1 ತಿಮೋಥಿ 4:1 - ಪೊಸ ಒಡಂಬಡಿಕೆ

¹ ಬರ್ಪಿನ ದಿನೊಕುಲೆಡ್ ಕೆಲೆವೆರ್ ಮೋಸ ಮಲ್ಪುನ ಆತ್ಮೊಲೆ ಪಾತೆರೊಗ್ಲಾ ದೆವ್ವೊಲೆ ಬೋಧನೆಗ್ಲಾ ಮನಸ್ ಕೊರ್ಪಿನಾಕುಲಾದ್ ಕ್ರಿಸ್ತ ನಂಬಿಕೆಡ್ದ್ ತತ್ತ್ ಪೋಯಿನಾಕುಲಾದ್ ಉಪ್ಪುವೆರ್ ಅಂದ್‌ದ್ ದೇವೆರಾತ್ಮ ಸ್ಪಷ್ಟಾದ್ ತೆರಿಪಾವೊಂದುಂಡು.

1 ತಿಮೋಥಿ 4:1 Iomraidhean Croise

ಮತ್ತಾಯೆ 18:7

ಅಡ್ಡಿಲು ಬರ್ಪಿನೆಡ್ದ್ ಲೋಕೊಗು ಏತೋ ಕೇಡ್. ಅಡ್ಡಿಲು ಎಂಚಾಂಡಲಾ ಬರು. ಆಂಡಲಾ ವಾ ನರಮಾನಿಡ್ದ್ ಅಡ್ಡಿ ಆಪುಂಡಾ ಆಯನ ಗತಿನ್ ದಾನೆಂದ್ ಪನೊಲಿ?

ಲೂಕೆ 17:1

ಯೇಸು ತನ ಶಿಷ್ಯೆರೆಡ ಪಂಡಿನಿ, “ಜನೊಕುಲೆನ್ ಶೋಧನೆಗ್ ನಡಪಾವುನ ಸಂಗತಿಲು ಬರಂದೆ ಉಪ್ಪಂದ್; ಆಂಡಲಾ ಅವು ಏರೆಡ್ದ್ ಬರ್ಪುಂಡಾ ಆಯನ ಗತಿನ್ ದಾನೆಂದ್ ಪನೊಲಿ?

ಯೋಹಾನೆ 16:13

ಸತ್ಯದ ಆತ್ಮೆ ಬನ್ನಗ ಆಯೆ ನಿಕ್ಲೆನ್ ಮಾತ ಸಂಗತಿಲೆಡ್ ಸತ್ಯೊಗು ಸೇರಾವೆ; ಆಯೆ ತನ ಸಂಗತಿಡೇ ಪಾತೆರಂದೆ ತಾನ್ ಕೇಂಡಿನ ಪಾತೆರೊಲೆನೇ ಪನ್ಪೆ, ಅತ್ತಂದೆ ದುಂಬಗ್ ಆಪಿನೆನ್ ನಿಕ್ಲೆಗ್ ತೆರಿಪಾವೆ.

ಅಪೊ.ಕ್ರಿ 13:2

ಮೊಕುಲು ಕರ್ತವಗ್ ಆರಾಧನೆ ಮಲ್ತ್‌ದ್ ಉಪವಾಸ ಮಲ್ತೊಂದುಪ್ಪುನಗ ಪರಿಶುದ್ಧಾತ್ಮೆ ಅಕ್ಲೆಗ್ ಪಂಡಿನಿ, “ಯಾನ್ ವಿಶೇಷ ಆದಿತ್ತಿನ ಕಾರ್ಯೊಗು ಬಾರ್ನಬನ್ಲಾ ಸೌಲುನ್ಲಾ ಅಜತ್ ದೆತ್ತೊಂದೆ ಆ ಕೆಲಸೊಗಾದ್ ಅಕ್ಲೆನ್ ಬೇತೆ ಮಲ್ಪುಲೆ.”

