಂದು ರಾತ್ರೆ ಪಗೆಲ್ ದೇವೆರೆ ಸೇವೆ ಮಲ್ತೊಂದಿತ್ತಲ್.

ಅಪೊ.ಕ್ರಿ 26:7

ನಮ ಪದ್ರಾಡ್ ಗೋತ್ರದಾಕುಲು ರಾತ್ರೆ ಪಗೆಲ್ ಸೇವೆ ಮಲ್ತೊಂದು ಆ ವಾಗ್ದಾನದ ಫಲ ತಿಕ್ಕು ಇನ್ಪಿ ನಿರೀಕ್ಷೆಡ್ ಉಲ್ಲೆರ್; ರಾಜೆರೇ, ಆ ನಿರೀಕ್ಷೆದ ವಿಷಯೊಡೇ ಯೆಹೂದ್ಯೆರ್ ಎನ ಮಿತ್ತ್ ದೋಷಾರೋಪಣೆ ಮಲ್ಪುವೆರ್.

ಅಪೊ.ಕ್ರಿ 6:1

ಆ ದಿನೊಕುಲೆಡ್ ಯೇಸುನ ಶಿಷ್ಯೆರ್ ಹೆಚ್ಚೊಂದಿತ್ತೆರ್. ಅಕ್ಲೆ ನಡುಟು ಗ್ರೀಕ್ ಭಾಷೆ ಪಾತೆರುನಾಕುಲು ಇಬ್ರಿಯ ಭಾಷೆ ಪಾತೆರುನಾಕುಲೆ ಮಿತ್ತ್ ದಿನದಿನತ ಉಪಚಾರೊಡು ವಿಧವೆರೆನ್ ಸಜ್ಜಿಡ್ ಚಾಕ್ರಿ ಮಲ್ಪುಜೆರ್ ಅಂದ್‌ದ್ ಅಪೊಸ್ತಲೆರೆಡ ದೂರು ಕೊರಿಯೆರ್

ಅಪೊ.ಕ್ರಿ 9:39

ಪೇತ್ರೆ ಲಕ್ಕ್‌ದ್ ಅಕ್ಲೆನ ಒಟ್ಟುಗು ಪೋಯೆ. ಆಯೆ ಬತ್ತಿನೆನ್ ತೂದು ಆಯನ್ ಉಪ್ಪರಿಗೆಗ್ ಲೆತ್ತೊಂದು ಪೋಯೆರ್. ಅಲ್ಪ ಕಂಡನಿದಾಂತಿನಾಕುಲು ಮಾತೆರ್ಲಾ ಬುಲ್ತೊಂದು ಪೇತ್ರನ ಕೈತಲ್‌ ಉಂತೊಂದು ದೊರ್ಕ ಜೀವೊಡುಪ್ಪನಗ ಮಲ್ತ್ ಕೊರ್ತಿನ ಅಂಗಿಲೆನ್ ಕುಂಟುಲೆನ್ ತೋಜಾಯೆರ್.

ಅಪೊ.ಕ್ರಿ 9:41

ಆಯೆ ಆಲೆಗ್ ಕೈ ನೀಡ್ದ್ ಲಕ್ಕಾಯೆ. ಬೊಕ್ಕ ದೇವಜನೊಕುಲೆನ್ಲಾ ಕಂಡನಿದಾಂತಿನಾಕುಲೆನ್ಲಾ ಲೆತ್ತ್‌ದ್ ಜೀವೊಡು ಲಕ್ಕಿನಲೆನ್ ಅಕ್ಲೆನ ಎದುರು ಉಂತಾಯೆ.

ರೋಮಾಯೆರೆಗ್ 1:12

ದಾಯೆಗಂದ್ಂಡ ಎನ ನಂಬಿಕೆಡ್ದಾದ್ ನಿಕುಲುಲಾ, ನಿಕ್ಲೆ ನಂಬಿಕೆಡ್ದಾದ್ ಯಾನ್ಲಾ ಒರಿ ಒರಿಯಗ್ ಸಹಾಯ ಪಡೆಯೊಲಿ ಅಂದ್‌ದ್ ಯಾನ್ ಬಯಕುವೆ.

