1 ತಿಮೋಥಿ 3:16 - ಪೊಸ ಒಡಂಬಡಿಕೆ

¹⁶ ಉಂದತ್ತಂದೆ ನಂಕ್ ಗೊತ್ತಾಪಿಲೆಕ್ಕ ದೇವಭಕ್ತಿಗ್ ಆಧಾರವಾಯಿನ ಸತ್ಯದ ಗುಟ್ಟು, ಅವು ನಿಜಾದ್ ವಿಶೇಷವಾಯಿನ ಆದುಂಡು ಅಂದ್‌ದ್ ನಮ ಒಪ್ಪಿಯೊನ್ವ. ಕ್ರಿಸ್ತೆ ನರಮಾನಿ ರೂಪೊಡು ತೋಜಿಯೆ, ಆತ್ಮ ಸಮ್ಮಂಧೊಡು ಕ್ರಿಸ್ತೆ ನೀತಿವಂತೆ ಅಂದ್‌ದ್ ತೋಜಾದ್ ಕೊರಿಯೆ. ದೂತೆರೆಗ್ ತೋಜಿಯೆ, ಪಿದಯಿದ ಜನೊಕುಲೆ ನಡುಟು ಆಯನ್ ಸಾರಿಂಡ್, ಲೋಕದಾಕುಲು ಆಯನ್ ನಂಬಿಯೆರ್. ಪರಲೋಕದ ಮೈಮೆಡ್ ಆಯನ್ ಮಿತ್ತ್ ದೆತ್ತೊಂಡೆರ್.

1 ತಿಮೋಥಿ 3:16 Iomraidhean Croise

ಮತ್ತಾಯೆ 1:23

“ಇಂದಾ, ಒಂಜಿ ಕನ್ಯಪೊಣ್ಣು ಬಂಜಿನಾಲಾದ್ ಒಂಜಿ ಬಾಲೆನ್ ಪೆದ್ದುವಲ್. ಆಯಗ್ ಇಮ್ಮಾನುವೇಲ್ ಪಂಡ್ದ್ ಪುದರ್ ದೀಪೆರ್. ನೆತ್ತ ಅರ್ಥ, ‘ದೇವೆರ್ ನಮಡೊಪ್ಪ ಉಲ್ಲೆ,’ ಪಂಡ್ದ್.”

ಮತ್ತಾಯೆ 13:11

ಐಕ್ ಆಯೆ ಅಕ್ಲೆಡ, “ಪರಲೋಕ ರಾಜ್ಯದ ಗುಟ್ಟುಲೆನ್ ತೆರಿಯೊನ್ನ ವರ ನಿಕ್ಲೆಗ್ ಕೊರ್ತುಂಡು; ಅಕ್ಲೆಗ್ ಕೊರ್ತ್‌ಜಿ.

ಮತ್ತಾಯೆ 28:2

ಅಪಗ ಮಲ್ಲ ಭೂಕಂಪ ಆಂಡ್. ಕರ್ತವ ದೂತೆ ಪರಲೋಕೊಡ್ದು ತಿರ್ತ್ ಬತ್ತ್‌ದ್ ಆ ಕಲ್ಲ್‌ನ್ ಬಾಕಿಲ್‌ಡ್ದ್ ಪೊರೆಲ್ಪಾದ್ ಐತ ಮಿತ್ತ್ ಕುಲ್ಲೊಂಡೆ.

ಮತ್ತಾಯೆ 3:16

ಯೇಸು ದೀಕ್ಷಾಸ್ನಾನ ದೆತ್ತೊಂಡಿ ಬೊಕ್ಕ ನೀರ್‌ಡ್ದ್ ಮಿತ್ತ್ ಬತ್ತಿ ಕೂಡ್ಲೆ, ಇಂದಾ, ಆಯಗ್ ಪರಲೋಕ ಜತ್ತ್ಂಡ್, ಬೊಕ್ಕ ದೇವೆರೆ ಆತ್ಮ ಪಾರಿವಾಳದ ರೂಪೊಡು ಆಯನ ಮಿತ್ತ್ ಜಪ್ಪುನೆನ್ ಯೋಹಾನೆ ತೂಯೆ.

ಮತ್ತಾಯೆ 4:11

ಅಪಗ ಸೈತಾನೆ ಆಯನ್ ಬುಡ್ದು ಪೋಯೆ. ಬೊಕ್ಕ ದೂತೆರ್ ಬತ್ತ್‌ದ್ ಆಯಗ್ ಉಪಚಾರ ಮಲ್ತೆರ್.

ಮಾರ್ಕೆ 1:13

ಆಯೆ ನಲ್ಪ ದಿನ ಕಾಡ್‌ಡ್ ಮೃಗೊಕ್ಕುಲೆ ಒಟ್ಟುಗು ಇತ್ತ್‌ದ್ ಸೈತಾನಡ್ದ್ ಶೋಧನೆಗ್ ಒಳಗಾಯೆ, ಬೊಕ್ಕ ದೂತೆರ್ ಆಯಗ್ ಉಪಚಾರ ಮಲ್ತೆರ್.

ಮಾರ್ಕೆ 16:19

ಕರ್ತವೆ ಆಯಿ ಯೇಸು ಅಕ್ಲೆಡ ಪಾತೆರಿ ಬೊಕ್ಕ ಪರಲೋಕೊಗು ಏರ್ದ್ ಪೋದು ದೇವೆರೆ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂಡೆ.