ಅಪೊ.ಕ್ರಿ 17:18

ಉಂದತ್ತಂದೆ ಎಪಿಕೂರಿಯೆರ್ ಸ್ತೋಯಿಕೆರ್ ಪನ್ಪಿ ತತ್ವಜ್ಞಾನಿಲು ಆಯನ ಒಟ್ಟುಗು ತರ್ಕ ಮಲ್ತೆರ್. ಅಕ್ಲೆಡ್ ಕೆಲೆವೆರ್, “ಈ ಚರಚರ ಪಾತೆರುನಾಯೆ ದಾನೆ ಪನೊಂದುಲ್ಲೆ?” ಆಯೆ ಯೇಸುನ ಸಂಗತಿಡ್ಲಾ ಸೈತಿನಾಕುಲು ಲಕ್ಕ್‌ದ್ ಬರ್ಪೆರ್ ಪನ್ಪಿನ ಸಂಗತಿಡ್ಲಾ ಸಾರೊಂದಿತ್ತಿನೆಡ್ದ್, “ಇಂಬೆ ಪರದೇಶದ ದೈವೊಲೆನ್ ಸಾರಿಯುನಾಯೆ ಅಂದ್‌ದ್ ತೋಜುಂಡು,” ಪಂಡೆರ್.

ಅಪೊ.ಕ್ರಿ 20:23

ನಿಕ್ಕ್ ಕೋಳಲಾ ಸಂಕಟಲಾ ಮಾತ ಪಟ್ಟಣೊಲೆಡ್ ಕಾತೊಂದುಂಡು ಅಂದ್‌ದ್ ಪರಿಶುದ್ಧಾತ್ಮೆ ಸಾಕ್ಷಿ ಕೊರ್ಪಿನ ಈತ್ ಮಾತ್ರ ತೆರಿದೆ.

ಅಪೊ.ಕ್ರಿ 21:11

ಆಯೆ ಪೌಲುನ ಸೊಂಟ ಪಟ್ಟಿನ್ ದೆತ್ತ್‌ದ್, “ಆಯನ ಕೈಕಾರ್‌ನ್ ಕಟ್ಟ್‌ದ್ ಆ ಸೊಂಟ್ಟಪಟ್ಟಿ ಏರೆನವಾ ಆ ನರಮಾನಿನ್ ಯೆಹೂದ್ಯೆರ್ ಉಂದೇ ರೀತಿಡ್ ಯೆರೂಸಲೇಮುಡು ಕಟ್ಟ್ ಪಾಡ್ದ್ ಪಿದಯಿದ ಜನೊಕುಲೆನ ಕೈಕ್ ಒಚ್ಚಿದ್ ಕೊರ್ಪೆರ್. ಇಂಚ ಪರಿಶುದ್ಧಾತ್ಮೆ ಪನ್ಪೆ,” ಅಂದ್‌ದ್ ಪಂಡೆ.

ಅಪೊ.ಕ್ರಿ 28:25

ಅಕ್ಲೆಡ್ ಒಗ್ಗ್‌ಟ್ಟ್ ಇಜ್ಜಂದೆ ಉಪ್ಪುನಗ ಪೌಲು ಅಕ್ಲೆಗ್ ಇಂಚ ಪಂಡೆ, “ಪರಿಶುದ್ಧಾತ್ಮೆ ಪ್ರವಾದಿ ಯೆಶಾಯನ ಬಾಯಿಡ್ದ್

1 ಕೊರಿಂಥ್ಯೆರೆಗ್ 10:20

ಆಂಡ ಪಿದಯಿದ ಜನೊಕುಲು ತನ್ಕುಲು ಅರ್ಪಣೆ ಮಲ್ತಿ ಬಲಿಕ್ಲೆನ್ ದೇವೆರೆಗ್ ಅತ್ತ್, ದೆವ್ವೊಲೆಗ್ ಅರ್ಪಣೆ ಮಲ್ಪುವೆರ್ ಅಂದ್‌ದ್ ಎನ ಅಂದಾಜಿ. ನಿಕುಲು ದೆವ್ವೊಲೊಟ್ಟುಗು ಸಂಸರ್ಗ ಮಲ್ಪೊಡು ಅಂದ್‌ದ್ ಎನ ಇಷ್ಟ ಅತ್ತ್.

