1 ತಿಮೋಥಿ 4:7 - ಪೊಸ ಒಡಂಬಡಿಕೆ

⁷ ಬಜೀ ಅಜ್ಜಿಕತೆತ ಲೆಕ್ಕ ಲೋಕದ ಕತೆಕ್ಲೆನ್ ದೂರ ಮಲ್ತ್‌ದ್ ಐತ ಪಗತೆಗ್ ದೇವಭಕ್ತಿಡ್ ಉಪ್ಪೆರೆ ನಿನನ್ ತಯಾರ್ ಮಲ್ತೊನ್ಲ.

1 ತಿಮೋಥಿ 4:7 Iomraidhean Croise

ಅಪೊ.ಕ್ರಿ 24:16

ಈ ಕಾರಣೊಡ್ದಾವರ, ದೇವೆರೆ ಎದುರುಲಾ ನರಮಾನಿಲೆ ಎದುರುಲಾ ಏಪಲಾ ಕಲೆದಾಂತಿ ಮನಸಾಕ್ಷಿ ಉಪ್ಪುಲೆಕ್ಕ ಪೇಚಾಡುವೆ.

1 ತಿಮೋಥಿ 1:4

ಅಂಚೆನೇ, ಕಟ್ಟುಕತೆಕ್ಲೆಗ್ಲಾ ಕೊಡಿಮುದೆಲ್ ಇಜ್ಜಂದಿನ ಸಂತಾನ ಪಟ್ಟಿಲೆಗ್ಲಾ ಗೇನ ಕೊರಿಯೆರೆ ಬಲ್ಲಿ ಪಂಡ್ದ್, ದುಂಬು ಯಾನ್ ನಿಕ್ಕ್ ಅಪ್ಪಣೆ ಕೊರ್ತಿ ಲೆಕ್ಕನೇ ಇತ್ತೆಲಾ ಪನೊಂದುಲ್ಲೆ. ಇಂಚಿತ್ತಿನವು ದುಂಬಗ್ ತರ್ಕ ಪುಟ್ಟಾವುನವು ಅತ್ತಂದೆ ದೇವೆರ್ ಮಲ್ಪೊಡಿತ್ತಿ ಕೆಲಸೊಲೆಗ್ ಬಳಕೆ ಆಪುಜಿ. ಅವು ನಂಬಿಕೆಡ್ದ್ ಸಾದ್ಯ ಆಪುಂಡು. ಶುದ್ಧ ಹೃದಯ, ಎಡ್ಡೆ ಮನಸಾಕ್ಷಿ, ಕಪಟದಾಂತಿ ನಂಬಿಕೆ, ಇಂಚಿತ್ತಿನೆಡ್ದ್ ಉಂಡಾಯಿ ಪ್ರೀತಿಯೇ ದೇವೆರೆ ಪಾತೆರದ ಬೋಧನೆ ಆದುಂಡು.

1 ತಿಮೋಥಿ 1:9

ಈ ನ್ಯಾಯಕಟ್ಟ್ ನೀತಿವಂತೆರೆಗ್ ಅತ್ತ್, ಆಂಡ ಅನ್ಯಾಯಗಾರೆರ್, ಅವಿಧೇಯೆರ್, ಭಕ್ತಿಹೀನೆರ್, ಪಾಪಿಷ್ಟೆರ್, ಲೋಕದಾಕುಲು, ನೀಚೆರ್, ತನ್ಕುಲೆ ಅಪ್ಪೆಅಮ್ಮಾಡ್ಲೆಗ್ ಪೆಟ್ಟು ಪಾಡುನಾಕುಲು, ಮಾನ್ಯ ಕೆರ್ಪಿನಾಕುಲು, ಹಾದ್ರದಾಕುಲು, ಪುರುಷಗಾಮಿಲು, ಗುಲಾಮೆರೆ ವ್ಯಾಪಾರ ಮಲ್ಪುನಾಕುಲು, ಸುಳ್ಳುಗಾರೆರ್, ಪಾತೆರ ತತ್ತಿನಾಕುಲು, ಎಡ್ಡೆ ಬೋಧನೆಗ್ ವಿರೋಧಾದ್ ಬೇತೆ ಒವಾಂಡಲಾ ಮಲ್ಪುನಾಕುಲು, ಇಂಚಿತ್ತಿನ ನೀತಿಕೆಟ್ಟಿನಾಕುಲೆಗಾದ್ ಅವು ನೇಮಕ ಆತ್ಂಡ್.

