1 ತಿಮೋಥಿ 4:10 - ಪೊಸ ಒಡಂಬಡಿಕೆ

¹⁰ ಉಂದೆಕ್ಕಾದ್ ಎಂಕುಲು ಭಂಗ ಬತ್ತ್‌ದ್ ಪ್ರಯಾಸೊಡು ಬೇಲೆ ಮಲ್ತೊಂದುಲ್ಲ, ದಾಯೆಗಂದ್ಂಡ ಮಾತ ನರಮಾನಿಲೆಗ್, ಮುಖ್ಯಾದ್ ನಂಬುನಾಕುಲೆಗ್ ರಕ್ಷಕೆ ಆಯಿ ಜೀವ ಇತ್ತಿ ದೇವೆರೆ ಮಿತ್ತ್ ನಮ ಭರವಸೆ ದೀತಿನಾಕುಲಾದುಲ್ಲ.

1 ತಿಮೋಥಿ 4:10 Iomraidhean Croise

ಮತ್ತಾಯೆ 16:16

ಸೀಮೋನ್ ಪೇತ್ರೆ, “ಈ ಬರೊಡಾಯಿನ ಕ್ರಿಸ್ತೆ, ಜೀವಸ್ವರೂಪಿ ಆದುಪ್ಪು ದೇವೆರೆ ಮಗೆ,” ಅಂದ್‌ದ್ ಉತ್ತರ ಕೊರಿಯೆ.

ಮತ್ತಾಯೆ 27:43

ದೇವೆರೆಡ ಭರವಸ ದೀತೆ, ದೇವೆರ್ ಆಯಡ ಇಷ್ಟ ಪಡೆಂಡ ಇತ್ತೆ ಆಯನ್ ಬುಡ್ಪಾವಡ್. ತಾನ್ ದೇವೆರೆ ಮಗೆ ಅಂದ್‌ದ್ ಪನ್ಪೆ ಅತ್ತಾ,” ಅಂದ್‌ದ್ ಕೋಂಗಿ ಕಟ್ಟೊಂದು ಪಾತೆರೊಂದಿತ್ತೆರ್.

ಯೋಹಾನೆ 1:29

ಮನದಾನಿ ಯೋಹಾನೆ ಯೇಸು ತನ ಕೈತಲ್‌ ಬರ್ಪಿನೆನ್ ತೂದು, “ಇಂದಾ, ಬಲಿ ಅರ್ಪಣೆಗಾದ್ ದೇವೆರ್ ನೇಮಕ ಮಲ್ತಿ ಕುರಿತ ಕಿನ್ನಿ, ಲೋಕದ ಪಾಪೊನು ತುಂಬೊಂದು ಪೋಪಿನಾಯೆ.

ಯೋಹಾನೆ 4:42

ಆ ಊರುದ ಜನೊಕುಲು ಪೊಂಜೊವುಡ, “ಎಂಕುಲು ಆಯನ್ ನಂಬುನ ಕಾರಣ ಈ ಪಂಡಿನೆಡ್ದ್ ಮಾತ್ರ ಅತ್ತ್, ಎಂಕುಲು ಸ್ವತಃ ಕೆಬಿಟ್ ಕೇಂಡ್ದ್, ಇಂಬೆ ನಿಜಾದ್ ಲೋಕ ರಕ್ಷಕೆ ಆದುಪ್ಪು ಕ್ರಿಸ್ತೆ ಅಂದ್‌ದ್ ತೆರಿಯೊಂದ ಅಂದ್‌ದ್ ಪಂಡೆರ್.”

ಯೋಹಾನೆ 5:24

“ಯಾನ್ ನಿಕ್ಲೆಗ್ ನಿಜಾದ್ ಪನ್ಪೆ, ಏರಾಂಡಲಾ ಎನ ಪಾತೆರೊನು ಕೇಂಡ್ದ್ ಎನನ್ ಕಡಪುಡ್ದು ಕೊರಿನಾಯನ್ ನಂಬುಂಡ ಆಯಗ್ ನಿತ್ಯಜೀವ ಉಂಡು. ಆಯೆ ನ್ಯಾಯತೀರ್ಪುಗು ಗುರಿ ಆವಂದೆ ಮರಣೊನು ಕಡತ್‌ದ್ ಜೀವೊಗು ಸೇರ್ದ್ ಉಲ್ಲೆ.

