1 ತಿಮೋಥಿ 5:1 - ಪೊಸ ಒಡಂಬಡಿಕೆ

¹ ಪ್ರಾಯದಾಕುಲೆನ್ ಜೋರ್ ಮಲ್ಪಂದೆ ನಿನ ಸ್ವಂತ ಅಮ್ಮೆ ಅಂದ್‌ದ್ ಎನ್ನ್‌ದ್ ಬುದ್ಧಿ ಪನ್ಲ. ಜವನ್ಯೆರೆನ್ ಮೆಗ್ಯೆಪಲಯೆ ಅಂದ್‌ದ್ ಎನ್ನೊನ್ಲ.

1 ತಿಮೋಥಿ 5:1 Iomraidhean Croise

ಮತ್ತಾಯೆ 23:8

ಆಂಡ ನಿಕುಲು ಬೋಧಕೆರಂದ್‌ದ್ ಪನ್ಪಾವೊನಡೆ; ದಾಯೆಗ್ ಪಂಡ ಕ್ರಿಸ್ತೆ ಒರಿಯೇ ನಿಕ್ಲೆಗ್ ಬೋಧಕೆ, ನಿಕುಲು ಮಾತ ಸಹೋದ್ರೆರ್.

ಅಪೊ.ಕ್ರಿ 14:23

ಉಂದತ್ತಂದೆ ಪ್ರತಿ ಸಭೆಟ್ಲಾ ಸಭೆತಾಕುಲೆನ ಒಪ್ಪಿಗೆಡ್ದ್ ಹಿರಿಯೆರೆನ್ ನೇಮಕ ಮಲ್ತ್‌ದ್ ಉಪವಾಸೊಡು ಪ್ರಾರ್ಥನೆ ಮಲ್ತ್‌ದ್ ಅಕುಲು ನಂಬುದಿನ ಕರ್ತವ ಕೈಕ್ ಅಕ್ಲೆನ್ ಒಚ್ಚಿದ್ ಕೊರಿಯೆರ್.

ಅಪೊ.ಕ್ರಿ 15:4

ಅಕುಲು ಯೆರೂಸಲೇಮುಗು ಬತ್ತಿ ಬೊಕ್ಕ ಸಭೆಲಾ ಅಪೊಸ್ತಲೆರ್‌ಲಾ ಸಭೆತ ಹಿರಿಯಾಕುಲುಲಾ ಅಕ್ಲೆನ್ ಸೇರಾವೊಂಡೆರ್. ದೇವೆರ್ ತನ್ಕುಲೆ ಒಟ್ಟುಗು ಇತ್ತ್‌ದ್ ಮಲ್ತ್‌ದಿನ ಕಾರ್ಯೊಲೆನ್ ಪೂರ ಅಕ್ಲೆಗ್ ತೆರಿಪಾಯೆರ್.

ಅಪೊ.ಕ್ರಿ 15:6

ಅಪೊಸ್ತಲೆರ್‌ಲಾ ಸಭೆತ ಹಿರಿಯಾಕುಲುಲಾ ಈ ಸಂಗತಿನ್ ವಿಚಾರಣೆ ಮಲ್ಪೆರೆ ಕೂಡ್ದುಪ್ಪುನಗ ಅಕ್ಲೆ ನಡುಟು ಮಸ್ತ್ ತರ್ಕ ನಡತಿ ಬೊಕ್ಕ

ಅಪೊ.ಕ್ರಿ 20:17

ಆಯೆ ಮಿಲೇತುಡ್ದು ಎಫೆಸೊಗು ಜನ ಕಡಪುಡ್ದು ಅಲ್ತ ಸಭೆತ ಹಿರಿಯೆರೆನ್ ಲೆಪ್ಪುಡಾಯೆ.