ಮಾರ್ಕೆ 16:5

ಅಕುಲು ಸಮಾಧಿದ ಉಲಯಿ ಪೋನಗ, ಒರಿ ಜವ್ವನೆ ಬೊಲ್ದು ಅಂಗಿನ್ ಪಾಡೊಂದು ಬಲತ್ತ ಮರ್ಗಿಲ್‌ಡ್ ಕುಲ್ಲುದಿನೆನ್ ತೂದು ಪೋಡಿಯೆರ್.

ಲೂಕೆ 2:32

ಆಯೆ ಪಿದಯಿದ ಜನೊಕುಲೆಗ್ ಗೇನ ಮೂಡುನ ಬೊಲ್ಪು, ನಿನ ಜನೊಕುಲಾಯಿ ಇಸ್ರಾಯೇಲ್ಯೆರೆಗ್ ಪುಗರಿಗೆ,” ಅಂದ್‌ದ್ ಪಂಡೆ.

ಲೂಕೆ 20:44

ದಾವೀದೆ ಆಯನ್ ‘ಕರ್ತವೆ’ ಅಂದ್‌ದ್ ಪಂಡಿ ಬೊಕ್ಕ ಆಯೆ ಆಯಗ್ ಮಗೆ ಆಪಿನವು ಎಂಚ?” ಅಂದ್‌ದ್ ಅಕ್ಲೆಡ ಕೇಂಡೆ.

ಲೂಕೆ 22:43

ಅಪಗ ಪರಲೋಕೊಡ್ದು ಬತ್ತಿ ಒರಿ ದೂತೆ ಆಯಗ್ ತೋಜಿದ್ ಆಯನ್ ಬಲ ಪಡೆಪಾಯೆ.

ಲೂಕೆ 24:4

ಅಕುಲು ಗಲಿಬಿಲಿ ಆಯೆರ್. ಅಪಗ ಮಿಂಚುನ ಅಂಗಿ ಪಾಡೊಂದಿತ್ತಿ ಇರ್ವೆರ್ ಅಂಜೊವುಲು ಅಕಸ್ಮತಾದ್ ಅಕ್ಲೆನ ಬರಿಟ್ಟೆ ಉಂತೊಂಡೆರ್.

ಲೂಕೆ 24:51

ಆಶೀರ್ವಾದ ಮಲ್ತೊಂದುಪ್ಪುನಗನೇ ಆಯೆ ಅಕ್ಲೆನ್ ಬುಡ್ದು, ಪರಲೋಕೊಗು ಏರ್ದ್ ಪೋಯೆ.

ಯೋಹಾನೆ 1:14

ಆ ವಾಕ್ಯ ಪನ್ಪಿನಾಯೆ ನರಮಾನಿ ರೂಪೊಡು ನಮ ನಡುಟು ಬದ್‌ಕಿಯೆ. ನಮ ಆಯನ ಮೈಮೆನ್ ತೂಯ. ಆ ಮೈಮೆ ಅಮ್ಮೆರೆಡ್ದ್ ಬತ್ತಿತ್ತಿ ಒರಿಯೇ ಮಗಕ್ಕ್ ಉಪ್ಪೊಡಾಯಿ ಮೈಮೆ. ಆಯೆ ದಯೊಟ್ಲಾ ಸತ್ಯೊಡ್ಲಾ ದಿಂಜಿದಿನಾಯೆ ಆದಿತ್ತೆ.

ಯೋಹಾನೆ 13:3

ಅಮ್ಮೆ ತನ ಕೈಟ್ ಮಾತೆನ್ಲಾ ಕೊರ್ತೆ ಅಂದ್‌ದ್ ತಾನ್ ದೇವೆರೆ ಕಡೆಡ್ದ್ ಬೈದಿನಾಯೆ ಆದ್ ದೇವೆರೆ ಕೈತಲ್‌ ಪೋಪೆ ಪಂಡ್ದ್‌ಲಾ ಯೇಸು ತೆರಿಯೊಂದು

ಯೋಹಾನೆ 15:26

“ಆಂಡ ಅಮ್ಮೆರೆ ಕೈತಲ್‌ಡ್ದ್ ಯಾನ್ ನಿಕ್ಲೆಗಾದ್ ಒರಿ ಆದರಿಪುನಾಯನ್ ಕಡಪುಡ್ದು ಕೊರ್ಪೆ. ಆ ಸತ್ಯದ ಆತ್ಮೆ ಅಮ್ಮೆರೆಡ್ದ್ ಬತ್ತಿ ಬೊಕ್ಕ ಎನ ಸಂಗತಿಡ್ ಸಾಕ್ಷಿ ಕೊರ್ಪೆ.

ಯೋಹಾನೆ 16:28

ಅಮ್ಮೆರೆ ಕೈತಲ್‌ಡ್ದ್ ಪಿದಾಡ್ದ್ ಈ ಲೋಕೊಗು ಬೈದೆ. ನನ ಈ ಲೋಕೊನು ಬುಡ್ದು ಎನ ಅಮ್ಮೆರೆ ಕೈತಲ್‌ ಪೋಪೆ,” ಪಂಡೆ.

