1 ತಿಮೋಥಿ 4:13 - ಪೊಸ ಒಡಂಬಡಿಕೆ

¹³ ಯಾನ್ ಬನ್ನಮುಟ್ಟ ವಾಕ್ಯ ಓದುನೆಟ್ಲಾ ಬೋಧನೆ ಕೊರ್ಪಿನೆಟ್ಟ್‌ಲಾ ಬುದ್ಧಿ ಪನ್ಪಿನೆಟ್ಲಾ ಉಮೇದ್‌ಡುಪ್ಪುಲ.

1 ತಿಮೋಥಿ 4:13 Iomraidhean Croise

ಯೋಹಾನೆ 5:39

ಶಾಸ್ತ್ರೊಲೆಡ್ದ್ ನಿತ್ಯಜೀವ ತಿಕ್ಕುಂಡು ಅಂದ್‌ದ್ ಅವೆನ್ ಓದೊಂದುಲ್ಲರತ್ತಾ, ಆಂಡ ಶಾಸ್ತ್ರೊಡುಲಾ ಎನ ವಿಷಯೊಡು ಸಾಕ್ಷಿ ತೆರಿಪಾವುಂಡು.

ಅಪೊ.ಕ್ರಿ 17:11

ಈ ಯೆಹೂದ್ಯೆರ್ ಥೆಸ್ಸಲೋನಿಕದ ಯೆಹೂದ್ಯೆರೆಡ್ದ್‌ಲಾ ಎಡ್ಡೆ ಗುಣತಾಕುಲು ಆದಿತ್ತೆರ್. ಪೌಲು ಸೀಲೆ ಪನ್ಪಿನ ಪಾತೆರೊಲೆನ್ ಮೊಕುಲು ಬಾರಿ ಮನಸ್ ದೀದ್ ಕೇಂಡೆರ್. ಅವು ಸಂಗತಿಲು ನಿಜ ಆದುಂಡು ಅಂದ್‌ದ್ ತೆರಿಯೊನೆರೆ ಶಾಸ್ತ್ರೊಡು ಪ್ರತಿದಿನ ಉಂಡಾ ಇಜ್ಜಾ ಅಂದ್‌ದ್ ನಾಡೊಂದಿತ್ತೆರ್.

ಅಪೊ.ಕ್ರಿ 6:4

ಅಪಗ ನಮ ಸಮಯೊನು ಪೂರ ಪ್ರಾರ್ಥನೆಗ್ಲಾ ವಾಕ್ಯೊನು ಸಾರಿಯೆರೆಗ್ಲಾ ಕೊರಿಯೆರೆ ಸಾದ್ಯ ಆಪುಂಡು,” ಅಂದ್‌ದ್ ಪಂಡೆರ್.

ರೋಮಾಯೆರೆಗ್ 12:8

ಬೋಧನೆ ಮಲ್ಪುನಾಯೆ ಬೋಧನೆ ಮಲ್ತೊಂದುಲಾ ಬುದ್ಧಿ ಪನ್ಪಿನಾಯೆ ಬುದ್ಧಿ ಪನೊಂದುಲಾ ಉಪ್ಪಡ್. ದಾನ ಕೊರ್ಪಿನಾಯೆ ಯಥಾರ್ಥ ಮನಸ್‌ಡ್ ಕೊರಡ್. ಹಿರಿಯಾದಿಗೆ ನಡಪಾವುನಾಯೆ ಇಷ್ಟೊಡು ನಡಪಾವಡ್. ಕರುಣೆ ತೋಜಾವುನಾಯೆ ಸಂತೋಷೊಡು ಮಲ್ಪಡ್.

1 ಕೊರಿಂಥ್ಯೆರೆಗ್ 14:26

ಸಹೋದ್ರೆರೇ, ನಿಕುಲು ಕೂಡ್ದು ಬನ್ನಗ, ಸಭೆಟ್ ಮಾತೆರ್ಲಾ ಪಾಲ್ ದೆತ್ತೊನೊಡು. ಒರಿ ರಾಗ ಪನ್ಪಿನವು, ಬೊಕ್ಕೊರಿ ಬೋಧನೆ ಮಲ್ಪುನವು, ಒರಿ ತನ್ಕ್ ಪ್ರಕಟವಾಯಿನೆನ್ ತೆರಿಪಾವುನವು, ಬೊಕ್ಕೊರಿ ಬೇತೆ ಭಾಷೆಡ್ ಪನ್ಪಿನವು, ಒರಿ ಐತ ಅರ್ಥೊನು ಪನ್ಪಿನವುಲಾ ಉಂಡತ್ತಾ. ನಿಕುಲು ಎಂಚಿನ ಮಲ್ತರ್ಡಲಾ ಆತ್ಮೀಕ ದೃಢತೆಗಾದ್ ಮಲ್ಪುಲೆ.

