11 ಈ ಮಾತ ಸಂಗತಿಲೆಗ್ ಅಪ್ಪಣೆ ಕೊರ್ದು ಬೋಧನೆ ಮಲ್ಪುಲ.
ವಿಧವೆ ತಪ್ಪುದಾಂತಿನಾಕುಲು ಆದುಪ್ಪುಲೆಕ್ಕ ಈ ಅಪ್ಪಣೆನ್ ಕೊರ್ಲ.
ಏರೆಗಾಂಡಲಾ ಕ್ರಿಸ್ತನ್ ನಂಬುನ ಯಜಮಾನೆರ್ ಇತ್ತೆರ್ಡ ಅಕುಲು ಆ ಯಜಮಾನನ್ ಸಹೋದರೆ ಅಂದ್ದ್ ಉದಾಸೀನ ಮಲ್ಪಂದೆ, ತನ್ಕುಲೆನ ಬೇಲೆದ ಫಲೊನು ಹೊಂದುನಾಕುಲುಲಾ ನಂಬುನಾಕುಲುಲಾ ಪ್ರೀತಿದಾಕುಲುಲಾ ಆದುಲ್ಲೆರಂದ್ದ್ ತೆರಿದ್ ಅಕ್ಲೆ ಸೇವೆನ್ ಹೆಚ್ಚಾದ್ ಮಲ್ಪಡ್. ಈ ಬೋಧನೆ ಕೊರ್ದು ಎಚ್ಚರಿಕೆ ಮಲ್ಪುಲ.
ದೇವೆರೆ ಪಾತೆರೊನು ಸಾರಿಲ, ಅನುಕೂಲದ ಸ್ಥಿತಿ ಇತ್ತ್ಂಡಲಾ ಇಜ್ಜಿಡಲಾ ಐಟ್ಟ್ ಆಸಕ್ತಿಡುಪ್ಪುಲ. ತಾಳ್ಮೆಡ್ ತಿದ್ದ್ಲ, ಶಿಕ್ಷೆ ಕೊರ್ಲ, ಎಚ್ಚರಿಕೆ ಕೊರ್ಲ, ಬೊಕ್ಕ ಎಡ್ಡೆ ಬೋಧನೆನ್ ಕೊರ್ದು ಅಕ್ಲೆಗ್ ಉಮೇದ್ ಕೊರ್ಲ.
ಈ ಕಾರ್ಯದ ಸಂಗತಿಡ್ ಬೋಧನೆ ಮಲ್ತೊಂದು, ಎಚ್ಚರಿಕೆ ಕೊರೊಂದು ಪೂರ್ತಿ ಅಧಿಕಾರೊಡು ಖಂಡಿಸಾಲ. ಏರ್ಲಾ ನಿನನ್ ಪಿಲ್ಯಾವಂದಿಲೆಕ್ಕ ತೂವೊನ್ಲ.
ದೇವೆರೆಡ್ ನಂಬಿಕೆ ದೀತಿನ ಮಾತೆರ್ಲಾ ಎಡ್ಡೆಂತಿನೆನ್ ಮಲ್ಪೆರೆಗಾದ್ರ ತನ್ಕುಲೆನ್ ಒಚ್ಚಿದ್ ಕೊರ್ಪಿಲೆಕ್ಕ ಈ ಪಾತೆರೊಲೆನ್ ಕಂಡಿತಾದ್ ಪನ್ಲ ಅಂದ್ದ್ ನಿಕ್ಕ್ ಪನ್ಪೆ. ಉಂದು ನರಮಾನಿಲೆಗ್ ಎಡ್ಡೆಲಾ ಪ್ರಯೋಜನಲಾ ಆದುಂಡು.