1 ಕೊರಿಂಥ್ಯೆರೆಗ್ 11:19

ನಿಕ್ಲೆಡ್ ಯೋಗ್ಯೆರ್ ಏರ್ ಅಂದ್‌ದ್ ತೆರಿದ್ ಬರ್ಪಿನೆಕ್ಕಾದ್ ನಿಕ್ಲೆ ಉಲಯಿ ಪಂಗಡೊಲು ಉಪ್ಪುನವು ಅವಶ್ಯನೇ.

1 ಕೊರಿಂಥ್ಯೆರೆಗ್ 12:11

ಈ ಮಾತ ವರೊಕ್ಲೆನ್ ಆ ಒರಿಯೇ ಆತ್ಮೆ ತನ ಚಿತ್ತೊಗು ಸರಿಯಾದ್ ಪ್ರತಿ ಒರಿಯಗ್ ಪಟ್ಟ್‌ದ್ ಕೊರ್ದು ನಡಪಾವೆ.

1 ಕೊರಿಂಥ್ಯೆರೆಗ್ 2:10

ಎಂಕ್ಲೆಗಾಂಡಲಾ ದೇವೆರ್ ತನ ಆತ್ಮೊಡ್ದು ಅವೆನ್ ತೋಜಾದ್ ಕೊರಿಯೆ. ಆ ಆತ್ಮೆ ಮಾತ ವಿಷಯೊನ್ಲಾ ದೇವೆರೆ ಮದೆ ಆದಿತ್ತಿನ ವಿಷಯೊನ್ಲಾ ನಾಡ್ ಪತ್ತುಂಡು.

2 ಕೊರಿಂಥ್ಯೆರೆಗ್ 11:3

ಆಂಡ ಸರ್ಪದ ಕುತಂತ್ರೊಡ್ದು ಹವ್ವಗ್ ಮೋಸ ಮಲ್ತಿ ಲೆಕ್ಕನೇ ನಿಕ್ಲೆ ಬುದ್ಧಿಲಾ ಕ್ರಿಸ್ತ ಕಡೆಕ್ಕ್ ಉಪ್ಪು ಪೂರ್ತಿ ಬೊಕ್ಕ ಶುದ್ಧಭಕ್ತಿ ತೆಟ್ಟ್‌ದ್ ಪೋವು ಪನ್ಪಿನ ಪೋಡಿಗೆ ಎಂಕುಂಡು.

ಕೊಲೊಸ್ಸಿಯೆರೆಗ್ 2:18

ಕೆಲೆವೆರ್ ತೀರಾ ತಗ್ಗಾವೊನ್ನೆಟ್ಲಾ ದೂತೆರೆ ಪೂಜೆ ಮಲ್ತ್‌ದ್ ತನ್ಕುಲೆಗ್ ದರ್ಶನ ಆತ್ಂಡ್ ಅಂದ್‌ದ್ ಪುಗರೊನ್ವೆರ್ ಬೊಕ್ಕ ಲೌಕೀಕ ಬುದ್ಧಿಡ್ ಆಧಾರದಾಂತೆ ಸೊರ್ಕುದು ಪೋತೆರ್.

2 ತಿಮೋಥಿ 3:13

ಆಂಡ ದುಷ್ಟೆರ್‌ಲಾ, ವಂಚನೆದಾಕುಲುಲಾ, ಬಾಕಿದಾಕುಲೆನ್ ಮೋಸ ಮಲ್ತೊಂದು ಅಕುಲೇ ಕಡೆಕ್ಕ್ ಮೋಸೊಗು ಬೂರ್ದು ಹೆಚ್ಚ್ ಹೆಚ್ಚ್ ಹಾಳ್ ಆದ್ ಪೋಪೆರ್.

2 ತಿಮೋಥಿ 4:4

ಅಕುಲು ಸತ್ಯ ಬೋಧನೆಗ್ ಕೆಬಿ ಕೊರಂದೆ ಕಟ್ಟ್ ಕತೆಕ್ಲೆನ್ ಕೇನರೆ ಪೋವೆರ್.

