1 ತಿಮೋಥಿ 3:3 - ಪೊಸ ಒಡಂಬಡಿಕೆ

³ ಆಯೆ ಪರ್ದ್ ಅಮಲೇರಿನಾಯೆಲಾ ಲಡಯಿ ಮಲ್ಪುನಾಯೆಲಾ ಆದುಪ್ಪಂದೆ ಸಜ್ಜನೆ ಆದುಪ್ಪೊಡು. ಪೊಕ್ಕಡೆ ತರ್ಕಮಲ್ಪಂದಿನಾಯೆಲಾ ಕಾಸ್‌ದಾಸೆದಾಂತಿನಾಯೆಲಾ ಆದುಪ್ಪೊಡು.

1 ತಿಮೋಥಿ 3:3 Iomraidhean Croise

ಮತ್ತಾಯೆ 21:13

ಅಕ್ಲೆಗ್, “‘ಎನ ಇಲ್ಲ್ ಪ್ರಾರ್ಥನೆದ ಇಲ್ಲ್ ಆದುಂಡು,’ ಅಂದ್‌ದ್ ಬರೆತ್ಂಡ್. ಆಂಡ ನಿಕುಲು ಅವೆನ್ ಕಲ್ವೆರೆ ಮಾಟೆ ಮಲ್ತ್‌ದರ್,” ಅಂದ್‌ದ್ ಪಂಡೆ.

ಅಪೊ.ಕ್ರಿ 20:33

ಯಾನ್ ಏರೆನಲಾ ಬೊಳ್ಳಿ ಬಂಗಾರೊನಾವಡ್ ಅಂಗಿ ಕುಂಟುಲೆಗಾವಡ್ ಆಸೆ ಮಲ್ತ್‌ದಿಜಿ.

ರೋಮಾಯೆರೆಗ್ 16:18

ಇಂಚ ಮಲ್ಪುನಾಕುಲು ನಮ ಕರ್ತವೆ ಆದುಪ್ಪು ಕ್ರಿಸ್ತನ ಸೇವೆನ್ ಮಲ್ಪಂದೆ ತನ್ಕುಲೆ ಬಂಜಿದ ಸೇವೆನೇ ಮಲ್ಪುನಾಕುಲು. ಅಕುಲು ಪೊರ್ಲುದ ಪುಗರಿಕೆದ ಪಾತೆರೊಲೆಡ್ದ್ ತೆರಿಯಂದಿ ಜನೊಕುಲೆನ ಉಡಲ್‌ನ್ ಮೋಸೊಗು ಪಾಡ್ವೆರ್

ಎಫೆಸ್ಯೆರೆಗ್ 5:18

ಗಂಗಸರ ಪರ್ದ್ ಅಮಲ್ ಆವೊಡ್ಚಿ. ದಾಯೆಗಂದ್ಂಡ ಅವು ಪಟಿಂಗತನೊನು ಪುಟ್ಟಾವುಂಡು. ಆಂಡ ಪರಿಶುದ್ಧಾತ್ಮಡ್ ದಿಂಜಿದಿನಾಕುಲಾದ್ ಕೀರ್ತನೆ, ರಾಗ, ಆತ್ಮಭಾವದ ಪದ ಮಲ್ತೊಂದು, ಒರಿಯಡೊರಿ ಪಾತೆರೊಂದು, ನಿಕ್ಲೆ ಉಡಲ್‌ಡ್ ಕರ್ತವಗ್ ರಾಗ ಮಲ್ತೊಂದು ಪುಗರೊಂದುಪ್ಪುಲೆ.

1 ಥೆಸಲೋನಿಕೆರೆಗ್‌ 5:14

ಸಹೋದ್ರೆರೇ, ಸೋಮಾರಿತನೊಟು ಉಪ್ಪುನಾಕುಲೆಗ್ ಬುದ್ಧಿ ಪನ್ಲೆ, ಮನಸ್ ಕುಂದುದು ಪೋಯಿನಾಕುಲೆಗ್ ಧೈರ್ಯ ಕೊರ್ಲೆ, ಬಲಹೀನೆರೆಗ್ ಆಧಾರ ಕೊರ್ಲೆ, ಮಾತೆರೆ ಒಟ್ಟುಡ್ಲಾ ತೀರುನಾತ್ ತಾಳ್ಮೆಡುಪ್ಪುಲೆ ಅಂದ್‌ದ್ ನಿಕ್ಲೆನ್ ಕೇನೊನ್ವೆ.

