1 ತಿಮೋಥಿ 4:6 - ಪೊಸ ಒಡಂಬಡಿಕೆ

⁶ ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

1 ತಿಮೋಥಿ 4:6 Iomraidhean Croise

ಮತ್ತಾಯೆ 13:52

ಅಪಗ ಆಯೆ ಅಕ್ಲೆಡ, “ಇಂಚ ಉಪ್ಪುನಗ ಪರಲೋಕ ರಾಜ್ಯದ ಸಂಗತಿಡ್ ಉಪದೇಶ ಪಡೆಯೊಂದಿನ ಪ್ರತಿಯೊರಿ ಶಾಸ್ತ್ರಿಲಾ ಇಲ್ಲದ ಯಜಮಾನಗ್ ಸಮ ಆದುಲ್ಲೆ. ಆಯೆ ತನ ಗೋದಾಮುಡ್ದು ಪೊಸ ದ್ರವ್ಯೊಲೆನ್ಲಾ ಐತ ಒಟ್ಟುಗು ಪರತ್ತ್‌ದೆನ್ಲಾ ಪಿದಯಿ ಕನವೊಂದುಪ್ಪುವೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 1:15

ಆ ದಿನೊಕುಲೆಡ್ ಸುಮಾರ್ ನೂತ್ತ ಇರ್ವ ಮಂದಿ ಸಹೋದ್ರೆರ್ ಸೇರ್ದುಪ್ಪುನಗ ಪೇತ್ರೆ ಅಕ್ಲೆ ನಡುಟು ಉಂತುದು ಇಂಚ ಪಂಡೆ.

ಅಪೊ.ಕ್ರಿ 20:31

ಅಂಚಾಯಿನೆಡ್ದ್ ಎಚ್ಚರಿಕೆಡ್ ಉಪ್ಪುಲೆ! ಯಾನ್ ಮೂಜಿ ವರ್ಸ ನಿಕ್ಲೆ ಒಟ್ಟುಗು ಇತ್ತೆ. ಯಾನ್ ರಾತ್ರೆ ಪಗೆಲ್ ಬೋಧನೆ ಮಲ್ತೊಂದು ನಿಕ್ಲೆಗಾದ್ ಕಣ್ಣೀರ್ ಜಪುಡಾವೊಂದು ನಿಕ್ಲೆಗ್ ಎಚ್ಚರಿಕೆ ಕೊರೊಂದು ಇತ್ತಿನೆನ್ ಮದತ್ ಬುಡಡೆ.

ಅಪೊ.ಕ್ರಿ 20:35

ಮಾತ ವಿಚಾರೊಡು ಯಾನ್ ನಿಕ್ಲೆಗ್ ಮಾದ್ರಿ ತೋಜಾದೆ. ಎಂಕುಲುಲಾ ಅಂಚೆನೇ ಬೆಂದ್‌ದ್ ಬಲಹೀನೆರೆಗ್ ಉಪಕಾರ ಮಲ್ಪೊಡು, ‘ಬೊಕ್ಕ ದೆತ್ತೊನುನೆಡ್ದ್ ಕೊರ್ಪಿನವೇ ಮಲ್ಲ ಭಾಗ್ಯ,’ ಅಂದ್‌ದ್ ಕರ್ತವೆ ಯೇಸು ತಾನೇ ಪಂಡಿ ಪಾತೆರೊಲೆನ್ ನೆನೆಪುಡು ದೀವೊಂದುಪ್ಪೊಡು,” ಪಂಡೆ.

ರೋಮಾಯೆರೆಗ್ 15:15

ದೇವೆರ್ ಎಂಕ್ ಕೊರ್ತಿ ದಯೊಕಾದ್ ಒಂತೆದೆಟ್ ನೆನೆಪು ಪುಟ್ಟಾದ್ ಯಾನ್ ನಿಕ್ಲೆಗ್ ಮಸ್ತ್ ಸಂಗತಿಲೆನ್ ಧೈರ್ಯಾದ್ ಬರೆತೆ.