ಯಾಕೋಬು 3:15

ಉಂದು ಮಿತ್ತ್‌ಡ್ದ್ ಬರ್ಪಿ ಗೇನ ಅತ್ತ್, ಈ ಸಂಗತಿಲು ಲೋಕದವುಲಾ ಅಧರ್ಮದವುಲಾ ಆದಿತ್ತ್‌ದ್, ದೆವ್ವೊಲೆಗ್ ಸಮ್ಮಂಧ ಆದುಂಡು.

1 ಪೇತ್ರೆ 1:20

ಲೋಕ ಉಂಡಾಪಿನೆಡ್ದ್ ದುಂಬೇ ದೇವೆರ್ ಆಯನ್ ಅಜತ್‌ದ್ ನಿಕ್ಲೆಗ್ ಬೋಡಾದ್ ಕಡೆ ಕಾಲೊಡು ತೋಜಾದ್ ಕೊರಿಯೆ.

2 ಪೇತ್ರೆ 2:1

ಇಸ್ರಾಯೇಲ್ ಜನೊಕುಲೆ ನಡುಟು ಸುಳ್ಳು ಪ್ರವಾದಿಲು ಇತ್ತಿಲೆಕ್ಕ ನಿಕ್ಲೆ ನಡುಟ್ಲಾ ಸುಳ್ಳು ಬೋಧಕೆರ್ ಉಪ್ಪೆರ್. ಅಕುಲು ನಾಶನೊಗು ನಡಪುಡುನ ದುರ್ಬೋಧನೆಲೆನ್ ಗುಟ್ಟುಡು ಕಲ್ಪಾವೆರ್. ತನ್ಕುಲೆನ್ ಕ್ರಯೊಕು ದೆತ್ತೊಂದಿ ಯಜಮಾನನ್ಲಾ ಅರೆಂಜುನಾಕುಲಾದುಲ್ಲೆರ್. ಈ ರೀತಿಡ್ ತನ್ಕುಲೆ ಮಿತ್ತ್ ನಾಶನೊನು ಬೇಗನೆ ಬರ್ಪಾವೊನ್ವೆರ್.

2 ಪೇತ್ರೆ 3:3

ದುಂಬತ್ತ ಉಂದೆನ್ ತೆರಿಯೊನ್ಲೆ, ಕಡೆ ದಿನೊಕುಲೆಡ್ ತನ್ಕುಲೆ ಹಾಳ್ ಆಸೆದ ಲೆಕ್ಕ ನಡಪುನ ಚೇಷ್ಠೆಗಾರೆರ್ ಮಸ್ಕಿರಿ ಮಲ್ತೊಂದು ತೋಜಿದ್ ಬರುವೆರ್.

1 ಯೋಹಾನೆ 2:18

ಜೋಕುಲೇ, ಕಡೆ ಗಳಿಗೆ ಬೈದ್‌ಂಡ್. ಕ್ರಿಸ್ತ ವಿರೋಧಿ ಬರ್ಪೆ ಅಂದ್‌ದ್ ನಿಕುಲು ಕೇಂಡ್ದರ್. ಇತ್ತೆನೇ ಮಸ್ತ್ ಕ್ರಿಸ್ತ ವಿರೋಧಿಲು ತೋಜಿದ್ ಬೈದೆರ್. ಉಂದೆಡ್ದ್ ಕಡೆ ಗಳಿಗೆ ಬೈದ್‌ಂಡ್ ಅಂದ್‌ದ್ ನಮ ತೆರಿಯೊನ್ವ.