ಯೋಹಾನೆ 17:5

ಅಮ್ಮೆರೇ, ಈ ಎನನ್ ಮೈಮೆ ಪಡೆಪಾಲ ಲೋಕ ಉಂಡಾಪಿನೆಕ್ಕ್ ದುಂಬು ನಿನ ಕೈತಲ್ ಎಂಕಿತ್ತಿ ಮೈಮೆಡ್ದೇ ಎನನ್ ಇತ್ತೆ ಮೈಮೆ ಪಡೆಪಾಲ.

ಯೋಹಾನೆ 20:12

ಬೊಲ್ದು ಕುಂಟು ತುತ್ತುದಿತ್ತಿನ ಇರ್ವೆರ್ ದೂತೆರೆನ್ ತೂಯಲ್. ಅಕುಲು ಯೇಸುನ ಶರೀರ ದೀದಿತ್ತಿನಲ್ಪ ಒರಿ ದೂತೆ ತರೆದಲ್ಪ, ಬೊಕ್ಕೊರಿ ದೂತೆ ಕಾರ್‌ದಲ್ಪ ಕುಲ್ಲುದಿತ್ತೆರ್.

ಯೋಹಾನೆ 6:62

ಅಪಗಾಂಡ ನರಮಾನಿ ಮಗೆ ತಾನ್ ಸುರು ಇತ್ತಿ ನಡೆಗೇ ಏರ್ದ್ ಪೋಪಿನೆನ್ ನಿಕುಲು ತೂಯರ್ಡ, ದಾನೆ ಎನ್ನ್‌ವರ್?

ಅಪೊ.ಕ್ರಿ 1:19

ನೆತ್ತ ವಿಷಯ ಯೆರೂಸಲೇಮುದ ಮಾತ ಜನೊಕುಲೆಗ್ ತೆರಿದ್ ಬತ್ತಿನೆಡ್ದ್ ಆ ಕಂಡೊಗು ಅಕ್ಲೆನ ಪಾತೆರೊಡು ಅಕೆಲ್‌ದಮಾ, ಪಂಡ್ಂಡ, ‘ನೆತ್ತೆರ್‌ದ ಕಂಡ,’ ಅಂದ್‌ದ್ ಪುದರ್ ದೀಯೆರ್.

ಅಪೊ.ಕ್ರಿ 10:34

ಅಪಗ ಪೇತ್ರೆ ಬೋಧನೆ ಮಲ್ಪೆರೆ ಸುರು ಮಲ್ತ್‌ದ್ ಇಂಚ ಪಂಡೆ, “ನಿಜಾದ್ ದೇವೆರ್ ಪಕ್ಷಪಾತ ಮಲ್ಪುನಾಯೆ ಅತ್ತ್

ಅಪೊ.ಕ್ರಿ 14:27

ಅಲ್ಪ ಸಭೆನ್ ಕೂಡಾದ್ ದೇವೆರ್ ತನ್ಕುಲೆ ಒಟ್ಟುಗಿತ್ತ್‌ದ್ ಮಲ್ತಿನ ಮಾತೆನ್ಲಾ ಆಯೆ ಪಿದಯಿದ ಜನೊಕುಲೆಗ್ ನಂಬಿಕೆದ ಬಾಕಿಲ್‌ನ್ ಜತ್ತ್‌ದಿನೆನ್ಲಾ ವಿವರಿಸಾದ್ ಪಂಡೆರ್.

ಅಪೊ.ಕ್ರಿ 20:28

ದೇವೆರ್ ಸ್ವಂತ ನೆತ್ತೆರೆಡ್ದ್ ಪಡೆವೊಂದಿನ ಸಭೆಕ್ ನಿಕುಲು ಕುರುಬೆರಾದ್ ಉಲ್ಲರ್. ಐಡ್ದಾವರ ನಿಕ್ಲೆನ ಸಂಗತಿಡ್ಲಾ ಪರಿಶುದ್ಧಾತ್ಮೆ ನಿಕ್ಲೆನ ಪಾಲನೆ ವೈಸೊಂದಿನ ಪುಂಡುದ ಸಂಗತಿಡ್ಲಾ ಮಸ್ತ್ ಎಚ್ಚರಿಕೆಡ್ ಉಪ್ಪುಲೆ.

ರೋಮಾಯೆರೆಗ್ 10:12

ಉಂದು ಮಾತೆರೆಗ್ಲಾ ಸೇರುನ ಪಾತೆರ ದಾಯೆಗಂದ್ಂಡ ಯೆಹೂದ್ಯೆರೆಗ್ಲಾ ಗ್ರೀಕೆರೆಗ್ಲಾ ವಾ ಭೇದಲಾ ಇಜ್ಜಿ. ದೇವೆರ್ ಮಾತೆರೆಗ್ಲಾ ಕರ್ತವೆ ಆದುಲ್ಲೆ, ಬೊಕ್ಕ ಆಯಡ ನಟ್ಟೊನುನ ಪ್ರತಿ ಒರಿಯನ್ಲಾ ವಿಶೇಷ ಆದ್ ಆಶೀರ್ವದಿಪುವೆ.