1 ಕೊರಿಂಥ್ಯೆರೆಗ್ 4:17

ಐಕಾದೇ ಕರ್ತವಡ್ ಎನ ಮಗೆ ಆದುಪ್ಪು ತಿಮೋಥಿನ್ ನಿಕ್ಲೆ ಕೈತಲ್‌ ಕಡಪುಡ್ದು ಕೊರ್ತೆ. ಆಯೆ ಎಂಕ್ ಪ್ರೀತಿದಾಯೆಲಾ ನಂಬಿಗಸ್ತೆಲಾ ಆದುಲ್ಲೆ. ಆಯೆ ಕ್ರಿಸ್ತನ ಸೇವೆಡುಪ್ಪು ಎನ ನಡಾವಳಿಕೆನ್, ಪಂಡ ಯಾನ್ ಮಾತ ಕಡೆಟ್ಟ್ ಬೊಕ್ಕ ಮಾತ ಸಭೆಕ್ಲೆಡ್ಲಾ ಬೋಧನೆ ಮಲ್ಪುನ ರೀತಿನ್ ನಿಕ್ಲೆನ ನೆನೆಪುಗು ಕನವೆ.

2 ಕೊರಿಂಥ್ಯೆರೆಗ್ 11:23

ಅಕುಲು ಕ್ರಿಸ್ತನ ಸೇವಕೆರಾ? (ಮೂಲು ಯಾನ್ ಬುದ್ಧಿ ತತ್ತಿನಾಯಲೆಕ್ಕ ಪಾತೆರ್‌ವೆ.) ಯಾನ್ಲಾ ಅಕ್ಲೆಡ್ದ್ ಹೆಚ್ಚಾದ್ ಸೇವೆ ಮಲ್ಪುನಾಯೆನೇ. ಆಯನ ಸೇವೆಡ್ ಅಕ್ಲೆಡ್ದ್ ಹೆಚ್ಚ್ ಪ್ರಯಾಸ ಬುಡಿಯೆ; ಮಸ್ತ್ ಸರ್ತಿ ಸೆರೆಮನೆಟ್ ಬೂರಿಯೆ; ಹೆಚ್ಚಾದ್ ಚಡಿತ ಪೆಟ್ಟ್ ತಿಂದೆ, ಅಪಗಪಗ ಮರಣೊಗು ಎದುರಾಯೆ.

2 ಕೊರಿಂಥ್ಯೆರೆಗ್ 3:6

ಎಂಕ್ಲೆನ್ ಆಯೆ ಪೊಸ ಒಡಂಬಡಿಕೆದ ಎಡ್ಡೆ ಸೇವಕೆರಾದ್ ಮಲ್ತೆ. ಅವು ಬರೆತಿನ ನಿಯಮೊಲು ಆದುಪ್ಪಂದೆ ದೇವೆರಾತ್ಮದ ಸಮ್ಮಂಧ ಆದುಂಡು. ಬರೆತಿನ ನಿಯಮೊಲು ಮರಣೊನು ಕೊರೊಂದುಪ್ಪುಂಡು; ಆಂಡ ದೇವೆರಾತ್ಮ ಜೀವೊನು ಕೊರೊಂದುಪ್ಪುಂಡು.

2 ಕೊರಿಂಥ್ಯೆರೆಗ್ 6:4

ಆಂಡ ಮಾತ ವಿಷಯೊಲೆಡ್ ಎಂಕ್ಲೆನೇ ದೇವೆರೆ ಸೇವಕೆರ್ ಅಂದ್‌ದ್ ಎಂಕುಲು ತೋಜಾವುನವು. ಎಂಕುಲು ದಿಂಜ ಸಹಿಸೊನೆಟ್ಟ್ ಭಂಗೊಲೆಡ್ ಕೊರತೆಲೆಡ್ ಇಕ್ಕಟ್ಟ್‌ಡ್

