1 ತಿಮೋಥಿ 5:10 - ಪೊಸ ಒಡಂಬಡಿಕೆ

¹⁰ ಆಲ್ ಎಡ್ಡೆ ಕೆಲೊಸೊಡು ಪುದರ್ ಪಡೆಯಿನಾಲ್ ಆದುಪ್ಪೊಡು, ಪಂಡ ಜೋಕುಲೆನ್ ತಾಂಕ್‌ದಿನಾಲ್‌ಲಾ, ಬಿನ್ನೆರೆನ್ ಸುದರಿಪುನಾಲ್‌ಲಾ, ದೇವಜನೊಕುಲೆನ್ ಸತ್ಕಾರ ಮಲ್ಪುನಾಲ್‌ಲಾ, ಭಂಗೊಡು ಇತ್ತಿನಾಕುಲೆಗ್ ಸಹಾಯ ಮಲ್ಪುನಾಲ್‌ಲಾ ಮಾತ ಎಡ್ಡೆ ಕೆಲೊಸೊಡು ಆಸಕ್ತಿದಾಲ್‌ಲಾ ಆದುಪ್ಪೊಡು.

1 ತಿಮೋಥಿ 5:10 Iomraidhean Croise

ಮತ್ತಾಯೆ 25:17

ಅಂಚೆನೇ ರಡ್ಡ್ ತಲಾಂತ್ ತಿಕ್ಕಿನಾಯೆ ನನಲಾ ರಡ್ಡ್ ತಲಾಂತ್ ಸಂಪಾದನೆ ಮಲ್ತೆ,

ಮತ್ತಾಯೆ 5:16

ಐತ ಲೆಕ್ಕನೆ ನಿಕ್ಲೆನ ಬೊಲ್ಪು ಜನೊಕುಲೆ ಎದುರುಡು ಅರ್ಲಡ್, ಇಂಚಾಂಡ ಅಕುಲು ನಿಕ್ಲೆನ ಎಡ್ಡೆ ಕ್ರಿಯೊಲೆನ್ ತೂದು ಪರಲೋಕೊಡುಪ್ಪು ನಿಕ್ಲೆ ಅಮ್ಮೆರೆನ್ ಪುಗರುವೆರ್.

ಲೂಕೆ 7:38

ಪಿರವುಡು ಆಯ ಕಾರಕೈತಲ್ ಉಂತುದು; ಬುಲ್ತೊಂದು ತನ ಕಣ್ಣೀರ್‌ಡ್ ಆಯ ಕಾರುಲೆನ್ ಚಂಡಿ ಮಲ್ತ್‌ದ್ ತನ ತರೆ ಕುಜಲ್‌ಡ್ದ್ ಒಚ್ಚಿದ್ ಐಕ್ ಮುತ್ತು ಕೊರ್ದು, ಆ ಎಣ್ಣೆನ್ ಪೂಜಿಯಲ್.

ಲೂಕೆ 7:44

ಆ ಪೊಂಜೊವುನ ಕಡೆಕ್ಕ್ ತೂದು ಸೀಮೋನಗ್, “ಈ ಪೊಂಜೊವುನು ತೂಯನಾ? ಯಾನ್ ನಿನ ಇಲ್ಲಗ್ ಬತ್ತಿನಪಗ ಈ ಎನ ಕಾರ್‌ಗ್ ನೀರ್ ಕೊರ್ತುಜ. ಆಂಡ ಮೋಲು ಎನ ಕಾರ್‌ಲೆನ್ ಕಣ್ಣೀರ್‌ಡ್ ದೆಕ್ಕ್‌ದ್ ತನ ತರೆಕುಜಲ್‌ಡ್ ಒರೆಸಿಯಲ್.