ರೋಮಾಯೆರೆಗ್ 10:18

ಆಂಡ ಯಾನ್ ಕೇನ್ವೆ: ಅಕುಲು ಸುವಾರ್ತೆನ್ ಕೇನುಜೆರ್ ಪನ್ಪಿನವು ಸತ್ಯನಾ? ಅಕುಲು ಕಂಡಿತಾದ್‌ಲಾ ಕೇಂಡ್ದೆರ್ ದಾಯೆಗಂದ್ಂಡ ಶಾಸ್ತ್ರೊಡು ಬರೆತ್ಂಡ್ “ಸಾರಿಯುನಾಕುಲೆ ಸ್ವರ ಇಡೀ ಲೋಕೊಗು ಪಸರ್ಂಡ್; ಅಕ್ಲೆ ಪಾತೆರ ಭೂಮಿದ ಕಡೆ ಮುಟ್ಟ ಮುಟ್ಟುಂಡು.”

ರೋಮಾಯೆರೆಗ್ 16:25

ದೇವೆರೆಗ್ ಮೈಮೆ ಆವಡ್. ಪಿರಾಕ್‌ದ ಕಾಲೊಲೆಡ್ ವರ್ಸಾನುಗಟ್ಟಲೆ ಮದೆ ಆದಿತ್ತಿನ ಮರ್ಮೊಲು ಇತ್ತೆ ತೋಜಿದ್ ಬತ್ತಿಲೆಕ್ಕ, ಯಾನ್ ನಿಕ್ಲೆಗ್ ಸಾರಿನ ಯೇಸು ಕ್ರಿಸ್ತನ ಸುವಾರ್ತೆಗ್ ತಕ್ಕ ನಿಕ್ಲೆಡ್ ಉಂಡಾಯಿನ ನಂಬಿಕೆಡ್ ಸ್ಥಿರಾದ್ ಉಂತುಲೆ. ಇತ್ತೆ ಆ ಮರ್ಮ ಪ್ರವಾದಿಲೆ ಬರವುಡ್ದ್ ತೆರಿದ್ ಬತ್ತ್ಂಡ್. ಬೊಕ್ಕ ಮಾತ ಜನಾಂಗೊಲುಲಾ ಅವೆನ್ ಕೇನುಲೆಕ್ಕಲಾ ಐಕ್ ತಗ್ಗ್‌ದಿನಾಕುಲಾದ್ ಉಪ್ಪುಲೆಕ್ಕಲಾ ನಿತ್ಯ ದೇವೆರೆ ಅಪ್ಪಣೆಡ್ದ್‌ಲಾ ಅವು ಮಾತೆರೆಗ್ ತೋಜಿದ್ ಬತ್ತ್ಂಡ್.

ರೋಮಾಯೆರೆಗ್ 3:4

ಮಾತ ನರಮಾನಿಲು ಸುಳ್ಳುಗಾರೆರಾಂಡಲಾ ದೇವೆರ್ ಸತ್ಯವಂತೆನೇ ಸರಿ, “ನಿನ ಮಾತ ಪಾತೆರೊಡುಲಾ ಈ ನೀತಿವಂತಲೆಕ್ಕ ತೋಜಿದ್ ಬರೊಡು; ನಿನ ಮಿತ್ತ್ ವ್ಯಾಜ್ಯ ನಡಪುನಗ ಈ ಗೆಂದೊಡು,” ಪಂಡ್ದ್ ಬರೆತ್ಂಡ್.

ರೋಮಾಯೆರೆಗ್ 8:3

ಶರೀರಭಾವ ಬಲಹೀನ ಆದುಪ್ಪುನೆಡ್ದ್ ನ್ಯಾಯಕಟ್ಟ್‌ಗ್ ಮಲ್ಪೆರೆ ಆವಂದಿನೆನ್ ದೇವೆರೆ ಮಲ್ತೆ. ಆಯೆ ತನ ಸ್ವಂತ ಮಗನೇ ಕಡಪುಡ್ದು ಶರೀರಭಾವೊಡೇ ಉಪ್ಪು ಪಾಪೊನು ಖಂಡಿಸಾಯೆ; ಆಯೆ ನಮ ಪಾಪದ ಸ್ವಭಾವದಂಚಿನ ಸ್ವಭಾವೊಡೇ ಬತ್ತ್‌ದ್ ಪಾಪೊನು ದೆತ್ತ್‌ದ್ ಪಾಡಿಯೆ.

ರೋಮಾಯೆರೆಗ್ 9:5

ಅಬ್ರಹಾಮು, ಇಸಾಕ್, ಯಾಕೋಬೆರ್ ಅಕ್ಲೆನ ಪಿತೃಲೇ. ಕ್ರಿಸ್ತೆ ಶರೀರ ಸಂಬಂಧೊಡು ಅಕ್ಲೆನ ವಂಶೊಡೇ ಪುಟ್ಟಿಯೆ. ಆಯೆ ಮಾತೆತ್ತ ಮಿತ್ತ್ ಅಧಿಕಾರದಾಯೆಲಾ ಏಪೊಗ್ಲಾ ಸ್ತುತಿ ಹೊಂದಿಯೆರೆ ತಕ್ಕ ಇತ್ತಿನಾಯೆಲಾ ದೇವೆರ್‌ಲಾ ಆದುಲ್ಲೆ. ಆಮೆನ್.

1 ಕೊರಿಂಥ್ಯೆರೆಗ್ 15:47

ಸುರುತ್ತ ನರಮಾನಿ ಭೂಮಿದ ಮಣ್ಣ್‌ಡ್ದ್ ಉಂಡಾಯಿನಾಯೆ, ರಡ್ಡನೆ ನರಮಾನಿ ಪಂಡ ಕ್ರಿಸ್ತೆ ಪರಲೋಕೊಡ್ದು ಬೈದಿನಾಯೆ.

