1 ತಿಮೋಥಿ 3:8 - ಪೊಸ ಒಡಂಬಡಿಕೆ

⁸ ಅಂಚೆನೇ ಸಭಾಸೇವಕೆರ್‌ ಮಾರ್ಯಾದಿದಾಕುಲು ಆದುಪ್ಪೊಡು ಅತ್ತಂದೆ ಅಕುಲು ರಡ್ಡ್ ಪಾತೆರದಾಕುಲುಲಾ, ಪರ್ಪಿನ ಅಭ್ಯಾಸದಾಕುಲುಲಾ, ದುಡ್ಡುದ ಆಸೆದಾಕುಲುಲಾ ಆದುಪ್ಪಂದೆ;

1 ತಿಮೋಥಿ 3:8 Iomraidhean Croise

ರೋಮಾಯೆರೆಗ್ 3:13

ಅಕ್ಲೆನ ದೊಂಡೆ ಜತ್ತ್‌ದಿ ಸಮಾಧಿ ಆತ್ಂಡ್. ಅಕುಲು ನಾಲಯಿಡ್ದ್ ವಂಚನೆದ ಪಾತೆರೊಲೆನ್ ಪಾತೆರ್‌ವೆರ್. ಅಕ್ಲೆನ ಬಿಂಬದ ಪಿರವುಡು ಸರ್ಪದ ವಿಷ ಉಂಡು.

ಫಿಲಿಪ್ಪಿಯೆರೆಗ್ 1:1

ಕ್ರಿಸ ಯೇಸುನ ದಾಸೆರಾದುಪ್ಪು ಪೌಲುಲಾ ತಿಮೋಥಿಲಾ ಫಿಲಿಪ್ಪಿಡುಪ್ಪು ಕ್ರಿಸ್ತ ಯೇಸುಡು ದೇವಜನೊಕುಲೆಗ್ಲಾ ಸಭಾದ್ಯಕ್ಷೆರೆಗ್ಲಾ ಸಭಾಸೇವಕೆರೆಗ್ಲಾ ಬರೆಪಿನಿ ದಾನೆಂದ್ಂಡ, ನಮ ಅಮ್ಮೆ ಆದುಪ್ಪು ದೇವೆರೆಡ್ದ್‌ಲಾ ಕರ್ತವೆ ಆದುಪ್ಪು ಯೇಸು ಕ್ರಿಸ್ತಡ್ದ್‌ಲಾ ನಿಕ್ಲೆಗ್ ದಯಲಾ ಸಮಾಧಾನಲಾ ಆವಡ್.

1 ತಿಮೋಥಿ 3:12

ಸಭಾಸೇವಕೆರ್ ಒಂಜೇ ಬೊಡೆದಿ ಇತ್ತಿನಾಕುಲುಲಾ ತನ್ಕುಲೆನ ಜೋಕುಲೆನ್ಲಾ ಇಲ್ಲದಕುಲೆನ್ಲಾ ಎಡ್ಡೆಡ್ ನಡಪಾವುನಾಕುಲುಲಾ ಆದುಪ್ಪೊಡು.

1 ತಿಮೋಥಿ 3:2

ಸಭಾದ್ಯಕ್ಷೆ ದೋಷದಾಂತಿನಾಯೆಲಾ ಒಂಜೇ ಬೊಡೆದಿ ಇತ್ತಿನಾಯೆಲಾ ಆದುಪ್ಪೊಡು. ಪರಂದಿನಾಯೆಲಾ ಹದತಾಯೆಲಾ ಮಾನಸ್ತೆಲಾ ಬಿನ್ನೆರೆನ್ ಸುದಾರಿಪುನಾಯೆಲಾ ಬೋಧನೆ ಪನ್ಪುನೆಟ್ ಬಿರ್ಸೆಲಾ ಆದುಪ್ಪೊಡು.