ಅಪೊ.ಕ್ರಿ 10:22

ಐಕ್ ಅಕುಲು, “ಕೊರ್ನೇಲಿಯೆ ಪನ್ಪಿ ಒರಿ ಶತಾಧಿಪತಿ ಉಲ್ಲೆ. ಆಯೆ ನೀತಿವಂತೆಲಾ ದೇವೆರೆಗ್ ಪೋಡಿಯುನಾಯೆಲಾ ಯೆಹೂದ್ಯೆರೆಡ್ದ್ ಎಡ್ಡೆ ಪುದರ್ ದೆತ್ತೊಂಡಿನಾಯೆಲಾ ಆದುಲ್ಲೆ; ನಿನನ್ ತನ ಇಲ್ಲಗ್ ಲೆಪುಡಾದ್ ಈ ಪನ್ಪಿನ ಸಂಗತಿಲೆನ್ ಕೇನೊಡು ಅಂದ್‌ದ್ ಪರಿಶುದ್ಧ ದೂತಡ್ದ್ ಆಯಗ್ ಅಪ್ಪಣೆ ಆತ್ಂಡ್,” ಅಂದ್‌ದ್ ಪಂಡೆರ್.

ಅಪೊ.ಕ್ರಿ 22:12

“ಅಲ್ಪ ಒರಿ ನ್ಯಾಯಕಟ್ಟ್‌ಲೆಗ್ ಸರಿಯಾದ್ ನಡಪುನ ಸದ್ಭಕ್ತೆ ಊರುದ ಯೆಹೂದ್ಯೆರೆಡ ಎಡ್ಡೆಂತಿನಾಯೆ ಅಂದ್‌ದ್ ಪುದರ್ ಪಡೆತಿನಾಯೆ ಅನನೀಯೆ ಪನ್ಪಿನಾಯೆ

ಅಪೊ.ಕ್ರಿ 6:3

ಅಂಚಾಯಿನೆಡ್ದಾವರ ಸಹೋದ್ರೆರೇ, ಪರಿಶುದ್ಧಾತ್ಮೊಡು ದಿಂಜಿದ್, ಜ್ಞಾನ ಇತ್ತಿ ಗುಣವಂತೆರಾಯಿ ಏಳ್ ಜನೊಕುಲೆನ್ ಅಜತ್‌ದ್ ಅಕ್ಲೆನ್ ಈ ಬೇಲೆದ ಮಿತ್ತ್ ನೇಮಕ ಮಲ್ಪುಗ.

ಅಪೊ.ಕ್ರಿ 9:36

ಯೊಪ್ಪೊಡು ತಬಿಥಾ ಪನ್ಪಿನ ಒರ್ತಿ ಶಿಷ್ಯೆದಿ ಇತ್ತಲ್. ಆ ಪುದರ್‌ಗ್ ಗ್ರೀಕ್ ಭಾಷೆಡ್ ದೊರ್ಕ ಪನ್ನಗ ಜಿಂಕೆ. ಆಲ್ ಏಪಲಾ ಎಡ್ಡೆ ಕಾರ್ಯೊಲೆನ್ ಬೊಕ್ಕ ಬಡವೆರೆಗ್ ದಾನ ಧರ್ಮೊಲೆನ್ ಮಲ್ತೊಂದಿತ್ತಲ್.

ಅಪೊ.ಕ್ರಿ 9:39

ಪೇತ್ರೆ ಲಕ್ಕ್‌ದ್ ಅಕ್ಲೆನ ಒಟ್ಟುಗು ಪೋಯೆ. ಆಯೆ ಬತ್ತಿನೆನ್ ತೂದು ಆಯನ್ ಉಪ್ಪರಿಗೆಗ್ ಲೆತ್ತೊಂದು ಪೋಯೆರ್. ಅಲ್ಪ ಕಂಡನಿದಾಂತಿನಾಕುಲು ಮಾತೆರ್ಲಾ ಬುಲ್ತೊಂದು ಪೇತ್ರನ ಕೈತಲ್‌ ಉಂತೊಂದು ದೊರ್ಕ ಜೀವೊಡುಪ್ಪನಗ ಮಲ್ತ್ ಕೊರ್ತಿನ ಅಂಗಿಲೆನ್ ಕುಂಟುಲೆನ್ ತೋಜಾಯೆರ್.

ರೋಮಾಯೆರೆಗ್ 12:13

ದೇವಜನೊಕುಲೆಗ್ ಭಂಗ ಬನ್ನಗ ಸಹಾಯ ಮಲ್ಪುಲೆ. ಬಿನ್ನೆರೆನ್ ಸುದಾರಿಪುನೆನ್ ಅಭ್ಯಾಸ ಮಲ್ಪುಲೆ.