1 ತಿಮೋಥಿ 3:8

ಅಂಚೆನೇ ಸಭಾಸೇವಕೆರ್‌ ಮಾರ್ಯಾದಿದಾಕುಲು ಆದುಪ್ಪೊಡು ಅತ್ತಂದೆ ಅಕುಲು ರಡ್ಡ್ ಪಾತೆರದಾಕುಲುಲಾ, ಪರ್ಪಿನ ಅಭ್ಯಾಸದಾಕುಲುಲಾ, ದುಡ್ಡುದ ಆಸೆದಾಕುಲುಲಾ ಆದುಪ್ಪಂದೆ;

2 ತಿಮೋಥಿ 3:2

ಜನೊಕುಲು ತನ್ಕುಲೆನೇ ಪ್ರೀತಿ ಮಲ್ಪುನಾಕುಲು, ಕಾಸ್‌ದಾಸೆದಾಕುಲು, ಬೂಟುಲಾ ಹೆಚ್ಚಾಳ್ಮೆ ಇತ್ತಿನಾಕುಲು, ದೂಷಣೆ ಮಲ್ಪುನಾಕುಲು, ಅಪ್ಪೆಅಮ್ಮೆ ಪಂಡಿನೆನ್ ಕೇನಂದಿನಾಕುಲು, ಉಪಕಾರ ಎನ್ನಂದಿನಾಕುಲು, ಅಶುದ್ಧದಾಕುಲು,

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:11

ಮೊಕುಲು ವಾ ತರೊಟುಲಾ ಲಾಭ ಮಲ್ತೊನೊಡಂದ್‌ದ್ ತಪ್ಪು ಬೋಧನೆನ್ ಮಲ್ತ್‌ದ್ ಇಡೀ ಇಲ್ಲ್‌ನೆ ಕಂಕಣೆ ಪಾಡ್ವೆರ್. ಅಕ್ಲೆನ ಬಾಯಿ ಮುಚ್ಚೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 1:7

ಒರಿ ಸಭಾದ್ಯಕ್ಷೆ ದೇವೆರೆ ಇಲ್ಲದ ಪಾರುಪತ್ತೆಗಾರೆ ಆದುಲ್ಲೆ. ಅಂಚಾದ್ ಆಯೆ ದೂರುದಾಂತಿನಾಯೆ ಆದುಪ್ಪೊಡು. ಆಯೆ ಛಲತಾಯೆಲಾ ಎದುರು ಕೋಪ ಮಲ್ಪುನಾಯೆಲಾ ಪರ್ದ್ ಲಡಯಿ ಮಲ್ಪುನಾಯೆಲಾ ಪೆಟ್ಟು ಪಾಡುನಾಯೆಲಾ ದುಡ್ಡುದಾಶೆದಾಯೆಲಾ ಆದುಪ್ಪೆರೆ ಬಲ್ಲಿ.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 2:3

ಅಂಚೆನೇ ಪ್ರಾಯದ ಪೊಂಜೊವುಲೆಗ್ ಇಂಚ ಬೋಧನೆ ಮಲ್ಪುಲ, ಅಕುಲು ಚಾಡಿಗಾರೆರ್, ಪರ್ಪಿ ಅಭ್ಯಾಸೊಗು ಗುಲಾಮೆರ್ ಆದುಪ್ಪಂದೆ, ದೇವಭಕ್ತಿಗ್ ಯೋಗ್ಯಾದ್ ನಡಪುನ ಎಡ್ಡೆ ಬೋಧನೆ ಪನ್ಪಿನಾಕುಲು ಆದುಪ್ಪೊಡು.

ತೀತಗ್ ಅಪೊಸ್ತಲೆ ಪೌಲು ಬರೆತಿ ಪತ್ರಿಕೆ 3:2

ಏರೆನ್ಲಾ ದೂಷಣೆ ಮಲ್ಪಂದೆ, ಲಡಯಿ ಮಲ್ಪಂದೆ, ತಗ್ಗ್‌ತನೊಟು ಮಾತೆರೊಟ್ಟುಗು ಸಮಾಧಾನಿಲಾದ್ ನಡಪಡ್.

