1 ತಿಮೋಥಿ 4:12 - ಪೊಸ ಒಡಂಬಡಿಕೆ

¹² ಈ ಜವ್ವನೆ ಅಂದ್‌ದ್ ಏರ್ಲಾ ನಿನನ್ ಅಸಡ್ಡೆ ಮಲ್ಪಂದೆ ಏರೆಗ್ಲಾ ಅವಕಾಸ ಕೊರಂದೆ ನಿನ ಪಾತೆರೊಡು, ನಡತೆಡ್, ಪ್ರೀತಿಡ್, ನಂಬಿಕೆಡ್, ಶುದ್ಧತೆಡ್ ನಂಬುನಾಕುಲೆಗ್ ಈಯೇ ಮಾದ್ರಿ ಆದುಪ್ಪುಲ.

1 ತಿಮೋಥಿ 4:12 Iomraidhean Croise

ಮತ್ತಾಯೆ 18:10

“ಈ ಎಲ್ಯಾಕುಲೆಡ್ ಒರಿಯನಾಂಡಲಾ ಸಸಾರ ಮಲ್ಪಂದಿಲೆಕ್ಕ ತೂವೊನ್ಲೆ; ಅಕ್ಲೆ ದೂತೆರ್ ಪರಲೋಕೊಡು ಏಪಲಾ ಎನ ಅಮ್ಮೆರೆನ ಮೋನೆ ತೂವೊಂದುಲ್ಲೆರ್,” ಅಂದ್‌ದ್ ನಿಕ್ಲೆಗ್ ಪನ್ಪೆ.

1 ಕೊರಿಂಥ್ಯೆರೆಗ್ 11:1

ಯಾನ್ ಕ್ರಿಸ್ತನ್ ತೂದು ನಡಪುಲೆಕ್ಕನೇ ನಿಕುಲು ಎನನ್ ತೂದು ನಡಪುಲೆ.

ಫಿಲಿಪ್ಪಿಯೆರೆಗ್ 4:8

ಕಡೆಕ್ಕ್ ಸಹೋದ್ರೆರೇ, ಒವು ಮಾತ ಸತ್ಯದವು ಮಾರ್ಯಾದಿದವು ನೀತಿದವು, ನಿರ್ಮಲದವು ಪ್ರೀತಿದವು ಬೊಕ್ಕ ಮಾತೆರ್ ಮೆಚ್ಚುನವು ಆದುಂಡಾ ಒವು ಎಡ್ಡೆಂತಿನ ಆದುಂಡಾ ಬೊಕ್ಕ ಪುಗರಿಕೆಗ್ ಯೋಗ್ಯದವು ಆದುಂಡಾ ಅವೆನ್ ಮಾತ ನೆನೆಪುಗು ಕನಲೆ.

1 ಥೆಸಲೋನಿಕೆರೆಗ್‌ 1:6

ಉಂದತ್ತಂದೆ ನಿಕುಲು ಮಸ್ತ್ ಭಂಗ ಅನುಭವ ಮಲ್ಪೆರೆ ಇತ್ತ್ಂಡಲಾ ಪರಿಶುದ್ಧಾತ್ಮಡ್ದ್ ಉಂಡಾಯಿ ಸಂತೋಷದೊಟ್ಟುಗು ದೇವೆರೆ ಪಾತೆರೊಲೆನ್ ಅಂಗೀಕಾರ ಮಲ್ತ್‌ದ್ ಎಂಕ್ಲೆನ್ಲಾ ಕರ್ತವೆ ಆದುಪ್ಪು ಯೇಸುನ್ಲಾ ಬೆರಿ ಪತ್ತುನಾಕುಲು ಆಯರ್.

1 ಥೆಸಲೋನಿಕೆರೆಗ್‌ 2:10

ನಂಬುನಾಕುಲಾಯಿ ನಿಕ್ಲೆಡ್ ಎಂಕುಲು ಎಂಚ ಭಕ್ತಿಡ್ ನೀತಿವಂತೆರಾದ್, ತಪ್ಪುದಾಂತೆ ಇತ್ತ ಇನ್ಪಿನೆಕ್ಕ್ ನಿಕುಲುಲಾ ದೇವೆರ್‌ಲಾ ಸಾಕ್ಷಿ.

1 ತಿಮೋಥಿ 1:14

ನಮ ಕರ್ತವನ ದಯ ಹೆಚ್ಚಾಯಿನೆಡ್ದ್, ಕ್ರಿಸ್ತ ಯೇಸುಡ್ದು ಬರ್ಪಿನ ನಂಬಿಕೆಲಾ ಪ್ರೀತಿಲಾ ಎನಡ ಏತೋ ಹೆಚ್ಚಾಂಡ್.