1 ಕೊರಿಂಥ್ಯೆರೆಗ್ 15:10

ಆಂಡ ಇತ್ತೆ ಯಾನ್ ಎಂಚಿನಾಯೆ ಆದುಲ್ಲೆನಾ, ಅವು ದೇವೆರೆ ದಯೊಡ್ದೇ. ಎನ ಮಿತ್ತ್ ತೋಜಿದ್ ಬತ್ತಿನ ಆಯನ ದಯ ವ್ಯರ್ಥ ಆದುಪ್ಪುಜಿ. ಯಾನ್ ಬೇತೆ ಅಪೊಸ್ತಲೆರೆಡ್ದ್ ಹೆಚ್ಚಾದ್ ಕಷ್ಟ ಪಡೆಯೆ. ಆಂಡ ಕಷ್ಟ ಪಡೆಯಿನಾಯೆ ಯಾನತ್ತ್, ಎನ ಮಿತ್ತುಪ್ಪುನ ದೇವೆರೆ ದಯೆನೇ.

2 ಕೊರಿಂಥ್ಯೆರೆಗ್ 1:10

ಆಯೆ ಎಂಕ್ಲೆನ್ ಅಂಚಿತ್ತಿ ಭಯಂಕರ ಮರಣೊಡ್ದು ತಪ್ಪಾಯೆ; ದುಂಬಗ್ಲಾ ತಪ್ಪಾವೆ. ಆಯೆ ನನಲಾ ಎಂಕ್ಲೆನ್ ತಪ್ಪಾವೆ ಅಂದ್‌ದ್ ಎಂಕ್ಲೆಗ್ ಆಯ ಮಿತ್ತ್ ಭರವಸ ಉಂಡು.

1 ತಿಮೋಥಿ 2:3

ಬೊಕ್ಕ ಇಂಚ ಮಲ್ಪುನವು ನಮ ರಕ್ಷಕೆ ಆಯಿ ದೇವೆರೆ ಸನ್ನಿಧಿಡ್ ಎಡ್ಡೆದವುಲಾ ಮೆಚ್ಚಿಗೆದವುಲಾ ಆದುಂಡು.

1 ತಿಮೋಥಿ 2:4

ಮಾತ ನರಮಾನಿಲು ರಕ್ಷಣೆ ಹೊಂದುದು ಅಕುಲು ಸತ್ಯದ ಗೇನೊಡು ಸೇರೊಡು ಪನ್ಪಿನ ದೇವೆರೆನ ಚಿತ್ತ.

1 ತಿಮೋಥಿ 2:6

ಆಯೆ ಮಾತೆರೆನ ಬುಡುಗಡೆಗಾದ್ ತನನ್ ಒಚ್ಚಿದ್ ಕೊರಿಯೆ. ಬೊಕ್ಕ ಉಂದು ತಕ್ಕ ಸಮಯೊಡು ಪನೊಡಾಯಿನ ಸಾಕ್ಷಿ ಆದುಂಡು.

1 ತಿಮೋಥಿ 3:15

ಆಂಡ ಒಂಜಿ ವೇಳೆ ಯಾನ್ ತಡ ಮಲ್ತೆಡೆಲಾ, ಜೀವ ಇತ್ತಿ ದೇವೆರೆ ಸಭೆ ಪನ್ಪಿ ಇಲ್ಲನ್ ಎಂಚ ನಡಪುಡೊಡು ಅಂದ್‌ದ್ ಗೊತ್ತಾಪಿಲೆಕ್ಕ ಈ ಪತ್ರಿಕೆಡ್ದ್ ನಿಕ್ಕ್ ಗೊತ್ತಾವು. ಈ ಸಭೆ ಸತ್ಯದ ಕಂಬಲಾ ಅಡಿಪಾಯಲಾ ಆದುಂಡು.