ಎಫೆಸ್ಯೆರೆಗ್ 6:21

ಎನ ಸಂಗತಿಲೆನ್ಲಾ ಕೆಲಸ ಕಾರ್ಯೊಲೆನ್ಲಾ ನಿಕ್ಲೆಗ್ ಗೊತ್ತಾಪಿಲೆಕ್ಕ ಎನ ಪ್ರೀತಿದ ಸಹೋದ್ರೆಲಾ, ಕರ್ತವಡ್ ನಂಬಿಗಸ್ತೆ ಚಾಕ್ರಿದಾಕುಲುಲಾ ಆದುಪ್ಪು ತುಖಿಕೆ ನಿಕ್ಲೆಗ್ ಮಾತ ತೆರಿಪಾವೆ.

ಫಿಲಿಪ್ಪಿಯೆರೆಗ್ 2:20

ಆಯ ಲೆಕ್ಕ ಕಪಟದಾಂತೆ ನಿಕ್ಲೆ ಎಡ್ಡೆ ಕಾರ್ಯೊಲೆ ಬಗೆಟ್ ಯಥಾರ್ಥತೊಡು ಚಿಂತೆ ಮಲ್ಪುನಾಕುಲು, ಎನ ಕೈತಲ್‌ ಬೇತೆ ಏರ್ಲಾ ಇಜ್ಜೆರ್.

ಫಿಲಿಪ್ಪಿಯೆರೆಗ್ 2:22

ಆಂಡ ತಿಮೋಥಿ ಎಂಚ ನಡತ್ತ್‌ದೆ ಅಂದ್‌ದ್ ನಿಕುಲೇ ತೆರಿದರ್. ದಾಯೆಗ್ ಪಂಡ, ಮಗೆ ಅಮ್ಮೆರೆಗ್ ಎಂಚನಾ, ಅವ್ವೇ ತರೊಟು ಆಯೆ ಎನಡೊಪ್ಪ ಸುವಾರ್ತೆದ ಪ್ರಚಾರೊಗಾದ್ ಸೇವೆ ಮಲ್ತ್‌ದ್ ಯೋಗ್ಯದಾಯೆ ಅಂದ್‌ದ್ ನಿಕ್ಲೆಗ್ ಗೊತ್ತುಂಡು.

ಫಿಲಿಪ್ಪಿಯೆರೆಗ್ 3:16

ಆಂಡಲಾ, ನಮ ವಾ ಕ್ರಮೊನು ಪತ್ತೊಂದು ಇದ ಮುಟ್ಟ ಬೈದನಾ ಅವೆನೇ ಪತ್ತೊಂದು ನಡತೊನುಗ.

ಕೊಲೊಸ್ಸಿಯೆರೆಗ್ 2:19

ಆಂಡ ಕ್ರಿಸ್ತೆ ಇನ್ಪಿ ತರೆತ ಸಮ್ಮಂಧೊನು ಬುಡ್ದು ಬುಡ್ತೆರ್. ಇಂಚಿತ್ತಿನಾಕುಲು ನಿಕ್ಲೆಗ್ ಬತ್ತಿ ಪುದರ್‌ನ್ ದೆತ್ತ್ ಪಾಡ್ಯೆರೆ ಇಂಬು ಕೊರಡೆ. ಆ ತರೆಡ್ದೆ ಇಡೀ ಶರೀರಲಾ ಸಂದ್‌ದ ನರಂಬುಲೆಡ್ದ್ ಬೋಡಾಯಿನ ಸಹಾಯೊನು ಪಡೆವೊಂದು ದೇವೆರ್ ಕೊರ್ಪಿನ ಸತ್ವೊಡ್ದು ಅವು ಬಳಪುಂಡು.