ರೋಮಾಯೆರೆಗ್ 1:5

ಆಯ ಪುದರ್‌ಗ್ ಬೋಡಾದ್ ಮಾತ ಪಿದಯಿದ ಜನೊಕುಲು ನಂಬುದು ಒಳಗಾಪಿಲೆಕ್ಕ ಎಂಕುಲು ಆಯಡ್ದ್ ದಯೊನ್ಲಾ ಅಪೊಸ್ತಲೆರೆನ ಉದ್ಯೋಗುನ್ಲಾ ಪಡೆಯ.

1 ಕೊರಿಂಥ್ಯೆರೆಗ್ 7:32

ಆಂಡ ನಿಕುಲು ಚಿಂತೆ ಇಜ್ಜಂದೆ ಇತ್ತಿನಕುಲಾದ್ ಉಪ್ಪೊಡು ಅಂದ್‌ದ್ ಎನ ಆಸೆ. ಮದ್ಮೆ ಆವಂದಿನಾಯೆ ತಾನ್ ಕರ್ತವನ್ ಎಂಚ ಮೆಚ್ಚಾವುನು ಅಂದ್‌ದ್ ಕರ್ತವ ಕಾರ್ಯೊಲೆಗಾದ್ ಚಿಂತೆ ಮಲ್ಪುವೆ.

1 ಕೊರಿಂಥ್ಯೆರೆಗ್ 7:34

ಆಯನ ಮನಸ್ ರಡ್ಡ್ ಕಡೆಕ್ಲಾ ಒಯ್ತೊಂದುಪ್ಪುಂಡು. ಆಂಡ ಮದ್ಮೆ ಆವಂದಿನಾಲ್‌ಲಾ ಕನ್ಯಪೊಣ್ಣುಲಾ ತನ ಶರೀರೊಡ್ಲಾ ಆತ್ಮೊಡ್ಲಾ ಪರಿಶುದ್ಧ ಆದಿತ್ತ್‌ದ್ ಕರ್ತವನ ಸಂಗತಿಲೆಗಾದ್ ಚಿಂತೆ ಮಲ್ಪುವಲ್, ಆಂಡ ಮದ್ಮೆ ಆತಿನಾಲ್ ತನ ಕಂಡನಿನ್ ಎಂಚ ಮೆಚ್ಚಾವುನು ಅಂದ್‌ದ್ ಈ ಲೋಕದ ಸಂಗತಿಲೆಗಾದ್ರ ಚಿಂತೆ ಮಲ್ಪುವಲ್.

ಎಫೆಸ್ಯೆರೆಗ್ 6:18

ಮಾತ ಕಾಲೊಲೆಡ್ಲಾ ಪ್ರತಿಯೊಂಜಿ ಸಂಗತಿಗಾದ್ರಲಾ, ಆತ್ಮಡ್ ಪ್ರಾರ್ಥನೆ ಮಲ್ಪುಲೆ. ಎಚ್ಚರಿಕೆ ಆದಿತ್ತ್‌ದ್ ಮಾತ ದೇವಜನೊಕುಲೆಗಾದ್ ಬುಡಂದೆ ಪ್ರಾರ್ಥನೆ ಮಲ್ಪುನಾಕುಲು ಆದುಪ್ಪುಲೆ.

ಫಿಲಿಪ್ಪಿಯೆರೆಗ್ 4:6

ವಾ ವಿಷಯೊಡ್ಲಾ ಚಿಂತೆ ಮಲ್ಪಂದೆ, ಮಾತ ಸಂಗತಿಡ್ ದೇವೆರೆನ ದುಂಬು ಉಪಕಾರ ಸ್ತುತಿನ್ಲಾ ಪ್ರಾರ್ಥನೆ ಅರಿಕೆಲೆನ್ಲಾ ಮಲ್ತೊಂದು, ನಿಕ್ಲೆಗ್ ಬೋಡಾಪಿನೆನ್ ತೆರಿಪಾಲೆ.

1 ತಿಮೋಥಿ 2:1

ಮಾತೆಡ್ದ್ ದುಂಬು ಮಾತ ನರಮಾನಿಲೆಗಾದ್ ದೇವೆರೆಡ ನಟ್ಟೊಂದು, ಪ್ರಾರ್ಥನೆ ಮಲ್ತೊಂದು, ಮದ್ಯಸ್ತಿಕೆ ಬೊಕ್ಕ ಉಪಕಾರ ಸ್ತುತಿ ಮಲ್ಪೊಡು ಅಂದ್‌ದ್ ಕೇನೊನ್ವೆ.