ಎಫೆಸ್ಯೆರೆಗ್ 2:10

ದಾಯೆಗಂದ್ಂಡ ನಮ ದೇವೆರೆ ಕೈಬೇಲೆ. ಕ್ರಿಸ್ತ ಯೇಸುಡು ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗಾದ್ ನಮನ್ ಉಂಡು ಮಲ್ತ್‌ದೆ. ಉಂದೆಟ್ಟ್ ನಡಪುಲೆಕ್ಕ ದೇವೆರ್ ನಮನ್ ದುಂಬೇ ನೇಮಕ ಮಲ್ತ್‌ದೆ.

ಕೊಲೊಸ್ಸಿಯೆರೆಗ್ 1:10

ಬೊಕ್ಕ ಕರ್ತವಗ್ ಮೆಚ್ಚಿಗೆಯಾದ್ ಏಪಲಾ ಯೋಗ್ಯೆರಾದ್ ನಡತ್‌ದ್ ಪ್ರತಿ ಒಂಜಿ ವಿಷಯೊಡ್ಲಾ ಸಂತೋಷ ಕೊರ್ಪಿನಕುಲಾದುಪ್ಪುಲೆ. ನಿಕ್ಲೆ ಎಡ್ಡೆ ಕೆಲಸೊಡು ಫಲ ಕೊರ್ದು ದೇವೆರೆ ಗೇನೊಡು ಬಲತೊಂದು ಪೋಲೆ.

1 ತಿಮೋಥಿ 3:2

ಸಭಾದ್ಯಕ್ಷೆ ದೋಷದಾಂತಿನಾಯೆಲಾ ಒಂಜೇ ಬೊಡೆದಿ ಇತ್ತಿನಾಯೆಲಾ ಆದುಪ್ಪೊಡು. ಪರಂದಿನಾಯೆಲಾ ಹದತಾಯೆಲಾ ಮಾನಸ್ತೆಲಾ ಬಿನ್ನೆರೆನ್ ಸುದಾರಿಪುನಾಯೆಲಾ ಬೋಧನೆ ಪನ್ಪುನೆಟ್ ಬಿರ್ಸೆಲಾ ಆದುಪ್ಪೊಡು.

1 ತಿಮೋಥಿ 3:7

ಅತ್ತಂದೆ ಆಯೆ ಪಿದಯಿದ ಜನೊಕುಲೆಡ ಎಡ್ಡೆ ಪುದರ್ ದೆತ್ತೊಂದಿನಾಯೆ ಆದುಪ್ಪೊಡು. ಇಜ್ಜಾಂಡ ಆಯೆ ಅವಮಾನೊಗು ಒಳಗಾದ್ ಸೈತಾನನ ಉರ್ಲುಗು ತಿಕ್ಕ್‌ದ್ ಬೂರ್ವೆ.

1 ತಿಮೋಥಿ 5:16

ಕ್ರಿಸ್ತನ್ ನಂಬುನ ಪೊಂಜೊವುನ ಅಧೀನೊಡು ವಿಧವೆ ಇತ್ತಲ್‌ಡ ಆಲ್ ಆಲೆನ್ ತೂವೊನಡ್, ಈ ಭಾರೊನು ಸಭೆತ ಮಿತ್ತ್ ಪಾಡಿಯೆರೆ ಬಲ್ಲಿ. ಅಂಚಾಂಡ ಸಭೆ ನಿಜಾದ್‌ಲಾ ದಿಕ್ಕ್‌ದಾಂತಿ ವಿಧವೆರೆನ್ ತೂವೊನಿಯೆರೆಗ್ ಆಪುಂಡು.

1 ತಿಮೋಥಿ 5:25

ಅಂಚೆನೇ ಕೆಲೆವೆರೆನ ಎಡ್ಡೆ ಕೆಲಸೊಲು ತೋಜಿದ್ ಬರ್ಪುಂಡು. ಬೊಕ್ಕ ಬೇತೆ ಕೆಲೆವೆರೆನ ಎಡ್ಡೆ ಕೆಲಸೊಲು ತೋಜಿದ್ ಬತ್ತಿಜಿಡಲಾ ಒಂಜಿ ದಿನ ಬೈಲ್‌ಗ್ ಬರಂದೆ ಉಪ್ಪಂದ್.