1 ಯೋಹಾನೆ 4:6

ಆಂಡ ನಮ ದೇವೆರೆಗ್ ಸೇರ್ದಿನಾಕುಲು; ದೇವೆರೆನ್ ತೆರಿದಿನಾಕುಲು ನಂಕ್ ಕೆಬಿ ಕೊರ್ಪೆರ್. ಅಕುಲು ದೇವೆರೆಗ್ ಸೇರ್ದ್ ಇಜ್ಜೆರ್ಡ ನಂಕ್ ಕೆಬಿ ಕೊರ್ಪುಜೆರ್. ಉಂದೆಡ್ದೇ ಸತ್ಯದ ಆತ್ಮೊನ್ಲಾ ಮೋಸದ ಆತ್ಮೊನ್ಲಾ ನಮ ತೆರಿಯೊನ್ವ.

ಯೂದೆ 1:18

“ಅಂತ್ಯಕಾಲ ಬನ್ನಗ ತಮಾಷೆ ಮಲ್ಪುನಾಕುಲು ತೋಜಿದ್ ಬರುವೆರ್. ಅಕ್ಲೆನ ಇಚ್ಚಾನುಸಾರ ಭಕ್ತಿಗ್ ವಿರೋಧಾದ್ ನಡತೊನ್ವೆರ್.”

ಯೂದೆ 1:4

ದಾಯೆಗಂದ್ಂಡ, ಭಕ್ತಿದಾಂತಿನಾಕುಲು, ದೇವೆರೆ ದಯೊನು ಲಾಭ ಮಲ್ತೊಂದು ನಾಚಿಗೆ ಪುಟ್ಟಾವು ಕೆಲಸೊಲೆನ್ ಮಲ್ತೊನುವೆರ್. ಇಂಚಿತ್ತಿನಾಕುಲು ನಮ ಒರಿಯೇ ಯಜಮಾನೆಲಾ ನಮ ಕರ್ತವೆಲಾ ಆದುಪ್ಪು ಯೇಸು ಕ್ರಿಸ್ತನ್ ಆರೆಂಜುವೆರ್. ಇಂಚಿತ್ತಿ ಕೆಲವು ಜನೊಕುಲು ಸಭೆಕ್ ಕಲ್ವತನೊಟು ಪೊಗ್ಗುದೆರ್. ಅಕ್ಲೆಗ್ ದೇವೆರೆ ದಂಡನೆ ಆಪುಂಡು ಅಂದ್‌ದ್ ಆದಿಡೇ ಅಕ್ಲೆನ ಸಂಗತಿಡ್ ಬರೆತ್ಂಡ್.

ಪ್ರಕಟಣೆ 13:14

ಆ ಸುರುತ್ತ ಮೃಗತ ಎದುರುಡು ಬಲತ್ತ ಕಾರ್ಯೊಲೆನ್ ಮಲ್ಪು ಅಧಿಕಾರ ಉಪ್ಪುನೆಡ್ದ್, ಭೂಮಿಡ್ ಉಪ್ಪುನಾಕುಲೆನ್ ಮರ್ಲ್ ಮಲ್ಪಾವುಂಡು. ಅಕ್ಲೆಗ್ ಕತ್ತಿಡ್ದ್ ಗಾಯ ಆದ್ ಸೈಯಂದೆ ಬದ್‌ಕಿನ ಮೃಗತ ಮರ್ಯಾದಿಗಾದ್ ಮೂರ್ತಿನ್ ಮಲ್ತೊನೊಡು ಪಂಡ್ದ್ ಕಲ್ಪಾವುಂಡು.

ಪ್ರಕಟಣೆ 16:14

ಉಂದು ಬಲತ್ತ ಕಾರ್ನಿಕೊಲೆನ್ ಮಲ್ಪುನ ದೆವ್ವೊಲು, ಭೂಲೋಕದ ಮಾತ ಅರಸೆರೆ ಕೈತಲ್‌ ಪೋದು, ಸರ್ವಶಕ್ತೆ ಆದುಪ್ಪು ದೇವೆರೆನ ಮಲ್ಲ ದಿನೊಟು ಆಪಿ ಯುದ್ಧೊಗು ಅಕ್ಲೆನ್ ಕೂಡಾವ.

