1 ತಿಮೋಥಿ 4:4 - ಪೊಸ ಒಡಂಬಡಿಕೆ

⁴ ದೇವೆರ್ ಉಂಡು ಮಲ್ತಿನವು ಮಾತಲಾ ಎಡ್ಡೆಂತಿನವು ಆಯಿನೆಡ್ದ್, ದೇವೆರೆಗ್ ಉಪಕಾರ ಸ್ತುತಿ ಮಲ್ತ್‌ದ್ ದೆತ್ತೊಂಡ, ಒವೆನ್ಲಾ ಬೊಡ್ಚಿ ಅಂದ್‌ದ್ ಪನಿಯೆರೆ ಬಲ್ಲಿ.

1 ತಿಮೋಥಿ 4:4 Iomraidhean Croise

ಅಪೊ.ಕ್ರಿ 10:15

ದೇವೆರ್ ಶುದ್ಧ ಮಲ್ತಿನೆನ್ ಈ ಅಶುದ್ಧ ಅಂದ್‌ದ್ ಪನೊಡ್ಚಿ. ಕುಡ ರಡ್ಡನೆ ಸರ್ತಿ ಆಯಗ್ ಸ್ವರ ಕೇಂಡ್.

ಅಪೊ.ಕ್ರಿ 21:25

ಪಿದಯಿದ ಜನೊಕುಲೆಡ್ ಯೇಸುನು ನಂಬುನಾಕುಲು ಮೂರ್ತಿಲೆಗ್ ಅರ್ಪಣೆ ಮಲ್ತ್‌ದಿನ ನೈವೇದ್ಯೊನು ತಿನೊಡ್ಚಿ, ಲೈಂಗಿಕ ಪಾಪೊಲೆನ್ ಮಲ್ಪೊಡ್ಚಿ, ಕಂಟೆಲ್ ಪೀಂಟಾದ್ ಕೆರ್ತಿನ ಪ್ರಾಣಿಲೆನ ನೆತ್ತೆರ್‌‌ನ್ಲಾ ಮಾಸೊನ್ಲಾ ತಿರಸ್ಕಾರ ಮಲ್ಪೊಡು ಅಂದ್‌ದ್ ಎಂಕುಲು ಆಲೋಚನೆ ಮಲ್ತ್‌ದ್ ಬರೆದ್ ಕಡಪುಡಿಯ,” ಪಂಡ್ದ್ ಪಂಡೆರ್.

ರೋಮಾಯೆರೆಗ್ 14:14

ವಾ ತಿನ್ಪಿ ವಸ್ತುಲಾ ಅಶುದ್ಧದವು ಅತ್ತ್ ಪಂಡ್ದ್ ತೆರಿದೆ ಬೊಕ್ಕ ಕರ್ತವೆ ಆದುಪ್ಪು ಯೇಸುಡೊಪ್ಪ ಇತ್ತ್‌ದ್ ದೃಢವಾದ್ ನಂಬುದೆ. ಆಂಡ ನಿಕುಲು ವಾ ತಿನ್ಪಿನ ವಸ್ತುಲೆನ್ ಅಶುದ್ಧ ಪಂಡ್ದ್ ನಂಬುವರ್ಡ ಅವು ನಿಕ್ಲೆಗ್ ಅಶುದ್ಧದವು ಆದುಂಡು.

ರೋಮಾಯೆರೆಗ್ 14:20

ದೇವೆರ್ ಕಟ್ಟಿನೆನ್ ತಿನ್ಪಿ ವಸ್ತುಲೆ ಕಾರಣೊಡ್ದಾದ್ ನಾಶ ಮಲ್ಪಡ. ಮಾತ ವಸ್ತುಲುಲಾ ಶುದ್ಧದವೇ. ಆಂಡ ತಿಂದ್‌ದ್ ಬೊಕ್ಕೊರಿಯಗ್ ಅಡ್ಡಿ ಮಲ್ಪುನವು ತಪ್ಪು.