1 ತಿಮೋಥಿ 6:18

ನಿಜವಾಯಿನ ಜೀವೊನು ಪಡೆವೆರೆ ಬೋಡಾದ್ ಅಕುಲು ಎಡ್ಡೆಂತಿನೆನ್ ಮಲ್ಪುನಾಕುಲುಲಾ ಎಡ್ಡೆ ಕಾರ್ಯೊಲೆಡ್ ಐಶ್ವರ್ಯವಂತೆರ್ಲಾ ದಾನಧರ್ಮ ಮಲ್ಪುನಾಕುಲುಲಾ ಉದಾರ ಮನಸ್‌ದಾಕುಲುಲಾ ಆದುಪ್ಪೊಡು.

2 ತಿಮೋಥಿ 1:5

ನಿನಡುಪ್ಪು ಕಪಟದಾಂತಿ ನಂಬಿಕೆನ್ ನೆನೆಪು ಮಲ್ತೊನ್ವೆ. ಅವು ದುಂಬತ್ತ ನಿನ ಅಜ್ಜಿ ಲೋವಿಡಲಾ ನಿನ ಅಪ್ಪೆ ಯೂನೀಕೆಡಲಾ ಇತ್ತ್ಂಡ್. ಅಂಚೆನೇ ಅವು ನಿನಡಲಾ ಉಂಡು ಅಂದ್‌ದ್ ಯಾನ್ ದೃಢಾದ್ ನಂಬುದೆ.

2 ತಿಮೋಥಿ 2:21

ಅಂಚಾದ್ ಒರಿ ಹಾಳ್ ನಡತೆದಾಯನ ಸಹವಾಸೊನು ಬುಡ್ದು ತನನ್ ಶುದ್ಧ ಮಲ್ತೊಂಡೆಡ ಆಯೆ ಎಡ್ಡೆ ಬಳಕೆಗ್ ತಕ್ಕದಾಯೆ ಆದುಪ್ಪುವೆ. ಆಯೆ ದೇವೆರೆ ಸೇವೆಗ್ ಒಚ್ಚಿದ್ ಕೊರ್ತಿನಾಯೆ ಆದ್ ತನ ಯಜಮಾನಗ್ ಪ್ರಯೋಜನದಾಯೆಲಾ, ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪೆರೆಗ್ ತಯಾರಾದುಪ್ಪುವೆ.

2 ತಿಮೋಥಿ 3:15

ಆ ಗ್ರಂಥೊಲು ಕ್ರಿಸ್ತ ಯೇಸುಡುಪ್ಪು ನಂಬಿಕೆಡ್ದ್ ರಕ್ಷಣೆನ್ ಪಡೆಯುನ ಗೇನೊನು ಕೊರ್ಪಿನೆಕ್ಕ್ ಸಾದ್ಯ ಉಂಡು.

2 ತಿಮೋಥಿ 3:17

ಅಂಚಾದ್ ದೇವೆರೆ ಜನೊಕುಲು ಮಾತ ಎಡ್ಡೆ ಕೆಲಸೊಗು ಪರಿಪೂರ್ಣೆರಾದ್ ತಯಾರಾದುಪ್ಪುವೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:14

ನಮನ್ ಮಾತ ಅನ್ಯಾಯೊಡ್ದು ಬುಡುಗಡೆ ಮಲ್ಪೆರೆಗಾದ್‌ಲಾ, ಎಡ್ಡೆ ಕೆಲಸೊಲೆಡ್ ಆಸಕ್ತಿ ಇತ್ತಿ ಜನೊಕುಲು ಆದುಪ್ಪೊಡಂದ್‌ದ್‌ಲಾ, ತನ ಸ್ವಂತ ಜನ ಆದ್ ಶುದ್ಧ ಮಲ್ಪುನೆಕ್ಕಾದ್‌ಲಾ ಯೇಸು ತನನ್ ತಾನೆ ನಂಕ್ ಬೋಡಾದ್ ಒಚ್ಚಿದ್ ಕೊರಿಯೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:7

ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪುನೆಟ್ಟ್ ಈಯೆ ಮಾದ್ರಿ ಆದುಪ್ಪುಲ. ನಿನ ಬೋಧನೆಡ್ ಯಥಾರ್ಥತೆಲಾ, ಗಂಭೀರತೆಲಾ ತೋಜಿದ್ ಬರಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:1