1 ತಿಮೋಥಿ 3:16

ಉಂದತ್ತಂದೆ ನಂಕ್ ಗೊತ್ತಾಪಿಲೆಕ್ಕ ದೇವಭಕ್ತಿಗ್ ಆಧಾರವಾಯಿನ ಸತ್ಯದ ಗುಟ್ಟು, ಅವು ನಿಜಾದ್ ವಿಶೇಷವಾಯಿನ ಆದುಂಡು ಅಂದ್‌ದ್ ನಮ ಒಪ್ಪಿಯೊನ್ವ. ಕ್ರಿಸ್ತೆ ನರಮಾನಿ ರೂಪೊಡು ತೋಜಿಯೆ, ಆತ್ಮ ಸಮ್ಮಂಧೊಡು ಕ್ರಿಸ್ತೆ ನೀತಿವಂತೆ ಅಂದ್‌ದ್ ತೋಜಾದ್ ಕೊರಿಯೆ. ದೂತೆರೆಗ್ ತೋಜಿಯೆ, ಪಿದಯಿದ ಜನೊಕುಲೆ ನಡುಟು ಆಯನ್ ಸಾರಿಂಡ್, ಲೋಕದಾಕುಲು ಆಯನ್ ನಂಬಿಯೆರ್. ಪರಲೋಕದ ಮೈಮೆಡ್ ಆಯನ್ ಮಿತ್ತ್ ದೆತ್ತೊಂಡೆರ್.

1 ತಿಮೋಥಿ 4:8

ದಾಯೆಗಂದ್ಂಡ ಶರೀರದ ವ್ಯಾಯಾಮ ಒಂತೆದೆಕ್ ಪ್ರಯೋಜನ, ಆಂಡ ದೇವೆರೆ ಭಕ್ತಿ ಮಾತ ಸಂಗತಿಡ್ಲಾ ಪ್ರಯೋಜನದವು ಆದಿತ್ತ್‌ದ್ ಈ ಲೋಕೊಡ್ಲಾ ನನ ದುಂಬದ ಲೋಕೊಡ್ಲಾ ಜೀವ ಕೊರ್ಪಿನ ವಾಗ್ದಾನ ಆದುಂಡು.

1 ತಿಮೋಥಿ 6:11

ಆಂಡ ತಿಮೋಥಿ, ಈ ಒರಿ ದೇವೆರೆ ನರಮಾನಿ. ಈ ಮಾತ ಪಡಿಕೆಂತಿನೆಡ್ದ್ ದೂರ ಪಾರ್ದ್ ನೀತಿಗ್, ಭಕ್ತಿಗ್, ನಂಬಿಕೆಗ್, ಪ್ರೀತಿಗ್, ತಾಳ್ಮೆಗ್, ಸಜ್ಜನಿಗೆಗ್ ಪ್ರಯತ್ನ ಮಲ್ಪುಲ.

1 ತಿಮೋಥಿ 6:20

ಓ ತಿಮೋಥಿ, ಈ ಗೇನದ ಬೋಧನೆ ಅಂದ್‌ದ್ ಭಕ್ತಿದಾಂತಿ ಬೋಧನೆಗ್ ಸಮ್ಮಂಧ ಆದುಪ್ಪು ಪ್ರಪಂಚದ ವ್ಯರ್ಥ ಪಾತೆರೊಲೆಗ್ಲಾ, ತರ್ಕೊಲೆಗ್ಲಾ ದೂರ ಆದ್, ದೇವೆರ್ ನಿಕ್ಕ್ ಒಚ್ಚಿದ್ ಕೊರಿನೆನ್ ಜೋಕೆಡ್ ಕಾಪುಲ.

1 ತಿಮೋಥಿ 6:3

ಏರಾಂಡಲಾ ಒರಿ ಬೇತೆ ಬೋಧನೆ ಕೊರ್ದು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಸರಿ ಇತ್ತಿ ಪಾತೆರೊಗ್ಲಾ ಭಕ್ತಿಗ್ ತಕ್ಕಾದುಪ್ಪು ಬೋಧನೆಗ್ಲಾ ಒಪ್ಪಿಯಂದೆ ಪೋಂಡ,

1 ತಿಮೋಥಿ 6:5

ಅತ್ತಂದೆ ಬುದ್ಧಿಕೆಟ್ಟ್‌ದ್ ಸತ್ಯೊನು ಬುಡ್ತಿನಾಕುಲಾದ್, ದೇವಭಕ್ತಿನ್ ಒಂಜಿ ಲಾಭದ ಉದ್ಯೋಗ ಅಂದ್‌ದ್ ಎನ್ನುನ ಈ ನರಮಾನಿಲೆಡ ನಿತ್ಯದ ಕಚ್ಚಾಟ ಆವೊಂದುಪ್ಪುಂಡು.