ರೋಮಾಯೆರೆಗ್ 13:7

ಅಂಚಾದ್ ಅಕ್ಲೆಗ್ ಸಂದಾವೊಡಾಯಿನೆನ್ ಸಂದಾಲೆ; ಏರೆಗ್ ತೆರಿಗೆನ ಅಕ್ಲೆಗ್ ತೆರಿಗೆ, ಏರೆಗ್ ಸುಂಕನ ಅಕ್ಲೆಗ್ ಸುಂಕೊನು; ಏರೆಗ್ ಪೋಡಿಯಾವೊಡು ಅಕ್ಲೆಗ್ ಪೋಡಿಗೆನ್, ಏರೆಗ್ ಮಾರ್ಯಾದಿಯಾ ಅಕ್ಲೆಗ್ ಮಾರ್ಯಾದಿನ್ ಸಂದಾಲೆ.

ಗಲಾತ್ಯೆರೆಗ್ 6:1

ಸಹೋದ್ರೆರೇ, ಒರಿ ಏರಾಂಡಲಾ ಪಾಪೊಡು ತಿಕ್ಕೊಂಡೆಡ, ಆತ್ಮಭಾವದಾಕುಲಾಯಿ ನಿಕುಲು ಅಂಚಿತ್ತಿನಾಯನ್ ಸಜ್ಜನಿಗೆದ ಆತ್ಮೊಡು ಶಾಂತ ರೀತಿಡ್ ಪಾಪೊಡ್ದು ಪಿದಾಯಿ ಕನವೊಡು. ನಿಕುಲುಲಾ ಅವ್ವೇ ಶೋಧನೆಗ್ ಬೂರಂದಿಲೆಕ್ಕ ಎಚ್ಚರಿಕೆ ಆದುಪ್ಪುಲೆ.

1 ತಿಮೋಥಿ 5:17

ಎಡ್ಡೆ ರೀತಿಡ್ ಅಧಿಕಾರ ಮಲ್ಪುನ ಸಭಾ ಹಿರಿಯೆರೆಗ್ ಮುಖ್ಯಾದ್ ಬೋಧನೆಡ್ಲಾ ಪ್ರಸಂಗೊಡ್ಲಾ ಭಂಗ ಬರ್ಪಿನಾಕುಲೆಗ್ ರಡ್ಡ್ ಪಾಲ್ ದಾತ್ ಮಾನೊಗು ಯೋಗ್ಯೆರಂದ್ ಎನ್ನೊಡು.

1 ತಿಮೋಥಿ 5:2

ಪ್ರಾಯದ ಪೊಂಜೊವುಲೆನ್ ಅಪ್ಪೆ ಪಂಡ್ದ್, ಜವ್ವಂದಿ ಪೊಣ್ಣುಲೆನ್ ಮೆಗ್ದಿ ಪಲ್ದಿ ಪಂಡ್ದ್‌ಲಾ ಶುದ್ಧ ಭಾವೊಡು ತೂಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:2

ಪರಬೆರೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಪರ್ಪಿ ಅಭ್ಯಾಸೊಡ್ದು ದೂರ ಉಪ್ಪುನಾಕುಲು, ಘನತಾಕುಲು, ಬುದ್ದಿವಂತಿಕೆದಾಕುಲು, ನಂಬಿಕೆಡ್, ಪ್ರೀತಿಡ್, ತಾಳ್ಮೆಡ್ ಗೆಲವುದಾಕುಲು ಆದುಪ್ಪೊಡು.

ಯಾಕೋಬು 3:17

ಆಂಡ ಮಿತ್ತ್‌ಡ್ದ್ ಬರ್ಪಿನ ಗೇನ, ಸುರುಟ್ಟು ನಿರ್ಮಲದವು ಆದುಪ್ಪುಂಡು. ಅವು ಸಮಾಧಾನದವು, ಶಾಂತದವು, ಒಪ್ಪಿಯೊನ್ನವು, ಕರುಣೆ ಬೊಕ್ಕ ಎಡ್ಡೆ ಫಲೊಕ್ಲೆಡ್ ದಿಂಜಿದಿನವು, ಭೇದಭಾವದಾಂತಿನವು, ಕಪಟದಾಂತಿನವು ಆದುಂಡು.

ಯಾಕೋಬು 5:14

ನಿಕ್ಲೆಡ್ ಏರಾಂಡಲಾ ಸೀಕ್‌ಡ್ ಉಲ್ಲೆರಾ? ಆಯೆ ಸಭೆತ ಹಿರಿಯೆರೆನ್ ಬರಿಯೆರೆ ಪನಡ್, ಅಕುಲು ಬತ್ತ್‌ದ್ ಕರ್ತವ ಪುದರ್‌ಡ್ ಎಣ್ಣೆ ಪೂಜಿದ್, ಆಯಗಾದ್ ಪ್ರಾರ್ಥನೆ ಮಲ್ಪಡ್.