ಸರಕಾರೊಗ್ಲಾ ಐತ ಅಧಿಕಾರಿಲೆಗ್ಲಾ ಅಧೀನೆರಾದ್ ಉಪ್ಪೊಡಂದ್‌ದ್ ನಂಬುನಾಕುಲೆಗ್ ನೆನೆಪು ಪುಟ್ಟಾಲ. ಅಕುಲು ತಗ್ಗ್‌ದಿನಾಕುಲಾದಿತ್ತ್‌ದ್ ಎಡ್ಡೆಂತಿನೆನ್ ಮಲ್ಪೆರೆ ತಯಾರಾದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:14

ನಮ್ಮ ಜನೊಕುಲು ಫಲದಾಂತಿನಾಕುಲು ಆದುಪ್ಪಂದಿಲೆಕ್ಕ ಬೋಡಿತ್ತಿ ಸಂಗತಿಲೆಗಾದ್ ಎಡ್ಡೆ ಬೇಲೆಲೆನ್ ಮಲ್ಪೆರೆ ಕಲ್ತೊನಡ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:8

ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್‌ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.

ಇಬ್ರಿಯೆರೆಗ್ 10:24

ಎಂಕುಲು ಒರಿಯನ್ ಒರಿ ಚಿಂತೆಕೆರಾದ್ ಪ್ರೀತಿ ಮಲ್ಪುನಾಕುಲಾದ್‌ಲಾ ಎಡ್ಡೆ ಬೇಲೆಲೆನ್ ಮಲ್ಪುನಾಕುಲಾದ್‌ಲಾ ಒರಿಯಗ್ ಒರಿ ಉಮೇದ್ ಕೊರ್ಕ.

ಇಬ್ರಿಯೆರೆಗ್ 13:2

ಬಿನ್ನೆರೆನ್ ಸುದಾರಿಪುನೆನ್ ಮದತ್ ಬುಡಡೆ. ಅವೆನ್ ಮಲ್ಪುನೆಟ್ಟ್ ಕೆಲೆವೆರ್ ತೆರಿಯಂದೆ ದೂತೆರೆನ್ಲಾ ಸುದಾರಿತ್‌ದೆರ್.

1 ಪೇತ್ರೆ 2:12

ನಿಕ್ಲೆನ ನಡತೆ ಲೋಕದ ಜನೊಕುಲೆ ನಡುಟು ಎಡ್ಡೆಂತಿನವು ಆದುಪ್ಪಡ್; ಅಪಗ ಅಕುಲು ವಾ ಸಂಗತಿಡ್ ನಿಕ್ಲೆನ್ ಅಕ್ರಮದಾಕುಲು ಅಂದ್‌ದ್ ನಿಂದನೆ ಮಲ್ಪುವೆರಾ, ಅಂಚೆನೆ ನಿಕ್ಲೆನ ಎಡ್ಡೆ ನಡತೆನ್ ತೂದು ಆಯೆ ಕುಡ ಬರ್ಪಿ ದಿನೊಟು ಅಕುಲು ದೇವೆರೆನ್ ಪುಗರ್‌ವೆರ್.

1 ಪೇತ್ರೆ 4:9

ಗುಣುಗುಟ್ಟಂದೆ ಒರಿ ಒರಿಯಗ್ ಸತ್ಕಾರ ಮಲ್ಪುಲೆ.

3 ಯೋಹಾನೆ 1:12

ದೆಮೇತ್ರಿಯನ ವಿಚಾರೊಡು ಮಾತೆರ್ಲಾ ಎಡ್ಡೆಂತಿನೆನೇ ಸಾಕ್ಷಿ ಪನ್ಪೆರ್. ಅವು ಸತ್ಯಲಾ ಆದುಂಡು. ಎಂಕುಲುಲಾ ಆಯ ವಿಚಾರೊಡು ಅವೆನೇ ಪನ್ಪ, ಬೊಕ್ಕ ಎಂಕುಲು ಸತ್ಯನೇ ಪಾತೆರ್‌ವ ಅಂದ್‌ದ್ ಈ ತೆರಿದ.