ಕೊಲೊಸ್ಸಿಯೆರೆಗ್ 3:16

ಕ್ರಿಸ್ತನ ಪಾತೆರ ನಿಕ್ಲೆಡ್ ದಿಂಜಿದ್ ಉಪ್ಪಡ್. ಆಯೆ ಕೊರ್ಪಿನ ಮಾತ ಗೇನೊಡ್ದಾದ್ ಒರಿಯಡೊರಿ ಬೋಧನೆ ಮಲ್ಪುಲೆ, ಬುದ್ಧಿ ಪನೊಂದುಪ್ಪುಲೆ. ಕೀರ್ತನೆ, ರಾಗ, ಆತ್ಮಭಾವದ ಪದ ಮಲ್ತೊಂದು ಉಪಕಾರ ದಿಂಜಿದಿ ಉಡಲ್‌ಡ್ದ್ ದೇವೆರೆಗ್ ರಾಗ ಮಲ್ಪುಲೆ.

ಕೊಲೊಸ್ಸಿಯೆರೆಗ್ 4:7

ಪ್ರೀತಿದ ಸಹೋದ್ರೆಲಾ, ನಂಬಿಗಸ್ತೆ ಸೇವಕೆಲಾ, ಕರ್ತವಡ್ ಎನಡೊಪ್ಪ ಜತೆಸೇವಕೆಲಾ ಆದುಪ್ಪು ತುಖಿಕೆ ಎನ ಸಂಗತಿಲೆನ್ ನಿಕ್ಲೆಗ್ ತೆರಿಪಾವೆ.

1 ಥೆಸಲೋನಿಕೆರೆಗ್‌ 3:2

ನಿಕ್ಲೆ ಮಿತ್ತ್ ಬೈದಿನ ಕಷ್ಟ ಸಂಕಟೊಲೆಡ್ ಒರಿಲಾ ಚಂಚಲೆರ್ ಆವಂದಿಲೆಕ್ಕಲಾ ನಿಕ್ಲೆನ್ ಗಟ್ಟಿ ಮಲ್ಪುಲೆಕ್ಕಲಾ ನಿಕ್ಲೆ ನಂಬಿಕೆ ಹೆಚ್ಚಾವೆರೆಗ್ಲಾ ನಿಕ್ಲೆಗ್ ಬೋಧನೆ ಮಲ್ಪೆರೆಗ್ಲಾ ಎಂಕುಲೆ ಸಹೋದ್ರೆಲಾ ಕ್ರಿಸ್ತನ ಸುವಾರ್ತೆದ ಬೇಲೆಡ್ ದೇವೆರೆ ಸೇವಕೆಲಾ ಆದುಪ್ಪು ತಿಮೋಥಿನ್ ನಿಕ್ಲೆ ಕೈತಲ್‌ ಕಡಪುಡುವ.

1 ತಿಮೋಥಿ 4:16

ಅತ್ತಂದೆ ನಿನ ಬಗೆಟ್ಲಾ ಈ ಕೊರ್ಪಿ ಬೋಧನೆದ ಬಗೆಟ್ಲಾ ಜಾಗ್ರತೆಡುಪ್ಪುಲ. ಈ ಐಟ್ಟೇ ನಿಲೆ ಆದುಪ್ಪುಲ, ಅಪಗ ಈ ನಿನನ್ಲಾ ಬೊಕ್ಕ ನಿನ ಬೋಧನೆನ್ ಕೇನುನಾಕುಲೆನ್ಲಾ ರಕ್ಷಣೆ ಮಲ್ಪುವ.

1 ತಿಮೋಥಿ 6:3

ಏರಾಂಡಲಾ ಒರಿ ಬೇತೆ ಬೋಧನೆ ಕೊರ್ದು ನಮ ಕರ್ತವೆ ಆದುಪ್ಪು ಯೇಸು ಕ್ರಿಸ್ತನ ಸರಿ ಇತ್ತಿ ಪಾತೆರೊಗ್ಲಾ ಭಕ್ತಿಗ್ ತಕ್ಕಾದುಪ್ಪು ಬೋಧನೆಗ್ಲಾ ಒಪ್ಪಿಯಂದೆ ಪೋಂಡ,

2 ತಿಮೋಥಿ 1:6

ಅಂಚಾಯಿನೆಡ್ದೇ ಯಾನ್ ಎನ ಕೈನ್ ನಿನ ತರೆಕ್ ದೀಯಿನಪಗ ದೇವೆರ್ ನಿಕ್ಕ್ ಕೊರಿನ ಆತ್ಮೀಕ ವರದಾನೊನು ನನಲಾ ಹೆಚ್ಚಾದ್ ತೋಜಿದ್ ಬರ್ಪಿಲೆಕ್ಕ ಮಲ್ಪೊಡಂದ್‌ದ್ ಕುಡ ನೆನೆಪು ಪುಟ್ಟಾವೆ.