1 ಕೊರಿಂಥ್ಯೆರೆಗ್ 14:3

ಆಂಡ ಪ್ರವಾದನೆ ಮಲ್ಪುನಾಯೆ ನರಮಾನಿಲೆನ ಆತ್ಮೀಕ ದೃಢತೆಗಾದ್, ಉತ್ತೇಜನಗಾದ್, ಆಧರಣೆಗಾದ್ ಅಕ್ಲೆಡ ಪಾತೆರ್‌ವೆ.

1 ಕೊರಿಂಥ್ಯೆರೆಗ್ 14:6

ಅಂಚಾದ್ ಸಹೋದ್ರೆರೇ, ಯಾನ್ ನಿಕ್ಲೆನಡೆಗ್ ಬತ್ತ್‌ದ್, ಬೇತೆ ಭಾಷೆಡ್ ಪನ್ಪುನಾಯೆ ಮಾತ್ರ ಆದಿತ್ತ್ಂಡ ಎನಡ್ದ್ ನಿಕ್ಲೆಗ್ ದಾನೆ ಲಾಭ? ಆಂಡ ದೇವೆರೆ ಪ್ರಕಟಣೆನ್ ಅತ್ತ್‌ಡ ಗೇನದ ಪಾತೆರೊನು, ಅತ್ತ್‌ಡ ಪ್ರವಾದನೆನ್ ಅತ್ತ್‌ಡ ಬೋಧನೆನ್ ಕೊರ್‌ಂಡ ನಿಕ್ಲೆಗ್ ಲಾಭ ಆವು.

1 ತಿಮೋಥಿ 4:16

ಅತ್ತಂದೆ ನಿನ ಬಗೆಟ್ಲಾ ಈ ಕೊರ್ಪಿ ಬೋಧನೆದ ಬಗೆಟ್ಲಾ ಜಾಗ್ರತೆಡುಪ್ಪುಲ. ಈ ಐಟ್ಟೇ ನಿಲೆ ಆದುಪ್ಪುಲ, ಅಪಗ ಈ ನಿನನ್ಲಾ ಬೊಕ್ಕ ನಿನ ಬೋಧನೆನ್ ಕೇನುನಾಕುಲೆನ್ಲಾ ರಕ್ಷಣೆ ಮಲ್ಪುವ.

1 ತಿಮೋಥಿ 4:6

ಈ ಸಂಗತಿಲೆನ್ ಸಹೋದ್ರೆರೆಗ್ ತೆರಿಪಾಂಡ, ಈ ಕೈಕೊಂದು ನಡಪುನ ಕ್ರಿಸ್ತ ನಂಬಿಕೆದ ಬೊಕ್ಕ ಎಡ್ಡೆ ಬೋಧನೆದ ಪಾತೆರೊಲೆಡ್ ಬಲವಾದ್ ಉಂತುದಿನಾಯೆ ಆದ್ ಕ್ರಿಸ್ತ ಯೇಸುನ ಒರಿ ಎಡ್ಡೆ ಸೇವಕೆ ಆದುಪ್ಪುವ.

2 ತಿಮೋಥಿ 3:15

ಆ ಗ್ರಂಥೊಲು ಕ್ರಿಸ್ತ ಯೇಸುಡುಪ್ಪು ನಂಬಿಕೆಡ್ದ್ ರಕ್ಷಣೆನ್ ಪಡೆಯುನ ಗೇನೊನು ಕೊರ್ಪಿನೆಕ್ಕ್ ಸಾದ್ಯ ಉಂಡು.

2 ತಿಮೋಥಿ 4:2

ದೇವೆರೆ ಪಾತೆರೊನು ಸಾರಿಲ, ಅನುಕೂಲದ ಸ್ಥಿತಿ ಇತ್ತ್ಂಡಲಾ ಇಜ್ಜಿಡಲಾ ಐಟ್ಟ್ ಆಸಕ್ತಿಡುಪ್ಪುಲ. ತಾಳ್ಮೆಡ್ ತಿದ್ದ್‌ಲ, ಶಿಕ್ಷೆ ಕೊರ್ಲ, ಎಚ್ಚರಿಕೆ ಕೊರ್ಲ, ಬೊಕ್ಕ ಎಡ್ಡೆ ಬೋಧನೆನ್ ಕೊರ್ದು ಅಕ್ಲೆಗ್ ಉಮೇದ್ ಕೊರ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:15

ಈ ಕಾರ್ಯದ ಸಂಗತಿಡ್ ಬೋಧನೆ ಮಲ್ತೊಂದು, ಎಚ್ಚರಿಕೆ ಕೊರೊಂದು ಪೂರ್ತಿ ಅಧಿಕಾರೊಡು ಖಂಡಿಸಾಲ. ಏರ್ಲಾ ನಿನನ್ ಪಿಲ್ಯಾವಂದಿಲೆಕ್ಕ ತೂವೊನ್ಲ.