ಇಬ್ರಿಯೆರೆಗ್ 13:5

ಕಾಸ್‌ದಾಸೆ ಇಜ್ಜಾಂದಿನಕುಲಾದುಪ್ಪುಲೆ. ನಿಕ್ಲೆಗ್ ಇತ್ತಿನೆಟ್ಟ್ ತೃಪ್ತಿ ಪಡೆಲೆ. “ಯಾನ್ ನಿಕ್ಲೆನ್ ಏಪಲಾ ಕೈ ಬುಡಯೆ, ಏಪಲಾ ಬುಡ್ದು ಪಾಡಯೆ,” ಅಂದ್‌ದ್ ದೇವೆರ್ ತಾನೇ ಪನ್ತೆ.

ಯಾಕೋಬು 4:1

ನಿಕ್ಲೆ ಉಲಯಿ ಲಡಾಯಿಲಾ ಉರ್ಡಾಟಲಾ ದಾಯೆಗ್ ಆಪುಂಡು? ಅವು ನಿಕ್ಲೆನ ಹಾಳ್ ದುರಾಶೆಲೆಡ್ದ್ ಬರ್ಪಿನವು ಅತ್ತಾ?

1 ಪೇತ್ರೆ 5:2

ನಿಕ್ಲೆನ ವಶೊಟು ಕೊರ್ತಿನ ದೇವೆರೆ ಪುಂಡುನು ಕಾಪುಲೆ. ಬಲಾತ್ಕಾರೊಡ್ದು ಅತ್ತ್ ದೀನ ಮನಸ್‌ಡ್ದೇ, ದುಡ್ಡುದ ಆಸೆಡ್ದ್ ಅತ್ತ್, ಯಥಾರ್ಥ ಮನಸ್‌ಡ್ದ್ ಸೇವೆ ಮಲ್ಪುಲೆ.

2 ಪೇತ್ರೆ 2:3

ಅಕುಲು ದುರಾಶೆಡ್ ಕೂಡ್ದಿನಕುಲಾದ್ ನಿಕ್ಲೆನ ದುಡ್ಡುನು ಒಯ್ಪೆರೆಗಾದ್ ಸುಳ್ಳುನು ಕಲ್ಪನೆ ಮಲ್ತ್‌ದ್ ಪನ್ಪೆರ್, ಆಂಡ ದೇವೆರ್ ಅಕ್ಲೆನ್ ಏಪನೇ ದೋಷಿಲಂದ್‌ದ್ ನ್ಯಾಯತೀರ್ಪು ಮಲ್ತ್‌ದೆ. ಬೊಕ್ಕ ಅಕ್ಲೆನ ನಾಶನ ತಡದಾಂತೆ ಬರ್ಪುಂಡು.

ಯೂದೆ 1:11

ಮೊಕುಲು ಮೆಗ್ಯನ್ ಕೆರ್ತಿ ಕಾಯಿನನ ಮಾರ್ಗೊಡು ನಡಪುವೆರ್, ದ್ರವ್ಯ ಸಂಪಾದನೆಗಾದ್ ಬಿಳಾಮನ ತಪ್ಪು ಮಾರ್ಗೊನು ಪತ್ತೊಂದೆರ್, ಕೋರಹ ಲೆಕ್ಕನೇ ದಂಗೆ ಮಲ್ತ್‌ದ್ ನಾಶಾದ್ ಪೋಪೆರ್. ಅಯ್ಯೋ ಮೊಕ್ಲೆನ ಗತಿ ದಾನೆ ಆವು?

ಪ್ರಕಟಣೆ 1:9

ಯೋಹಾನೆ ಪನ್ಪಿ ಯಾನ್, ನಿಕ್ಲೆನ ಸಹೋದ್ರೆಲಾ ಯೇಸುಡ್ದು ದೇವೆರೆ ರಾಜ್ಯೊಗು ಸೇರುನಾಕುಲೆಗ್ ಬರ್ಪಿ ಪೋಪಿನ ಭಂಗೊಲೆಡ್ಲಾ, ತಾಳ್ಮೆ ಸಹನೆಡ್ಲಾ ನಿಕ್ಲೆ ಪಾಲ್‌ದಾರೆ ಆದುಲ್ಲೆ. ಯಾನ್ ದೇವೆರೆ ಪಾತೆರೊನು ಸಾರಿನೆಕ್ಕಾದ್ ಯೇಸುಗಾದ್ ಸಾಕ್ಷಿ ಪಂಡಿನೆಕ್ಕಾದ್ ಪತ್ಮೋಸ್ ದ್ವೀಪೊಡಿತ್ತೆ.