1 ತಿಮೋಥಿ 3:3

ಆಯೆ ಪರ್ದ್ ಅಮಲೇರಿನಾಯೆಲಾ ಲಡಯಿ ಮಲ್ಪುನಾಯೆಲಾ ಆದುಪ್ಪಂದೆ ಸಜ್ಜನೆ ಆದುಪ್ಪೊಡು. ಪೊಕ್ಕಡೆ ತರ್ಕಮಲ್ಪಂದಿನಾಯೆಲಾ ಕಾಸ್‌ದಾಸೆದಾಂತಿನಾಯೆಲಾ ಆದುಪ್ಪೊಡು.

1 ತಿಮೋಥಿ 5:23

ನನ ಮಿತ್ತ್ ನೀರ್‌ನ್ ಮಾತ್ರ ಪರ್ಪಿನಾಯೆ ಆದುಪ್ಪಂದೆ, ನಿನ ಬಂಜಿದ ಅಜೀರ್ಣೊಗ್ಲಾ ಅಪಗಪಗ ಬರ್ಪಿನ ಸೀಕ್‌ಗ್ ಬೂರಂದಿಲೆಕ್ಕ ಒಂತೆ ದ್ರಾಕ್ಷಾರಸೊನು ದೆತ್ತೊನ್ಲ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:7

ಒರಿ ಸಭಾದ್ಯಕ್ಷೆ ದೇವೆರೆ ಇಲ್ಲದ ಪಾರುಪತ್ತೆಗಾರೆ ಆದುಲ್ಲೆ. ಅಂಚಾದ್ ಆಯೆ ದೂರುದಾಂತಿನಾಯೆ ಆದುಪ್ಪೊಡು. ಆಯೆ ಛಲತಾಯೆಲಾ ಎದುರು ಕೋಪ ಮಲ್ಪುನಾಯೆಲಾ ಪರ್ದ್ ಲಡಯಿ ಮಲ್ಪುನಾಯೆಲಾ ಪೆಟ್ಟು ಪಾಡುನಾಯೆಲಾ ದುಡ್ಡುದಾಶೆದಾಯೆಲಾ ಆದುಪ್ಪೆರೆ ಬಲ್ಲಿ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:3

ಅಂಚೆನೇ ಪ್ರಾಯದ ಪೊಂಜೊವುಲೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಚಾಡಿಗಾರೆರ್, ಪರ್ಪಿ ಅಭ್ಯಾಸೊಗು ಗುಲಾಮೆರ್ ಆದುಪ್ಪಂದೆ, ದೇವಭಕ್ತಿಗ್ ಯೋಗ್ಯಾದ್ ನಡಪುನ ಎಡ್ಡೆ ಬೋಧನೆ ಪನ್ಪಿನಾಕುಲು ಆದುಪ್ಪೊಡು.

ಯಾಕೋಬು 3:10

ಇಂಚ ಒಂಜೇ ನಾಲಯಿಡ್ದ್ ಆಶೀರ್ವಾದಲಾ ಶಾಪಲಾ ಪಿದಾಡ್ದ್ ಬರ್ಪುಂಡು. ಎನ ಸಹೋದ್ರೆರೇ, ಇಂಚ ಉಪ್ಪುನ ಸರಿ ಅತ್ತ್.

1 ಪೇತ್ರೆ 5:2

ನಿಕ್ಲೆನ ವಶೊಟು ಕೊರ್ತಿನ ದೇವೆರೆ ಪುಂಡುನು ಕಾಪುಲೆ. ಬಲಾತ್ಕಾರೊಡ್ದು ಅತ್ತ್ ದೀನ ಮನಸ್‌ಡ್ದೇ, ದುಡ್ಡುದ ಆಸೆಡ್ದ್ ಅತ್ತ್, ಯಥಾರ್ಥ ಮನಸ್‌ಡ್ದ್ ಸೇವೆ ಮಲ್ಪುಲೆ.