1 ತಿಮೋಥಿ 4:5 - ಪೊಸ ಒಡಂಬಡಿಕೆ

⁵ ದಾಯೆಗಂದ್ಂಡ ದೇವೆರೆ ಪಾತೆರೊಡ್ದುಲಾ ಪ್ರಾರ್ಥನೆಡ್ದ್‌ಲಾ ಅವು ಶುದ್ಧ ಆಪುಂಡು.

1 ತಿಮೋಥಿ 4:5 Iomraidhean Croise

ಲೂಕೆ 11:41

ಆಂಡಲಾ ಉಲಯಿ ಇತ್ತಿನೆನ್ ಬಡವೆರೆಗ್ ದಾನ ಮಲ್ಪುಲೆ; ಅಪಗ ಮಾತಲಾ ನಿಕ್ಲೆಗ್ ಶುದ್ಧಾದುಪ್ಪುಂಡು.

ಲೂಕೆ 4:4

ಐಕ್ ಯೇಸು ಆಯಗ್, “ನರಮಾನಿ ರೊಟ್ಟಿ ತಿಂದ್‌ಂಡ ಮಾತ್ರ ಬದುಕುಜೆ, ಅಂದ್‌ದ್ ಬರೆತ್ಂಡ್,” ಅಂದ್‌ದ್ ಉತ್ತರ ಕೊರಿಯೆ.

1 ಕೊರಿಂಥ್ಯೆರೆಗ್ 7:14

ದಾಯೆಗಂದ್ಂಡ ನಂಬಿಕೆದಾಂತಿನ ಕಂಡನಿ ಬೊಡೆದಿಡ್ದಾದ್ ದೇವಜನೊಕುಲೆನ ಸಮ್ಮಂಧೊನು ಪಡೆಪಿನಾಯೆ ಆಪೆ. ಅಂಚೆನೇ ನಂಬಿಕೆದಾಂತಿನ ಬೊಡೆದಿ ಕಂಡನಿಡ್ದಾದ್ ದೇವಜನೊಕುಲೆನ ಸಮ್ಮಂಧೊನು ಪಡೆಪಿನಾಲ್ ಆಪಲ್. ಅಂಚ ಇಜ್ಜಾಂಡ ನಿಕ್ಲೆ ಜೋಕುಲು ಅಶುದ್ಧ ಆದಿತ್ತ್‌ದ್ವೆರ್. ಆಂಡ ಇತ್ತೆ ಅಕುಲುಲಾ ದೇವಜನೊಕುಲೆಡ್ ಸೇರ್ದಿನಾಕುಲು ಆದುಲ್ಲೆರ್.

1 ತಿಮೋಥಿ 4:3

ಜನೊಕುಲೆನ್ ಮರ್ಲ್ ಮಲ್ಪುನಾಕುಲಾದ್ ಅಕುಲು ಮದ್ಮೆ ಆವೆರೆ ಬಲ್ಲಿ ಪಂಡ್ದ್‌ಲಾ, ಕೆಲವು ತಿನಸ್‌ಲೆನ್ ತಿನಿಯೆರೆ ಬಲ್ಲಿ ಪಂಡ್ದ್‌ಲಾ ಪನ್ಪೆರ್. ಆಂಡ ಏರ್ ದೇವೆರೆನ್ ನಂಬುನಾಕುಲಾದ್ ಸತ್ಯೊನು ತೆರಿಯೊಂದಿನಾಕುಲಾದ್ ಉಲ್ಲೆರಾ ಅಕುಲು ದೇವೆರೆಗ್ ಉಪಕಾರ ಸ್ತುತಿ ಮಲ್ತ್‌ದ್ ತಿನರೆಗಾದ್ ದೇವೆರ್ ಮಾತ ತರತ ತಿನಸ್‌ಲೆನ್ ಉಂಡು ಮಲ್ತ್‌ದೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:15

ನಿರ್ಮಲದಾಕುಲೆಗ್ ಮಾತಲಾ ಶುದ್ಧನೇ, ಆಂಡ ಮೈಲೆದಾಕುಲೆಗ್ಲಾ ನಂಬಿಕೆದಾಂತಿನಾಕುಲೆಗ್ಲಾ ಒವುಲಾ ಶುದ್ಧ ಆದುಪ್ಪುಜಿ. ಅಕ್ಲೆ ಮನಸ್‌ಲಾ ಮನಸಾಕ್ಷಿಲಾ ರಡ್ಡ್‌ಲಾ ಮೈಲೆ ಆದುಪ್ಪುಂಡು.

ಇಬ್ರಿಯೆರೆಗ್ 11:3

ಈ ಲೋಕ ದೇವೆರೆ ಪಾತೆರೊಡ್ದು ಉಂಡಾಯಿನವು ಪಂಡ್ದ್ ನಂಬಿಕೆಡ್ದೇ ಎಂಕುಲು ತೆರಿಯೊಂದು ತೋಜುನ ಈ ಲೋಕ ತೂಪಾಠಿಕೆದ ವಸ್ತುಲೆಡ್ದ್ ಉಂಡಾತಿಜಿ ಅಂದ್‌ದ್ ತೆರಿಯೊನುವ.