ಪ್ರಕಟಣೆ 18:2

ಆಯೆ ಮಲ್ಲ ಸ್ವರೊಟ್ಟು ಬೊಬ್ಬೆ ದೀವೊಂದು, “ಬೂರಿಯಲ್, ಬೂರಿಯಲ್ ಬಾಬೆಲ್ ಪನ್ಪಿ ಮಲ್ಲ ಪಟ್ಟಣ ಬೂರಿಯಲ್. ದೆವ್ವೊಲು ಉಪ್ಪುನ ಜಾಗ್‌ಲಾ ಮಾತ ದುರಾತ್ಮೊಲೆಗ್ ಆಶ್ರಯಲಾ ಮಾತ ಮೈಲೆಲಾ ಪೇಸಿಗೆಲಾ ಇತ್ತಿ ಪಕ್ಕಿಲೆಗ್ಲಾ ಪಂಜರ ಆಯಲ್.

ಪ್ರಕಟಣೆ 18:23

ತುಡರ್‌ದ ಬೊಲ್ಪು ನಿನಡ ಏಪೊಗ್ಲಾ ತೋಜಂದ್. ಮದ್ಮಯೆ ಮದ್ಮಲಾಡ್ಲೆನ ಸಂತೋಷದ ಸ್ವರ ನಿನಡ ನನ ಕೇನಂದ್. ನಿನ ವ್ಯಾಪಾರಿಲು ಲೋಕೊಡೇ ಪುದರ್ ಪೋತಿನಾಕುಲಾದಿತ್ತೆರ್. ನಿನ ಮಾಟ ಮಂತ್ರೊಲೆಡ್ದ್ ಮಾತ ಜನಾಂಗದಾಕುಲು ಮರ್ಲಾಯೆರ್.

ಪ್ರಕಟಣೆ 19:20

ಅಪಗ ಮೃಗ ತಿಕ್ಕ್ಂಡ್. ಉಂದತ್ತಂದೆ ಮೃಗತ ಎದುರು ಬಲತ್ತ ಕಾರ್ನಿಕೊಲೆನ್ ಮಲ್ತ್‌ದ್ ಮೃಗತ ಗುರ್ತ ಪಾಡೊಂದಿನಾಕುಲೆನ್ಲಾ ಐತ ಮೂರ್ತಿಲೆನ್ ಆರಾಧನೆ ಮಲ್ಪುನಾಕುಲೆನ್ಲಾ ಮೋಸ ಮಲ್ತ್‌ದಿ ಆ ಸುಳ್ಳು ಪ್ರವಾದಿಲಾ ಐತ ಜತೆಟ್ ತಿಕ್ಕಿಯೆ. ಇರ್ವೆರೆನ್ಲಾ ಜೀವ ಇತ್ತಿಲೆಕ್ಕನೆ ಗಂಧಕ ಪೊತ್ತುನ ತೂತ ಕೆರೆಕ್ ದಕ್ಕಿಯೆರ್.

ಪ್ರಕಟಣೆ 2:11

“ದೇವೆರೆ ಆತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್. ಗೆಂದಿನಾಯಗ್ ರಡ್ಡನೆ ಮರಣೊಡ್ದು ವಾ ಕೇಡ್‌ಲಾ ಆವಂದ್.

ಪ್ರಕಟಣೆ 2:17

“ದೇವೆರಾತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್. ಗೆಂದಿನಾಯಗ್ ದೆಂಗಾದ್ ದೀತಿನ ಮನ್ನ ಪನ್ಪಿ ತಿನಸ್‌ನ್ ಕೊರ್ಪೆ; ಪ್ರತಿಯೊರಿಯಗ್ಲಾ ಒಂಜಿ ಬೊಲ್ದು ಕಲ್ಲ್‌ನ್ ಕೊರ್ಪೆ. ಆ ಕಲ್ಲ್‌ದ ಮಿತ್ತ್ ಒಂಜಿ ಪೊಸ ಪುದರ್ ಬರೆದುಪ್ಪುಂಡು. ಆ ಪುದರ್ ಏರೆಗ್ ತಿಕ್ಕುಂಡಾ ಆಯಗ್ ಅತ್ತಂದೆ ಬೇತೆ ಏರೆಗ್ಲಾ ತೆರಿಯಂದ್.