1 ಪೇತ್ರೆ 5:1

ಸಭೆತ ಹಿರಿಯಾಕುಲೇ, ನಿಕ್ಲೆನ ಜತೆ ಹಿರಿಯಾಯೆ ಆಯಿ ಯಾನ್ ಕ್ರಿಸ್ತ ಶ್ರಮೆಲೆಡ್ ಸಾಕ್ಷಿದಾಯೆ; ನನ ದುಂಬು ತೋಜಿದ್ ಬರ್ಪಿ ಮೈಮೆಡ್ ಪಾಲ್‌ದಾರೆ ಆಯಿ ಯಾನ್ ನಿಕ್ಲೆನ್ ಉತ್ತೇಜನ ಮಲ್ತ್‌ದ್ ಪನ್ಪಿನಿ ದಾನೆ ಪಂಡ,

2 ಯೋಹಾನೆ 1:1

ಸಭಾ ಹಿರಿಯಾಯೆ ಆದುಪ್ಪು ಯಾನ್ ದೇವೆರೆಡ್ದ್ ಅಜತ್‌ದಿನ ಅಪ್ಪಿಯಗ್ಲಾ ಆಲೆನ ಜೋಕುಲೆಗ್ಲಾ, ಈ ಪತ್ರಿಕೆನ್ ಬರೆವೊಂದುಲ್ಲೆ. ಯಾನ್ ನಿಕ್ಲೆನ್ ಸತ್ಯೊಡು ಪ್ರೀತಿ ಮಲ್ತೊಂದುಲ್ಲೆ, ಅತ್ತಂದೆ ಸತ್ಯೊನು ತೆರಿನ ಮಾತೆರ್ಲಾ ನಿಕ್ಲೆನ್ ಪ್ರೀತಿ ಮಲ್ಪುವೆರ್. ದಾಯೆಗಂದ್ಂಡ ಸತ್ಯ ನಮಡ ಉಂಡು, ಬೊಕ್ಕ ನಮ ಒಟ್ಟುಗು ಏಪೊಗ್ಲಾ ಉಪ್ಪುಂಡು.

3 ಯೋಹಾನೆ 1:1

ಸಭಾ ಹಿರಿಯಾಯೆ ಆದುಪ್ಪು ಯಾನ್ ಸತ್ಯೊಡು ಪ್ರೀತಿ ಮಲ್ಪು ಪ್ರೀಯ ಗಾಯಗ್ ಬರೆಪಿನಿ ದಾನೆಂದ್ಂಡ, ಪ್ರೀತಿದಾಯ, ಈ ಆತ್ಮೊಡು ಎಡ್ಡೆ ಉಪ್ಪುಲೆಕ್ಕನೇ, ಮಾತ ತರೊಟು ಎಡ್ಡೆ ಆವೊಡು, ಬೊಕ್ಕ ಸೌಖ್ಯೊಡು ಉಪ್ಪೊಡಂದ್‌ದ್ ಯಾನ್ ನಟ್ಟೊನ್ವೆ.

ಪ್ರಕಟಣೆ 4:4

ಉಂದತ್ತಂದೆ ಐತ ಸುತ್ತಲಾ ಇರ್ವತ್ತನಾಲ್ ಗದ್ದಿಗೆಲು ಇತ್ತ್ಂಡ್. ಆ ಗದ್ದಿಗೆಲೆಡ್ ಬೊಲ್ದು ಕುಂಟು ಪಾಡೊಂದಿತ್ತಿ ಇರ್ವತ್ತನಾಲ್ ಮಂದಿ ಹಿರಿಯೆರ್ ಕುಲ್ಲುದಿತ್ತೆರ್. ಅಕ್ಲೆ ತರೆತ ಮಿತ್ತ್ ಬಂಗಾರ್‌ದ ಕಿರೀಟ ಇತ್ತ್ಂಡ್.