1 ತಿಮೋಥಿ 5:16

ಕ್ರಿಸ್ತನ್ ನಂಬುನ ಪೊಂಜೊವುನ ಅಧೀನೊಡು ವಿಧವೆ ಇತ್ತಲ್‌ಡ ಆಲ್ ಆಲೆನ್ ತೂವೊನಡ್, ಈ ಭಾರೊನು ಸಭೆತ ಮಿತ್ತ್ ಪಾಡಿಯೆರೆ ಬಲ್ಲಿ. ಅಂಚಾಂಡ ಸಭೆ ನಿಜಾದ್‌ಲಾ ದಿಕ್ಕ್‌ದಾಂತಿ ವಿಧವೆರೆನ್ ತೂವೊನಿಯೆರೆಗ್ ಆಪುಂಡು.

1 ತಿಮೋಥಿ 5:3

ದಿಕ್ಕ್‌ದಾಂತಿ ಕಂಡನಿ ಸೈತಿನಾಕುಲೆಗ್ ಆಶ್ರಯ ಕೊರ್ಲ. ಆಂಡ ಒರ್ತಿ ವಿಧವೆಗ್ ಬಾಲೆಲು ಪುಲ್ಲಿಯಾಡ್ಲು ಇತ್ತ್ಂಡ ದುಂಬತ್ತ ಇಲ್ಲದಾಕುಲೆನ್ ಭಕ್ತಿಡ್ ನಡಪಾವುನೆನ್ಲಾ ತನ್ಕುಲೆನ ಅಪ್ಪೆಅಮ್ಮಾಡ್ಲೆಗ್‌ ಉಪಕಾರ ಮಲ್ಪುನೆನ್ಲಾ ಕಲ್ತೊನಡ್. ಉಂದು ದೇವೆರೆನ ದೃಷ್ಟಿಡ್ ಮೆಚ್ಚಿಗೆದವು ಆದುಂಡು.

2 ತಿಮೋಥಿ 1:3

ಯಾನ್ ರಾತ್ರೆ ಪಗೆಲ್ ಎನ ಪ್ರಾರ್ಥನೆಲೆಡ್ ನಿನನ್ ಬುಡಂದೆ ನೆನೆಪು ಮಲ್ಪುವೆ. ಅತ್ತಂದೆ ಯಾನ್ ಎನ ಪೂರ್ವಿಕೆರೆ ಭಕ್ತಿದ ಮಾರ್ಗೊಡು ನಡತೊಂದು ಶುದ್ಧ ಮನಸಾಕ್ಷಿಡ್ ಸೇವೆ ಮಲ್ಪುನ ದೇವೆರೆಗ್ ನಿನ ಸಂಗತಿಡ್ ಉಪಕಾರ ಸಂದಾವೆ.

1 ಪೇತ್ರೆ 3:5

ನಿಕ್ಲೆ ಉಡಲ್‌ದ ಉಲಯಿ ಉಪ್ಪುನ ನಾಶಾವಂದಿ ಸಜ್ಜನಿಗೆ ಬೊಕ್ಕ ಶಾಂತದ ಆತ್ಮ ನಿಕ್ಲೆನ ಅಲಂಕಾರ ಆದುಪ್ಪಡ್, ಅವು ದೇವೆರೆ ದೃಷ್ಟಿಡ್ ಬಾರಿ ಬಿಲೆತವು ಆದುಂಡು. ಇಂಚೆನೆ ಪೂರ್ವಕಾಲೊಡು ದೇವೆರೆ ಮಿತ್ತ್ ನಿರೀಕ್ಷೆ ದೀತಿ ಭಕ್ತೆರಾದುಪ್ಪು ಪೊಂಜೊವುಲು ಇಂಚೆನೆ ತನ್ಕುಲೆನ್ ಅಲಂಕಾರ ಮಲ್ತೊಂಡೆರ್. ಅಕುಲು ತನ್ಕ್‌ಲೆ ಕಂಡನಿಯಾಡ್ಲೆಗ್ ಒಳಗಾದಿತ್ತೆರ್.