1 ಕೊರಿಂಥ್ಯೆರೆಗ್ 2:7

ಈತ್‌ನೆಟ್ಟ ಮದೆ ಆದಿತ್ತಿನ ದೇವೆರೆ ಗೇನೊನೇ ಪಾತೆರ್‌ವ; ಅವು ಒವ್ವು ಪಂಡ ನಮ ಮೈಮೆಗಾದ್ ಯುಗೊಲೆಡ್ದ್ ದುಂಬೇ ನೇಮಕ ಮಲ್ತ್‌ದ್ ಮದೆ ಮಲ್ತಿನ ಗೇನನೇ ಆದುಂಡು.

2 ಕೊರಿಂಥ್ಯೆರೆಗ್ 1:19

ಯಾನ್, ಸಿಲ್ವಾನೆ, ತಿಮೋಥಿ ನಿಕ್ಲೆಡ್ ಪ್ರಚಾರ ಮಲ್ತಿನ ದೇವೆರೆ ಮಗೆ ಆದುಪ್ಪು ಯೇಸು ಕ್ರಿಸ್ತೆ ಒಂಜಿ ಕ್ಷಣೊಟು “ಅಂದ್,” ಬೊಕ್ಕೊಂಜಿ ಕ್ಷಣೊಟು “ಅತ್ತ್,” ಪಂಡ್ದ್‌ಲಾ ಇತ್ತ್‌ಜಿ. ಯೇಸು ಕ್ರಿಸ್ತಡ್ ಏಪಲಾ “ಅಂದ್,” ಪಂಡ್ದೇ ಇತ್ತ್ಂಡ್.

ಗಲಾತ್ಯೆರೆಗ್ 2:8

ದಾಯೆಗಂದ್ಂಡ ಸುನ್ನತಿದಾಕುಲೆಗ್ ಅಪೊಸ್ತಲ ಕೆಲಸೊನು ಪೇತ್ರಗ್ ಒದಗಾಯಿನ ದೇವೆರ್ ಎಂಕ್‌ಲಾ ಪಿದಯಿದ ಜನೊಕುಲೆಗ್ ಸುವಾರ್ತೆ ಸಾರಿಯುನ ಕೆಲಸೊನು ಒದಗಾಯೆ.

ಗಲಾತ್ಯೆರೆಗ್ 4:4

ಆಂಡ ಕಾಲ ದಿಂಜಿದ್ ಬನ್ನಗ ದೇವೆರ್ ತನ ಮಗನ್ ಕಡಪುಡ್ದು ಕೊರಿಯೆ. ನ್ಯಾಯಕಟ್ಟ್‌ಗ್ ಒಳಗಾದ್ ಒಂಜಿ ಪೊಂಜೊವುಡು ಪುಟ್ಟುದು ಬರ್ಪಿಲೆಕ್ಕ ಮಲ್ತೆ.

ಎಫೆಸ್ಯೆರೆಗ್ 1:9

ಬೊಕ್ಕ ದೇವೆರೆನ ಉಲಯಿದ ಚಿತ್ತದ ಗುಟ್ಟುನು ಆಯನ ಇಷ್ಟದ ಪ್ರಕಾರ ಕ್ರಿಸ್ತಡ್ ನಂಕ್ ದುಂಬೇ ತೋಜಾದ್ ಕೊರಿಯೆ.

ಎಫೆಸ್ಯೆರೆಗ್ 6:19

ಯಾನ್ ಬಾಯಿ ಜಪ್ಪುನಗ ಪೂರ್ವಕಾಲೊಡು ದೆಂಗ್‌ದಿತ್ತಿನ ಸುವಾರ್ತೆದ ಸತ್ಯೊನು ಧೈರ್ಯೊಡು ತೆರಿಪಾವೆರೆ ದೇವೆರ್ ಎಂಕ್ ಒದಗಾದ್ ಕೊರಡ್ ಪಂಡ್ದ್‌ಲಾ ಪ್ರಾರ್ಥನೆ ಮಲ್ಪುಲೆ.

ಕೊಲೊಸ್ಸಿಯೆರೆಗ್ 1:23

ಆಂಡ ನಿಕುಲು ಬಾನದ ತಿರ್ತ್ ಉಪ್ಪು ಮಾತ ಸೃಷ್ಟಿಗ್ ಸಾರಿನ ಸುವಾರ್ತೆಡ್ದ್ ಉಂಡಾಯಿನ ಭರವಸೆನ್ ಬುಡ್ದು ಪೋವಂದೆ ಪಾಡ್ದಿ ಪಂಚಾಂಗದ ಮಿತ್ತ್ ಸ್ಥಿರಾದಿತ್ತ್‌ದ್ ನಂಬಿಕೆಡ್ ನಿಲೆ ಆದಿತ್ತರ್ಡ ಆ ಸ್ಥಾನ ನಿಕ್ಲೆಗ್ ಒದಗ್‌ದ್ ಬರ್ಪುಂಡು. ಪೌಲು ಇನ್ಪಿ ಯಾನ್ ಸುವಾರ್ತೆದ ಸೇವಕೆ ಆದುಲ್ಲೆ.