2 ತಿಮೋಥಿ 2:16

ಲೋಕದ ಹರಟೆ ಪಾತೆರೊಲೆಗ್ ದೂರ ಆದುಪ್ಪುಲ. ದಾಯೆಗ್ ಪಂಡ್ಂಡ ಅಂಚಿನ ಪಾತೆರೊಗು ಮನಸ್ ಕೊರ್ಪಿನಾಕುಲು ಹೆಚ್ಚೆಚ್ಚಾದ್ ಭಕ್ತಿದಾಂತಿನಾಕುಲಾದ್ ಪೋಪೆರ್

2 ತಿಮೋಥಿ 2:23

ಬುದ್ಧಿದಾಂತಿ ವ್ಯರ್ಥ ತರ್ಕೊಲು ಅವು ಲಡಯಿಗ್ ಕಾರಣಾದುಂಡು ಪನ್ಪಿನೆನ್ ಈ ತೆರಿದ್ ಐತ ಸುದ್ಧಿಗ್ ಪೋವಡ.

2 ತಿಮೋಥಿ 3:12

ಅಂದ್, ಕ್ರಿಸ್ತ ಯೇಸುಡು ಭಕ್ತಿದ ಜೀವನ ಮಲ್ಪೊಡು ಅಂದ್‌ದ್ ಆಸೆ ಮಲ್ಪುನ ಪ್ರತಿಯೊರಿಲಾ ಭಂಗೊನು ಅನುಭವ ಮಲ್ಪೊಡೇ.

2 ತಿಮೋಥಿ 3:5

ಭಕ್ತಿದ ವೇಷೊಡಿತ್ತ್‌ದ್ ಐತ ಬಲೊನು ತಿರಸ್ಕಾರ ಮಲ್ಪುನಾಕುಲು ಆದುಪ್ಪೆರ್. ಇಂಚಿತ್ತಿನಾಕುಲೆನ ಸಹವಾಸ ಮಲ್ಪಡ.

2 ತಿಮೋಥಿ 4:4

ಅಕುಲು ಸತ್ಯ ಬೋಧನೆಗ್ ಕೆಬಿ ಕೊರಂದೆ ಕಟ್ಟ್ ಕತೆಕ್ಲೆನ್ ಕೇನರೆ ಪೋವೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:12

ನಮ ಭಕ್ತಿದಾಂತಿ ಮನಸ್‌ನ್ಲಾ, ಲೋಕದ ಇಚ್ಚೆಲೆನ್ಲಾ ಬುಡ್ದು, ಭಾಗ್ಯ ಇತ್ತಿ ನಿರೀಕ್ಷೆನ್ ಪತ್ತೊಂದು, ನಮ ಮಲ್ಲ ದೇವೆರ್‌ಲಾ ರಕ್ಷಕೆಲಾ ಆದುಪ್ಪು ಯೇಸು ಕ್ರಿಸ್ತ ಮೈಮೆಡ್ ತೋಜಿದ್ ಬರ್ಪಿನೆನ್ ಕಾತೊಂದು ಇತ್ತ್‌ದ್ ಈ ಲೋಕೊಡು ಹದೊಟು, ನೀತಿಡ್, ಭಕ್ತಿಡ್ ಬದ್‌ಕೊಡು ಪಂಡ್ದ್‌ಲಾ ದೇವೆರೆ ದಯ ನಂಕ್ ಬೋಧನೆ ಕೊರ್ಪುಂಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:9

ಬುದ್ಧಿದಾಂತಿನ ತರ್ಕೊಲೆಗಾವಡ್ ಸಂತಾನ ಪಟ್ಟಿಲೆಗಾವಡ್ ನ್ಯಾಯಕಟ್ಟ್‌ಗ್ ಸಮ್ಮಂಧ ಪಡೆಯಿನ ಮಾತ ತರ್ಕ ಲಡಾಯಿಲೆಗಾವಡ್ ದೂರ ಆದುಪ್ಪುಲ. ಉಂದು ಮಾತ ಪ್ರಯೋಜನದಾಂತಿನವುಲಾ ಕೆಲಸೊಗು ಬರಂದಿನವುಲಾ ಆದುಂಡು.

ಇಬ್ರಿಯೆರೆಗ್ 5:14

ಗಟ್ಟಿದ ತಿನಸ್ ಪ್ರಾಯಸ್ಥೆರೆಗ್ ಅಂದ್ಂಡ ಗೇನ ಸಾದನೆಡ್ದ್ ಉಂದು ಎಡ್ಡೆಂತಿನ ಉಂದು ಹಾಳ್ ಇನ್ಪಿ ಭೇದೊನು ತೆರಿದಿನಾಕುಲೆಗಾದುಂಡು.