ರೋಮಾಯೆರೆಗ್ 14:6

ದಿನೊಲೆನ್ ವಿಶೇಷ ಪಂಡ್ದ್ ಎನ್ನುನಾಯೆ ಕರ್ತವಗಾದ್ ಅಂಚ ಎನ್ನುವೆ. ತಿನ್ಪಿನಾಯೆ ಕರ್ತವಗಾದ್ ತಿನ್ಪೆ. ಆಯೆ ದೇವೆರೆಗ್ ಉಪಕಾರ ಮಲ್ಪುವೆ ಅತ್ತಾ. ತಿನಂದಿನಾಯೆಲಾ ಕರ್ತವಗಾದ್ ತಿನಂದೆ ದೇವೆರೆಗ್ ಉಪಕಾರ ಮಲ್ಪುವೆ.

1 ಕೊರಿಂಥ್ಯೆರೆಗ್ 10:23

“ಮಾತ ಕೆಲಸೊನ್ಲಾ ಮಲ್ಪೆರೆ ಸ್ವತಂತ್ರ ಉಂಡು,” ನಿಕುಲು ಪನ್ಪರ್. ಆಂಡ ಯಾನ್ ಪನ್ಪಿನಿ, “ಮಾತಲಾ ಕೆಲಸೊಗು ಬರ್ಪುಜಿ. ಮಾತೆಕ್ ಎಂಕ್ ಸ್ವತಂತ್ರ ಉಂಡು,” ಆಂಡ ಮಾತಲಾ ಅಭಿವೃದ್ಧಿದವು ಅತ್ತ್.

1 ಕೊರಿಂಥ್ಯೆರೆಗ್ 10:25

ಪೇಂಟೆಡ್ ಮಾರುನವು ಮಾತೆನ್ಲಾ ಮನಸಾಕ್ಷಿಡ್ ದಾಲಾ ಸಂಶಯ ಮಲ್ಪಂದೆ ತಿನ್ಲೆ.

1 ಕೊರಿಂಥ್ಯೆರೆಗ್ 10:26

“ಭೂಮಿಲಾ ಐಟ್ಟ್ ಉಪ್ಪುನವು ಮಾತಲಾ ಕರ್ತವನವೇ ಆದುಂಡತ್ತಾ.”

1 ಕೊರಿಂಥ್ಯೆರೆಗ್ 10:30

ಯಾನ್ ಉಪಕಾರ ಪಂಡ್‌ದ್ ಉಂಡಿಬೊಕ್ಕ, ಉಪಕಾರ ಸ್ತುತಿ ಮಲ್ತ್‌ದ್ ತಿನ್ಪಿನ ತಿನಸ್‌ಗಾದ್ ಎಂಕ್ ದಾಯೆಗ್ ದೂಷಣೆ ಆವೊಡು?”

1 ತಿಮೋಥಿ 4:3

ಜನೊಕುಲೆನ್ ಮರ್ಲ್ ಮಲ್ಪುನಾಕುಲಾದ್ ಅಕುಲು ಮದ್ಮೆ ಆವೆರೆ ಬಲ್ಲಿ ಪಂಡ್ದ್‌ಲಾ, ಕೆಲವು ತಿನಸ್‌ಲೆನ್ ತಿನಿಯೆರೆ ಬಲ್ಲಿ ಪಂಡ್ದ್‌ಲಾ ಪನ್ಪೆರ್. ಆಂಡ ಏರ್ ದೇವೆರೆನ್ ನಂಬುನಾಕುಲಾದ್ ಸತ್ಯೊನು ತೆರಿಯೊಂದಿನಾಕುಲಾದ್ ಉಲ್ಲೆರಾ ಅಕುಲು ದೇವೆರೆಗ್ ಉಪಕಾರ ಸ್ತುತಿ ಮಲ್ತ್‌ದ್ ತಿನರೆಗಾದ್ ದೇವೆರ್ ಮಾತ ತರತ ತಿನಸ್‌ಲೆನ್ ಉಂಡು ಮಲ್ತ್‌ದೆ.