2 ತಿಮೋಥಿ 2:15

ಈ ದೇವೆರೆ ದೃಷ್ಟಿಡ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರಿಯೆರೆ ಪ್ರಯಾಸ ಮಲ್ಪುಲ. ನಾಚಿಗೆಗ್ ಗುರಿ ಆವಂದಿಲೆಕ್ಕಲಾ ಸತ್ಯದ ಪಾತೆರೊನು ಸರಿಯಾದ್ ಬೋಧನೆ ಮಲ್ಪುನಾಯೆಲಾ ಆದುಪ್ಪುಲ.

2 ತಿಮೋಥಿ 2:22

ಜವ್ವನ ಪ್ರಾಯದ ಇಚ್ಚೆಲೆಡ್ದ್ ದೂರ ಇತ್ತ್‌ದ್, ನೀತಿನ್, ನಂಬಿಕೆನ್, ಪ್ರೀತಿನ್ ಸಮಾಧಾನೊನು ಸಂಪಾದನೆ ಮಲ್ಪೆರೆಗಾದ್ ಶುದ್ಧ ಉಡಲ್‌ಡ್ದ್ ಕರ್ತವನ್ ಅರಿಕೆ ಮಲ್ಪುನಾಕುಲೆಡೊಪ್ಪ ಈಲಾ ಪ್ರಯತ್ನ ಮಲ್ಪುಲ.

2 ತಿಮೋಥಿ 2:7

ಯಾನ್ ಪನ್ಪಿನೆನ್ ಆಲೋಚನೆ ಮಲ್ಪುಲ, ದಾಯೆಗಂದ್ಂಡ ಈ ಮಾತ ಸಂಗತಿಲೆನ್ ತೆರಿಯೊನಿಯೆರೆ ಕರ್ತವೆ ನಿಕ್ಕ್ ಸಹಾಯ ಮಲ್ಪುವೆ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:15

ಈ ಕಾರ್ಯದ ಸಂಗತಿಡ್ ಬೋಧನೆ ಮಲ್ತೊಂದು, ಎಚ್ಚರಿಕೆ ಕೊರೊಂದು ಪೂರ್ತಿ ಅಧಿಕಾರೊಡು ಖಂಡಿಸಾಲ. ಏರ್ಲಾ ನಿನನ್ ಪಿಲ್ಯಾವಂದಿಲೆಕ್ಕ ತೂವೊನ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:7

ಮಾತ ಎಡ್ಡೆ ಕಾರ್ಯೊಲೆನ್ ಮಲ್ಪುನೆಟ್ಟ್ ಈಯೆ ಮಾದ್ರಿ ಆದುಪ್ಪುಲ. ನಿನ ಬೋಧನೆಡ್ ಯಥಾರ್ಥತೆಲಾ, ಗಂಭೀರತೆಲಾ ತೋಜಿದ್ ಬರಡ್.

ಯಾಕೋಬು 3:13

ನಿಕ್ಲೆಡ್ ಬುದ್ಧಿವಂತೆಲಾ ಆಲೋಚನೆದಾಯೆಲಾ ಏರ್? ಆಯೆ ಎಡ್ಡೆ ನಡತೆಡ್ದ್ ಸಜ್ಜನಿಗೆದ ಬುದ್ಧಿಡ್ ತನ ಕ್ರಿಯೊಲೆನ್ ತೋಜಾವಡ್.

ಯಾಕೋಬು 3:17

ಆಂಡ ಮಿತ್ತ್‌ಡ್ದ್ ಬರ್ಪಿನ ಗೇನ, ಸುರುಟ್ಟು ನಿರ್ಮಲದವು ಆದುಪ್ಪುಂಡು. ಅವು ಸಮಾಧಾನದವು, ಶಾಂತದವು, ಒಪ್ಪಿಯೊನ್ನವು, ಕರುಣೆ ಬೊಕ್ಕ ಎಡ್ಡೆ ಫಲೊಕ್ಲೆಡ್ ದಿಂಜಿದಿನವು, ಭೇದಭಾವದಾಂತಿನವು, ಕಪಟದಾಂತಿನವು ಆದುಂಡು.

1 ಪೇತ್ರೆ 5:3

ದೇವೆರ್ ನಿಕ್ಲೆನ ವಶೊಟು ಕೊರ್ತಿ ಸಭೆತ ಮಿತ್ತ್ ಗುರ್ಕಾಮೆ ತೋಜಾವಂದೆ ಸಭೆಕ್ ಮಾದ್ರಿ ಆದ್ ನಡಪುಲೆ.