ಕೊಲೊಸ್ಸಿಯೆರೆಗ್ 1:27

ದಾಯೆಗಂದ್ಂಡ ಕ್ರಿಸ್ತನ ಮೈಮೆಲಾ ಐಶ್ವರ್ಯಲಾ ಪಿದಯಿದ ಜನೊಕುಲೆಗ್ಲಾ ಉಂಡು ಇನ್ಪಿನೆನ್ ಅಕುಲುಲಾ ತೆರಿಯೊನೊಡು ಅಂದ್‌ದ್ ದೇವೆರ್ ಬಯಕಿಯೆ. ಈ ಮರ್ಮ ದಾನೆಂದ್ಂಡ ಕ್ರಿಸ್ತೆ ನಿಕ್ಲೆಡೊಪ್ಪ ಇತ್ತ್‌ದ್ ಮೈಮೆದ ನಿರೀಕ್ಷೆಗ್ ಉಪ್ಪುನವೇ.

ಕೊಲೊಸ್ಸಿಯೆರೆಗ್ 1:6

ನಿಕುಲು ಸತ್ಯೊಡು ದೇವೆರೆ ದಯೊನು ಕೇಂಡ್ದ್ ಅರ್ಥ ಮಲ್ತೊಂದಿನ ದಿನೊಡ್ದಿಂಚಿ, ಈ ಸುವಾರ್ತೆ ಫಲ ಕೊರ್ದು ಬುಲೆಪುಲೆಕ್ಕನೇ ಇಡೀ ಲೋಕೊಡು ದಿಂಜಿದ್ ಫಲ ಕೊರ್ದು ಬುಲೆವೊಂದುಂಡು.

ಕೊಲೊಸ್ಸಿಯೆರೆಗ್ 2:2

ದಾಯೆಗಂದ್ಂಡ, ನಿಕುಲು ಮಾತೆರ್ಲಾ ಪ್ರೀತಿಡ್ ಒಂಜಾದಿತ್ತ್‌ದ್ ಬುದ್ಧಿಡ್ ದಿಂಜಿದ್ ನಿಚ್ಚಯ ಇನ್ಪಿನ ಭಾಗ್ಯೊನು ಪಡೆವೊಂದು ದೇವೆರ್ ತೋಜಾದ್ ಕೊರಿ ಗುಟ್ಟುನು ಅಂದ್ಂಡ, ತನಡೇ ಬುದ್ಧಿಗ್ಲಾ ಗೇನೊಗ್ಲಾ ಸಮ್ಮಂಧವಾಯಿನ ಸಂಪೊತ್ತು ಮಾತೆನ್ಲಾ ಪಡೆಯೊಂದಿ ಕ್ರಿಸ್ತನ್ ತೆರಿಯೊಂಡಿನೆಕ್ಕಾದ್ ಉಡಲ್‌ಡ್ ಸ್ಥಿರ ಆದ್ ಉಪ್ಪೊಡಿನ್ಪಿನ ಉತ್ತೇಜನ ಎಂಕುಂಡು.

2 ಥೆಸಲೋನಿಕೆರೆಗ್‌ 1:10

ಆ ದಿನೊಟು ಆಯೆ ತನ ಪರಿಶುದ್ಧವಂತೆರೆಡ್ ಮೈಮೆ ಪಡೆವೊಂದು ಮಾತ ನಂಬುನಾಕುಲೆಗ್ ಮೆಚ್ಚಿಗೆದಾಯೆ ಆದ್ ತೋಜಿದ್ ಬರುವೆ. ಇಂಚ ಉಪ್ಪುನಗ ಎಂಕುಲು ಕೊರಿ ಸಾಕ್ಷಿನ್ ನಂಬಿ ನಿಕುಲುಲಾ ಅಕ್ಲೆಡೊಪ್ಪ ಉಪ್ಪರ್.

2 ಥೆಸಲೋನಿಕೆರೆಗ್‌ 2:7

ಅನ್ಯಾಯ ಇತ್ತೆಲಾ ಗುಟ್ಟುಡು ನಡತೊಂದು ಉಂಡು. ಉಂದೆಕ್ಕ್ ಅಡ್ಡಿ ಮಲ್ಪುನಾಯನ್ ದೆತ್ತೊನುನ ಮುಟ್ಟ ಅನ್ಯಾಯದ ಕೆಲಸೊನು ಆಯೆ ಗುಟ್ಟುಡೆ ಮಲ್ತೊಂದುಪ್ಪುವೆ.

1 ತಿಮೋಥಿ 3:9

ನಂಬುದು ಅರ್ಥ ಮಲ್ತೊಂದಿನ ಸತ್ಯದ ಗುಟ್ಟುನು ಶುದ್ಧ ಮನಸಾಕ್ಷಿಡ್ ಕಾತೊನುನಾಕುಲು ಆದುಪ್ಪೊಡು.

ಇಬ್ರಿಯೆರೆಗ್ 1:3

ಇಂಬೆ ದೇವೆರೆ ಮೈಮೆದ ಬೊಲ್ಪುಲಾ ಆಯ ಸ್ವಭಾವದ ಪ್ರತಿರೂಪಲಾ ಆದಿತ್ತ್‌ದ್ ತನ ಬಾಯಿ ಪಾತೆರದ ಶಕ್ತಿಡ್ದ್ ಮಾತೆಕ್ ಆಧಾರ ಆದುಲ್ಲೆ. ಆಯೆ ಜನೊಕುಲೆನ್ ಪಾಪೊಲೆಡ್ದ್ ಶುದ್ಧ ಮಲ್ತಿ ಬೊಕ್ಕ ಪರಲೋಕೊಡು ಮಲ್ಲಾದಿಗೆದ ಸ್ಥಾನೊಡು ದೇವೆರೆ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂಡೆ.