1 ತಿಮೋಥಿ 6:17

ಈ ಲೋಕದ ಐಶ್ವರ್ಯವಂತೆರೆಗ್ ಅಪ್ಪಣೆ ಕೊರೊಡು ದಾನೆಂದ್ಂಡ, ಅಕುಲು ಅಹಂಕಾರಿಲಾವಂದೆ, ತನ್ಕುಲೆ ಸ್ಥಿರದಾಂತಿ ಐಶ್ವರ್ಯದ ಮಿತ್ತ್ ಭರವಸ ದೀವಂದೆ, ನಮ ಸಂತೋಷಗಾದ್ ನಂಕ್ ಮಾತೆನ್ಲಾ ಧಾರಾಳವಾದ್ ಕೊರ್ಪಿನ ದೇವೆರೆ ಮಿತ್ತ್ ಭರವಸ ದೀವೊಡು.

ಇಬ್ರಿಯೆರೆಗ್ 11:26

ಐಗುಪ್ತ ದೇಶದ ಮಾತ ಐಶ್ವರ್ಯೊಡ್ದುಲಾ ಕ್ರಿಸ್ತಡ್ದ್ ಉಂಡಾಪಿ ನಿಂದೆಲೇ ಎಡ್ಡೆಂತಿನವು ಅಂದ್‌ದ್ ಎನ್ನೊಂಡೆ. ದಾಯೆಗಂದ್ಂಡ ಬರ್ಪಿನ ಪ್ರತಿಫಲದ ಮಿತ್ತ್ ಕಣ್ಣ್ ದೀದಿತ್ತೆ.

ಇಬ್ರಿಯೆರೆಗ್ 13:13

ಅಂಚಾಯಿನೆಡ್ದ್ ನಮ ಆಯಡ್ದಾದ್ ಬರ್ಪಿನ ಅವಮಾನೊನು ತಾಳೊಂದು ಅಕ್ಲೆ ಕೂಟೊಡ್ದು ಪಿದಾಡ್ದ್ ಆಯ ಕೈತಲ್‌ಗ್ ಪೋಯಿ.

1 ಪೇತ್ರೆ 1:21

ನಿಕುಲು ಯೇಸು ಕ್ರಿಸ್ತಡ್ದ್ ದೇವೆರೆನ್ ನಂಬುನಾಕುಲು ಆಯರ್. ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನೆಡ್ದ್ ದೇವೆರೆಗ್ ಮೈಮೆ ಆಂಡ್, ಐಡ್ದಾವರ ನಿಕ್ಲೆ ನಂಬಿಕೆಲಾ ನಿರೀಕ್ಷೆಲಾ ದೇವೆರೆ ಮಿತ್ತ್ ನಿಲೆ ಆದುಪ್ಪುಂಡು.

1 ಯೋಹಾನೆ 2:2

ಆಯೆ ನಮ ಪಾಪೊಲೆನ್ ಪರಿಹಾರ ಮಲ್ಪುನ ಬಲಿ ಆದುಲ್ಲೆ. ನಮ ಪಾಪೊಲೆನ್ ಮಾತ್ರ ಅತ್ತಂದೆ ಇಡೀ ಲೋಕದ ಪಾಪೊಲೆನ್ಲಾ ಪರಿಹಾರ ಮಲ್ಪುವೆ.

1 ಯೋಹಾನೆ 4:14

ಅಮ್ಮೆ ಆದುಪ್ಪು ದೇವೆರ್ ತನ ಮಗನ್ ಈ ಲೋಕದ ರಕ್ಷಕೆ ಆದ್ ಕಡಪುಡ್ದಿನೆನ್ ಎಂಕುಲು ಸ್ವಂತ ಕಣ್ಣ್‌ಡ್ ತೂದು, ಇತ್ತೆ ಐಕಾದ್ ಸಾಕ್ಷಿ ಕೊರ್ಪ.