ಪ್ರಕಟಣೆ 2:29

“ದೇವೆರಾತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್.

ಪ್ರಕಟಣೆ 2:7

“ದೇವೆರಾತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್. ಗೆಂದಿನಾಯಗ್ ಪರಲೋಕೊಡುಪ್ಪು ದೇವೆರೆ ಜೀವ ಇತ್ತಿ ಮರತ ಪರ್ಂದ್‌ನ್ ತಿನಿಯೆರೆ ಕೊರ್ಪೆ.

ಪ್ರಕಟಣೆ 20:10

ಉಂದತ್ತಂದೆ ಅಕ್ಲೆನ್ ಮರ್ಲ್ ಕಟ್ಟಾಯಿ ಸೈತಾನನ್ ತೂತವುಲಾ ಗಂಧಕದವುಲಾ ಅರ್ಲುನ ಕೆದುಕು ಪಾಡ್ಪಾಂಡ್. ಅಲ್ಪ ಮೃಗಲಾ, ಸುಳ್ಳು ಪ್ರವಾದಿಲಾ ಉಲ್ಲೆರ್. ಅಕುಲು ರಾತ್ರೆ ಪಗೆಲ್ ಏನಿತ್ಯೇನಿಗ್ಲಾ ಬೇನೆಡ್ ನರಳೊಂದುಪ್ಪುವೆರ್.

ಪ್ರಕಟಣೆ 20:8

ಆಯೆ ಪಿದಯಿ ಬತ್ತ್‌ದ್ ಭೂಮಿದ ನಾಲ್ ದಿಕ್ಕ್‌ಲೆಡುಪ್ಪು ಗೋಗ್, ಮಾಗೋಗ್ ಪನ್ಪಿ ಜನಾಂಗೊಲೆನ್ ಮೋಸ ಮಲ್ತ್‌ದ್ ಅಕ್ಲೆನ್ ಲಡಯಿಗ್ ಒಟ್ಟು ಸೇರಾವೆ. ಅಕ್ಲೆನ ಸಂಖ್ಯೆ ಕಡಲ್ದ ಪೊಯ್ಯೆದಾತ್ ಉಪ್ಪುಂಡು.

ಪ್ರಕಟಣೆ 3:13

“ದೇವೆರೆ ಆತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್.

ಪ್ರಕಟಣೆ 3:22

“ದೇವೆರೆ ಆತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್.”

ಪ್ರಕಟಣೆ 3:6

“ದೇವೆರಾತ್ಮೆ ಸಭೆಲೆಗ್ ಪನ್ಪಿನೆನ್ ಕೆಬಿ ಇತ್ತಿನಾಯೆ ಕೇನಡ್.

ಪ್ರಕಟಣೆ 9:20

ಬೊಕ್ಕ ಉಪದ್ರೊಲೆಡ್ದ್ ಸೈಯಂದೆ ಒರಿದಿ ಜನೊಕುಲು ತನ್ಕುಲೆ ಮಲ್ತೊಂಡಿ ಮೂರ್ತಿಲೆನ್ ಬುಡ್ದು ಪಶ್ಚಾತಾಪ ಪಡೆಯಿಜೆರ್. ಅಕುಲು ದೆವ್ವೊಲೆ ಪೂಜೆನ್ಲಾ, ಬಂಗಾರ್, ಬೊಳ್ಳಿ, ತಾಮ್ರ, ಕಲ್ಲ್, ಮರ ತನ್ಕುಲು ಕೈಡ್ದ್ ಮಲ್ತೊಂದಿನೆಕ್ಕ್‌ಲಾ ಅಂದ್ಂಡ ತೂವರೆಗಾವಡ್ ಕೇನಿಯೆರೆಗಾವಡ್, ನಡಪೆರೆಗಾವಡ್ ಆವಂದೆ ಉಪ್ಪು ಮೂರ್ತಿಲೆ ಪೂಜೆನ್ಲಾ ಬುಡ್ದು ಬುಡ್ಜೆರ್.