ಇಬ್ರಿಯೆರೆಗ್ 7:7

ಆಶೀರ್ವಾದ ಕೊರ್ಪಿನಾಯೆ ಕಂಡಿತಾದ್‌ಲಾ ಆಶೀರ್ವಾದ ದೆತ್ತೊನುನಾಯಡ್ದ್ ಮಲ್ಲಾಯೆ. ಉಂದೆಟ್ಟ್ ದಾಲಾ ಬೇತೆ ಪಾತೆರ ಇಜ್ಜಿ.

ಇಬ್ರಿಯೆರೆಗ್ 8:1

ಎಂಕುಲು ಇತ್ತೆ ಪನ್ಪಿ ಸಂಗತಿಲೆಡ್ ಮುಖ್ಯವಾಯಿನ ಪಾತೆರ ದಾನೆಂದ್ಂಡ, ಪರಲೋಕದುಲಯಿ ಘನ ಇತ್ತಿ ದೇವೆರೆ ಗದ್ದಿಗೆದ ಬಲತ್ತ ಮರ್ಗಿಲ್‌ಡ್ ಕುಲ್ಲೊಂದಿ ಪ್ರಧಾನಯಾಜಕೆ ನಂಕುಲ್ಲೆ.

1 ಪೇತ್ರೆ 1:12

ದೇವೆರ್ ಪ್ರವಾದಿಲೆಗ್ ತೆರಿಪಾಯಿನ ಪಾತೆರೊಲು ಅವು ಅಕ್ಲೆಗಾದ್ ಅತ್ತ್, ನಿಕ್ಲೆಗಾದೇ ಪನ್ಪಿನವು ಅಂದ್‌ದ್ ದೇವೆರ್ ಅಕ್ಲೆಗ್ ತೋಜಾದ್ ಕೊರಿಯೆರ್. ಆಂಡ ಇತ್ತೆ ಆ ಸುವಾರ್ತೆ ಪರಲೋಕೊಡ್ದು ಕಡಪುಡುದಿ ಪರಿಶುದ್ಧಾತ್ಮನ ಬಲೊಟು ನಿಕ್ಲೆಗ್ ಸಾರಿಯೆರ್. ದೂತೆರ್‌ಲಾ ಈ ಸಂಗತಿಲೆನ್ ಗೇನ ಕೊರ್ದು ತೂವೊಡು; ಅಂದ್‌ದ್ ಬಯಕೊಂದಿತ್ತೆರ್.

1 ಪೇತ್ರೆ 1:20

ಲೋಕ ಉಂಡಾಪಿನೆಡ್ದ್ ದುಂಬೇ ದೇವೆರ್ ಆಯನ್ ಅಜತ್‌ದ್ ನಿಕ್ಲೆಗ್ ಬೋಡಾದ್ ಕಡೆ ಕಾಲೊಡು ತೋಜಾದ್ ಕೊರಿಯೆ.

1 ಪೇತ್ರೆ 1:21

ನಿಕುಲು ಯೇಸು ಕ್ರಿಸ್ತಡ್ದ್ ದೇವೆರೆನ್ ನಂಬುನಾಕುಲು ಆಯರ್. ಆಯನ್ ಸೈತಿನಾಕುಲೆಡ್ದ್ ಲಕ್ಕಾಯಿನೆಡ್ದ್ ದೇವೆರೆಗ್ ಮೈಮೆ ಆಂಡ್, ಐಡ್ದಾವರ ನಿಕ್ಲೆ ನಂಬಿಕೆಲಾ ನಿರೀಕ್ಷೆಲಾ ದೇವೆರೆ ಮಿತ್ತ್ ನಿಲೆ ಆದುಪ್ಪುಂಡು.

1 ಪೇತ್ರೆ 3:18

ಕ್ರಿಸ್ತೆಲಾ ನೀತಿವಂತೆ ಆದಿತ್ತ್‌ದ್ ನೀತಿಕೆಟ್ಟಿನಾಕುಲೆಗ್ ಬೋಡಾದ್ ತನ ಪ್ರಾಣೊನು ಕೊರ್ದು ಅಕ್ಲೆನ್ ದೇವೆರೆ ಕೈತಲ್‌ ಸೇರಾಯೆರೆಗಾದ್ ಅಕ್ಲೆ ಪಾಪೊನು ದೆಪ್ಪೆರೆ ಬೇನೆ ತಿಂದ್‌ದ್ ಒಂಜೇ ಸರ್ತಿ ತನ ಪ್ರಾಣೊನು ಕೊರಿಯೆ. ಆಯೆ ಶರೀರೊಡು ಸೈತೆ; ಆಂಡ ಆತ್ಮೊಡು ಕುಡೊರ ಬದುಕುನಾಯೆ ಆದುಲ್ಲೆ.