2 ತಿಮೋಥಿ 3:10

ಈಯಾಂಡಲಾ ಎನ ಬೆರಿ ಬರ್ಪಿನಾಯೆ ಆದ್ ಎನ ಬೋಧನೆ, ನಡತೆ, ಉದ್ದೇಶ, ನಂಬಿಕೆ, ತಾಳ್ಮೆ, ಪ್ರೀತಿ, ಸಹನೆ ಉಂದೆನ್ ಮಾತ ತೆರಿದ.

2 ತಿಮೋಥಿ 4:3

ದಾಯೆಗಂದ್ಂಡ ಜನೊಕುಲು ಸತ್ಯ ಇತ್ತಿ ಬೋಧನೆಗ್ ಕೆಬಿ ಕೊರಂದಿನಾಕುಲಾದ್, ತನ್ಕುಲೆಗ್ ಬೋಡಿತ್ತಿನೆನ್ ಕೇನುಲೆಕ್ಕ ಇತ್ತಿ ದುರಾಶೆಲೆಗ್ ಅನುಕೂಲವಾಯಿ ಬೋಧಕರೆನ್ ದೀವೊನ್ವೆರ್.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:1

ಈಯಾಂಡಲಾ ತೀತ, ಸ್ವಸ್ಥ ಬೋಧನೆಗ್ ತಕ್ಕಾದ್ ಬೋಧನೆ ಕೊರ್ಲ.

1 ಪೇತ್ರೆ 2:2

ಪುರುಬಾಲೆಲೆ ಲೆಕ್ಕ ನಿಕುಲು ದೇವೆರೆ ವಾಕ್ಯ ಪನ್ಪಿ ಶುದ್ಧವಾಯಿನ ಆತ್ಮೀಕ ಪೇರ್‌ನ್ ಬಯಕ್ಲೆ. ಐಟ್ಟ್ ಬಲ ಪಡೆದ್ ರಕ್ಷಣೆನ್ ಪಡೆವರ್.

2 ಯೋಹಾನೆ 1:9

ಏರಾಂಡಲಾ ಕ್ರಿಸ್ತನ ಬೋಧನೆಗ್ ಸರಿಯಾದ್ ನಡಪಂದೆ ದೂರ ಪೋಯೆಡ ಆಯಡ ದೇವೆರ್ ಉಪ್ಪುಜೆ. ಆಂಡ ಕ್ರಿಸ್ತನ ಬೋಧನೆಗ್ ಸರಿಯಾದ್ ನಡಪುನಾಯಡ ಅಮ್ಮೆಲಾ ಉಲ್ಲೆ ಮಗೆಲಾ ಉಲ್ಲೆ.

ಯೂದೆ 1:5

ಉಂದು ಮಾತ ನಿಕ್ಲೆಗ್ ದುಂಬು ಗೊತ್ತು ಇತ್ತ್ಂಡಲಾ ನಿಕ್ಲೆಗ್ ನೆನೆಪು ಪುಟ್ಟಾವೆರೆ ಎಂಕ್ ಮನಸಾಂಡ್. ಕರ್ತವೆ ತನ ಜನೊಕುಲೆನ್ ಐಗುಪ್ತ ದೇಶೊಡ್ದು ಒರಿಪಾಂಡಲಾ ಅಕ್ಲೆಡ್ ನಂಬಂದಿನಾಕುಲೆನ್ ಬೊಕ್ಕ ನಾಶ ಮಲ್ತೆ.