1 ತಿಮೋಥಿ 4:2 - ಪೊಸ ಒಡಂಬಡಿಕೆ

² ಸುಳ್ಳು ಬೋಧಕೆರ್ ಬತ್ತ್‌ದ್ ಸ್ವಂತ ಮನಸ್‌ಡ್ ಕಪಟದಾಕುಲಾಂಡಲಾ ತನ್ಕುಲು ನೀತಿವಂತೆರ್ ಅಂದ್‌ದ್ ತೋಜಾವೊನ್ವೆರ್.

1 ತಿಮೋಥಿ 4:2 Iomraidhean Croise

ಮತ್ತಾಯೆ 24:24

ಸುಳ್ಳು ಕ್ರಿಸ್ತೆರ್ಲಾ ಸುಳ್ಳು ಪ್ರವಾದಿಲುಲಾ ತೋಜಿದ್ ಬರ್ವೆರ್. ಸಾದ್ಯ ಇತ್ತ್ಂಡ ದೇವೆರ್ ಅಜತ್ ದೆತ್ತೊಂಡಿನಾಕುಲೆನ್ಲಾ ಮೋಸೊಡು ಪಾಡಿಯೆರೆಗಾದ್ ಮಲ್ಲ ಮಲ್ಲ ಗುರ್ತೊಲೆನ್ಲಾ ಕಾರ್ನಿಕೊಲೆನ್ಲಾ ಮಲ್ತ್‌ದ್ ತೋಜಪಾವೆರ್.

ಮತ್ತಾಯೆ 7:15

“ಸುಳ್ಳು ಪ್ರವಾದಿಲೆ ಸಂಗತಿಡ್ ಜಾಗ್ರತೆ. ಅಕುಲು ಕುರಿತ ವೇಶೊಡು ನಿಕ್ಲೆ ಕೈತಲ್‌ ಬರ್ಪೆರ್ ಆಂಡ ಉಲಯಿ ತೂಂಡ ತಿಂದ್ ಪಾಡುನ ಚೆನ್ನನಾಯಿಲೆ!

ಅಪೊ.ಕ್ರಿ 20:30

ನಿಕ್ಲೆಡ ಕೆಲೆವೆರ್ ಸುಳ್ಳು ಬೋಧನೆ ಮಲ್ತ್‌ದ್ ಶಿಷ್ಯೆರೆನ್ ತನ್ಕುಲೆ ಪಿರವು ಒಯ್ತೊನುವೆರ್.

ರೋಮಾಯೆರೆಗ್ 1:28

ಉಂದತ್ತಂದೆ ದೇವೆರೆ ಗೇನ ಅಕ್ಲೆಗ್ ಇಷ್ಟದಾಂತಿನೆಡ್ದ್ ದೇವೆರ್ ಅಕ್ಲೆನ್ ಅತ್ತಂದಿನ ನೀಚ ಬುದ್ಧಿಗ್ ಒಪ್ಪಿಸಾದ್ ಕೊರಿಯೆ. ಅಂಚಾದ್ ಅಕುಲು ಬೊಡ್ಚಾಂದಿನ ಕಾರ್ಯೊಲೆನ್ ಮಲ್ತೆರ್.

ರೋಮಾಯೆರೆಗ್ 16:18

ಇಂಚ ಮಲ್ಪುನಾಕುಲು ನಮ ಕರ್ತವೆ ಆದುಪ್ಪು ಕ್ರಿಸ್ತನ ಸೇವೆನ್ ಮಲ್ಪಂದೆ ತನ್ಕುಲೆ ಬಂಜಿದ ಸೇವೆನೇ ಮಲ್ಪುನಾಕುಲು. ಅಕುಲು ಪೊರ್ಲುದ ಪುಗರಿಕೆದ ಪಾತೆರೊಲೆಡ್ದ್ ತೆರಿಯಂದಿ ಜನೊಕುಲೆನ ಉಡಲ್‌ನ್ ಮೋಸೊಗು ಪಾಡ್ವೆರ್

ಎಫೆಸ್ಯೆರೆಗ್ 4:14

ಅಂಚಾದ್ ಎಂಕುಲು ನನ ಮಿತ್ತ್ ಬಾಲೆಲೆಕ್ಕ ಉಪ್ಪೆರೆ ಬಲ್ಲಿ, ನರಮಾನಿ ಮೋಸೊಡು ಕಲ್ಪಾವುನ ಬೋಧನೆ, ಮೋಸಗಾರಿಕೆಡ್ ಬೂರ್ದು ಕಡಲ್ದ ಸೆರೆತ್ತ ಲೆಕ್ಕ ಅಂಚಿಂಚಿ ಮಾಲೊಂದು ಉಪ್ಪೆರೆ ಬಲ್ಲಿ.

ಎಫೆಸ್ಯೆರೆಗ್ 4:19

ಅಕ್ಲೆಗ್ ವಾ ನಾಚಿಗೆಲಾ ಇಜ್ಜಿ. ತನ್ಕುಲು ಬಂಡ್‌ತನೊಕು ಒಚ್ಚಿದ್ ಕೊರ್ದು ಮಾತ ತರತ ಕೀಳ್ ಕೆಲಸೊಲೆನ್ ನಡಪಾವುನಾಕುಲಾದುಲ್ಲೆರ್.

2 ತಿಮೋಥಿ 3:5

ಭಕ್ತಿದ ವೇಷೊಡಿತ್ತ್‌ದ್ ಐತ ಬಲೊನು ತಿರಸ್ಕಾರ ಮಲ್ಪುನಾಕುಲು ಆದುಪ್ಪೆರ್. ಇಂಚಿತ್ತಿನಾಕುಲೆನ ಸಹವಾಸ ಮಲ್ಪಡ.

ಪ್ರಕಟಣೆ 16:14

ಉಂದು ಬಲತ್ತ ಕಾರ್ನಿಕೊಲೆನ್ ಮಲ್ಪುನ ದೆವ್ವೊಲು, ಭೂಲೋಕದ ಮಾತ ಅರಸೆರೆ ಕೈತಲ್‌ ಪೋದು, ಸರ್ವಶಕ್ತೆ ಆದುಪ್ಪು ದೇವೆರೆನ ಮಲ್ಲ ದಿನೊಟು ಆಪಿ ಯುದ್ಧೊಗು ಅಕ್ಲೆನ್ ಕೂಡಾವ.