1 ತಿಮೋಥಿ 5:11 - ಪೊಸ ಒಡಂಬಡಿಕೆ

¹¹ ಆಂಡ ಜವ್ವನ ಪ್ರಾಯದ ವಿಧವೆನ್ ಪಟ್ಟಿಡ್ ಸೇರಾವೊನೊಡ್ಚಿ. ದಾಯೆಗಂದ್ಂಡ ಅಕುಲು ಶರೀರದ ಆಸೆಡ್ ಕ್ರಿಸ್ತಗ್ ವಿರೋಧಾದ್ ದುಂಬಗ್ ಮದ್ಮೆ ಆವೆರ್.

1 ತಿಮೋಥಿ 5:11 Iomraidhean Croise

1 ತಿಮೋಥಿ 4:3

ಜನೊಕುಲೆನ್ ಮರ್ಲ್ ಮಲ್ಪುನಾಕುಲಾದ್ ಅಕುಲು ಮದ್ಮೆ ಆವೆರೆ ಬಲ್ಲಿ ಪಂಡ್ದ್‌ಲಾ, ಕೆಲವು ತಿನಸ್‌ಲೆನ್ ತಿನಿಯೆರೆ ಬಲ್ಲಿ ಪಂಡ್ದ್‌ಲಾ ಪನ್ಪೆರ್. ಆಂಡ ಏರ್ ದೇವೆರೆನ್ ನಂಬುನಾಕುಲಾದ್ ಸತ್ಯೊನು ತೆರಿಯೊಂದಿನಾಕುಲಾದ್ ಉಲ್ಲೆರಾ ಅಕುಲು ದೇವೆರೆಗ್ ಉಪಕಾರ ಸ್ತುತಿ ಮಲ್ತ್‌ದ್ ತಿನರೆಗಾದ್ ದೇವೆರ್ ಮಾತ ತರತ ತಿನಸ್‌ಲೆನ್ ಉಂಡು ಮಲ್ತ್‌ದೆ.

1 ತಿಮೋಥಿ 5:12

ಇಂಚಿತ್ತಿನಾಕುಲು ದುಂಬು ಕೊರ್ತಿನ ನಂಬಿಕೆದ ಪಾತೆರೊಗು ತತ್ತ್‌ದ್ ತೀರ್ಪುಗು ಗುರಿ ಆಪೆರ್.

1 ತಿಮೋಥಿ 5:14

ಅಂಚಾದ್ ಜವ್ವಂದಿ ವಿಧವೆ ಮದ್ಮೆ ಆದ್ ಜೋಕುಲೆನ್ ಪೆದ್ದ್‌ದ್ ಇಲ್ಲದ ಯಜಮಾನಿ ಆದುಪ್ಪುನ ಎಡ್ಡೆ ಅಂದ್‌ದ್ ಎಂಕ್ ತೋಜುಂಡು. ಅಪಗ ಅಕ್ಲೆಗ್ ವಿರೋಧಿಲೆನ ನಿಂದನೆಗ್ ಅವಕಾಸ ಉಪ್ಪುಜಿ.

1 ತಿಮೋಥಿ 5:9

ಒರಿಯಗೇ ಬೊಡೆದಿ ಆದಿತ್ತ್‌ದ್ ಅಜ್ಪ ವರ್ಸೊಡ್ದು ಮಿತ್ತ್ ಇತ್ತಿನ ಪ್ರಾಯದ ವಿಧವೆನ್ ವಿಧವೆರೆನ ಪಟ್ಟಿಗ್ ಸೇರಾವೊನೊಲಿ.

ಯಾಕೋಬು 5:5

ಭೂಮಿದ ಮಿತ್ತ್ ನಿಕುಲು ಸಂಭ್ರಮೊಡು ಬೊಕ್ಕ ಮನಸ್ ಬತ್ತಿಲೆಕ್ಕ ನಡತೊಂಡರ್. ಬಲಿ ಕೊರ್ಪಿನ ದಿನೊಟು ನಿಕ್ಲೆ ಉಡಲ್‌ನ್ ಸೊರ್ಕಾವೊಂದರ್.

2 ಪೇತ್ರೆ 2:18

ತಪ್ಪು ಸಾದಿಡ್ ನಡಪುನಾಕುಲೆನ ಸಹವಾಸೊಡ್ದು ಇಂಚೊಗು ತಪ್ಪಾವೊಂಡಿನಾಕುಲೆನ ಒಟ್ಟುಗು, ಮೊಕುಲು ಬಂಡ್ ಪಾತೆರೊಂದು, ಮಲ್ಲ ಮಲ್ಲ ಬಂಟ್‌ನ್ ಪುಗರೊಂದು, ಶರೀರದಾಶೆನ್ ಪುಟ್ಟಾದ್ ಅಕ್ಲೆನ್ ತಿಕ್ಕಾವೆರ್.

ಪ್ರಕಟಣೆ 18:3

ಮಾತ ಜನಾಂಗೊಲು ಆಲೆನ ಹಾದ್ರದ ದ್ರಾಕ್ಷಾರಸೊನು ಪರಿಯೆರ್. ಲೋಕದ ಅರಸುನಕುಲು ಆಲೆನ ಒಟ್ಟುಗು ವ್ಯಭಿಚಾರ ಮಲ್ತೆರ್. ಆಲೆನ ಸುಖತ್ತ ಬಲೊಡ್ದು ಲೋಕದ ವ್ಯಾಪಾರಿಲು ಐಶ್ವರ್ಯವಂತೆರಾಯೆರ್,” ಅಂದ್‌ದ್ ಪಂಡೆ.

ಪ್ರಕಟಣೆ 18:7

ಆಲ್ ಏತ್‌ನೆಟ್ಟ ತನನೇ ಹೆಚ್ಚಾವೊಂದು ವೈಭೊವೊಡುಪ್ಪುವಲಾ ಅಡೆಮುಟ್ಟ ಆಲೆಗ್ ಬೇನೆನ್ಲಾ ದುಃಖೊನ್ಲಾ ಕೊರ್ಲೆ. ಆಲ್ ತನ ಉಡಲ್‌ಡ್, ‘ಯಾನ್ ರಾಣಿಯಾದ್ ಕುಲ್ಲೊಂದೆ, ಯಾನ್ ಕಂಡನಿ ಸೈತಿ ಗತಿದಾಂತಿನಾಲ್ ಅತ್ತ್. ಅಂಚಾದ್ ಯಾನ್ ಬುಲ್ಪುನವು ಅಗತ್ಯ ಇಜ್ಜಿ,’ ಅಂದ್‌ದ್ ಪನ್ಪಲ್.

ಪ್ರಕಟಣೆ 18:9

ಆಲೆಡೊಪ್ಪ ಹಾದ್ರ ಮಲ್ತ್‌ದ್ ಬೋಗಿಲಾದ್ ಬದ್‌ಕಿ ಭೂಮಿದ ಅರಸುಲು ಆಲೆನ ತೂತ ಪುಗೆನ್ ತೂನಗ