1 ಪೇತ್ರೆ 3:22

ಇತ್ತೆ ಆಯೆ ಪರಲೋಕೊಗು ಪೋದು ದೇವೆರೆ ಬಲತ್ತ ಮರ್ಗಿಲ್‌ಡ್ ಉಲ್ಲೆ. ದೂತೆರ್, ಅಧಿಕಾರಿಲು, ಶಕ್ತಿಲು ಮಾತಲಾ ಆಯಗ್ ಒಳಗಾದುಂಡು.

1 ಯೋಹಾನೆ 1:2

ಆ ಜೀವ ಎಂಕ್ಲೆಗ್ ತೋಜಿದ್ ಬತ್ತ್ಂಡ್; ಎಂಕುಲು ಆಯನ್ ತೂಯ, ಬೊಕ್ಕ ಆಯನ ಸಂಗತಿಡ್ ಸಾಕ್ಷಿ ಪನ್ತ. ಆಯೆ ಪರಲೋಕೊಡು ಅಮ್ಮೆರೆಡೊಪ್ಪ ಇತ್ತ್‌ದ್, ಎಂಕ್ಲೆಗ್ ತೋಜಿದ್ ಬತ್ತಿನ ನಿತ್ಯಜೀವೊನು ಇತ್ತೆ ನಿಕ್ಲೆಗ್ ತೆರಿಪಾವ.

1 ಯೋಹಾನೆ 3:5

ಪಾಪೊಲೆನ್ ದೆತ್ತ್ ಪಾಡೆರೆಗಾದ್ ಕ್ರಿಸ್ತೆ ತೋಜಿದ್ ಬತ್ತೆ ಅಂದ್‌ದ್ ನಿಕ್ಲೆಗ್ ತೆರಿದುಂಡು; ಆಂಡ ಆಯಡ ಪಾಪ ಇಜ್ಜಿ.

1 ಯೋಹಾನೆ 3:8

ಏರಾಂಡಲಾ ಪಾಪ ಮಲ್ತೊಂದೇ ಇತ್ತೆರ್ಡ ಅಕುಲು ಸೈತಾನಗ್ ಸೇರ್ದಿನಾಕುಲು ಅಂದ್‌ದ್ ತೋಜಿದ್ ಬರ್ಪುಂಡು. ಸೈತಾನೆ ಆದಿಡ್ದಿಂಚಿಲಾ ಪಾಪ ಮಲ್ತೊಂದೇ ಇತ್ತೆ. ಆಂಡ ದೇವೆರೆ ಮಗೆ ಸೈತಾನನ ಕಾರ್ಯೊಲೆನ್ ನಾಶ ಮಲ್ಪೆರೆಗಾದ್ ಬತ್ತೆ.

ಪ್ರಕಟಣೆ 17:5

ಆಲೆನ ಮುಂಡೊಡು, “ಬಾಬೆಲ್ ಪನ್ಪಿ ಮಲ್ಲ ಪಟ್ಟಣ, ಭೂಮಿಡುಪ್ಪು ಸೂಳೆಲೆಗ್ಲಾ ಭೂಮಿದ ಅಶುದ್ಧ ಕಾರ್ಯೊಲೆಗ್ಲಾ ಅಪ್ಪೆ,” ಪನ್ಪಿ ಅರ್ಥೊನು ತೆರಿಪಾವು ಪುದರ್ ಬರೆದಿತ್ತ್‌ಂಡ್.

ಪ್ರಕಟಣೆ 17:7

ಅಪಗ ಆ ದೂತೆ ಎಂಕ್ ಪಂಡಿನಿ, “ಈ ದಾಯೆಗ್ ಅಚ್ಚಿರ ಬುಡ್ಪ? ಈ ಪೊಂಜೊವುನಲಾ ಆಲೆನ ವಾಹನ ಆದಿತ್ತ್‌ದ್ ಏಳ್‌ ತರೆಲಾ ಪತ್ತ್ ಕೊಂಬುಲಾ ಇತ್ತಿ ಮೃಗೊಡ್ದು ತೆರಿದ್ ಬರ್ಪಿ ಗುಟ್ಟುನು ಯಾನ್ ನಿಕ್ಕ್ ತೆರಿಪಾವೆ.

ಪ್ರಕಟಣೆ 7:9

ಉಂದೆಡ್ದ್ ಬೊಕ್ಕ ಯಾನ್ ಏರೆಡಲಾ ಗೆನ್ಪೆರೆ ತೀರಂದಿನಾತ್ ಮಲ್ಲ ಜನೊಕುಲೆ ಗುಂಪು ಗದ್ದಿಗೆದ ಎದುರುಡ್ಲಾ ಯಜ್ಞದ ಕುರಿತ ಕಿನ್ನಿದ ಎದುರುಡ್ಲಾ ಉಂತುದಿತ್ತಿನೆನ್ ತೂಯೆ. ಅಕುಲು ಮಾತ ಜನಾಂಗ, ಗೋತ್ರ, ಪ್ರಜೆ, ಭಾಷೆ, ಪಾತೆರುನಾಕುಲು ಆದಿತ್ತೆರ್. ಅಕುಲು ಬೊಲ್ದು ಅಂಗಿನ್ ಪಾಡೊಂದು ತನ್ಕುಲೆ ಕೈಟ್ ಖರ್ಜೂರದ ಗೆಲ್ಲ್‌ಲೆನ್ ಪತ್ತೊಂದಿತ್ತೆರ್.